លោក បៃដិន និយាយថា ប្រទេសនៅអឺរ៉ុបខាងជើងទាំងពីរ នឹងក្លាយជាសម្ព័ន្ធមិត្តថ្មីដ៏រឹងមាំ និងអាចទុកចិត្តបានខ្ពស់ ជាមួយការប្តេជ្ញាចិត្តដ៏ពិសិដ្ឋចំពោះការការពារទៅវិញទៅមក នៅក្នុងសម្ព័ន្ធភាពឆ្លងមហាសមុទ្រអាត្លង់ទិកដឹកនាំដោយសហរដ្ឋអាមេរិក។

កាលពីដើមខែនេះ ព្រឹទ្ធសភាអាមេរិកបានបោះឆ្នោតគាំទ្រក្នុងសំឡេង ៩៥ ទល់ ១ ចំពោះការចូលជាសមាជិករបស់រដ្ឋ Nordic ទាំង២ ដែលធ្វើឲ្យសហរដ្ឋអាមេរិកក្លាយជាប្រទេសទី ២៣ ក្នុងចំណោមប្រទេសទាំង ៣០ ដែលផ្តល់ការយល់ព្រមជាផ្លូវការ។

ទោះបីជាយ៉ាងណាក៏ដោយ សម្រាប់ការចូលជាសមាជិកថ្មីរបស់ណាតូ គឺចាំបាច់ត្រូវការការគាំទ្រជាឯកច្ឆន្ទ។

លោក បៃដិន បានសរសើរអង្គការណាតូថាជា “មូលដ្ឋានគ្រឹះនៃសន្តិសុខអាមេរិក” ហើយនិ​យាយថា “សហរដ្ឋអាមេរិក បានប្តេជ្ញាចំពោះសម្ព័ន្ធភាពឆ្លងមហាសមុទ្រអាត្លង់ទិកមួយនេះ”។

លោក បៃដិន ក៏បានសរសើរហ្វាំងឡង់ និងស៊ុយអែតផងដែរ ដោយនិយាយថា ប្រទេសទាំងពីរមាន ស្ថាប័នប្រជាធិបតេយ្យរឹងមាំ យោធារឹងមាំ និងសេដ្ឋកិច្ចរឹងមាំ និងមានតម្លាភាព ដែលបច្ចុប្បន្ននឹងជំរុញអង្គការណាតូឲ្យកាន់តែខ្លាំង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ ព្រឹទ្ធសភាអាមេរិក បោះឆ្នោតផ្តល់សច្ចាប័នលើសមាជិកភាពណាតូ របស់ ហ្វាំងឡង់ និងស៊ុយអែត

The post លោក បៃដិន ចុះ​ហត្ថលេខា​​ផ្តល់​សច្ចាប័នលើការប៉ុនប៉ងរបស់ ​ហ្វាំងឡង់ និង​ស៊ុយអែត ចូល ​ណាតូ (មានវីដេអូ) appeared first on Kampuchea Thmey Daily.

សេចក្តីសម្រេចនេះ ត្រូវបានអនុម័តនៅក្នុងការបោះឆ្នោត ៩៥ ទល់នឹង ១ ដោយលោក Josh Hawley គឺជាសមាជិកព្រឹទ្ធសភាតែម្នាក់គត់ ដែលបានបោះឆ្នោតប្រឆាំងនឹងការផ្តល់សច្ចាប័ន។

មេដឹកនាំសំឡេងភាគច្រើនលោក Chuck Schumer បាននិយាយក្នុងព្រឹទ្ធសភា ភ្លាមៗមុនពេលបោះឆ្នោតថា “ការបោះឆ្នោតថ្ងៃនេះបង្ហាញថា សម្ព័ន្ធភាពរបស់យើងកាន់តែរឹងមាំជាងពេលណាទាំងអស់។ នេះមានសារសំខាន់បំផុត និងជាសញ្ញាមួយដល់រុស្ស៊ីថា ពួកគេមិនអាចបំភិតបំភ័យអាមេរិក ឬអឺរ៉ុបបានទេ”។

ឥឡូវនេះ រដ្ឋបាលរបស់លោក Joe Biden ត្រូវបានគេរំពឹងថា នឹងបញ្ជូនឯកសារផ្តល់សច្ចាប័ននេះទៅអង្គការណាតូ។

គួរបញ្ជាក់ថា ប្រទេសទាំង ៣០ នៃអង្គការណាតូ ត្រូវតែផ្តល់សច្ចាប័នលើពាក្យស្នើសុំ មុនពេលហ្វាំងឡង់ និងស៊ុយអែតអាចក្លាយជាសមាជិកបាន។

ប្រទេសអ៊ឺរ៉ុបទាំងពីរ កំពុងស្វែងរកការចូលជាសម្ព័ន្ធមិត្ត ដែលនឹងបញ្ចប់អព្យាក្រឹតភាពយោធាយូរអង្វែងរបស់ពួកគេ ជាការឆ្លើយតបទៅនឹងសកម្មភាពលុកលុយ របស់រុស្ស៊ីលើអ៊ុយក្រែន។

ប្រទេសចុងក្រោយដែលចូលរួមជាមួយអង្គការណាតូ គឺ ម៉ាសេដូនីខាងជើង ក្នុងឆ្នាំ ២០២០៕

ប្រែសម្រួល៖ Vann Vann

ប្រភព៖ NBC News

ចុចអាន៖ ប៉ូឡូញ ចង់បង្កើត កងទ័ព ណាតូ ខ្លាំង បំផុត នៅ អឺរ៉ុប

The post ព្រឹទ្ធសភាអាមេរិក បោះឆ្នោតផ្តល់សច្ចាប័នលើសមាជិកភាពណាតូ របស់ ហ្វាំងឡង់ និងស៊ុយអែត appeared first on Kampuchea Thmey Daily.

មេដឹកនាំរុស្ស៊ីរូបនេះក៏បាននិយាយដែរថា លោកនឹងឆ្លើយតប ប្រសិនបើណាតូដាក់ពង្រាយកងទ័ព និងហេដ្ឋារចនាសម្ព័ន្ធនៅក្នុងប្រទេសហ្វាំងឡង់ និងស៊ុយអែត បន្ទាប់ពីប្រទេស Nordic ទាំងពីរ ចូលរួមសម្ព័ន្ធភាពយោធានេះ។

លោក ពូទីន បានធ្វើអត្ថាធិប្បាយមួយថ្ងៃ បន្ទាប់ពីសមាជិកណាតូ គឺ តួកគី បានដកការប្រឆាំងរបស់ខ្លួនជុំវិញការប៉ុនប៉ងដោយហ្វាំងឡង់និងស៊ុយអែត ដើម្បីចូលរួមអង្គការណាតូ ក្រោយពេលប្រទេសទាំងបី យល់ព្រមក្នុងការការពារសន្តិសុខរបស់គ្នាទៅវិញទៅមក។

ការចូលរួមរបស់ទីក្រុង ហែលស៊ិនគី និង ស្តុកខុល ក្នុងអង្គការណាតូ សម្គាល់ជាការផ្លាស់ប្តូរដ៏ធំបំផុតមួយនៅក្នុងសន្តិសុខអឺរ៉ុប នារយៈពេលជាច្រើនទសវត្សរ៍មកនេះ។

លោក ពូទីន បាន​ប្រាប់​ទូរទស្សន៍​រដ្ឋ​រុស្ស៊ី ​បន្ទាប់ពី​កិច្ចពិភាក្សា​ជាមួយ​មេដឹកនាំ​តំបន់ ​ក្នុង​រដ្ឋអតីត​សហភាព​សូវៀតនៅ​​អាស៊ីកណ្តាលគឺប្រទេស តួកម៉េនីស្ថាន ថា “ជាមួយស៊ុយអែត និងហ្វាំងឡង់ យើងមិនមានបញ្ហាដូច ជាមួយអ៊ុយក្រែនទេ។ ពួកគេ​ចង់​ចូលណាតូ សូមចូលទៅចុះ។ ប៉ុន្តែពួកគេត្រូវតែយល់ថា នឹងមិនមានការគំរាមកំហែងទេ។ ប្រសិនបើឧបសម្ព័ន្ធយោធា និងហេដ្ឋារចនាសម្ព័ន្ធត្រូវបានដាក់ពង្រាយនៅទីនោះ យើងនឹងឆ្លើយតប និងបង្កការគំរាមកំហែងដល់ប្រទេសទាំង២នេះ ដូចដែលការគំរាមកំហែងដែលពួកគេបង្កចំពោះយើង”។

លោកបានបន្ថែមថា ទំនាក់ទំនងរបស់ទីក្រុងមូស្គូជាមួយទីក្រុង ហែលស៊ិនគី និង ស្តុកខុល នឹងមានភាពជូរចត់ដោយចៀសមិនរួច ជុំវិញសមាជិកភាពអង្គការណាតូរបស់ពួកគេ។ អ្វីគ្រប់យ៉ាងគឺល្អរវាងយើង ប៉ុន្តែឥឡូវនេះ អាចនឹងមានភាពតានតឹងខ្លះ វាប្រាកដជាមាន។ ចៀសមិនរួចទេ បើមានការគំរាមកំហែងមកលើយើង”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អាមេរិក ប្រកាសបង្កើនវត្តមានយោធាទូទាំងទ្វីបអឺរ៉ុប ដើម្បីទប់ទល់រុស្ស៊ី

The post ពូទីន ថ្កោលទោស ណាតូ ថែមទាំងគំរាម ស៊ុយអែត និង ហ្វាំងឡង់ (មានវីដេអូ) appeared first on Kampuchea Thmey Daily.

កិច្ចព្រមព្រៀងនេះ កើតឡើងបន្ទាប់ពីប្រទេសទាំងបី បានយល់ព្រមការពារសន្តិសុខគ្នាទៅវិញទៅមក ដោយបញ្ចប់ភាពចម្រូងចម្រាស់រយៈពេលមួយសប្តាហ៍ ដែលជាការធ្វើតេស្តអំពីសាមគ្គីភាពរបស់សម្ព័ន្ធមិត្ត ប្រឆាំងការលុកលុយរបស់រុស្ស៊ី លើអ៊ុយក្រែន។

អគ្គលេខាធិការអង្គការសន្ធិសញ្ញាអាត្លង់ទិកខាងជើងលោក Jens Stoltenberg បាននិយាយថា កិច្ចព្រមព្រៀងបានដោះស្រាយអំពីកង្វល់របស់ប្រទេសតួកគី រួមទាំងជុំវិញការនាំចេញអាវុធ និងការប្រយុទ្ធប្រឆាំងនឹងអំពើភេរវកម្មផងដែរ។

“ហ្វាំងឡង់ និងស៊ុយអែត បានប្តេជ្ញាគាំទ្រ តួកគី យ៉ាងពេញទំហឹង ប្រឆាំងនឹងការគំរាមកំហែងដល់សន្តិសុខជាតិរបស់ខ្លួន។ នេះរួមបញ្ចូលទាំងការធ្វើវិសោធនកម្មច្បាប់ក្នុងស្រុករបស់ពួកគេ, ការបង្ក្រាបសកម្មភាព PKK និងការចូលទៅក្នុងកិច្ចព្រមព្រៀងជាមួយ តួកគី ស្តីពីការធ្វើបត្យាប័នផងដែរ”។ នេះបើតាមសម្តីរបស់លោក Stoltenberg បន្ទាប់ពីកិច្ចពិភាក្សាជាមួយប្រធានាធិបតីតួកគីលោក Recep Tayyip Erdogan, នាយករដ្ឋមន្ត្រីស៊ុយអែតលោកស្រី Magdalena Andersson និងប្រធានាធិបតីហ្វាំងឡង់លោក Sauli Niinistö។

ការទម្លាយភាពទាល់ច្រកនេះ បានកើតឡើងបន្ទាប់ពីកិច្ចពិភាក្សារយៈពេលបួនម៉ោង មុនកិច្ចប្រជុំកំពូលរបស់អង្គការណាតូ ចាប់ផ្តើមនៅទីក្រុងម៉ាឌ្រីដ ដោយបញ្ចៀសភាពជាប់គាំងដ៏អាម៉ាស់មួយនៅឯការប្រមូលផ្តុំមេដឹកនាំចំនួន ៣០ ដែលមានគោលបំណងបង្ហាញការតាំងចិត្តប្រឆាំងនឹងរុស្ស៊ី។

នេះមានន័យថា រដ្ឋាភិបាលទីក្រុង ហែលស៊ិនគី និង ស្តុកខុល អាចដាក់ពាក្យសុំចូលរួមជាមួយសម្ព័ន្ធភាពប្រដាប់អាវុធនុយក្លេអ៊ែរនេះបាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ណាតូ មិនចាត់ទុកចិន ជាសត្រូវទេ ប៉ុន្តែបារម្ភរឿងម្យ៉ាង

The post ទីបំផុត តួកគី យល់ព្រមឲ្យ ហ្វាំងឡង់ និង ស៊ុយអែត ចូល ណាតូ (មានវីដេអូ) appeared first on Kampuchea Thmey Daily.

តំណាងនៃប្រទេសស៊ុយអែត និងហ្វាំងឡង់ ត្រូវបានគេបង្ហាញកញ្ចប់នៃសំណើក្នុងអំឡុងពេលកិច្ចពិភាក្សាថ្ងៃទី២៥ខែឧសភានៅទីក្រុងអង់ការ៉ា។

ថ្វីបើលក្ខខណ្ឌទាំង១០នោះ មិនត្រូវបានគេលាតត្រដាងទាំងស្រុងក៏ដោយ ប៉ុន្តែកាសែត Yeni Safak បានរាយការណ៍ថា ក្នុងចំណោមចំណុចពិសេសៗ ភាគីទាំងពីរ ត្រូវតែប្រកាសគាំទ្រទីក្រុងអង់ការ៉ា ក្នុងការប្រយុទ្ធប្រឆាំងនឹងអង្គការភេរវករ និងអនុម័តច្បាប់ពាក់ព័ន្ធ។

ប្រទេសស៊ុយអែត និងហ្វាំងឡង់ ត្រូវតែបិទអង្គការទាំងអស់នៅក្នុងទឹកដីរបស់ពួកគេ ដែលមានទំនាក់ទំនងជាមួយគណបក្សពលករឃើដ (PKK) នៅក្នុងប្រទេសតួកគី បង្កកទ្រព្យសម្បត្តិ និងធនធានប្រព័ន្ធផ្សព្វផ្សាយ ហើយការពារការបើកឡើងវិញរបស់ពួកគេ។

លើសពីនេះ ទីក្រុងអង់ការ៉ាជំរុញឲ្យទីក្រុង ស្តុកខុល និង ហែលស៊ិនគី ត្រូវដកការហ៊ុមព័ទ្ធលើការនាំចេញផលិតផលឧស្សាហកម្មការពារជាតិ និងធ្វើបត្យាប័នមនុស្សដែលមានទំនាក់ទំនងជាមួយអង្គការភេរវករ។

អាជ្ញាធរតួកគី ក៏ចង់បង្កើតកិច្ចសហប្រតិបត្តិការ ក្នុងការប្រយុទ្ធប្រឆាំងនឹងអំពើភេរវកម្មរវាងសេវាចារកម្មរបស់ប្រទេសនេះផងដែរ។

គួរបញ្ជាក់ថា ប្រធានាធិបតីតួកគី លោក Recep Tayyip Erdogan បានលើកឡើងម្តងហើយម្តងទៀតថា ទីក្រុងអង់ការ៉ានឹងមិនគាំទ្រឲ្យប្រទេសស៊ុយអែត និងហ្វាំងឡង់ ចូលក្នុងសម្ព័ន្ធអាត្លង់ទិកខាងជើងនោះទេ រហូតទាល់តែទីក្រុង ស្តុកខុល និង ហែលស៊ិនគី កំណត់អាកប្បកិរិយារបស់ពួកគេចំពោះអង្គការភេរវករ ដែលទីក្រុងអង់ការ៉ាសំដៅទៅលើកងកម្លាំងស្វ័យការពារ និងអង្គការភេរវជន Fetulah (FETO) ដែលអាជ្ញាធរតួកគីចោទប្រកាន់ថា មានជាប់ពាក់ព័ន្ធក្នុងការប៉ុនប៉ងធ្វើរដ្ឋប្រហារឆ្នាំ ២០១៦៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ European Times

ចុចអាន៖ មូលហេតុ ប្រទេស តួកគី ប្តូរឈ្មោះ

The post តួកគី ដាក់លក្ខខណ្ឌ ១០ចំណុច បើ ស៊ុយអែត និងហ្វាំងឡង់ ចង់ចូល ណាតូ (មានវីដេអូ) appeared first on Kampuchea Thmey Daily.

នៅក្នុងសុន្ទរកថាកាលពីថ្ងៃសុក្រទី២០ខែឧសភា លោក Shoigu បាននិយាយថា ការប៉ុនប៉ងដោយប្រទេស Nordic ទាំងពីរ គឺស្ថិតក្នុងចំណោមការគំរាមកំហែងផ្នែកយោធាជាច្រើន ដែលបានកើនឡើងក្នុងរយៈពេលប៉ុន្មានឆ្នាំថ្មីៗនេះនៅតាមព្រំដែនភាគពាយ័ព្យរបស់រុស្ស៊ី។

លោកបន្តថា ការគំរាមកំហែងទាំងនោះក៏រាប់បញ្ចូលទាំងសហរដ្ឋអាមេរិក ដែលបានបង្កើនការហោះហើរយន្តហោះទម្លាក់គ្រាប់បែកជាយុទ្ធសាស្ត្រ ការបញ្ជូននាវាចម្បាំងទៅកាន់សមុទ្របាល់ទិក និងការបង្កើនសមយុទ្ធហ្វឹកហ្វឺននៅក្នុងតំបន់ជាមួយដៃគូណាតូផងដែរ។

តាមសម្តីលោក Shoigu, “ភាពតានតឹងនៅតែបន្តកើនឡើងនៅក្នុងតំបន់ទទួលខុសត្រូវ របស់ភូមិភាគយោធាខាងលិច។ យើង​នឹង​ចាត់​វិធាន​ការ​តបត​គ្រប់​គ្រាន់​”។ លោក​បន្ថែម​ថា “​នៅ​ដំណាច់​ឆ្នាំនេះ អង្គភាព និង​កងពល​យោធា​ចំនួន ១២ នឹង​ត្រូវ​បាន​បង្កើត​ឡើង​នៅ​ក្នុង​ភូមិភាគ​យោធា​ខាង​លិច។ ការបង្កើតនេះ នឹងអមជាមួយការបំពាក់សម្ភារៈយោធា និងសព្វាវុធទំនើប កាន់តែច្រើនផងដែរ”។

ការព្រួយបារម្ភផ្នែកសន្តិសុខដែលបង្កឡើងដោយការវាយលុករបស់រុស្ស៊ីនៅអ៊ុយក្រែន ចាប់ផ្តើមពីថ្ងៃទី២៤ខែកុម្ភៈ បានជំរុញឲ្យប្រទេសហ្វាំងឡង់និងស៊ុយអែត បំបែកខ្លួនចេញពីគោលនយោបាយអព្យាក្រឹតភាពយូរអង្វែង ហើយងាកទៅចូលរួមជាមួយអង្គការណាតូ។

គួរបញ្ជាក់ថា ប្រទេសហ្វាំងឡង់ មានព្រំដែនគោកប្រវែង ១៣៤០ គីឡូម៉ែត្រ ជាមួយរុស្ស៊ី ខណៈដែល ស៊ុយអែតមានព្រំប្រទល់ដែនសមុទ្រ។

អគ្គលេខាធិការអង្គការណាតូ លោក Jens Stoltenberg បានបញ្ជាក់កាលពីថ្ងៃព្រហស្បតិ៍ទី ១៩ខែឧសភាថា លោកបានទទួលពាក្យសុំចូលរួមប្លុកនេះពីសំណាក់ប្រទេសហ្វាំងឡង់ និងស៊ុយអែត។

ប្រទេសជាសមាជិកទាំង ៣០ របស់ណាតូត្រូវតែយល់ព្រមទទួលយកសមាជិកថ្មី ប៉ុន្តែប្រធានាធិបតីតួកគីលោក Recep Tayyip Erdogan បានសម្តែងការប្រឆាំងដាច់ខាតចំពោះ ហ្វាំងឡង់ និងស៊ុយអែត៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រុស្ស៊ី ប្រកាសជ័យជម្នះទាំងស្រុង នៅរោងចក្រដែក Azovstal ក្នុងទីក្រុង Mariupol

The post រុស្ស៊ី ប្តេជ្ញាបង្កើតអង្គភាពយោធាយ៉ាងច្រើន បំពាក់អាវុធទំនើប ទុកចាត់វិធានការជាមួយ ហ្វាំងឡង់ និងស៊ុយអែត appeared first on Kampuchea Thmey Daily.

លោក Milanovic បានប្រាប់អ្នកយកព័ត៌មានថា ការបដិសេធនេះ នឹងបង្វែរការយកចិត្តទុកដាក់របស់សហគមន៍អន្តរជាតិចំពោះបញ្ហាដែលជនជាតិក្រូអាតកំពុងប្រឈមមុខនៅក្នុងប្រទេសជិតខាង បូស្នី និងហឺហ្សីហ្គូវីណា។

លោក Milanovic បានអះអាងថា “ខ្ញុំធ្លាប់បាននិយាយហើយថា ជនជាតិក្រូអាត នៅបូស្នី មានសារសំខាន់សម្រាប់ខ្ញុំជាងព្រំដែនរុស្ស៊ី-ហ្វាំងឡង់ទាំងមូលទៅទៀត”។

ទីក្រុង ស្តុកខុល និង ហែលស៊ិនគី បានបំបែកប្រវត្តិអព្យាក្រឹតភាពរបស់ពួកគេជាផ្លូវការ នៅថ្ងៃទី ១៥ ខែឧសភា ហើយបានដាក់ពាក្យសុំចូលជាសមាជិក ណាតូ។ ទោះបីជាយ៉ាងណាក៏ដោយ ការទទួលយកប្រទេសថ្មីទៅក្នុងប្លុកនេះ ទាមទារឲ្យមានការយល់ព្រមជាឯកច្ឆ័ន្ទពីសមាជិកទាំងអស់។

ដោយចង្អុលទៅការប្រឆាំងរបស់ទីក្រុងអង់ការ៉ា ចំពោះកិច្ចព្រមព្រៀងណាមួយដែលទទួលស្គាល់ស៊ុយអែត និងហ្វាំងឡង់ទៅក្នុងអង្គការណាតូ, លោក Milanovic និយាយថា ប្រទេសតួកគីកំពុងបង្ហាញពីរបៀបប្រយុទ្ធដើម្បីផលប្រយោជន៍ជាតិ។

គួរបញ្ជាក់ថា មុននេះ ប្រទេសតួកគី បានបដិសេធគាំទ្រការប៉ុនប៉ងរបស់ហ្វាំងឡង់ និងស៊ុយអែតដើម្បីចូលរួមជាមួ​យអង្គការណាតូ ដោយចោទប្រកាន់ប្រទេសស៊ុយអែតថាជា កន្លែងចិញ្ចឹមអង្គការភេរវករ។

តួកគីជឿជាក់ថា ប្រទេសស៊ុយអែត និងហ្វាំងឡង់ជាជម្រកភេរវករ រួមទាំងជាទីស្នាក់អាស្រ័យសម្រាប់សមាជិកនៃគណបក្សពលករឃើដ និងអ្នកមានជំនឿលើអ្នកប្រាជ្ញតួកគី Fethullah Gulen ដែលរដ្ឋាភិបាលទីក្រុងអង់ការ៉ា ចោទប្រកាន់ពីការប៉ុនប៉ងធ្វើរដ្ឋប្រហារឆ្នាំ២០១៦ផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន ថា អឺរ៉ុបសម្លាប់សេដ្ឋកិច្ចខ្លួនឯង ដោយការដាក់ទណ្ឌកម្ម រុស្ស៊ី

The post ប្រទេសណាតូមួយទៀត ចេញមុខប្រឆាំងការចូលជាសមាជិកភាពរបស់ ហ្វាំងឡង់ និង ស៊ុយអែត appeared first on Kampuchea Thmey Daily.

លោកប្រធានាធិបតី Recep Tayyip Erdogan បានប្រាប់គណៈប្រតិភូមកពីប្រទេស Nordic ទាំងពីរ កុំឲ្យរំខានដល់ដំណើរទស្សនកិច្ចនៅទីក្រុងអង់ការ៉ា សម្រាប់ការចរចាដែលបានគ្រោងទុកដើម្បីដោះស្រាយកង្វល់របស់ប្រទេសតួកគី។

ការប្រឆាំងដ៏ខ្លាំងក្លារបស់គាត់ បានធ្វើឲ្យសម្ព័ន្ធភាពណាតូ មានការភ្ញាក់ផ្អើលយ៉ាងខ្លាំង ប៉ុន្តែជារឿងល្អ សម្រាប់ប្រធានាធិបតីរុស្ស៊ីលោក វ្ល៉ាឌីមៀរ ពូទីន ដែលអះអាងថា ការពង្រីករបស់ណាតូ អាចជាសញ្ញានៃការលុកលុយរបស់លោកខាងលិច។

តួកគីជឿជាក់ថា ប្រទេសស៊ុយអែត និងហ្វាំងឡង់ជាជម្រកភេរវករ រួមទាំងជាទីស្នាក់អាស្រ័យសម្រាប់សមាជិកនៃគណបក្សពលករឃើដ និងអ្នកមានជំនឿលើអ្នកប្រាជ្ញតួកគី Fethullah Gulen ដែលរដ្ឋាភិបាលទីក្រុងអង់ការ៉ា ចោទប្រកាន់ពីការប៉ុនប៉ងធ្វើរដ្ឋប្រហារឆ្នាំ២០១៦ផងដែរ។

ដោយឡែក នាយករដ្ឋមន្ត្រីស៊ុយអែតលោកស្រី Magdalena Andersson បាននិយាយកាលពីថ្ងៃអាទីត្យទី១៥ខែឧសភាថា ប្រជាជាតិនេះសង្ឃឹមថា ការប៉ុនប៉ងចូលជាសមាជិករបស់ខ្លួន នឹងត្រូវបានទទួលយកយ៉ាងឆាប់រហ័ស។

លោកស្រីបញ្ជាក់ថា “ណាតូនឹងពង្រឹងស៊ុយអែត ស៊ុយអែតនឹងពង្រឹងណាតូ”។

ពាក្យស្នើសុំរបស់ប្រទេសនេះ បានកើតឡើងមួយថ្ងៃបន្ទាប់ពីហ្វាំងឡង់និយាយថា ខ្លួនក៏នឹងចូលរួមជាមួយណាតូផងដែរ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រទេសណាតូមួយ ចេញមុខមិនគាំទ្រការចូលជាសមាជិករបស់ ស៊ុយអែត និង ហ្វាំងឡង់

The post តួកគី ប្រឆាំងដាច់ខាតមិនឲ្យ ហ្វាំងឡង់ និងស៊ុយអែត ចូល ណាតូ ដោយលើកហេតុផលមួយ appeared first on Kampuchea Thmey Daily.