កាលពីក្មេងនរណាៗក៏ធ្លាប់ឆ្លងកាត់ខ្មៅដៃឈើដែរ ដូច្នេះខ្វះដែកខួងមិនបានឡើយ ។ បន្ទាប់ពីខួងរួចដែកខួងតែងប្រឡាក់កម្ទេចកម្ទីខ្មៅដៃទើបយើងនាំគ្នាផ្លុំសម្អាតវា ដល់ពេលនោះមានអ្នកមកប្រាប់ថា “កុំផ្លុំ! ចាំមើលលែងមុតហើយ” តើរឿងនេះជាការពិត ឬយ៉ាងណា ?

ជាធម្មតាដែកប្រាកដជាច្រែះរាល់ពេលត្រូវទឹក ដូចគ្នាទៅនឹងទឹកមាត់ដែរ ព្រោះកាលណាអ្នកផ្លុំខ្យល់ទៅកាន់ដែកខួងវាតែងតែមានវត្តមានទឹកមាត់បន្តិចបន្តួចជាមិនខាន ។ មួយវិញទៀតរៀងរាល់ការប្រើប្រាស់ធ្វើឲ្យដែកសឹករិចរឹលលែងមុតដូចដើម ដោយសារដែកដែលគេយកមកធ្វើដែកខួងជាដែកមានគុណភាពអន់ផង ។  ដែកខួងត្រូវបង្កើតឡើងដំបូងក្នុងឆ្នាំ ១៨២៨ ខែតុលា ថ្ងៃទី២០ ដោយលោក Bernard Lassimone ជាគណិតវិទូ ជនជាតិបារំាង ។ មកទល់បច្ចុប្បន្ន ដែកខួងក្លាយជាសម្ភារៈសិក្សាសំខាន់មានគ្រប់ពណ៌គ្រប់ម៉ូដ ប៉ុន្តែវិចិត្រករមួយចំនួនងាកមកប្រើកាំបិតចិតខ្មៅដៃជំនួសដែកខួងវិញដើម្បីឲ្យខ្មៅដៃប្រើបានយូរ ។

ជាក់ស្ដែងគ្មានវិធីណាដើម្បីរក្សាដែកខួងរបស់អ្នកឲ្យបានយូរអង្វែងនោះទេ មានតែផ្លាស់ប្ដូរញឹកញាប់ប្រសិនបើវាខូច ឬប្រើការលែងបានប៉ុណ្ណោះ ៕

ប្រែសម្រួលដោយ ៖ វារី

ចុចអាន ៖ រឿងមិនពិត ៣ យ៉ាង ខំជឿស្លុងតាមចាស់ៗរាប់ឆ្នាំ មកទល់សព្វថ្ងៃ