KPT+

គោលការណ៍ ៥ យ៉ាងនេះ ធានាថានឹងផ្លាស់ប្ដូរជីវិតឈានទៅរកគោលដៅជោគជ័យលឿ ន

បានផុស

៤ ខែ មុន

នៅ

ថ្ងៃពុធ ៩ មិថុនា ២០២១

ដោយ

នៅពេលជួបការលំបាក យើងតែងចង់ធ្វើការប្ដេជ្ញាថានឹងធ្វើការផ្លាស់ប្ដូរ ប៉ុន្តែប្រាកដជាមានអ្វីមួយមករារាំងនៃដំណើរការនេះ។ ឧបសគ្គកើតឡើង មកពីយើងមិនដឹងយើងពីរបៀបធ្វើយ៉ាងម៉េចឲ្យល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គន្លឹះ ៥ យ៉ាងនេះ មិនត្រឹមតែបង្កើតការផ្លាស់ប្ដូរដែលយើងចង់ធ្វើប៉ុណ្ណោះទេ តែថែមទាំងធ្វើឲ្យការផ្លាស់ប្ដូរនោះមាននិរន្តរភាពនិងយូរអង្វែងផងដែរ។

១ លើកកម្ពស់ស្តង់ដារខ្លួនឯង

ការលើកស្ទួយស្តង់ដាររបស់ខ្លួនឯង មានន័យថាយើងកំពុងបង្វែរទិសដៅឲ្យទៅជាទៅជាកត្តាចាំបាច់។ មនុស្សគ្រប់រូបគួរតែមានបញ្ជីដែលត្រូវធ្វើ ដោយចំណាយពេលធ្វើអ្វីដែលគួរធ្វើ ហើយត្រូវជឿជាក់ថាពិតជាអាចផ្លាស់ប្ដូរបាន។ ត្រូវចងចាំថា អ្នកផ្សេងគេលំបាកជាងយើងគេរស់បានមិនមែនគេមិនចេះហត់ទេ តែដោយសារនោះជាកត្តាចាំបាច់និងការកំណត់អត្តសញ្ញាណជាមួយនឹងស្តង់ដាររបស់ពួកគេ។

២ ផ្លាស់ប្តូរជំនឿដែលយើងបានកំណត់

មានគោលដៅប៉ុន្តែមិនធ្វើសកម្មភាពឬដកថយ ធ្វើបាបខ្លួនឯង នោះមានហេតុផលមួយគឺយើង មានជម្លោះពីខាងក្នុង។ យើងអាចទន់ខ្សោយបង្ហាញភាពភ័យខ្លាចនិងសង្ស័យ ហើយកំណត់ជំនឿនៅក្នុងទម្រង់នៃការខ្លបខ្លាច។ រាល់ការផ្លាស់ប្ដូរជំនឿដែលយើងបានកំណត់ ទើបធ្វើឲ្យយើងជោគជ័យ បើយើងគ្មានភាពរឹងមាំគ្រប់គ្រាន់ រឿងអស់នោះវាកើតឡើងបានទេ។

៣ យុទ្ធសាស្រ្តគំរូពីអ្នកដទៃ

សូមចាំថាភាពជោគជ័យបន្សល់ទុកនូវតម្រុយ។ មានមាគ៌ាឆ្ពោះទៅរកថាមពល និង វិធីដើម្បីសម្រេចនូវអ្វីដែលយើងចង់បានក្នុងរយៈពេលខ្លី។ ហើយវិធីដើម្បីរកវាគឺដើរតាមគំរូអ្នកធ្លាប់ឆ្លងកាត់។ មនុស្សជោគជ័យមិនមែនមកពីពួកគេមានទំនាក់ទំនងល្អ ឬខ្លាំងក្នុងអាជីវកម្ម ឬថាមពលខ្លាំងក្លាឡើយ។ ពួកគេមានសំណុំយុទ្ធសាស្ត្រដែលពួកគេអនុវត្ត ហើយយុទ្ធសាស្ត្រទាំងនោះគឺការរៀនពីគ្នា។

៤ រៀនបង្កើនអារម្មណ៍រឹងមាំ

ជៀសមិនរួចដែលជីវិតនឹងជះឥទ្ធិពលមកលើយើង ដូចជាការវាយលុកពីមនុស្សអាក្រក់មិនថាឈឺ អាជីវកម្មមានបញ្ហា ឬមានជម្លោះនៅក្នុងគ្រួសារ។ ប៉ុន្តែនេះគឺជាពេលវេលាដ៏សំខាន់ បើយើងត្រូវប្រឈមមុខដោយផ្ទាល់នឹងផ្ដល់នូវកម្លាំងចិត្តឲ្យជីវិត ។ កម្លាំងពីផ្លូវចិត្ត ជាអំណោយពីព្រះហើយយើងជាអ្នករកវិធីដើម្បីប្រើវា។

៥ ផ្ដល់ឲ្យច្រើនជាងអ្វីដែលអ្នករំពឹងថានឹងទទួលបាន

រឿងដែលយើងបង្កើតអត្ថន័យនៃជីវិត មិនមែនជាអ្វីដែលយើងទទួលបាននោះទេ ប៉ុន្តែជាអ្វីដែលយើងផ្ដល់ឲ្យ។ ប្រសិនបើអ្នកអាចធ្វើឲ្យក្លាយជាគោលដៅក្នុងមួយថ្ងៃ អ្នកអាចរកវិធីដើម្បីបន្ថែមតម្លៃដល់ជីវិតមនុស្សច្រើនជាងអ្នកដទៃ ហើយអ្នកមិនចាំបាច់ព្រួយបារម្ភអំពីជោគជ័យនោះទេ។ កុំផ្ដល់ឲ្យហើយរំពឹងចង់បានផលពីគេនោះ វាមិនមែនហៅថាការផ្ដល់ទេ នេះជាការអាត្មានិយមទៅវិញ។

សូមចាំថា អាថ៌កំបាំងក្នុងការរស់នៅគឺផ្ដល់ឲ្យ។ យើងអាចទទួលបានជោគជ័យ ប្រសិនបើរាល់ថ្ងៃយើងមានអារម្មណ៍ថាខ្លួនឯងបានផ្ដល់អ្វីដែលមានតម្លៃចំពោះអ្នកដែលនៅជុំវិញ នោះគឺជាជ័យជំនះចុងក្រោយនៃជីវិត៕

ប្រែសម្រួល៖ សាង ស្រីល័ក្ខ

ប្រភព៖ success

ចុចអាន៖សួរសំណួរចំពោះខ្លួនឯង ៥ នេះសិន មុនចាប់ផ្ដើមអាជីវកម្មផ្ទាល់ខ្លួន

ចុចអាន៖WHO ព្រមានថា បុគ្គលធ្វើការងារច្រើនហួសកម្រិត អាចជះឥទ្ធិពលអវិជ្ជមានដល់សុខភាព រាប់តាំងពីហានិភ័យនៃការស្លាប់ទ្វេដង