KPT+
អាហារ ៤ ប្រភេទអាចជួយការពារ និងកាត់បន្ថយបញ្ហាកើតមុន
ការកើតមុនបង្កឡើងដោយកត្តាជាច្រើនដូចជា ប្រែប្រួលអ័រម៉ូន ស្ត្រេស ការប្រើផលិតផលថែសម្ផស្សមិនត្រូវនឹងស្បែក អនាម័យមិនល្អ និងរបបអាហារជាដើម។ ទន្ទឹមនឹងនេះ របបអាហារមួយចំនួនអាចបណ្តាលយើងកើតមុន ក៏មានរបបអាហារមួយចំនួនអាចជួយការពារ និងកាត់បន្ថយអាការៈកើតមុនដែរ។ តើអាហារអ្វីខ្លះអាចជួយប្រឆាំងនឹងរោគមុនបាន?
តាមការសិក្សាបានឱ្យដឹងថា របបអាហារទាំង ៤ ខាងក្រោមអាចប្រឆាំងនឹងរោគមុនបាន។
១. អាហារមានសន្ទស្សន៍ជាតិស្ករទាប
សន្ទស្សន៍ជាតិស្ករក្នុងអាហារគឺជាលេខបញ្ជាក់ពីល្បឿនដែលរាងកាយយើងបំប្លែងជាតិកាបូអ៊ីដ្រាតនៅក្នុងអាហារទៅជាជាតិស្ករក្នុងឈាម។ អាហារមានសន្ទស្សន៍ជាតិស្ករទាបមានន័យថា ល្បឿននៃការបំប្លែងជាតិកាបូអ៊ីដ្រាតពីក្នុងអាហារទៅជាជាតិស្ករក្នុងឈាមយឺត ហើយក៏ជាអាហារដែលមានជាតិស្ករទាបដែរ។
តាមការសិក្សាបានឱ្យដឹងថា អ្នកដែលញុំាអាហារមានសន្ទស្សន៍ជាតិស្ករទាបអាចកាត់បន្ថយការឡើងមុនបាន។ អាហារមានសន្ទស្សន៍ជាតិស្ករទាបមានដូចជា គ្រាប់ធញ្ញាជាតិ បន្លែបៃតង សណ្តែក គ្រាប់ផ្លែឈើ ត្រី សាច់។
២. អាហារផ្ទុកសារធាតុប្រឆាំងអុកស៊ីតកម្មខ្ពស់
សារធាតុប្រឆាំងអុកស៊ីតកម្ម គឺជាវីតាមីន និងសារធាតុរ៉ែដែលការពារ និងកាត់បន្ថយរាងកាយពីការរលាកដោយការពារសារធាតុគីមីពុល ពីការកកើតក្នុងរាងកាយយើង។ ដោយសារមុនជាជំងឺបង្កឡើងដោយការរលាក ការកាត់បន្ថយការរលាកអាចជួយកាត់បន្ថយរោគមុនបាន។
លើសពីនេះទៀត តាមការសិក្សាបានឱ្យដឹងថា អ្នកដែលកើតមុនមានទំនោរខ្វះសារធាតុប្រឆាំងអុកស៊ីតកម្មមួយចំនួនដូចជា វីតាមីន A, វីតាមីន E, និង selenium នៅក្នុងខ្លួន។
សារធាតុប្រឆាំងអុកស៊ីតកម្មសម្បូរក្នុងអាហារដូចជា ប្រូខូលី ស្ពៃក្តោបពណ៌ស្វាយ ឆាយថាវក្រហម ផ្លែឈើអម្បូរក្រូច និងបឺរី កន្ទួតព្រៃ រមៀត គ្រាប់ផ្លែឈើ និង តែបៃតង។
ការចម្អិនឆ្អិនពេកអាចបណ្តាលឱ្យបាត់បង់សារធាតុប្រឆាំងអុកស៊ីតកម្ម ដូច្នេះយើងគួរចៀសវាងចម្អិនបន្លែដែលមានផ្ទុកសារធាតុប្រឆាំងអុកស៊ីតកម្មឆ្អិនពេក ហើយបើញុំាឆៅរឹតតែល្អ។
៣. អាហារផ្ទុកជាតិសង្ក័សីខ្ពស់
តាមការសិក្សាបានឱ្យដឹងថា ជាតិសង្ក័សីមានប្រសិទ្ធិភាពក្នុងការកាត់បន្ថយរោគមុនដោយ៖
- កាត់បន្ថយការរលាក
- កម្ចាត់បាក់តេរីបង្ករោគមុន
- កាត់បន្ថយកម្រិតជាតិអ័រម៉ូន androgen ដែលបង្កឱ្យកើតមុន
អាហារដែលមានជាតិស័ង្កសីខ្ពស់រួមមាន អយស្ទ័រ សាច់គោ ក្តាម បង្កង គ្រាប់ផ្លែឈើ និងសណ្តែក ជាដើម។
៤. អាហារសម្បូរខ្លាញ់អូមេហ្កា ៣
ដោយសារមុនជារោគបង្កឡើងដោយការរលាក ដូច្នេះអាហារសម្បូរខ្លាញ់អូមេហ្កា ៣ អាចការពារ និងកាត់បន្ថយការកើតមុនបាន ព្រោះអូមេហ្កា ៣ ជាខ្លាញ់ពិសេសដែលអាចកាត់បន្ថយការរលាកនៅក្នុងរាងកាយ។
អាហារសម្បូរខ្លាញ់អូមេហ្កា ៣ រួមមាន ត្រីសាល់ម៉ុន ធូណា អយស្ទ័រ គ្រាប់ឈៀ គ្រាប់វ៉ុលណាត់ ផ្លែបឺរ និងប្រេងអូលីវ។
ដើម្បីការពារការកើតមុន រាងកាយយើងត្រូវការអាហារល្អៗដើម្បីពង្រឹងប្រព័ន្ធភាពសុំាឱ្យរឹងមុំា និងកាត់បន្ថយការរលាកនៅក្នុងខ្លួន។ ដូច្នេះយើងគួរញុំាបន្លែ និងផ្លែឈើស្រស់ គ្រាប់ធញ្ញជាតិ គ្រាប់ផ្លែឈើ ត្រីជាដើមឱ្យបានច្រើន៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)