ព័ត៌មានអន្ដរជាតិ
ក្រុមអ្នកបុរាណវិទូ រកឃើញរូបសំណាកព្រះពុទ្ធដែលមានអាយុកាលជាង ២ ពាន់ឆ្នាំនៅ អេហ្ស៊ីប
ក្រុមអ្នកបុរាណវិទូអន្តរជាតិមួយក្រុម បានប្រកាសលទ្ធផលដ៏អស្ចារ្យនៃការជីកកកាយថា ពួកគេបានរកឃើញរូបសំណាកព្រះពុទ្ធដែលមានអាយុចន្លោះពី ១,៩០០ ទៅ ២,០០០ឆ្នាំ ខណៈពេលដែលកំពុងពិនិត្យមើលប្រាសាទបុរាណនៅ Berenike ដែលជាទីក្រុងកំពង់ផែរបស់ប្រទេសអេហ្ស៊ីបនៅលើឆ្នេរសមុទ្រក្រហម។
ក្រុមអ្នកបុរាណវិទ្យាត្រូវបានដឹកនាំដោយអ្នកជំនាញមកពីស្ថាប័នស្រាវជ្រាវជាច្រើននៅក្នុងសហរដ្ឋអាមេរិក រួមទាំងមជ្ឈមណ្ឌលតំបន់ប៉ូឡូញសម្រាប់បុរាណវិទ្យាមេឌីទែរ៉ាណេ (PCMA) ដែលរួមគ្នាជាមួយមន្ត្រីក្រសួងទេសចរណ៍ និងបុរាណវិទ្យាអេហ្ស៊ីបបានប្រកាសរួមគ្នាថា បដិមាព្រះពុទ្ធដែលបានរកឃើញ គឺជាភស្តុតាងនៃទំនាក់ទំនងពាណិជ្ជកម្មរវាងប្រទេសឥណ្ឌា និងអេហ្ស៊ីបបុរាណ។ ជាពិសេសក្នុងអំឡុងពេលដែលអេហ្ស៊ីបស្ថិតក្រោមការគ្រប់គ្រងរបស់ចក្រភពរ៉ូម។
ព្រះពុទ្ធរូបឈរក្នុងឥរិយាបថមានកម្ពស់ ៧១ សង់ទីម៉ែត្រ ឆ្លាក់ពីថ្មម៉ាបមេឌីទែរ៉ាណេ។ ដៃឆ្វេងកាន់អាវ ចំណែកព្រះកេសមានកាំរស្មីដែលស្រដៀងនឹងពន្លឺព្រះអាទិត្យ ហើយមានផ្កាឈូកមួយលម្អនៅជាប់នឹងរូបព្រះពុទ្ធ។ រូបសំណាកនេះស្រដៀងទៅនឹង Ghandara ដែលជាទម្រង់សិល្បៈព្រះពុទ្ធសាសនាដែលមានឥទ្ធិពលក្រិក។ វាគឺជារូបសំណាកដំបូងគេដែលត្រូវបានរកឃើញនៅអឌ្ឍគោលខាងលិចហួសព្រំដែននៃប្រទេសអាហ្វហ្គានីស្ថាន។
បុរាណវិទូជឿថា ជាងចម្លាក់ម្នាក់នៅទីក្រុង Alexandria ប្រទេសអេហ្ស៊ីប ប្រហែលជាបានបង្កើតរូបសំណាកនេះ។ សម្រាប់សហគមន៍ពាណិជ្ជករឥណ្ឌាដែលបានតាំងលំនៅនៅ Berenike ដើម្បីថ្វាយបង្គំ វាក៏ជាភស្តុតាងដ៏សំខាន់មួយដែលបង្ហាញថាពុទ្ធសាសនាមាននៅក្នុងអាណាចក្រអេហ្ស៊ីបបុរាណ។
ដោយឡែក លោកបណ្ឌិត Steven Sidebotham ដែលដឹកនាំក្រុមអ្នកបុរាណវិទ្យាអាមេរិកនៅសាកលវិទ្យាល័យ Delaware បាននិយាយថា “មនុស្សសព្វថ្ងៃនេះនិយាយអំពីសកលភាវូបនីយកម្មជាយុគសម័យទំនើប។ ដោយមិនដឹងខ្លួន ធ្លាប់មានប្រព័ន្ធសេដ្ឋកិច្ចសកលតភ្ជាប់អឺរ៉ុប អាហ្វ្រិក និងអាស៊ី។ ក្នុងអំឡុងសតវត្សទីមួយនៃគ.ស.”៕
ប្រែសម្រួល៖ សាង ស្រីល័ក្ខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ