Connect with us

ព័ត៌មានអន្ដរជាតិ

រុស្ស៊ី ប្តេជ្ញាបង្កើតអង្គភាពយោធាយ៉ាងច្រើន បំពាក់អាវុធទំនើប ទុកចាត់វិធានការជាមួយ ហ្វាំងឡង់ និងស៊ុយអែត

បានផុស

នៅ

រុស្ស៊ី នឹងបង្កើតមូលដ្ឋានយោធាថ្មីនៅតំបន់ភាគខាងលិចប្រទេសរបស់ខ្លួន ក្នុងអ្វីដែលរដ្ឋមន្ត្រីការពារជាតិលោក Sergei Shoigu ពណ៌នាថាជា “វិធានការឆ្លើយតបគ្រប់គ្រាន់” ចំពោះហ្វាំងឡង់ និងស៊ុយអែត ដែលប៉ុនប៉ងចូលរួមជាមួយអង្គការណាតូ។

This image has an empty alt attribute; its file name is dd020630b89962a32362905802e57173.webp
រដ្ឋមន្ត្រីការពារជាតិលោក Sergei Shoigu

នៅក្នុងសុន្ទរកថាកាលពីថ្ងៃសុក្រទី២០ខែឧសភា លោក Shoigu បាននិយាយថា ការប៉ុនប៉ងដោយប្រទេស Nordic ទាំងពីរ គឺស្ថិតក្នុងចំណោមការគំរាមកំហែងផ្នែកយោធាជាច្រើន ដែលបានកើនឡើងក្នុងរយៈពេលប៉ុន្មានឆ្នាំថ្មីៗនេះនៅតាមព្រំដែនភាគពាយ័ព្យរបស់រុស្ស៊ី។

លោកបន្តថា ការគំរាមកំហែងទាំងនោះក៏រាប់បញ្ចូលទាំងសហរដ្ឋអាមេរិក ដែលបានបង្កើនការហោះហើរយន្តហោះទម្លាក់គ្រាប់បែកជាយុទ្ធសាស្ត្រ ការបញ្ជូននាវាចម្បាំងទៅកាន់សមុទ្របាល់ទិក និងការបង្កើនសមយុទ្ធហ្វឹកហ្វឺននៅក្នុងតំបន់ជាមួយដៃគូណាតូផងដែរ។

This image has an empty alt attribute; its file name is 2022-05-06T100921Z_734211916_RC2K1U96MRVU_RTRMADP_3_UKRAINE-CRISIS.webp

តាមសម្តីលោក Shoigu, “ភាពតានតឹងនៅតែបន្តកើនឡើងនៅក្នុងតំបន់ទទួលខុសត្រូវ របស់ភូមិភាគយោធាខាងលិច។ យើង​នឹង​ចាត់​វិធាន​ការ​តបត​គ្រប់​គ្រាន់​”។ លោក​បន្ថែម​ថា “​នៅ​ដំណាច់​ឆ្នាំនេះ អង្គភាព និង​កងពល​យោធា​ចំនួន ១២ នឹង​ត្រូវ​បាន​បង្កើត​ឡើង​នៅ​ក្នុង​ភូមិភាគ​យោធា​ខាង​លិច។ ការបង្កើតនេះ នឹងអមជាមួយការបំពាក់សម្ភារៈយោធា និងសព្វាវុធទំនើប កាន់តែច្រើនផងដែរ”។

This image has an empty alt attribute; its file name is russian_mi28-2_attack_helicopters-1024x689.jpg

ការព្រួយបារម្ភផ្នែកសន្តិសុខដែលបង្កឡើងដោយការវាយលុករបស់រុស្ស៊ីនៅអ៊ុយក្រែន ចាប់ផ្តើមពីថ្ងៃទី២៤ខែកុម្ភៈ បានជំរុញឲ្យប្រទេសហ្វាំងឡង់និងស៊ុយអែត បំបែកខ្លួនចេញពីគោលនយោបាយអព្យាក្រឹតភាពយូរអង្វែង ហើយងាកទៅចូលរួមជាមួយអង្គការណាតូ។

គួរបញ្ជាក់ថា ប្រទេសហ្វាំងឡង់ មានព្រំដែនគោកប្រវែង ១៣៤០ គីឡូម៉ែត្រ ជាមួយរុស្ស៊ី ខណៈដែល ស៊ុយអែតមានព្រំប្រទល់ដែនសមុទ្រ។

This image has an empty alt attribute; its file name is 2021-05-09T074149Z_3589095_RC27CN98SY6S_RTRMADP_3_WW2-ANNIVERSARY-RUSSIA-PARADE.webp

អគ្គលេខាធិការអង្គការណាតូ លោក Jens Stoltenberg បានបញ្ជាក់កាលពីថ្ងៃព្រហស្បតិ៍ទី ១៩ខែឧសភាថា លោកបានទទួលពាក្យសុំចូលរួមប្លុកនេះពីសំណាក់ប្រទេសហ្វាំងឡង់ និងស៊ុយអែត។

ប្រទេសជាសមាជិកទាំង ៣០ របស់ណាតូត្រូវតែយល់ព្រមទទួលយកសមាជិកថ្មី ប៉ុន្តែប្រធានាធិបតីតួកគីលោក Recep Tayyip Erdogan បានសម្តែងការប្រឆាំងដាច់ខាតចំពោះ ហ្វាំងឡង់ និងស៊ុយអែត៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រុស្ស៊ី ប្រកាសជ័យជម្នះទាំងស្រុង នៅរោងចក្រដែក Azovstal ក្នុងទីក្រុង Mariupol

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម