បុគ្គលជោគជ័យ Archives - Kampuchea Thmey Daily

មុនជោគជ័យសព្វថ្ងៃ សហគ្រិន អាមេរិក ទាំង ៥ នេះ មានជីវិតលំបាកវេទនា ស្ទើររើខ្លួនមិនរួច

សាង ស្រីល័ក្ខ — Wed, 02 Feb 2022 07:20:35 +0000

អាមេរិក ត្រូវបានគេស្គាល់ថា ជាទឹកដីចម្រុះជាតិសាសន៍ និងវប្បធម៌ ហើយបានក្លាយជាប្រទេសមួយ ក្នុងចំណោមប្រទេសដែលមានគំនិតច្នៃប្រឌិត និងជោគជ័យ លើភាពជាសហគ្រិនមកដល់បច្ចុប្បន្ន។

ក្នុងនោះ មានក្រុមហ៊ុនកាលពីសម័យមុនដូចជា Standard Oil, Ford Motor Company និង Carnegie Steel Company រហូតដល់ក្រុមហ៊ុននាបច្ចុប្បន្ននេះ ដូចជា Meta (អតីត Facebook) និង Google សហគ្រិនអាមេរិក បានផ្លាស់ប្ដូររបៀប ដែលពិភពលោកកំពុងដំណើរការ។

យ៉ាងណាមិញ ខាងក្រោមនេះ គឺ ជាកំពូលសហគ្រិនអាមេរិក ដែលជោគជ័យទាំង ៥ រូប និងមានឥទ្ធិពលលើពិភពលោក នាបច្ចុប្បន្ន។

១ Andrew Carnegie

គឺជាសហគ្រិនជនជាតិអាមេរិក ដោយបានធ្វើអន្តោប្រវេសន៍ មកពីប្រទេសស្កុតឡែន។ លោកកើតក្នុងវណ្ណៈតូចទាបគ្រួសារបានធ្វើអន្តោប្រវេសន៍ទៅរដ្ឋ Pennsylvania ជាកន្លែងដែលពួកគេមានរបៀបរស់នៅប្រសើរជាងមុន។ ក្រោយមក លោកបានបង្កើតក្រុមហ៊ុន Carnegie Steel ដោយពង្រីកវាឲ្យក្លាយជាក្រុមហ៊ុនដ៏ធំបំផុតមួយ នៅក្នុងប្រវត្តិសាស្ត្រសហរដ្ឋអាមេរិក។

បន្ថែមពីលើភាពជោគជ័យនៃក្រុមហ៊ុន Carnegie បានក្លាយជាអ្នកវិនិយោគដ៏ជោគជ័យម្នាក់ ដោយប្រើលុយដែលរកបានតាមរយៈក្រុមហ៊ុនដែក គាត់បានវិនិយោគនៅក្នុងក្រុមហ៊ុនរថយន្តផ្សេងៗ សេវាកម្មផ្ញើសារ និងដីដែលមានប្រេងបម្រុង។ ក្រោយមក លោកបានស្លាប់នៅឆ្នាំ ១៩១៩ និងបន្សល់ទ្រព្យសម្បត្តិប៉ាន់ស្មានចំនួន ៣៥០ លានដុល្លារ ដែលនៅឆ្នាំ ២០២១ នេះ វាមានតម្លៃជិត ៥.៥ ពាន់លានដុល្លារ។

២ Henry Ford

មិនដូច Andrew Carnegie ទេ Henry Ford គឺជាពលរដ្ឋដែលកើតនិងធំធាត់នៅ Michigan ។ លោកកើតក្នុងគ្រួសារដែលមានដើមកំណើត មកពីប្រទេសអង់គ្លេស និងអៀរឡង់ ដោយមានជីវភាពធូរធារ ទោះបីជាមិនមានទ្រព្យសម្បត្តិក៏ដោយ។ Ford ជាមនុស្សឧស្សាហ៍ព្យាយាម ទីបំផុតបានបញ្ចប់ការហ្វឹកហាត់ ជាមួយក្រុមហ៊ុន Detroit Dry Dock ។ នៅឆ្នាំ ១៨៩១ លោកបានជួបជាមួយ Thomas Edison ហើយបានប្រាប់ពីគំនិតខ្លួនដែលមានចំពោះរថយន្ត ទៅ Edison។ ក្រោយមក Edison បានចូលចិត្តគំនិតនេះ ហើយអនុញ្ញាតឲ្យ Ford ប្រើឃ្លាំងរបស់គាត់ដើម្បីអភិវឌ្ឍ និងផលិតគំរូដើមនៃរថយន្ត។ ដោយប្រើគំរូដើម មិនយូរប៉ុន្មាន គាត់បានបង្កើតក្រុមហ៊ុនរថយន្ត Detroit ។

ទោះយ៉ាងណាក៏ដោយ ក្រុមហ៊ុននេះ មានរយៈពេលខ្លី ដោយសារផលិតផលនេះ មិនស្របតាមស្តង់ដាររបស់ Ford ។ គាត់បានបន្តស្វែងរកក្រុមហ៊ុនរថយន្ត Cadillac Motor Car ដែលបរាជ័យផងដែរ មុនពេលចាប់ផ្ដើមក្រុមហ៊ុន Ford Motor ។ គាត់បានចាប់ផ្ដើមលើកទី ៣ នៅក្នុងក្រុមហ៊ុនរថយន្តមួយ បានធ្វើគាត់ជោគជ័យយ៉ាងខ្លាំង ជាមួយនឹងការលក់ប្រចាំឆ្នាំលើសពី ១២៧.១ ពាន់លានដុល្លារ មកទល់ពេលនេះ។

៣ Oprah Winfrey

នាងគឺជាឧទាហរណ៍ដ៏អស្ចារ្យ នៃរឿងជោគជ័យរបស់អាមេរិក។ ឆ្នាំ ១៩៨៦ Winfrey បានបង្ហាញអតីតកាលខ្លួនថា គឺជាជនរងគ្រោះ នៃការរំលោភផ្លូវភេទនៅអាយុ ៩ ឆ្នាំ ហើយមានផ្ទៃពោះនៅអាយុ ១៤ ឆ្នាំ មុនពេលបាត់បង់កូនអំឡុងពេលសម្រាលកូន។ ការសាកល្បង និងទុក្ខលំបាកទាំងនេះ បានផ្ដល់ឲ្យនាងនូវទស្សនវិស័យ និងទំនុកចិត្តដែលបានជួយឲ្យនាងចាប់ផ្ដើមកម្មវិធីទូរទស្សន៍ដំបូងក្នុងឆ្នាំ ១៩៨៣ ។

នាងបានពង្រីកម៉ាកយីហោជាលំដាប់ និងអាណាចក្ររបស់នាង ដោយបានបង្កើតក្រុមហ៊ុន Harpo Studios ដែលជាក្រុមហ៊ុនពហុព័ត៌មាននៅឆ្នាំ ១៩៨៨។ Winfrey រួមជាមួយនឹង Discovery Communications បានបង្កើត OWN (Oprah Winfrey Network) នៅក្នុងឆ្នាំ ២០០៨ ដែលជាក្រុមហ៊ុនប្រព័ន្ធផ្សព្វផ្សាយមួយផ្សេងទៀត ដែលទាក់ទាញអ្នកមើលទូរទស្សន៍រាប់លាននាក់។

៤ Bill Gates

លោក ជាសហគ្រិនផ្នែកបច្ចេកវិទ្យាដ៏ល្បីរបស់អាមេរិក និងជាមហាសេដ្ឋីលំដាប់ទី ៤ នៅលើពិភពលោក ដែលមានទ្រព្យសម្បត្តិសរុបជាង ១៣៣ពាន់លានដុល្លារ គិតត្រឹមថ្ងៃទី ៥ ខែធ្នូ ឆ្នាំ ២០២១។

Gates កើតនិងធំធាត់នៅទីក្រុង Seattle រដ្ឋ Wash ហើយបានចាប់ផ្ដើមអាជីវកម្ម ជាមួយនឹងកុំព្យូទ័រផ្ទាល់ខ្លួនតាំងពីតូចជាមួយមិត្តភក្តិដូចជា Paul Allen ។ ដោយបង្ហាញពីភាពប៉ិនប្រសប់ និងការសន្យាជាច្រើន លោកបានចុះឈ្មោះចូលរៀននៅសាកលវិទ្យាល័យ Harvard ជាកន្លែងដែលគាត់បានជួប Steve Ballmer មុនពេលឈប់រៀន ដើម្បីចាប់ផ្ដើមកម្មវិធី Microsoft។

ដោយមានជំនួយពី Allen, Ballmer និងអ្នកផ្សេងទៀត បានបង្កើត Microsoft ដែលឥឡូវនេះមានតម្លៃជាង១ពាន់ពាន់លានដុល្លារ ដោយផ្អែកលើមូលធនប័ត្រទីផ្សារ ធ្វើឲ្យវាក្លាយជាក្រុមហ៊ុនបច្ចេកវិទ្យាធំបំផុត និងមានឥទ្ធិពលបំផុតមួយរបស់ពិភពលោក។ ក្នុងឆ្នាំ ២០២០ គាត់បានលាឈប់ពីក្រុមប្រឹក្សាភិបាលរបស់ Microsoft ដើម្បីផ្ដោតលើកិច្ចខិតខំប្រឹងប្រែងផ្ទាល់ខ្លួន លើមូលនិធិ Bill & Melinda Gates Foundation។

៥ Larry Page

គឺជាសហស្ថាបនិករបស់ Google នៃម៉ាស៊ីនស្វែងរកលេខមួយរបស់ពិភពលោក។ Google ត្រូវបានចាប់ផ្ដើមដោយ Page និងសហស្ថាបនិកគឺលោក Sergey Brin ខណៈដែលពួកគេជានិស្សិតថ្នាក់បណ្ឌិត នៅសាកលវិទ្យាល័យ Stanford ។ ជាមួយនឹងការវិនិយោគដំបូងត្រឹមតែ ១០០,០០០ ដៃគូទាំងពីរ បានរីកចម្រើនយ៉ាងឆាប់រហ័ស ទៅជាក្រុមហ៊ុនចម្រុះជាតិសាសន៍។

ក្នុងឆ្នាំ ២០១៥ Google ត្រូវបានរៀបចំរចនាសម្ព័ន្ធឡើងវិញ ដើម្បីបង្កើតក្រុមហ៊ុនមេ Alphabet Inc. ជាមួយនឹង Page ដោយលោកបានបម្រើការជា CEO។ Page មានទ្រព្យសម្បត្តិសុទ្ធ ១២៦ ពាន់លានដុល្លារ គិតត្រឹមថ្ងៃទី ៥ ខែធ្នូ ឆ្នាំ ២០២១៕

ប្រែសម្រួល៖ សាង ស្រីល័ក្ខ

ចុចអាន៖បែងចែកឲ្យច្បាស់ រវាងបុគ្គលជោគជ័យ និង គ្រូជោគជ័យ

ចុចអាន៖រឿង ៥ យ៉ាងដែលសហគ្រិនគ្រប់រូបអាចរៀនពី Oprah Winfrey

The post មុនជោគជ័យសព្វថ្ងៃ សហគ្រិន អាមេរិក ទាំង ៥ នេះ មានជីវិតលំបាកវេទនា ស្ទើររើខ្លួនមិនរួច appeared first on Kampuchea Thmey Daily.

៥ យ៉ាង មនុស្សជោគជ័យតែងប្ដេជ្ញាខ្លួនឯងថាធ្វើឲ្យបាន

សាង ស្រីល័ក្ខ — Thu, 23 Sep 2021 07:55:12 +0000

នៅពេលអ្នកព្យាយាមសម្រេចគោលដៅ សូមចំណាយពេលរៀនសូត្រពីមនុស្សដែលសម្រេចបាននូវអ្វីគេមាន ហើយយើងគិតថា អាចធ្វើបានដូចពួកគេ។ ព្រោះពេលខ្លះ វាល្អប្រសើរក្នុងការរៀនពីស្នាមរបួសប្រយុទ្ធរបស់អ្នកដទៃ ជាជាងការរកបានដោយខ្លួនឯង។

ការរៀនពីអ្នកផង ជួយឲ្យយើងឆាប់សម្រេចបានជោគជ័យលឿន ហើយដឹងថាកន្លែងនោះមានដុំថ្ម ដែលអ្នកមុនៗធ្លាប់របួសរួចហើយ។

ខាងក្រោមនេះ គឺជា ៥ យ៉ាង មនុស្សជោគជ័យតែងប្ដេជ្ញាខ្លួនឯងថាធ្វើឲ្យបាន ៖

១ ត្រូវថ្នឹកជាមួយការបរាជ័យជានិច្ច

មានសុភាសិតជប៉ុនបុរាណមួយពោលថា“ ដួល ៧ កើនឡើង ៨ ឡើង” ការបរាជ័យនិងឧបសគ្គគឺជាទិដ្ឋភាពដែលចៀសមិនរួច នៃដំណើរឆ្ពោះទៅរកអ្វីដែលមានអត្ថន័យចំពោះជីវិត។

ការពិតការបរាជ័យ តែងជំរុញយើងឆ្ពោះទៅមុខជានិច្ច។ ការបរាជ័យផ្ដល់ឲ្យអ្នកនូវតម្រុយ ដើម្បីដឹងថាអ្វីដែលដំណើរការនិងអ្វីដែលមិនដំណើរការ។ ប៉ុន្តែបរាជ័យតែងបំភ័យមនុស្ស និងរារាំងយើងពីការព្យាយាម។ មនុស្សជោគជ័យប្ដេជ្ញានឹងខ្លួនឯងថា មិនចុះចាញ់ឡើយ ទោះដួលប៉ុន្មានដងក៏ដោយ ។ ដាក់ខ្លួន ដាក់កាយ តស៊ូដោយឥតឈប់ឈរ និងមិនឈប់រហូតដល់អ្នកយកឈ្នះលើវាបាន។

២ ដើរជាមួយមនុស្សនាំអ្នករកភាពត្រឹមត្រូវ

កំហុសធំបំផុតមួយ ដែលមនុស្សធ្វើនៅពេលចាប់ផ្ដើមការប្រកួតប្រជែងថ្មី គឺព្យាយាមធ្វើដំណើរដោយខ្លួនឯង ឬដើរជាមួយមនុស្សខុស។ Daniel F. Chambliss បណ្ឌិតសាស្ត្រាចារ្យផ្នែកសង្គមវិទ្យា នៅមហាវិទ្យាល័យ ហាមីលតុនបានចំណាយពេលជាច្រើនឆ្នាំសិក្សាពីអ្នកហែលទឹកអូឡាំពិក ដើម្បីស្វែងយល់ពីលក្ខណៈនៃឧត្តមភាព។ ការសង្កេតមួយរបស់គាត់ អំពីរបៀបដើម្បីសម្រេចបាននូវភាពអស្ចារ្យ គឺការដើរជុំវិញអ្នកដទៃ ដែលនឹងជំរុញអ្នកឲ្យទៅឆ្ងាយ។ គាត់និយាយថា“ វិធីពិតប្រាកដ ដើម្បីក្លាយជាអ្នកហែលទឹកដ៏អស្ចារ្យ គឺត្រូវចូលរួមជាមួយក្រុមដ៏អស្ចារ្យ” ។ នៅជុំវិញខ្លួនអ្នក ជាមួយមនុស្សដែលជួយអ្នកឲ្យអស្ចារ្យ។ សម្រាប់អ្នកខ្លះមានន័យថា ជួលគ្រូបង្វឹក។ សម្រាប់អ្នកផ្សេងទៀត មានន័យថាចូលរួមជាមួយក្រុមមេគំនិត ឬភ្ជាប់ទំនាក់ទំនងជាមួយដៃគូគណនេយ្យភាព ដែលកំពុងធ្វើការឆ្ពោះទៅរកគោលដៅស្រដៀងគ្នា។

៣ បង្កើតទម្លាប់ធ្វើ

មនុស្សចំណាយពេលវេលារាប់មិនអស់ ដើម្បីសុបិនអំពីភាពជោគជ័យ ប៉ុន្តែកម្រធ្វើអ្វីដើម្បីឲ្យវាក្លាយជាការពិត។ អ្នកត្រូវតែធ្វើការឲ្យជាប់លាប់ ធ្វើវានៅពេលអ្នកមានការលើកទឹកចិត្ត។ ធ្វើវានៅពេលអ្នកមិនមាន។ ធ្វើវានៅពេលអ្នកមិនអាចមើលឃើញវឌ្ឍនភាព ដែលអាចមើលឃើញ។ ធ្វើវានៅពេលវាមិនស្រួល ដែលបានន័យថា បង្កើតទម្លាប់ឲ្យថ្នឹកដៃ។

៤ ត្រូវដឹងថា ខ្លួនឯងខ្លាំងនិងខ្សោយកន្លែងណាខ្លះ

អ្នកត្រូវដឹងថា តើចំណុចខ្លាំងរបស់អ្នកគឺជាអ្វី និងអាចប្រើវាដើម្បីពន្លឿនដំណើរការនៃការងារប្រចាំថ្ងៃបានរបៀបម៉េចខ្លះ។ ផ្ទុយទៅវិញ អ្នកក៏ត្រូវដឹងពីភាពទន់ខ្សោយខ្លួនឯងផងដែរ នោះទើបអាចស្វែងយល់ពីវិធីការពារកុំឲ្យធ្លាក់ទឹកចិត្ត។

៥ រៀនឥតឈប់ឈរ

យើងនៅតែមិនដឹងអ្វីដែលយើងមិនដឹងដដែល បើមិនទម្លាប់រៀនអ្វីថ្មីសោះ។ ប៉ុន្តែបើយើងចូលកាន់តែច្រើន ហើយធ្វើការងារកាន់តែច្រើន យើងនឹងទទួលបានការយល់ដឹងអំពីវិស័យមួយ ដែលអាចធ្វើឲ្យជីវិតកាន់តែប្រសើរឡើង។

វេជ្ជបណ្ឌិត Marc Smith គឺជាពេទ្យសត្វនិងជាសហស្ថាបនិក PetTao បាននិយាយថា ” ខ្ញុំអាចជាពេទ្យសត្វល្អបំផុតដែលគេធ្លាប់ស្គាល់ ។ ប៉ុន្តែនៅពីក្រោយនេះ ខ្ញុំមិនពូកែជំនាញទីផ្សារ។ ដូច្នេះហើយ ខ្ញុំបានទទួលយកគំនិតនេះថា ខ្ញុំត្រូវតែក្លាយជាអ្នកទីផ្សារដ៏ល្អម្នាក់ មិនត្រឹមតែជួយអាជីវកម្មខ្ញុំប៉ុណ្ណោះទេ ប៉ុន្តែសំខាន់បំផុតគឺជួយមនុស្ស និងសត្វចិញ្ចឹមរបស់ពួកគេ” ។

កុំឈប់រៀន! កំណត់ជំនាញដែលអ្នកត្រូវការ ដើម្បីឈានទៅជំហានបន្ទាប់ក្នុងដំណើររបស់អ្នក។ មនុស្សជោគជ័យបានស្វែងយល់ពីវិធីដើម្បីសម្រេចគោលដៅរបស់ខ្លួន តាមរយៈការសាកល្បងនិងដឹងកំហុសជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖បុគ្គល ៧ រូបចេញមុខផ្ដល់បទពិសោធន៍លំបាក ក្នុងនាមជាម្ចាស់អាជីវកម្មនាវិបត្តិរោគរាតត្បាត

ចុចអាន៖ធាតុសំខាន់ ៣ នៃទំនាក់ទំនងអាជីវកម្ម ដែលបុគ្គលជោគជ័យតែងអនុវត្តជារឿយៗ

The post ៥ យ៉ាង មនុស្សជោគជ័យតែងប្ដេជ្ញាខ្លួនឯងថាធ្វើឲ្យបាន appeared first on Kampuchea Thmey Daily.

ធាតុសំខាន់ ៣ នៃទំនាក់ទំនងអាជីវកម្ម ដែលបុគ្គលជោគជ័យតែងអនុវត្តជារឿយៗ

សាង ស្រីល័ក្ខ — Tue, 15 Jun 2021 09:15:28 +0000

អាជីវកម្មមិនមែនចេះតែជោគជ័យ មិនមែនចេះតែល្អប្រសើររហូតទេ។ ម្ចាស់ជំនួញមួយៗមុនចាប់ផ្ដើមធ្វើ ពួកគេគិតគូរណាស់ ហើយក៏មិនដែលធ្វេសប្រហែសពីគន្លឹះដែលនាំពួកគេទៅរកភាពជោគជ័យឡើយ។

ខាងក្រោមនេះ ជាធាតុសំខាន់ៗនៃច្បាប់អាជីវកម្ម ដែលបុគ្គលជោគជ័យ តែងអនុវត្តជារឿយៗ

១ ការទំនាក់ទំនង

ការទំនាក់ទំនងបើកចំហនិងតម្លាភាព ដោយគ្មានការសង្ស័យ មិនកុហក ចូរទៅរកការទំនាក់ទំនងដោយភាពស្មោះត្រង់ ជាផ្លូវមួយនាំទៅរកមិត្តភាពយូរអង្វែង និងសេចក្ដីទុកចិត្តនៃជំនួញរបស់អ្នក។

Lisa Gilmore ជាអ្នករចនាម៉ូដនៅ Lisa Gilmore។

២ ទុកចិត្ត

ជំនឿនៃការទុកចិត្តវាបង្កើតជាមូលដ្ឋានគ្រឹះ សម្រាប់ទំនាក់ទំនងជាមួយអតិថិជន និយោជិកនិងអ្នកផ្គត់ផ្គង់។ ការជឿទុកចិត្តផ្ដល់អំណាចដល់មនុស្សធ្វើការសម្រេចចិត្តត្រឹមត្រូវ និងចាត់វិធានការល្អបំផុត។ ជំនួញណា ក៏គេត្រូវការវិធីនេះមកអនុវត្តដែរ។

Rick Salas ប្រធាននិងជាសហស្ថាបនិកនៃការធ្វើរោគវិនិច្ឆ័យទូទៅ។

៣ ជឿជាក់លើខ្លួនឯង

ទំនាក់ទំនងអាជីវកម្មជោគជ័យ ត្រូវបានបង្កើតឡើងដោយភាពជឿជាក់ផ្ទាល់ខ្លួនអ្នក។ ការខិតខំដើម្បីផ្ដល់គុណតម្លៃដល់អ្នកដែលអ្នកបានជួយយើង ឬយើងបានស្ដាប់សេចក្ដីត្រូវការរបស់ពួកគេ ហើយបំពេញសេចក្ដីត្រូវការទាំងនោះយ៉ាងឆាប់រហ័ស ដោយភាពស្មោះត្រង់ គឺជាវិធីដែលអ្នកបង្កើតអាជីវកម្មនីមួយៗតែងជោគជ័យ។

Leanne Lopez Mosley ជាស្ថាបនិកនិងជានាយកប្រតិបត្តិនៃដំណោះស្រាយគ្រូបង្វឹក GROW៕

ប្រែសម្រួល៖ សាង ស្រីល័ក្ខ

ប្រភព៖success

ចុចអាន៖គោលការណ៍ ៥ យ៉ាងនេះ ធានាថានឹងផ្លាស់ប្ដូរជីវិតឈានទៅរកគោលដៅជោគជ័យលឿ ន

The post ធាតុសំខាន់ ៣ នៃទំនាក់ទំនងអាជីវកម្ម ដែលបុគ្គលជោគជ័យតែងអនុវត្តជារឿយៗ appeared first on Kampuchea Thmey Daily.

បុគ្គល ៧ រូបចេញមុខផ្ដល់បទពិសោធន៍លំបាក ក្នុងនាមជាម្ចាស់អាជីវកម្មនាវិបត្តិរោគរាតត្បាត

សាង ស្រីល័ក្ខ — Fri, 11 Jun 2021 08:35:13 +0000

តើរឿងសំខាន់អ្វីដែលអ្នកបានរៀននៅឆ្នាំ ២០២០ជាពិសេសកំឡុងរោគរាតត្បាតកូវីដ កំពុងវាយលុកខ្លាំងពាសពេញពិភពលោក។

ទោះស្ថានភាពលំបាកយ៉ាងណា ហើយបានផ្លាស់ប្ដូររបៀបរស់នៅរបស់យើងក៏ដោយ ប៉ុន្តែមនុស្សគ្រប់គ្នាត្រូវតែទម្លាប់រស់នៅជាមួយបញ្ហាទាំងនេះ។

តួយ៉ាងបុគ្គល ៧ រូប ដែលសុទ្ធសឹងជាម្ចាស់អាជីវកម្ម បានចេញមកផ្ដល់បទពិសោធន៍ដែលពួកគេបានឆ្លងកាត់កន្លងមក។

១ Robert De Los Santos នាយកប្រតិបត្តិនៃក្រុមហ៊ុន Sky High Party

” ខ្ញុំបានដឹងថាទំនាក់ទំនងមានសារៈសំខាន់ជាងអ្វីៗទាំងអស់។ ក្នុងកំឡុងពេលមានរោគរាតត្បាត អ្នកអាចមើលឃើញថានរណាពិតជាសំខាន់នៅក្នុងជីវិតរបស់អ្នក។ ខ្ញុំសូមអរគុណដែលបានចំណាយពេលភាគច្រើនដើម្បីបង្កើតមិត្តភាព បង្កើតជាការលើកទឹកចិត្តប្រចាំសប្ដាហ៍ ក្នុងកំឡុងពេលដ៏លំបាកនេះ” ។

២ Bo Cheng ប្រធាននិងជាសហស្ថាបនិកក្រុមហ៊ុន Altovista Technology

” ជំនួសឲ្យការផ្ដោតលើភាពអវិជ្ជមាន ខ្ញុំបានរៀនផ្ដោតអារម្មណ៍លើចំណុចវិជ្ជមាន។ ខ្ញុំបានឃើញការពន្លឿននៃការបង្កើតថ្មី ដែលកំពុងកើតឡើងនៅលើពិភពលោក ដើម្បីឆ្លើយតបទៅនឹងបញ្ហាប្រឈមនៃជំងឺរាតត្បាត។ ក្រុមហ៊ុននៅទូទាំងពិភពលោករួមទាំងក្រុមហ៊ុនរបស់យើង បានបង្កើនល្បឿននៃការផ្លាស់ប្ដូររបស់ពួកគេ វាជាការរស់រានមានជីវិតខ្ពស់បំផុត ” ។

៣ Phyllis Reagin ជានាយកប្រតិបត្តិនិងជាស្ថាបនិកនៃគ្រូតុបង្វឹក

” វាស្ដាប់មើលទៅហាក់ដូចជាសាមញ្ញណាស់ ប៉ុន្តែខ្ញុំនៅតែបន្តរៀនថាខ្ញុំអាចធ្វើអ្វីដែលពិបាក។ ដំបូងខ្ញុំយល់ពីរឿងនេះនៅពេលខ្ញុំមានផ្ទៃពោះប្រាំខែ ហើយប្ដីរបស់ខ្ញុំត្រូវបានគេធ្វើរោគវិនិច្ឆ័យថាមានជំងឺមហារីកសាហាវ។ គាត់បានស្លាប់មួយខែ ក្រោយកំណើតកូនប្រុសរបស់យើង។ ខ្ញុំបានរកឃើញថា ខ្ញុំមានកម្លាំងពីខាងក្នុង ដែលបានចាក់ឫសដោយមេត្តាធម៌និងសេចក្ដីស្រឡាញ់ចំពោះកូនរបស់ខ្ញុំដែលបាននាំខ្ញុំឆ្លងកាត់គ្រាលំបាកនេះ ” ។

៤ Naomi Shah នាយកប្រតិបត្តិនិងជាស្ថាបនិកនៃក្រុមហ៊ុន Meet Cute

“ មនុស្សនៅជុំវិញគឺមានឥទ្ធិពលលើសអ្វីៗទាំងអស់។ ក្រុមអ្នកវិនិយោគអ្នកប្រឹក្សាយោបល់និងដៃគូរបស់យើងសំខាន់បំផុតចំពោះខ្ញុំ។ ការរុករក ការចាប់ផ្ដើមដំបូងតាមរយៈការរាតត្បាតជាសកល គឺមិនងាយស្រួលនោះទេ ប៉ុន្តែបើមានមនុស្សនៅជុំវិញជឿអ្នកពិតប្រាកដ និងជំរុញឲ្យគិតរួមគ្នា នេះគឺជាផ្នែកដ៏រំភើបបំផុតនៃថាមពលដែលជំរុញយើងឲ្យមកធ្វើការជារៀងរាល់ថ្ងៃ ” ។

៥ Lisa Collum ជានាយកប្រតិបត្តិនិងជាម្ចាស់នៃការសរសេរពិន្ទុខ្ពស់បំផុត

” ខ្ញុំបានដឹងថា ពេលខ្លះយើងត្រូវតែធ្វើការផ្លាស់ប្ដូរ ទោះវាតិចតួចនៅក្នុងអាជីវកម្មរបស់យើង។ វាមិនមែននិយាយអំពីរបៀបដែលយើងអាចរស់នៅជាអាជីវកម្មបាននោះទេ ប៉ុន្តែអ្វីដែលយើងនឹងធ្វើដើម្បីរស់ជាអាជីវកម្ម។ ស្វែងរកតម្រូវការមកបង្កើតផែនការនិងជំរុញទៅមុខ ” ។

៦ Manav Mital សហស្ថាបនិកនិងជានាយកប្រតិបត្តិក្រុមហ៊ុន Cyral

” ឆ្នាំ ២០២០ បានពង្រឹងបន្ថែមសម្រាប់ខ្ញុំនូវតម្លៃនៃការកសាង មិនត្រឹមតែក្រុមហ៊ុនប៉ុណ្ណោះទេ ប៉ុន្តែថែមទាំងសហគមន៍ផងដែរ។ នៅពេលដែលក្រុមការងាររបស់យើងបានផ្លាស់ប្ដូរ ទៅធ្វើការនៅឆ្ងាយ ខ្ញុំបានបន្តសិក្សាអំពីតម្លៃនៃការវិនិយោគលើមនុស្សដែលមានក្រុមហ៊ុន។ ខ្ញុំមានការងឿងឆ្ងល់ចំពោះរបៀបដែលក្រុមរបស់យើងបានប្រែក្លាយ។ យើងបន្តរីកចម្រើន ច្នៃប្រឌិតនិងសហការពីចម្ងាយ ប៉ុន្តែវាទាមទារការវិនិយោគនិងក្របខ័ណ្ឌត្រឹមត្រូវបំផុត” ។

៧ ill Angelo នាយកប្រតិបត្តិក្រុមហ៊ុន Gennev

” រៀនស្រឡាញ់ភាពមិនច្បាស់ ព្រោះអ្វីគ្រប់យ៉ាងដែលអ្នកបានដឹងកំពុងផ្លាស់ប្ដូរ។ នៅពេលជំងឺកូវីដកំពុងរាតត្បាត ខ្ញុំគិតថាខ្ញុំត្រូវការធ្វើការផ្លាស់ប្ដូរទាំងអស់នេះ ចំពោះអាជីវកម្មរបស់ខ្ញុំ។ ប៉ុន្តែអ្នកផ្ដល់យោបល់ល្អបំផុតរបស់ខ្ញុំបានប្រាប់ខ្ញុំឲ្យអត់ធ្មត់ ហើយបន្តធ្វើអ្វីដែលយើងកំពុងធ្វើ។ រហូតមកដល់ពេលនេះ ដំបូន្មាននោះបានទទួលជោគជ័យហើយ ” ៕

ប្រែសម្រួល៖ សាង ស្រីល័ក្ខ

ប្រភព៖success

ចុចអាន៖មុនចាប់ផ្ដើមអាជីវកម្មត្រូវដឹងចំណុចខ្លាំង ៣ យ៉ាងនេះសិន

ចុចអាន៖សួរសំណួរចំពោះខ្លួនឯង ៥ នេះសិន មុនចាប់ផ្ដើមអាជីវកម្មផ្ទាល់ខ្លួន

The post បុគ្គល ៧ រូបចេញមុខផ្ដល់បទពិសោធន៍លំបាក ក្នុងនាមជាម្ចាស់អាជីវកម្មនាវិបត្តិរោគរាតត្បាត appeared first on Kampuchea Thmey Daily.

៤ ជំហានដ៏សំខាន់ក្នុងសម័យកាលនេះ ឆ្ពោះទៅរកជោគជ័យក្នុងជីវិត

សាង ស្រីល័ក្ខ — Tue, 18 May 2021 02:51:05 +0000

តើយើងកំណត់ជោគជ័យយ៉ាងដូចម្ដេច? មានវិធីសាស្ត្រប្លែកៗជាច្រើនសម្រាប់ភាពជោគជ័យក្នុងជីវិត។ ប៉ុន្តែរឿងសំខាន់គឺយុទ្ធសាស្ត្ររបស់យើង ចំពោះភាពជោគជ័យខ្លួនឯងមានអ្វីប៉ុណ្ណោះ។

១. បង្កើតផ្នត់គំនិតនៃការលូតលាស់

ការស្រាវជ្រាវដោយលោកស្រី Carol Dweck ខាងផ្នែកចិត្តវិទូបានបង្ហាញថា មានផ្នត់គំនិតមូលដ្ឋានពីរដែលមានឥទ្ធិពលលើរបៀបដែលមនុស្សគិតពីនិងសមត្ថភាពរបស់ពួកគេ គឺផ្នត់គំនិតថេរ និងផ្នត់គំនិតនៃការលូតលាស់។

មនុស្សដែលមានផ្នត់គំនិតថេរ ជឿជាក់ថាអ្វីៗដូចជាបញ្ញា ដែលមិនអាចផ្លាស់ប្ដូរបាន។ ហើយជឿថាជោគជ័យមិនមែនកើតចេញពីការខិតខំទេ វាគ្រាន់តែជាលទ្ធផលនៃទេពកោសល្យពីកំណើតប៉ុណ្ណោះ។

ផ្ទុយទៅវិញអ្នកដែលមានផ្នត់គំនិតនៃការលូតលាស់ មានអារម្មណ៍ថាពួកគេអាចផ្លាស់ប្ដូរលូតលាស់និងរៀនតាមរយៈការខិតខំ។ នៅពេលដែលមានបញ្ហា ពួកគេស្វែងរកមធ្យោបាយដើម្បីបង្កើនជំនាញ និងបន្តធ្វើការឆ្ពោះទៅរកភាពជោគជ័យ។

២. អភិវឌ្ឍនូវភាពវាងវៃនៃអារម្មណ៍របស់យើង

ដើម្បីអភិវឌ្ឍនូវភាពវាងវៃនៃអារម្មណ៍របស់យើង ត្រូវយកចិត្តទុកដាក់លើអារម្មណ៍ផ្ទាល់ខ្លួន ផ្ដោតលើការសម្គាល់អ្វីដែលយើងកំពុងមានអារម្មណ៍ និងអ្វីដែលបណ្ដាលឲ្យមានអារម្មណ៍ទាំងនោះ។

ងាកក្រោយហើយព្យាយាមមើលអ្វីៗដោយភ្នែកមិនលំអៀង។ ជៀសវាងដណ្ដើមឬសង្កត់អារម្មណ៍ខ្លួនឯងប៉ុន្តែត្រូវរកមើលវិធីដែលមានសុខភាពល្អ និងសមស្របក្នុងការដោះស្រាយជាមួយអារម្មណ៍។

៣. អភិវឌ្ឍនភាពតានតឹងផ្លូវចិត្ត

ភាពតឹងតែងខាងផ្លូវចិត្តសំដៅទៅលើភាពធន់ដើម្បីបន្តព្យាយាម ទោះបីជួបឧបសគ្គក៏ដោយ។ មនុស្សដែលមានកម្លាំងផ្លូវចិត្តនេះ មើលឃើញឧបសគ្គជាឱកាស។ ពួកគេអាចគ្រប់គ្រងវាសនាផ្ទាល់ខ្លួនហើយមានទំនុកចិត្តលើសសមត្ថភាព ដើម្បីទទួលបានជោគជ័យរួមទាំងការប្ដេជ្ញាថានូវអ្វី ដែលពួកគេចាប់ផ្ដើម។

ទោះបីគ្រប់យ៉ាងហាក់ដូចជាមិនអាចធ្វើទៅបានឬថយក្រោយក៏ដោយ ចូរផ្ដោតលើវិធីដែលអាចអភិវឌ្ឍជំនាញ និងបន្តទៅមុខទៀត។ ទម្លាប់សំខាន់មួយរបស់មនុស្សជោគជ័យគឺត្រូវសំឡឹងមើលទៅចំណុចថយក្រោយ ឬបរាជ័យជាឱកាសរៀនសូត្រ។

៤. ផ្ដោតលើការជំរុញផ្នែកខាងក្នុង

តើយើងអាចធ្វើអ្វីខ្លះ ដើម្បីជំរុញអារម្មណ៍នៃការលើកទឹកចិត្តខាងក្នុង?

នោះគឺត្រូវមានការប្រកួតប្រជែងខ្លួនឯង ដោយឆ្ពោះទៅរកគោលដៅដែលអាចសម្រេចបាន ប៉ុន្តែមិនចាំបាច់ងាយស្រួលនោះទេ ព្រោះនេះជាមធ្យោបាយដ៏ល្អមួយ ដើម្បីបង្កើនការលើកទឹកចិត្តដើម្បីទទួលបានជោគជ័យ។

បញ្ហាដែលប្រឈមអាចធ្វើឲ្យយើងចាប់អារម្មណ៍លើភារកិច្ច បង្កើនការគោរពខ្លួនឯង និងផ្ដល់មតិយោបល់លើផ្នែកដែលយើងអាចកែលំអបាន។

ការជ្រើសរើសការងារដែលពិបាកនឹងជួយជំរុញយើងឲ្យចាប់ផ្ដើម មានអារម្មណ៍រំភើប ចង់ដឹងចង់ឃើញ។

កុំប្រៀបធៀបការរីកចម្រើនឬដំណើររបស់យើងទៅនឹងរបស់អ្នកដទៃឲ្យសោះ។ តែអាចរកមើលអ្នកដទៃដើម្បីជាកម្លាំងចិត្ត និងបំផុសគំនិត ប៉ុន្តែត្រូវចាំថា យើងទាំងអស់គ្នាមានផ្លូវខុសៗគ្នា៕

ប្រែសម្រួល៖ សាង ស្រីល័ក្ខ

ចុចអាន៖ខ្ញុំមានជំងឺផ្លូវចិត្ត តើគួរសុំបែកគ្នាជាមួយដៃគូឬអត់?

ចុចអាន៖បាត់បង់គ្រប់យ៉ាង មិនមែនមានន័យថាជាចុងបញ្ចប់នៃជីវិតឡើយ

The post ៤ ជំហានដ៏សំខាន់ក្នុងសម័យកាលនេះ ឆ្ពោះទៅរកជោគជ័យក្នុងជីវិត appeared first on Kampuchea Thmey Daily.

សញ្ញាទាំង ៧ ដែលចាស់ៗពូកែសម្គាល់ ដឹងភ្លាមថាយើងនឹងជោគជ័យទៅអនាគត

សាង ស្រីល័ក្ខ — Fri, 30 Apr 2021 06:56:33 +0000

ពេលខ្លះយើងអាចអាចទទួលបានជោគជ័យរួចទៅហើយ គ្រាន់តែមិនដឹងខ្លួនតែប៉ុណ្ណោះ។

នេះគឺជាសញ្ញាទាំង ៧ ដែលបង្ហាញថាយើងជាមនុស្សជោគជ័យ ៖

១. ចូលចិត្តរៀននិងកែលំអ

អ្នកដែលមានបំណងចង់រៀនអ្វីថ្មី និងកែលំអលើរឿងដែលបានដឹង ឬមនុស្សដែលមានមហិច្ឆតារៀនភាគច្រើន អាចទទួលបានជោគជ័យក្នុងជីវិត។ ចងចាំថាមនុស្សជោគជ័យមិនដែលឈប់រៀនទេ។ ប្រសិនបើយើងរីករាយនឹងការកែលំអនិងអនុវត្តចំណេះដឹងថ្មីៗជានិច្ច ចំពោះការងារនិងជីវិតផ្ទាល់ខ្លួន គឺជាសញ្ញាមួយបង្ហាញថាយើងគឺជាមនុស្សជោគជ័យ។

២. មានគម្រោងទៅថ្ងៃក្រោយ

យើងជាមនុស្សដែលចូលចិត្តរៀបចំអនាគតរបស់ខ្លួន ចូលចិត្តធ្វើផែនការនិងកំណត់គោលដៅ។ សូម្បីតែការកំណត់គោលដៅតូច ដូចជាពេលវេលាចូលគេង ក៏បង្ហាញថា យើងបានប្ដេជ្ញាចិត្តដែរ។ មនុស្សជោគជ័យតែងតែរៀបចំផែនការ និងសម្រេចគោលដៅមិនដែលខាន។

៣. បង្កើតមិត្តបានយ៉ាងងាយស្រួល

គ្រប់ពេលជួបជុំយើងមានភាពងាយស្រួលក្នុងការចុះសម្រុងជាមួយមនុស្សផ្សេងទៀត ហើយតែងតែមើលអ្នកដទៃក្នុងផ្លូវវិជ្ជមានជានិច្ច។ សេចក្ដីសប្បុរសមានផ្លូវវែងឆ្ងាយ ដែលអាចនាំឲ្យយើងទទួលបានជោគជ័យគ្រប់ដំណើររឿងក្នុងជីវិត។

៤. តែងតែជួយអ្នកដទៃ

ការជួយមនុស្សគឺជាអ្វីដែលគួរធ្វើតាមសភាវគតិ។ បើយើងជាមនុស្សដែលតែងតែយល់ចិត្តអ្នកដែលនៅជុំវិញខ្លួន ហើយតែងតែផ្ដល់ដំបូន្មានល្អៗដល់ពួកគេជានិច្ច។ ពេលខ្លះរឿងទាំងនេះមិនទាក់ទងនឹងជោគជ័យរបស់យើងទេ តែជួយអ្នកដទៃឲ្យទទួលបានជោគជ័យទៅវិញទេ។ ប៉ុន្តែជួយអ្នកដទៃ ក៏ធ្វើឲ្យយើងក្លាយជាមនុស្សជោគជ័យដែរ។

៥. ទោះមិនបានជោគជ័យ ប៉ុន្តែនៅតែបន្តទៅមុខទៀត

យើងប្រឹងប្រែងអស់ពីសមត្ថភាពដើម្បីទទួលបានអ្វីមួយ ហើយពេលណាដែលរឿងទាំងនោះមិនដើរ យើងនៅតែមិនចុះចាញ់។ ក្នុងនាមជាមនុស្សជោគជ័យ មិនមានន័យថា យើងតែងតែសម្រេចបាននោះទេ។ ពេលខ្លះមានអ្វីខុសឆ្គង ប៉ុន្តែវាជារបៀបដែលយើងប្រតិកម្ម នោះគឺជាគន្លឹះដើម្បីទទួលបានជោគជ័យ។ មនុស្សគ្រប់គ្នាធ្វើខុសនិងបរាជ័យ ប៉ុន្តែមិនដែលឈប់ព្យាយាមពួកគេជាមនុស្សជោគជ័យ។

៦. មិនភ័យខ្លាចក្នុងការស្នើសុំជំនួយទេ

យើងដឹងថាការសុំជំនួយគឺជាសញ្ញានៃភាពខ្លាំង ហើយមិនមែនជាសញ្ញានៃភាពទន់ខ្សោយទេ។ មនុស្សជោគជ័យដឹងថា មិនអាចទៅរួចទេ ដើម្បីទទួលបានអ្វីគ្រប់យ៉ាងដោយខ្លួនឯង។ ពួកគេដឹងថា នេះជារឿងធម្មតាប្រសិនបើសួរមនុស្សពីជំនាញរបស់ពួកគេ។ ការទទួលបានជំនួយពីនរណាម្នាក់ ក៏ជាវិធីដ៏ល្អដើម្បីរៀនដើម្បីទទួលបានជោគជ័យនាពេលអនាគត។

៧. មិនរិះគន់ថ្កោលទោសឬតវ៉ា

សូម្បីតែនៅពេលដែលយើងសម្រេចគោលដៅរបស់យើងហើយ មានអារម្មណ៍ថាខ្លួនឯងនឹងក្លាយជាមនុស្សជោគជ័យ ក៏យើងមិនដែលរិះគន់អ្នកដទៃ និងការងាររបស់ពួកគេឡើយ។ យើងតែងជំរុញអ្នកដទៃឱ្យទទួលបានជោគជ័យដូចយើងដែរ។

គ្មាននរណាម្នាក់អាចទទួលយកនិងយល់ព្រមលើគ្រប់រឿងទាំងអស់បានទេ។ មានពេលខ្លះ ដែលយើងមិនអាចទទួលយក ប៉ុន្តែយល់ព្រមលើការងាររបស់អ្នកដទៃ ដឹងពីរបៀបប្រាស្រ័យទាក់ទងនិងផ្ដល់មតិស្ថាបនា ព្រោះមនុស្សជោគជ័យមិនបន្ទាបបន្ថោកអ្នកដទៃនោះទេ៕

ប្រែសម្រួល៖ សាង ស្រីល័ក្ខ

ចុចអាន៖ហេតុផលដែលអ្នកគួរជ្រើសរើស ធ្វើតាមក្ដីសុបិនរបស់ខ្លួនឯង

ចុចអាន៖បើមានបីយ៉ាងនេះ មិនបាច់ពូកែក៏អាចជោគជ័យបានដែរ ធានា!

The post សញ្ញាទាំង ៧ ដែលចាស់ៗពូកែសម្គាល់ ដឹងភ្លាមថាយើងនឹងជោគជ័យទៅអនាគត appeared first on Kampuchea Thmey Daily.

បើមានបីយ៉ាងនេះ មិនបាច់ពូកែក៏អាចជោគជ័យបានដែរ ធានា!

សាង ស្រីល័ក្ខ — Thu, 29 Apr 2021 09:20:00 +0000

មនុស្សជោគជ័យជាច្រើនគេមិនចាំំបាច់មានបទពិសោធន៍ខ្លាំង ឬមានទេពកោសល្យអស្ចារ្សទេ ក៏មិនចាំំបាច់សូកប៉ាន់ និងរណបអ្នកណាម្នាក់យ៉ាងអាក្រក់មើលដើម្បីឡើងធំដែរ ដោយត្រូវការតែសក្តានុពលទំាងនេះ បង្កប់យ៉ាងអាថ៌កំបាំងក្នុងសកម្មភាពប្រចាំថ្ងៃ។

១ ចេះទទួលស្គាល់ការពិត

មនុស្សខ្លះខំប្រជែងចង់បាក់កជាមួយនឹងអ្នកដទៃដែលមិនមែនជាដៃគូខ្លួន គឺប្រណាំងមិនមើលប្រាណ ដែលចុងក្រោយប្រាក់ក៏បង់ថង់ក៏ធ្លាយ។ ចំណែកអ្នកចេះទទួលស្គាល់ការពិត ព្រមគោរពអ្នកដែលខ្លាំងជាងខ្លួន ព្រមការពារមនុស្សដែលខ្សោយជាង ហើយព្រមក្នុងការធ្វើអ្វីមួយក្នុងក្របខណ្ឌដែលខ្លួនអាចធ្វើបាន។

២ មានវិន័យ

មនុស្សមានវិន័យគឺមនុស្សធ្វើអ្វីក៏មិនសូវទើសក្នុងចំណោមអ្នកផង។ ពួកគេកម្ររកបានណាស់បើមានមួយៗអ្នកណាក៏ស្រលាញ់ចូលចិត្តនិងឲ្យតម្លៃ។ មនុស្សនេះធ្វើការច្រើន រអ៊ូតិច មិនរិះគន់ មិនបៀតបៀន និងមិនទំរន់។ និយាយយ៉ាងណាធ្វើយ៉ាងណោះ ដូច្នោះហើយបានជាសម្តីភាគច្រើនរបស់គេ តែងតែក្លាយជាសកម្មភាព រឿងអ្វីគេមិនជោគជ័យ?។

៣ មិនសេពគប់ផ្តេសផ្តាស់

មនុស្សនេះគ្មានបក្សពួកទេ! គេកម្រមានមិត្តណាស់ តែបើដើរជាមួយអ្នកណាគេរើសបំផុត។ គេមិនចូលជាមួយក្រុមអូសក្រឡា ក្រុមភ្លើតភ្លើន ក្រុមពុតត្បុតនិងក្រុមអ្នកមើលបំណាំដាច់ខាត។ មនុស្សនេះស៊ូឯកោ ជាជាងយកពេលទៅបង្កើតភាពអវិជ្ជមានដល់មនុស្សដទៃនឹងខ្លួនឯង។ មនុស្សនេះមានបណ្តាញធំទូលាយព្រោះកាយវិកាគេតែងតែជាលក្ខណៈអាជីព Processional មិនមានលក្ខណៈផ្ទាល់ខ្លួនឡើយ៕

ប្រែសម្រួល៖ ចម្រើន តារា

ចុចអាន៖ទម្លាប់មនុស្សជោគជ័យ ដែលតែងធ្វើខុសពីមនុស្សធម្មតាផ្សេងទៀត

ចុចអាន៖មិនថាអាយុតិចប៉ុណ្ណា បើសិនធ្វើប៉ុន្មានយ៉ាងនេះបាន គឺជាបុគ្គលជោគជ័យ!

The post បើមានបីយ៉ាងនេះ មិនបាច់ពូកែក៏អាចជោគជ័យបានដែរ ធានា! appeared first on Kampuchea Thmey Daily.

ហេតុផលធំៗ ដែលឆ្ងល់ថាសមត្ថភាពដូចគ្នាសោះ ម្ដេចគេជោគជ័យយើងបរាជ័យ

សាង ស្រីល័ក្ខ — Wed, 28 Apr 2021 07:05:00 +0000

ផ្នត់គំនិតតែងតែនាំយើងទៅរកបរាជ័យឬជោគជ័យ មិនមែនជាសមត្ថភាពទេ។ ផ្នត់គំនិតជាអ្នកដឹកនាំ សមត្ថភាពជាកម្លាំងសម្រាប់ចែវទូក ចំណែកទូកនៅវិលវល់ព្រោះគំនិតដែលគ្មានគោលដៅ។

ហេតុផលធំៗក្នុងសង្គមខ្មែរ ដែលមនុស្សខ្លះមានសមត្ថភាពប្រហែលគ្នាតែមានលទ្ធផលខុសគ្នាហៅមិនឮ ៖

១ ម្នាក់ចចេសរកដំណោះស្រាយក្នុងឧបសគ្គ ចំណែកម្នាក់ទៀតយកឧបសគ្គធ្វើលេស

អ្នកទីមួយមិនដែលរអ៊ូរទាំទេ។ ពួកគេស្វែងរកដំណោះស្រាយ និងអនុវត្តដើម្បីផ្លាស់ប្ដូរថាហេតុអ្វីលទ្ធផលមិនដូចការចង់បាន ។ គេផ្ដោតអារម្មណ៍ពីបញ្ហានានាដែលមាន ឆ្ពោះទៅរកដំណោះស្រាយ។ អ្នកទីពីរត្អូញត្អែរហើយរកឃើញបញ្ហានៅគ្រប់កន្លែង។ ពួកគេផ្តោតលើអ្វីដែលពួកគេមិនអាចគ្រប់គ្រងបាន ជាជាងមើលឃើញអ្វីដែលពួកគេអាចគ្រប់គ្រងបាន។ គេយល់ថាម្នាក់ទៀតប្រហែលជាមានជំនួយទើបជោគជ័យ ប្រហែលជាមានអ្វីអាថ៌កំបាំងឬប្រហែលជា….។ល។

២ ម្នាក់គិតវែងឆ្ងាយម្នាក់ទៀតគិតខ្លីៗ

អ្នកទីមួយមានទម្លាប់គិតវែងឆ្ងាយចង់បានលទ្ធផលពិតម្នាក់ទៀត ឈ្លក់វង្វេងនឹងផ្នត់គំនិតដែលជោគជ័យភ្លាមៗទាន់ហន់ទាំងខ្លួនមិនពេញសមត្ថភាពក៏បានឲ្យតែមានឱកាសបន្លំ។ បែបនេះពួកគេមិនដែលមានផែនការច្បាស់ទេ គឺធ្វើតាមពីក្រោយខ្នងអ្នកផ្សេង។ ក្នុងលោកនេះ រាល់អំពើធ្វើត្រាប់មិនដែលជោគជ័យ បានយូរយារឡើយ។

វាដូចគ្នានឹងអ្នកក្រដែលគិតខ្លីៗ ពួកគេត្រូវការលទ្ធផលរហ័ស ប្រសិនបើពួកគេបានវិនិយោគប្រាក់ បន្ទាប់មកពួកគេចង់កើនឡើង ១០ ដងក្នុងមួយខែដោយធ្វើសកម្មភាពដដែល។

៣ ម្នាក់ធ្វើអ្វីៗតាមបញ្ញា ចំណែកម្នាក់ទៀតផ្អែកលើអារម្មណ៍

អ្នកណាដែលសម្រេចធ្វើអ្វីៗតាមបញ្ញាមិនសូវដែលបរាជ័យទេ ខ្លាចតែការធ្វើការតាមអារម្មណ៍បានន័យថាប្រសិនគេមិនសប្បាយចិត្តគេនឹងមិនអ្វីទាល់តែសោះពេញមួយថ្ងៃ ឬយូរជាងនេះ ឬប្រញាប់ចាត់ថាខ្លួនបាក់ទឹកចិត្ត ។ ជាទូទៅការប្រើអារម្មណ៍ហួសហេតុនាំទៅដល់ជំងឺផ្លូវចិត្ត។ ដូច្នេះចាប់ផ្តើមប្រើខួរក្បាលនិងបញ្ញាហើយកុំធ្វើការសម្រេចចិត្តដោយផ្អែកលើអារម្មណ៍ហួសហេតុពេកទំាងដឹងហើយថាអារម្មណ៍នាំទៅរកកំហុស។

នេះជាមូលហេតុដែលអ្នកទីមួយកាន់តែជោគជ័យទៅ ហើយអ្នកទីពីរកាន់តែមានវិបត្តិឡើងៗក្នុងជីវិត៕

ប្រែសម្រួល៖ស្រស់

ចុចអាន៖ទម្លាប់មនុស្សជោគជ័យ ដែលតែងធ្វើខុសពីមនុស្សធម្មតាផ្សេងទៀត

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

The post ហេតុផលធំៗ ដែលឆ្ងល់ថាសមត្ថភាពដូចគ្នាសោះ ម្ដេចគេជោគជ័យយើងបរាជ័យ appeared first on Kampuchea Thmey Daily.

បុគ្គលជោគជ័យ Archives - Kampuchea Thmey Daily

មុនជោគជ័យសព្វថ្ងៃ សហគ្រិន អាមេរិក ទាំង ៥ នេះ មានជីវិតលំបាកវេទនា ស្ទើររើខ្លួនមិនរួច

៥ យ៉ាង​​ មនុស្សជោគជ័យតែងប្ដេជ្ញាខ្លួនឯងថាធ្វើឲ្យបាន

ធាតុសំខាន់ ៣ នៃទំនាក់ទំនងអាជីវកម្ម ដែលបុគ្គលជោគជ័យតែងអនុវត្តជារឿយៗ

បុគ្គល ៧ រូប​ចេញ​មុខ​ផ្ដល់​បទពិសោធន៍​លំបាក ​ក្នុង​នាម​ជា​ម្ចាស់​អាជីវកម្ម​នា​​វិបត្តិ​រោគរាតត្បាត

៤ ជំហាន​ដ៏​សំខាន់​ក្នុង​សម័យកាល​នេះ ឆ្ពោះ​ទៅ​រក​ជោគជ័យ​ក្នុង​ជីវិត

សញ្ញា​ទាំង ៧ ដែលចាស់ៗពូកែសម្គាល់ ដឹងភ្លាម​​​ថា​យើង​នឹង​ជោគជ័យទៅអនាគត

បើ​មាន​បីយ៉ាងនេះ មិន​បាច់ពូកែក៏អាចជោគជ័យបានដែរ ធានា!

ហេតុផល​ធំៗ ដែល​ឆ្ងល់​ថា​សមត្ថភាព​ដូចគ្នា​សោះ ម្ដេច​គេ​ជោគជ័យ​យើង​បរាជ័យ

៥ យ៉ាង មនុស្សជោគជ័យតែងប្ដេជ្ញាខ្លួនឯងថាធ្វើឲ្យបាន

បុគ្គល ៧ រូបចេញមុខផ្ដល់បទពិសោធន៍លំបាក ក្នុងនាមជាម្ចាស់អាជីវកម្មនាវិបត្តិរោគរាតត្បាត

៤ ជំហានដ៏សំខាន់ក្នុងសម័យកាលនេះ ឆ្ពោះទៅរកជោគជ័យក្នុងជីវិត

សញ្ញាទាំង ៧ ដែលចាស់ៗពូកែសម្គាល់ ដឹងភ្លាមថាយើងនឹងជោគជ័យទៅអនាគត

បើមានបីយ៉ាងនេះ មិនបាច់ពូកែក៏អាចជោគជ័យបានដែរ ធានា!

ហេតុផលធំៗ ដែលឆ្ងល់ថាសមត្ថភាពដូចគ្នាសោះ ម្ដេចគេជោគជ័យយើងបរាជ័យ