សុខភាព
អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ
ស្របគ្នាជាមួយការពាក់ម៉ាស និងរក្សាគម្លាត ការលាងដៃជាមួយអាល់កុល ជែល ឬសាប៊ូ និងទឹកស្អាត ជាវិធីចាំបាច់សម្រាប់ការពារយើងឆ្លងវីរុសកូវីដ-១៩ ដែលនេះជាការណែនាំពីក្រសួងសុខាភិបាល និងអង្គការសុខភាពពិភពលោក (WHO)។ ប៉ុន្តែ ចំពោះការឲ្យអាអូនតូចៗប្រើអាល់កុល ឬជែលលាងដៃ ត្រូវបានអ្នកជំនាញអះអាងថា មិនមានសុវត្ថិភាពចំពោះក្មេង និងមិនគួរឲ្យក្មេងប្រើទេ។
![Hand Sanitizers: Keep Children Safe from Poisoning Risk - HealthyChildren.org](https://www.healthychildren.org/SiteCollectionImagesArticleImages/family-around-the-neighbourhood.jpg?RenditionID=5)
ហេតុអ្វីបានទារក និងកូនក្មេងមិនអាចប្រើអាល់កុល ឬជែលលាងដៃបាន?
វាជារឿងចាំបាច់ដល់ម៉ាក់ប៉ាគួរដឹងថា យើងមិនគួរឲ្យកូនតូចយើងប្រើ ឬលេងជាមួយជែល ឬអាល់កុលលាងដៃទេ។ ព្រោះកូនក្មេងអាចពុលនឹងជាតិអាល់កុលផ្ទុកក្នុងជែលលាងដៃបាន ពិសេសបើអាអូនជ្រុលផឹកអាល់កុលនោះ។ នេះបើតាមការលើកឡើងរបស់ American Academy of Pediatrics (AAP)។
យោងតាមលោកស្រី Patricia Garcia ឯកទេសជំងឺកុមារនៃមជ្ឈមណ្ឌលវេជ្ជសាស្ត្រកុមារ Connecticut នៃសហរដ្ឋអាមេរិក ឲ្យដឹងថា សូម្បីតែកូនក្មេងដាក់ដៃចូលមាត់ ឬបៀមដៃក្រោយពេលលាងដៃហើយអាចបណ្ដាលឲ្យក្មេងពុលនឹងអាល់កុលបាន ពិសេសបើកូនដាក់ដៃចូលមាត់ពេលដៃនៅសើមពីជាតិអាល់កុលនោះ។
![Premium Photo | Asian mom using alcohol antiseptic gel for cleaning baby hands. coronavirus disinfection](https://image.freepik.com/free-photo/asian-mom-using-alcohol-antiseptic-gel-cleaning-baby-hands-coronavirus-disinfection_35892-798.jpg)
ជែល ឬទឹកអាល់កុលលាងដៃខ្លះផលិតឡើងសម្រាប់កុមារប្រើ ក៏ប៉ុន្តែភាគច្រើនវាមិនមានផ្ទុកជាតិអាល់កុលទេ ជាហេតុបណ្ដាលឲ្យវាគ្មានប្រសិទ្ធភាពទប់ទល់នឹងពពួកបាក់តេរី និងវីរុសផ្សេងៗរួមទាំងវីរុស SARS-CoV-2 ដែរ។ បន្ថែមពីលើនេះ ជែល ឬទឹកអាល់កុលសម្រាប់កុមារមានផ្ទុកសារធាតុ Benzalkonium chloride ដែលអាចធ្វើឲ្យពុលបានបើលេបចូលក្នុងខ្លួន។
AAP បានឲ្យទៀតថា កូនក្មេងមានអាយុលើ២៤ខែ អាចប្រើជែល ឬអាល់កុលលាងដៃបាន ប៉ុន្តែក្នុងលក្ខខណ្ឌដែលម៉ាក់ប៉ាអាចចាំឃ្លាំមើលកូនបានដិតដល់។ ផ្ទុយទៅវិញ បើតាមលោកស្រី Patricia Garcia ក្មេងៗដែលមានអាយុក្រោម៥ឆ្នាំត្រូវឃ្លាំមើលឲ្យបានដិតដល់មែនទែន រាល់ពេលប្រើជែល ឬអាល់កុលលាងដៃរួច ដើម្បីចៀសវាងអាអូនបៀមដៃ បណ្ដាលឲ្យពុលបាន។
![Hand Washing: A Powerful Antidote to Illness - HealthyChildren.org](https://www.healthychildren.org/SiteCollectionImagesArticleImages/Mother-helping-daughter-wash-hands.jpg?RenditionID=5)
បើយើងចង់ការពារកូនពីបញ្ហាពុលអាល់កុលដោយសារលាងដៃសម្អាត វិធីដែលមានសុវត្ថិភាពនោះគឺ លាងសម្អាតដៃកូនជាមួយសាប៊ូ និងទឹកស្អាត រួចជូតសម្អាតដៃកូនជាមួយកន្សែង ឬក្រដាសស្អាត។ ធ្វើបែបនេះ យើងមិនសូវបារម្ភពីបញ្ហាកូនពុលជាតិអាល់កុលទេ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ហាមពាក់ម៉ាសឱ្យក្មេងអាយុក្រោម២ឆ្នាំដាច់ខាត ព្រោះបង្កគ្រោះថ្នាក់ខ្លាំងជាងឆ្លងកូវីដទៅទៀត
ចុចអាន៖ យល់ដឹង! ប្រើអាល់កុលខុសបច្ចេកទេសអាចបង្កើនហានិភ័យដល់ស្បែក
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម៧ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៦ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក