ព័ត៌មានអន្ដរជាតិ

អាមេរិក ប្រកាសបង្កើនវត្តមានយោធា ទូទាំងទ្វីបអឺរ៉ុប ដើម្បីទប់ទល់រុស្ស៊ី (មានវីដេអូ)

បានផុស

៤ years មុន

នៅ

ថ្ងៃព្រហស្បតិ៍ ៣០ មិថុនា ២០២២

ដោយ

លោកប្រធានាធិបតី ចូ បៃដិន បានប្រកាសថា សហរដ្ឋអាមេរិកនឹងបង្កើនវត្តមានយោធារបស់ខ្លួននៅទូទាំងទ្វីបអឺរ៉ុប ដើម្បីឆ្លើយតបទៅនឹងការលុកលុយរបស់រុស្ស៊ីលើអ៊ុយក្រែន។

ទីបញ្ជាការកងទ័ពអចិន្ត្រៃយ៍នឹងត្រូវបានបង្កើតឡើងនៅក្នុងប្រទេសប៉ូឡូញ ខណៈនាវាចម្បាំងអាមេរិកថ្មីនឹងបញ្ជូនទៅកាន់ប្រទេសអេស្ប៉ាញ, យន្តហោះចម្បាំងទៅកាន់ចក្រភពអង់គ្លេស និងកងទ័ពជើងគោកទៅកាន់ប្រទេសរូម៉ានី។

លោក បៃដិន និយាយថា សហរដ្ឋអាមេរិកកំពុងបង្កើនហើយបង្ហាញថា ពេលនេះ អង្គការណាតូ ត្រូវការអ្វីៗច្រើនជាងពេលណាៗទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះ ធ្វើឡើងចំពេលដែលមេដឹកនាំសម្ព័ន្ធភាពនេះ ជួបប្រជុំគ្នាក្នុងកិច្ចប្រជុំកំពូលនៅទីក្រុង ម៉ាឌ្រីដ នៃប្រទេស អេស្ប៉ាញ។

លោក បៃដិន បានប្រាប់អង្គប្រជុំថា ណាតូនឹងពង្រឹងគ្រប់ទិសទី ទូទាំងដែនដី អាកាស និងសមុទ្រ។

តាមសេចក្តីប្រកាសនេះ សហរដ្ឋអាមេរិកនឹងបង្កើនវត្តមានរបស់ខ្លួននៅទូទាំងទ្វីប ប៉ុន្តែជាពិសេសនៅអឺរ៉ុបខាងកើត ជាទីតាំងនៃទីស្នាក់ការអចិន្ត្រៃយ៍ថ្មីសម្រាប់កងទាហានទី៥របស់ខ្លួន។

លោក បៃដិន បានរំលឹកឡើងវិញនូវការប្តេជ្ញាចិត្តរបស់សម្ព័ន្ធមិត្ត ក្នុងការការពារទឹកដីរបស់ខ្លួនគ្រប់ អ៊ីញ ដោយនិយាយថា “នៅពេលដែលយើងនិយាយអំពីការវាយប្រហារប្រឆាំងនឹងប្រទេសមួយ នោះគឺជាការវាយប្រហារប្រឆាំងនឹងអ្នកទាំងអស់គ្នា”។