១. ពីរ៉ាមីតសាងសង់ឡើងដោយទាសករ

យោងទៅតាមអ្នកប្រាជ្ញសហសម័យបានឲ្យដឹងថា អ្នកសាងសង់ពីរ៉ាមីតគឺជា មនុស្សមានសេរីភាព ។ កាលនោះអេហ្ស៊ីបបុរាណមិនមានរូបិយប័ណ្ណទេ ដូច្នេះប្រជាជនបង់ពន្ធដោយបម្រើជាសេវាកម្មវិញ ។

២. ស្ដេចស្រី Cleopatra មានសម្រស់ស្អាតអស្ចារ្យ

គ្មានភស្តុតាងជាក់ស្ដែងណាមួយបញ្ជាក់ពីសម្រស់ស្ដេចស្រី Cleopatra ឡើយ ប៉ុន្តែទ្រង់អាចជាស្ត្រីស្រស់ស្អាត និងឆ្លាតវៃក្នុងការដឹកនាំដែរ ។

៣. ប្រជារាស្ត្រសម័យអេហ្ស៊ីបបុរាណរំពឹងថា ខ្មោចម៉ាំមីនឹងងើបពីសេចក្ដីមរណៈ

ការពិតប្រជារាស្ត្រសម័យនោះមិនមានជំនឿបែបនេះឡើយ ហើយមានអ្នកឃើញខ្មោចម៉ាំមីរលួយទៀតផង ។

៤. ការបូជាមនុស្សជាទម្លាប់សម្រាប់សម័យអេហ្ស៊ីបបុរាណ

សម័យអេហ្ស៊ីបបុរាណមានរយៈពេលប្រហែល ៣ ពាន់ឆ្នាំ ប៉ុន្តែការបូជាមនុស្សមានត្រឹមតែ ៤០០ ឆ្នាំប៉ុណ្ណោះ ។

៥. គេរុំម៉ាំមីដើម្បីរក្សាសាកសព

ការរុំសាកសពទៅជាម៉ាំមី គឺដើម្បីរក្សាទម្រង់ដើមនៃសាកសព មិនមែនរក្សាសាកសពឡើយ ។

៦. ពីរ៉ាមីតមានអន្ទាក់នៅខាងក្នុង

អ្នកសាងសង់ពីរ៉ាមីតមិនបានដាក់អន្ទាក់នៅក្នុងនោះទេ អ្វីដែលអ្នកស្រាវជ្រាវស្មានថាជាអន្ទាក់ ការពិតជាវិធីការពារទឹកមិនឲ្យបំផ្លាញសំណង់សោះ ។

យ៉ាងណាក្ដី ពីរ៉ាមីតនិងប្រវត្តិសាស្ត្រនៃសម័យអេហ្ស៊ីបបុរាណនៅតែជារឿងគួរឲ្យចាប់អារម្មណ៍ចំពោះពិភពលោកដដែល ៕

ប្រែសម្រួល ៖ វារី

ចុចអាន ៖ ក្រុមអ្នកបុរាណវិទូ រកឃើញរូបសំណាកព្រះពុទ្ធដែលមានអាយុកាលជាង ២ ពាន់ឆ្នាំនៅ អេហ្ស៊ីប

The post ពាក្យចចាមអារ៉ាមមិនពិត ៦ រឿង ដែលយើងឮតៗគ្នាពីសម័យអេហ្ស៊ីបបុរាណ appeared first on Kampuchea Thmey Daily.

១. គ្មានអ្វីអាចមកបំបែកពេជ្របានទេ

ទោះបីជាពេជ្រមានភាពរឹងមាំយ៉ាងណាក៏ដោយ វានៅតែអាចបំបែកនិងឆ្កូតបានដូចវត្ថុផ្សេងៗទៀត គ្រាន់តែត្រូវការកម្លាំងខ្លាំងជាងគេប៉ុណ្ណោះ ។

២. ការពាក់គជ់ខ្យងនៅថ្ងៃមង្គលការគឺមិនល្អទេ

គេជឿថាគជ់ខ្យងតំណាងឲ្យទឹកភ្នែកកូនក្រមុំដែលនឹងត្រូវស្រក់ក្នុងជីវិតគូដោយសារកូនកំលោះជាទីស្រលាញ់របស់នាង សូម្បីចំណងខ្សែគជ់នោះក៏តំណាងឲ្យបញ្ហាមួយខ្សែរបស់កូនក្រមុំដែរ ។

៣. ពេជ្រគឺជាថ្មដ៏កម្របំផុត

ពេជ្រពិតជាពិបាកជីកមែន ប៉ុន្តែវាមិនមែនជាថ្មដ៏កម្របំផុតទេ ថ្ម painite ទើបជាថ្មកម្របំផុត ។

៤. ពណ៌ត្រូវបានចាត់ទុកថាជារឿងសំខាន់ក្នុងការកំណត់តម្លៃពេជ្រ

អ្នកប្រហែលជាធ្លាប់ឮពីពេជ្រពណ៌ខៀវ ឬពេជ្រពណ៌ផ្កាឈូកដ៏ថ្លៃបំផុតហើយ ដោយសារតែពេជ្រពណ៌ជាវត្ថុកម្រទើបវាមានតម្លៃថ្លៃមហាសាល ។ យ៉ាងណាក្ដីពណ៌មិនអាចកំណត់តម្លៃពេជ្រទេ ការកំណត់តម្លៃពេជ្រគឺស្ថិតលើទំហំ កម្រិតភ្លឺ និងមុខកាត់របស់វា ។

៥. យើងអាចរំលាយគជ់ខ្យងក្នុងទឹកខ្មេះឬសុរា

ព្រះនាង Cleopatra ធ្លាប់បង្អួតអំពីទ្រព្យសម្បត្តិរបស់ទ្រង់ដោយដាក់គជ់ខ្យងចូលទៅក្នុងស្រារួចផឹកវា ។ អ្នកជំនាញបានឲ្យដឹងថាយើងអាចរំលាយគជ់ខ្យងក្នុងស្រាដោយប្រើពេលយូរ ប្រសិនបើចង់ឲ្យឆាប់រលាយនោះគេត្រូវកិនវាឲ្យក្លាយជាម្សៅសិន ។

៦. Opals នាំមកនូវសំណាងអាក្រក់

Opals គឺជាប្រភេទថ្មមានពណ៌ដូចឥន្ទធនូ កាលពីជំនាន់មុនមនុស្សប្រុសតែងតែចេញទៅធ្វើសង្គ្រាមចោលប្រពន្ធកូន ពួកគេនឹងទុកថ្មនេះឲ្យប្រពន្ធមុនចេញទៅដើម្បីសំណាងល្អនិងសុវត្ថិភាព ក្រោយមកជំនឿនោះប្រែក្លាយជាសំណាងអាក្រក់ទៅវិញ មកទល់បច្ចុប្បន្នជំនឿទាំងពីរក៏សាបសូន្យទៅ ។

៧. មាសមានបីពណ៌

ការពិតមាសមានតែមួយពណ៌ទេគឺពណ៌លឿង ចំណែកឯពណ៌ផ្សេងៗគឺបានមកពីការលាយជាមួយលោហៈដទៃទៀត ។

៨. ចិញ្ចៀនភ្ជាប់ពាក្យត្រូវតែជាពេជ្រ ព្រោះត្បូងផ្សេងទៀតមិនសូវមានសំណាងល្អ

ទោះបីពេជ្រមានតម្លៃថ្លៃ ប៉ុន្តែការស្រលាញ់ពិតនៅតែមានតម្លៃជាងពេជ្រ​ ដូច្នេះហើយត្បូងអ្វីក៏មិនសំខាន់ដែរសំខាន់យើងមានក្ដីសុខពិតប្រាកដ ។

៩. អ្នកត្រូវតែពាក់ចិញ្ចៀនភ្ជាប់ពាក្យ ឬចិញ្ចៀនរៀបការជាប់ជានិច្ច

អ្នកមិនចាំបាច់ពាក្យវារហូតនោះទេ ឲ្យតែអ្នកមានដៃគូនៅក្នុងបេះដូងរហូតទៅគឺគ្រប់គ្រាន់ណាស់ទៅហើយ។

១០. ត្បូងកាន់តែធំកាន់តែថ្លៃ

ចំណុចនេះមិនមែនជាការពិតនោះទេ ត្បូងដែលមានតម្លៃថ្លៃត្រូវតែមានទឹកល្អ និងមុខកាត់ស្អាតផងដែរ។

សូមរំលឹកដែរថារាល់ការបញ្ជាទិញត្បូងឬគ្រឿងអលង្ការត្រូវតែពិនិត្យនិងទិញពីកន្លែងគួរឲ្យទុកចិត្ត ព្រោះឥលូវនេះសម្បូរទៅដោយត្បូងនិងមាសក្លែងក្លាយណាស់ ៕

ប្រែសម្រួល ៖ វារី

ចុចអាន ៖ មកដឹងពីតម្លៃចិញ្ចៀនរៀបការរបស់តារាល្បីលំដាប់អន្តរជាតិ ៥ រូប

The post ពាក្យចចាមអារ៉ាមមិនពិតដ៏ពេញនិយម ១០ រឿង ពីគ្រឿងអលង្ការ appeared first on Kampuchea Thmey Daily.

១. មិនលាបអ្វីល្អបំផុត

គាត់តែងនិយាយថា “នៅក្មេងស្អាតហើយមិនបាច់លាបអ្វីនោះទេក្រែងលម្សៅស៊ីមុខ ឬជាំជាដើម” ការពិតស្បែកមនុស្សត្រូវការថែទាំយ៉ាងដិតដល់ចាប់តាំងពីនៅទារកមកម្ល៉េះ យ៉ាងហោចណាស់ក៏គួរលាបឡេផ្ដល់សំណើមនិងឡេការពារកម្ដៅថ្ងៃដែរ ។

២. ផឹកទឹកច្រើននឹងប្រសើរឡើងវិញ

ក្មេងជំទង់អាចប្រឈមមុខនឹងការកើតមុនដែលទាមទារឲ្យមានការថែទាំទើបមិនបន្សល់ស្លាកស្នាម ឬរីករាលដាលពេញមុខ ។ ផ្ទុយទៅវិញចាស់ៗគាត់នឹងស្ដីថា “​មកពីចុចទូរស័ព្ទ មិនគេងគ្រប់គ្រាន់ និងមិនផឹកទឹក ដូច្នេះស្បែកក្ដៅឡើងមុនបែបនេះហើយ” ។

៣. ចាំចាស់ចាំប្រើផលិតផល

ការសម្រេចបាននូវស្បែកមុខស្អាតអ្នកគួរចាប់ផ្ដើមពីក្មេងក្នុងការការពារបញ្ហាស្បែក បើចាំដល់ពេលចាស់មានបញ្ហាពេញមុខចាំប្រើនោះត្រូវប្រើពេលយូរថែមទាំងខាតពេលខាតថវិកាច្រើនជាងធម្មតាទៀតផង ។

៤. ញ៉ាំបន្លែសាច់ស្អាត

ពិតណាស់បន្លែមានវីតាមីន និងសារធាតុចិញ្ចឹមល្អៗសម្រាប់សុខភាពស្បែក ប៉ុន្តែបន្លែមិនអាចធ្វើឲ្យស្បែកស ឬបំបាត់រាល់បញ្ហាបាននោះទេ ។

៥. លាងមុខញឹកញាប់ជួយកាត់បន្ថយស្នាមមុន

មួយថ្ងៃចាំបាច់លាងមុខពីរដងគឺ ព្រឹក និងយប់ ស្បែកមុខដែលលាងញឹកញាប់ពេកបណ្ដាលឲស្ងួត រមាស់ និងប្រែជាស្បែកស្ដើងឆាប់ប្រតិកម្មទៅវិញ ។

ជាក់ស្ដែងការថែរក្សាស្បែក និងសុខភាពដាច់ខាតត្រូវទទួលការណែនាំពីគ្រូពេទ្យជំនាញទើបធានាបាននូវប្រសិទ្ធិភាពដោយគ្មានហានិភ័យ ៕

ប្រែសម្រួល ៖​ វារី

ចុចអាន ៖ ៥ មូលហេតុ អ្នកជំនាញណែនាំឲ្យជម្រុះកោសិកាចាស់រាល់ថ្ងៃ

ចុចអាន ៖ អាហារ ៤ ប្រភេទអាចជួយការពារ និងកាត់បន្ថយបញ្ហាកើតមុន

The post ពាក្យមិនពិតពីស្បែក ៥ ឃ្លា មនុស្សចាស់ចូលចិត្តប្រាប់ក្មេងជំទង់ appeared first on Kampuchea Thmey Daily.

១. ជំងឺមហារីកជាទោសប្រហារជីវិត

បច្ចុប្បន្នការព្យាបាលជំងឺមហារីកកាន់តែរីកចម្រើន និងទំនើប ។ មានមនុស្សមិនតិចនោះទេដែលយកឈ្នះលើជំងឺកាចសាហាវនេះ ។

២. ជំងឺមហារីកជាជំងឺឆ្លង

ទោះបីជាជំងឺខ្លះអាចបង្កទៅជាមហារីកក្ដី ក្នុងករណីនេះមេរោគជំងឺផ្សេងទើបប៉ះពាល់អាយុជីវិត មិនមែនជាកំហុសជំងឺមហារីកនោះទេ ។

៣. ទូរស័ព្ទបង្កជំងឺមហារីក

ការប៉ះពាល់នឹងវិទ្យុសកម្មអ៊ីយ៉ូដ (ឧទាហរណ៍ កាំរស្មីអ៊ិច) បង្កើនហានិភ័យនៃជំងឺមហារីក ។ សម្រាប់វិទ្យុសកម្មប្រេកង់គឺជាវិទ្យុសកម្មដែលមិនមានអ៊ីយ៉ូដ ហើយមិនបង្កើនហានិភ័យនៃជំងឺមហារីកទេ ។

៤. បង្គោលភ្លើង ឬអង់តែន បង្កជំងឺមហារីក 

ដោយសារតែវាមិនមែនអ៊ីយ៉ូដ ដូច្នេះវាគ្មានសមត្ថភាពបង្កជំងឺមហារីកដូចគ្នា ។

៥. ជាតិផ្អែមសប្បនិម្មិតបង្កជំងឺមហារីក 

គ្មានប្រភពគួរឲ្យជឿជាក់ណាមួយអះអាងថាជាតិផ្អែមសប្បនិម្មិតបង្កជំងឺមហារីកទេ សូម្បីតែរដ្ឋបាល​ចំណីអាហារ​និង​ឪ​ស​ថក៏ដោយ ។

៦. ជំងឺមហារីករីករាលដាល 

វាជាការពិតដែលការវះកាត់អាចបង្កការរីករាលដាលពីជំងឺមហារីក ប៉ុន្តែករណីនេះកម្រណាស់ ។ ចំណែកពាក្យចចាមរ៉ាមស្រដៀងគ្នាមួយនិយាយថា “ដុំមហារីកនឹងរីករាលដាលលឿនពេលត្រូវខ្យល់” ក៏មិនមែនជាការពិតដែរ ។

៧. ថ្នាំបុរាណអាចព្យាបាលជំងឺមហារីក

គ្មានភស្តុតាងណាមួយបានបង្ហាញថាថ្នាំបុរាណធ្លាប់ព្យាបាលជំងឺមហារីកឡើយ ។ អ្នកខ្លះប្រើវិធីចាក់ម្ជុលវិទ្យាសាស្ត្រ សមាធិ និងយូហ្គា ប៉ុន្តែវិធីនេះជួយបានត្រឹមតែផ្លូវចិត្តប៉ុណ្ណោះ ។ អ្នកជំនាញជំងឺមហារីកនិយាយថា “មិនមែនឲ្យតែធម្មជាតិសុទ្ធតែល្អទាំងអស់ទេ ប្រយ័ត្នកាន់តែប៉ះពាល់សុខភាពព្រោះគ្មានការពិសោធន៍ត្រឹមត្រូវ” ។

៨. ជំងឺមហារីកជាជំងឺតពូជ

ជំងឺមហារីកមួយចំនួនត្រូវបានបញ្ជូនបន្តតាមហ្សែន ប៉ុន្តែវាជាករណីកម្រ ៖ ការប៉ាន់ប្រមាណបង្ហាញថាករណីនេះមានប្រហែលក្រោម ១០% ។

៩. ជំងឺមហារីកតែងតែកើតឡើងម្ដងទៀត

វិធីសាស្ត្រព្យាបាលកាន់តែរីកចម្រើន និងមានឥទ្ធិពលសម្លាប់កោសិកាមហារីកទាំងស្រុងមិនអោយលូតលាស់ ឬ បន្តបានទេ ។

១០. មិនអាចព្យាបាលជា

អ្នកយកជម្នះលើជំងឺមហារីកមានច្រើនសឹងតែ ៥០ភាគរយទៅហើយ ។ ជំងឺមហារីកពិតជាពិបាកព្យាបាល ជាក់ស្ដែងនៅតែមានអ្នកជាដដែល ។

នៅក្នុងអត្ថបទនេះ យើងសង្ឃឹមថានឹងជួយពង្រឹងផ្លូវចិត្ត និងលុបបំបាត់ពាក្យចចាមអារ៉ាមពីមហារីក ។ ជាពិសេសជួយលើកទឹកចិត្តអ្នកជំងឺឲ្យតស៊ូ រឹងមាំ ប្រឆាំងនឹងជំងឺបានជោគជ័យ ៕

ប្រែសម្រួលដោយ ៖ វារី

ចុចអាន ៖ ចៀសវាងញ៉ាំអាហារ ៧ ប្រភេទនេះ បើមិនចង់កើតមហារីក

ចុចអាន ៖ សាយ ប្រកាសកម្មវិធី “រត់ដើម្បីសប្បុរសធម៌ រត់ដើម្បីកុមារកម្ពុជា” សង្គ្រោះជីវិតកុមារពីជំងឺមហារីក

The post ពាក្យចចាមអារ៉ាមមិនពិត ១០ យ៉ាង ពីជំងឺមហារីក appeared first on Kampuchea Thmey Daily.

ជាធម្មតាដែកប្រាកដជាច្រែះរាល់ពេលត្រូវទឹក ដូចគ្នាទៅនឹងទឹកមាត់ដែរ ព្រោះកាលណាអ្នកផ្លុំខ្យល់ទៅកាន់ដែកខួងវាតែងតែមានវត្តមានទឹកមាត់បន្តិចបន្តួចជាមិនខាន ។ មួយវិញទៀតរៀងរាល់ការប្រើប្រាស់ធ្វើឲ្យដែកសឹករិចរឹលលែងមុតដូចដើម ដោយសារដែកដែលគេយកមកធ្វើដែកខួងជាដែកមានគុណភាពអន់ផង ។  ដែកខួងត្រូវបង្កើតឡើងដំបូងក្នុងឆ្នាំ ១៨២៨ ខែតុលា ថ្ងៃទី២០ ដោយលោក Bernard Lassimone ជាគណិតវិទូ ជនជាតិបារំាង ។ មកទល់បច្ចុប្បន្ន ដែកខួងក្លាយជាសម្ភារៈសិក្សាសំខាន់មានគ្រប់ពណ៌គ្រប់ម៉ូដ ប៉ុន្តែវិចិត្រករមួយចំនួនងាកមកប្រើកាំបិតចិតខ្មៅដៃជំនួសដែកខួងវិញដើម្បីឲ្យខ្មៅដៃប្រើបានយូរ ។

ជាក់ស្ដែងគ្មានវិធីណាដើម្បីរក្សាដែកខួងរបស់អ្នកឲ្យបានយូរអង្វែងនោះទេ មានតែផ្លាស់ប្ដូរញឹកញាប់ប្រសិនបើវាខូច ឬប្រើការលែងបានប៉ុណ្ណោះ ៕

ប្រែសម្រួលដោយ ៖ វារី

ចុចអាន ៖ រឿងមិនពិត ៣ យ៉ាង ខំជឿស្លុងតាមចាស់ៗរាប់ឆ្នាំ មកទល់សព្វថ្ងៃ

The post បកស្រាយពាក្យចចាមអារ៉ាម “ផ្លុំដែកខួងធ្វើឲ្យលែងមុត” appeared first on Kampuchea Thmey Daily.

១. វ៉ាក់សាំង​កូវីដ-១៩ គ្មាន​សុវត្ថិភាព​ព្រោះ​ផលិត​បាន​ក្នុង​រយៈ​ខ្លី

ពាក្យចចាមអារ៉ាម​នេះ​គឺ​មិន​ពិត​ទេ។ ទោះ​វ៉ាក់សាំង​កូវីដ-១៩ ត្រូវ​បាន​បង្កើត​ឡើង​យ៉ាង​ឆាប់​រហ័ស ប៉ុន្តែ​ការ​សាក​ល្បង​ព្យាបាល ដើម្បី​ពិនិត្យ​មើល​សុវត្ថិភាព និង​ប្រសិទ្ធភាព​មិន​ត្រូវ​បាន​ប្រញាប់ប្រញាល់​ទាល់​តែ​សោះ។ នេះ​បើ​តាម​ការ​លើក​ឡើង​របស់​លោក​វេជ្ជបណ្ឌិត Dennis Cunningham នាយក​ផ្នែក​វេជ្ជសាស្ត្រ​នៃ​ការ​ត្រួត​ពិនិត្យ និង​ការ​ពារ​ការ​ឆ្លង​មេរោគ​នៅ​​ Henry Ford Health System។

ម៉្យាង​វិញ​ទៀត ជំងឺ​កូវីដ-១៩ គឺ​ស្រដៀង​គ្នា​ទៅ​នឹង​គ្រួសារ​វីរុស​កូរ៉ូណា​ដទៃ​ទៀត​​ ដែល​ធ្លាប់​កើត​លើ​មនុស្ស​យើង​រួច​ដូច​ជា MERS និង SARS ដូច្នេះ​ក្រុម​គ្រូពេទ្យ​មាន​ការ​ស្រាវជ្រាវ​ពី​មុន​ដែល​អាច​ជា​គំរូ ដើម្បី​ពន្លឿន​ដំណើរ​ការ​ទប់​ទល់​វីរុស​កូរ៉ូណា​លើក​នេះ។

២. ចាក់​វ៉ាក់សាំង​ហើយ អាច​ជួប​បញ្ហា​អត់​កូន

មក​ដល់​ថ្ងៃ​នេះ គ្មាន​ទិន្នន័យ​ពី​ការ​សាក​ល្បង​ព្យាបាល ឬ​ទ្រឹស្ដី​ណា​មួយ​បញ្ជាក់​ថា ហេតុ​អ្វី ឬ​របៀប​ណា​ដែល​វ៉ាក់សាំង​កូវីដ-១៩ បង្ក​បញ្ហា​អត់​កូន​ដល់​អ្នក​ចាក់​ទេ។ ស្ត្រី​ដែល​បាន​ចូល​រួម​ក្នុង​ការ​សាក​ល្បង​ព្យាបាល​ជំងឺ​កូវីដ-១៩ អាច​មាន​ផ្ទៃ​ពោះ​បាន​ធម្មតា។

៣. វ៉ាក់សាំង​កូវីដ-១៩ អាច​ផ្លាស់​ប្ដូរ DNA

វ៉ាក់សាំង​កូវីដ-១៩ មួយ​ចំនួន​ផលិត​ឡើង​ដោយ​រូបមន្ត mRNA ដើម្បី​ការ​ពារ​យើង។ លោក​វេជ្ជបណ្ឌិត Cunningham បាន​ឲ្យ​ដឹង​ថា mRNA ផ្ដល់​ឲ្យ​កោសិកា​របស់​យើង​នូវ​ប្លង់​មេ​សម្រាប់​រោង​ចក្រ​ដែល​នឹង​បង្កើត​ប្រូតេអ៊ីន ដើម្បី​ការពារ​យើង​ពី​ជំងឺ​កូវីដ-១៩។ មនុស្ស​មួយ​ចំនួន​ខ្លាច​ថា mRNA នឹង​ធ្វើ​ឲ្យ​មេរោគ​ចូល​ទៅ​ផ្លាស់​ប្ដូរ DNA របស់​យើង ប៉ុន្តែ​វា​មិន​ប៉ះពាល់​សូម្បី​តែ​បន្តិច។

៤. ធ្លាប់​កើត​កូវីដ-១៩​ម្ដង​ហើយ មិន​ចាំ​បាច់​ចាក់​វ៉ាក់សាំង​ការពារ​ទេ

ទោះ​បី​ជា​យើង​ធ្លាប់​កើត​កូវីដ-១៩ រួច​ហើយ​ក៏​ដោយ យើង​គួរ​តែ​ចាក់​វ៉ាក់សាំង​ការពារ​បន្ថែម។ ទិន្នន័យ​ថ្មី​បង្ហាញ​ថា វ៉ាក់សាំង​ផ្ដល់​នូវ​ការ​ការពារ​បាន​ល្អ​ជាង​ភាព​ស៊ាំ​ធម្មជាតិ​បន្ទាប់​ពី​ឆ្លង​មេរោគ​រួច។​

៥. យើង​អាច​កើត​កូវីដ-១៩ ក្រោយ​ចាក់​វ៉ាក់សាំង​ហើយ

វេជ្ជបណ្ឌិត Cunningham មាន​ប្រសាសន៍​ថា គ្មាន​មេរោគ​រស់​នៅ​ក្នុង​វ៉ាក់សាំង​ទេ ដូច្នេះ​វ៉ាក់សាំង​កូវីដ-១៩​មិន​អាច​ចម្លង​យើង​បាន​ឡើយ។ ក្រោយ​ចាក់​វ៉ាក់សាំង​រួច យើង​អាច​មាន​ផល​រំខាន​តិច​តួច​ដូចជា ក្ដៅ​ខ្លួន ឈឺ​ក្បាល ប៉ុន្តែ​នោះ​គឺ​ដោយសារ​រាងកាយ​យើង​កំពុង​បង្កើត​អង់ទីករ​ទប់​ស្កាត់​ការ​ឆ្លង មិន​មែន​ដោយសារ​តែ​យើង​ឆ្លង​មេរោគ​នោះ​ទេ៕

អត្ថបទផ្ដល់ដោយ៖Hello Krupet

ចុចអាន៖ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា

ចុចអាន៖ វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ

ចុចអាន៖ករណីមិនទាន់គ្រប់ខែច្រឡំទៅចាក់ដូសទី ៣ វ៉ាក់សាំងពិតជាមានប្រសិទ្ធភាពក្នុងរាងកាយឬអត់?

The post មកដឹងពីពាក្យចចាមអារ៉ាមជុំវិញវ៉ាក់សាំងកូវីដ ខុសពីការពិតទាំងស្រុង appeared first on Kampuchea Thmey Daily.

ក្នុងនាម ជា ប្រទេសជិតខាង ដ៏ ល្អ របស់ មី យ៉ាន់ ម៉ា ប្រទេស ចិន បាន យកចិត្តទុកដាក់ យ៉ាងខ្លាំង ចំពោះ អ្វីដែល កំពុង កើតឡើង នៅក្នុង ប្រទេស មី យ៉ាន់ ម៉ា នាពេល ថ្មីៗ នេះ ។ យើង បាន កត់សម្គាល់ឃើញ ជម្លោះ ក្នុងស្រុក របស់ មី យ៉ាន់ ម៉ា ទាក់ទង នឹង ការបោះឆ្នោត មួយរយៈ មកនេះ ប៉ុន្តែ យើង មិនត្រូវ បាន គេ ជូនដំណឹង ជាមុន អំពី ការផ្លាស់ប្តូរ នយោបាយ នៅក្នុង ប្រទេស មី យ៉ាន់ ម៉ា ទេ ។

ទាំង គណបក្ស សម្ព័ន្ធជាតិ ដើម្បី លទ្ធិប្រជាធិបតេយ្យ និង កងទ័ព មី យ៉ាន់ ម៉ា រក្សា ទំនាក់ទំនង មិត្តភាព ជាមួយ ចិន ។ ការវិវឌ្ឍ បច្ចុប្បន្ន នៅក្នុង ប្រទេស មី យ៉ាន់ ម៉ា មិនមែនជា អ្វីដែល ចិន ចង់ឃើញ នោះទេ ។ យើង សង្ឃឹមថា គ្រប់ភាគី ទាំ អស់ នៅ មី យ៉ាន់ ម៉ា អាច ដោះស្រាយ ការខ្វែងគំនិត គ្នា បាន ត្រឹមត្រូវ តាម ក្របខ័ណ្ឌ នៃ រដ្ឋធម្មនុញ្ញ និង ច្បាប់ ព្រមទាំង រក្សា ស្ថិរភាព នយោបាយ និង សង្គម ។

ចិន គាំទ្រ កិច្ចខិតខំ ប្រឹងប្រែង សម្រុះសម្រួលដោយ អាស៊ាន និង ប្រេសិត ពិសេស របស់ អគ្គលេខាធិកា រ អង្គការសហប្រជាជាតិ ស្តីពី មី យ៉ាន់ ម៉ា ។ ចិន ក៏ កំពុង ដើរតួនាទី ក្នុងន័យ ស្ថាបនា ផងដែរ ដោយ លើកកម្ពស់ សន្តិភាព និង ការសន្ទនា ជា ស្នូល ។

យោធា និង គ្រប់ភាគី នយោបាយ ទាំងអស់ សុទ្ធតែជា សមាជិក នៃ ក្រុមគ្រួសារ មី យ៉ាន់ ម៉ា ដែល ពួកគេ ទាំងអស់ គួរតែមាន ទំនួល ខុស ត្រូវជា ប្រវត្តិសាស្ត្រ ក្នុងការ ថែរក្សា ស្ថិរភាព និង ការអភិវឌ្ឍ ជាតិ ។ អ្វីដែល មី យ៉ាន់ ម៉ា ត្រូវការ គឺ ការផ្សះផ្សា និង ឯកភាពគ្នា ជំនួស ឱ្យ ការប្រឈមមុខ ដាក់គ្នា និង ការបែងចែក គ្នា ដែល យើង ជឿថា ជា បំណងប្រាថ្នា រួម របស់ ប្រជាជន មី យ៉ាន់ ម៉ា ។

យើង សង្ឃឹមថា គ្រប់ភាគី ទាំងអស់ នៅ មី យ៉ាន់ ម៉ា អាច ដោះស្រាយ ការខ្វែងគំនិត គ្នា តាមរយៈ ការសន្ទនា និង ការពិគ្រោះ យោបល់ ឱ្យបាន ត្រឹមត្រូវ ។ សកម្មភាព របស់ សហ គម ន៍ អន្តរជាតិ គួរតែ ជួយ សម្រួល ដល់ ស្ថិរភាព នយោបាយ និង សង្គម របស់ មី យ៉ាន់ ម៉ា ហើយ ចៀសវាង បង្កើន ភាព តានតឹង កាន់តែខ្លាំង ឡើង ។

ចិន សង្ឃឹម ដោយស្មោះ ថា មី យ៉ាន់ ម៉ា នឹងមាន ស្ថិរភាព សង្គម និង ការអភិវឌ្ឍ ជាតិ ។ យើង ជឿជាក់ថា បច្ចុប្បន្ននេះ អ្វីដែល សំខាន់បំផុត សម្រាប់ មី យ៉ាន់ ម៉ា និង ប្រជាជន របស់ខ្លួន គឺ ធ្វើការ រួមគ្នា ដើម្បី រក ដំណោះស្រាយ ប្រកបដោយ ប្រសិទ្ធភាព ចំពោះ វិបត្តិ នយោបាយ ក្នុងស្រុក ។ វា មាន សារៈសំខាន់ ណាស់ ក្នុងការ ផ្សារភ្ជាប់ ការខ្វែងគំនិត គ្នា តាមរយៈ ការប្រាស្រ័យ ទាក់ទង និង ការសន្ទនា គ្នា ដើម្បី នាំ ប្រទេស ដើរ លើផ្លូវ ត្រូវ វិញ ។

ប្រការនេះ តម្រូវឲ្យ យោធា មី យ៉ាន់ ម៉ា គណបក្សនយោបាយ និង គ្រប់ផ្នែក ទាំង អស់នៃ សង្គម ត្រូវ ចងចាំ នូវ ផលប្រយោជន៍ ជា មូលដ្ឋាន រយៈពេល វែងរ បស់ មី យ៉ាន់ ម៉ា ស្វែងរក ដំណោះស្រាយ នយោបាយ តាមរយៈ ការសន្ទនា នយោបាយ ដោយ គតិបណ្ឌិត នយោបាយ និង រក្សា ស្ថិរភាព នយោបាយ និង សង្គម ។ ប្រទេស ចិន នឹង បន្ត ដើរតួនាទី ក្នុងន័យ ស្ថាបនា រហូតដល់ ទីបញ្ចប់ ។

យើង យល់ ពី សេចក្តីប្រាថ្នា របស់ ប្រជាជន ហើយ យើង ក៏បាន លើកឡើង ពី ការទាមទារ ទាំងអស់នេះ ដែរ នៅពេល យើង ជំរុញ ការសន្ទនា រវាង ភាគី ផ្សេងគ្នា នៅ មី យ៉ាន់ ម៉ា ។

នាពេល បច្ចុប្បន្ននេះ មី យ៉ាន់ ម៉ា ប្រឈមមុខ នឹង ស្ថានភាព ក្នុងស្រុក ធ្ងន់ធ្ងរ ដែល ក្នុងនោះ ការប្រឈមមុខគ្នា អាច នឹងត្រូវ ព ង្រឹ ក បន្ថែមទៀត ។ យើង សង្ឃឹមថា គ្រប់ភាគី ទាំងអស់ អាច រក្សា ភាព ស្ងប់ស្ងៀម និង ទប់ស្កាត់ និង ចៀសវាង ពី ការធ្វើ រឿង ដែល អាច បង្កើន ជម្លោះ និង បង្កើន ភាព តានតឹង ។ ក្រោម ស្ថានភាព បច្ចុប្បន្ន អំពើហិង្សា គួរតែ ត្រូវ ចៀសវាង ហើយ សិទ្ធិ ជា មូលដ្ឋាន របស់ ប្រជាជន ចាំបាច់ ត្រូវការពារ ឲ្យបាន ។

ទោះបី ការផ្លាស់ប្តូរ ស្ថានការណ៍ នយោបាយ នៅ មី យ៉ាន់ ម៉ា គឺជា កិច្ចការ ផ្ទៃក្នុង របស់ខ្លួន ក៏ដោយ ក៏ប៉ុន្តែ គ្មានអ្វី ត្រូវ ងឿងឆ្ងល់ ទេ ដែលថា វា នឹង ជះឥទ្ធិពល ដល់ ទំនាក់ទំនង របស់ មី យ៉ាន់ ម៉ា ជាមួយ ប្រទេសជិតខាង ។ យើង តែងតែ គិតគូរ ពី ផលប្រយោជន៍ របស់ ប្រជាជន ទាំងពីរ ។ ឧទាហរណ៍ ជាក់ស្តែង អាជ្ញាធរ ចិន និង អាជ្ញាធរ តាម តំបន់ បាន ជម្នះ ការលំបាក ហើយ ខិតខំ ប្រឹងប្រែង ដើម្បី ធ្វើឱ្យ ពាណិជ្ជកម្ម តាម ព្រំដែន មាន ស្ថិរភាព ។

យើង ប្រឆាំងនឹង រាល់ ការប៉ុនប៉ង ប្រើប្រាស់ កិច្ចការ ក្នុងស្រុក របស់ មី យ៉ាន់ ម៉ា ដើម្បី ធ្វើឲ្យ អន្តរាយ ដល់ កិច្ចសហប្រតិបត្តិការ មិត្តភាព រវាង ចិន និង មី យ៉ាន់ ម៉ា ព្រោះ ចេតនា នេះ នឹង ធ្វើឲ្យប៉ះពាល់ ដល់ ផលប្រយោជន៍ ផ្ទាល់ របស់ មី យ៉ាន់ ម៉ា ។

មាន ពាក្យ ចចាមអារ៉ាម នៅលើ បណ្តាញ សង្គម ដែល អះអាងថា ១. យន្តហោះ ចិន បាន ដឹក អ្នកបច្ចេកទេស មក មី យ៉ាន់ ម៉ា , ២. ចិន កំពុង ជួយ កងទ័ព មី យ៉ាន់ ម៉ាក សាង ប្រព័ន្ធ Firewall ( គ្រប់គ្រង អ៊ី ន ធឺ ណិ ត ) និង ៣. ទាហាន ចិន កំពុង បង្ហាញ វត្តមាន តាម ដងផ្លូវ មី យ៉ាន់ ម៉ា។

 ទាំងនេះ គឺជា ការចោទប្រកាន់ មិន សម ហេតុ សម ផល និង គួរឲ្យ អស់សំណើច ។ យន្តហោះ ទាំងនេះ គឺជា ជើងហោះហើរ ដឹកទំនិញ ធម្មតា រវាង ចិន និង មី យ៉ាន់ ម៉ា ដែល ជើងហោះហើរ បាន ធ្លាក់ចុះ ពី ១៥១៨ ជើង ក្នុង មួយថ្ងៃ មុនពេល មាន ជំងឺ រាតត្បាត មក នៅសល់ ត្រឹម ប្រហែល ៥ ជើង ក្នុង មួយថ្ងៃ ។ យន្តហោះ ទាំងនោះ ដឹក គ្រឿង សមុទ្រ និង ការនាំចេញ ផ្សេងទៀត ពី មី យ៉ាន់ ម៉ា ទៅកាន់ ប្រទេស ចិន ។

ពាក្យចចាមអារ៉ាមទាំងនេះ មិនមែនជា ការពិត ទេ និង ជាការ ព្យាបាទ ។ យើង សង្ឃឹមថា ពាក្យ ចចាមអារ៉ាម បែបនេះ នឹងមិន កើតឡើង ម្តងទៀត ទេ ។ បើ នៅតែមាន ពាក្យ ចចាមអារ៉ាម ដូច្នោះ ទៀត វា នឹង បាន ត្រឹម បញ្ជាក់ថា មាន ឧបាយកល និង ការជ្រៀតជ្រែក ដោយ កម្លាំង ដែលមាន ចេតនា ពី ខាងក្រៅ ដែល ធ្វើការ នៅ ពីក្រោយ ឆាក ។ ប្រជាជន ចិន ក៏មាន ការព្រួយបារម្ភ អំពី ពាក្យ ចចាមអារ៉ាម ទាំងអស់ នេះដែរ ។ មនុស្ស ជាច្រើន កំពុង ត្អូញត្អែរ អំពី ពាក្យ មិន ពិត ទាំងនោះ ។

យើង សង្ឃឹម ដោយស្មោះ ថា ប្រជាជន មី យ៉ាន់ ម៉ា អាចបែងចែក អ្វីដែល ខុស និង អ្វីដែល ត្រូវ និង ការពារ ប្រឆាំងនឹង ឧបាយកល នយោបាយ ដើម្បី ចៀសវាង ប៉ះពាល់ ដល់ មិត្តភាព រវាង ប្រជាជន ទាំងពីរ ៕

The post ចិន ចេញមុខបញ្ជាក់អំពីពាក្យចចាមអារ៉ាមនិងជំរុញ មីយ៉ាន់ម៉ាឲ្យដោះស្រាយការខ្វែងគំនិត គ្នាខាងនយោបាយ appeared first on Kampuchea Thmey Daily.

ក្រសួងនិយាយថា “ប្រព័ន្ធផ្សព្វផ្សាយនិងប្រជាជនមួយចំនួនកំពុងពង្រីករាលដាលនូវពាក្យចចាមអារ៉ាម បង្កើតការជួបជុំដើម្បីញុះញង់និងចេញសេចក្តីថ្លែងការណ៍ដែលអាចបង្កចលាចល”។

ក្រសួងបន្តថា “យើងសូមជំរុញឲ្យប្រជាជនកុំធ្វើសកម្មភាពទាំងនេះ ហើយយើងសូមជូនដំណឹងដល់សាធារណៈជនឲ្យសហការដោយយោងតាមច្បាប់ដែលមានស្រាប់និងរដ្ឋាភិបាល”។

ការជូនដំណឹងនេះនិយាយទៀតថា “បញ្ហានេះបានធ្វើឲ្យប៉ះពាល់ដល់សាមគ្គីភាពជាមួយប្រជាជននិងអន្តរាយដល់ស្ថិរភាពរបស់ប្រទេស”។

ទោះបីជាយ៉ាងណាក៏ដោយ សេចក្តីថ្លែងការណ៍របស់ក្រសួងមិនបានផ្តល់ព័ត៌មានលម្អិតឬឧទាហរណ៍ថាតើ ពាក្យចចាមអារ៉ាមឬការជួបជុំប្រភេទអ្វីដែលខ្លួនចង់សំដៅនោះទេ៕

ប្រែសម្រួលដោយ៖ Vann Vann

ប្រភព៖ Myanmar Times

ចុចអាន៖ មីយ៉ាន់ម៉ា រៀបចំកិច្ចប្រជុំគណៈរដ្ឋមន្រ្តីលើកដំបូងចាប់តាំងពីរដ្ឋប្រហារ

The post មីយ៉ាន់ម៉ាព្រមានសារព័ត៌មាននិងប្រជាជន កុំផ្សព្វផ្សាយពាក្យចចាមអារ៉ាមនិងញុះញង់ឲ្យមានចលាចល appeared first on Kampuchea Thmey Daily.