ព័ត៌មានអន្ដរជាតិ
ណាតូ មិនចាត់ទុកចិន ជាសត្រូវទេ ប៉ុន្តែបារម្ភរឿងម្យ៉ាង (មានវីដេអូ)
អគ្គលេខាធិការអង្គការណាតូ លោក Jens Stoltenberg បាននិយាយកាលពីថ្ងៃអង្គារទី២៩ខែមិថុនាថា អង្គការណាតូ មិនយល់ឃើញថា ប្រទេសចិនជាសត្រូវទេ ហើយជឿជាក់លើភាពចាំបាច់ក្នុងការសហការជាមួយទីក្រុងប៉េកាំងលើបញ្ហាពិភពលោក ដូចជាការប្រែប្រួលអាកាសធាតុជាដើម ប៉ុន្តែអ្វីដែលគួរឲ្យបារម្ភគឺទំនាក់ទំនងរវាងក្រុងប៉េកាំងនិងមូស្គូ។
លោក Stoltenberg បាននិយាយអំឡុងវេទិកាសាធារណៈ របស់អង្គការណាតូនៅទីក្រុងម៉ាឌ្រីតនៃប្រទេស អេស្ប៉ាញ ថា “ចំពោះប្រទេសចិន សារមួយដែលយើងមានគឺថា យើងមិនចាត់ទុកចិនជាសត្រូវទេ ហើយចិនជាប្រទេសដែលមានសេដ្ឋកិច្ចធំជាងគេលើពិភពលោក។ យើងត្រូវចូលរួមជាមួយចិនលើបញ្ហានានា ដូចជាការប្រែប្រួលអាកាសធាតុ វាសំខាន់សម្រាប់ទីផ្សារថាមពលទាំងមូល”។
“ប៉ុន្តែយើងខកចិត្ត ចំពោះការពិតដែលថា ប្រទេសចិនមិនអាចថ្កោលទោសការលុកលុយរបស់រុស្ស៊ីលើអ៊ុយក្រែន, ការពិតដែលថា ប្រទេសចិនកំពុងផ្សព្វផ្សាយរឿងមិនពិតជាច្រើន អំពីអង្គការណាតូ លោកខាងលិច និងការពិតដែលថា ឥឡូវនេះ ចិននិងរុស្ស៊ីមានភាពស្និទ្ធស្នាលជាងពេលណាៗទាំងអស់”។
នៅក្នុងឯកសារមួយ ប្រទេសចិនបានចូលរួមជាមួយរុស្ស៊ី ក្នុងការអំពាវនាវឲ្យបញ្ចប់ការពង្រីកអង្គការណាតូ និងគាំទ្រការទាមទាររបស់ខ្លួន ឲ្យមានការធានាសន្តិសុខពីលោកខាងលិច។
លោក Stoltenberg បាននិយាយមុនកិច្ចប្រជុំកំពូលរបស់អង្គការណាតូ រយៈពេល៣ថ្ងៃនៅទីក្រុងម៉ាឌ្រីដថា “នោះគឺជាលើកទីមួយហើយ ដែលប្រទេសចិនបានបញ្ចេញមតិយ៉ាងច្បាស់លាស់ សំដៅប្រឆាំងនឹងអង្គការណាតូ និងការពង្រីកទំហំរបស់អង្គការណាតូ”។
កាលពីដើមខែនេះ ប្រធានាធិបតីចិន លោក ស៊ី ជីនពីង បានអះអាងឡើងវិញនូវការគាំទ្ររបស់លោកចំពោះប្រទេសរុស្ស៊ី លើបញ្ហាអធិបតេយ្យភាព និងសន្តិសុខ។
លោក ស៊ី បាននិយាយទូរស័ព្ទជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន ដោយអះអាងថា “គ្រប់ភាគី គួរតែជំរុញឲ្យមានទំនួលខុសត្រូវ សម្រាប់ការដោះស្រាយវិបត្តិអ៊ុយក្រែនឲ្យបានត្រឹមត្រូវ”៕
សូមទស្សនាវីដេអូ៖
ប្រែសម្រួល៖ Vann Vann
ចុចអាន៖ រុស្ស៊ី គំរាម ផ្ទុះសង្គ្រាមលោកលើកទី៣ បើណាតូ ហ៊ានតែធ្វើរឿងម្យ៉ាង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ