តាមការផ្សាយរបស់ New York Post, ហេតុការណ៍នេះកើតឡើងកាលពីថ្ងៃព្រហស្បតិ៍ទី១២ខែមីនាឆ្នាំ២០២៦ ដោយយន្តហោះចាក់សាំងប្រភេទ KC-135 Stratotanker បានជួបឧបទ្ទវហេតុជាមួយយន្តហោះមួយគ្រឿងទៀត ក្នុងអំឡុងពេលធ្វើប្រតិបត្តិការ។

យន្តហោះ KC-135 Stratotanker បានធ្លាក់នៅភាគខាងលិចប្រទេសអ៊ីរ៉ាក់ ចំណែកយន្តហោះមួយគ្រឿងទៀត មិនមានបញ្ហាឡើយ ដោយអាចចុះចតនៅអាកាសយានដ្ឋាន Ben Gurion ក្នុងប្រទេសអ៊ីស្រាអែល ដោយសុវត្ថិភាព។

ជុំវិញហេតុការណ៍នេះ CENTCOM បានចេញសេចក្តីថ្លែងការណ៍ថា ហេតុការណ៍កើតឡើងក្នុង «លំហអាកាសមិត្តភាព» អំឡុងពេលបំពេញបេសកកម្ម Epic Fury។ វាមិនមែនបណ្តាលមកពីការបាញ់ប្រហារពីសត្រូវ ឬការបាញ់ច្រឡំគ្នាឯងអ្វីទេ។

CENTCOM ក៏បើកការស៊ើបអង្កេតរួចហើយផងដែរ ខណៈគិតមកទល់ពេលនេះ អាមេរិកមិនទាន់បញ្ចេញរបាយការណ៍ជាសាធារណៈឡើយថាតើ អាកាសយានិកប៉ុន្មានដែលត្រូវរងគ្រោះ ឬស្ថានភាពរបស់ពួកគេយ៉ាងណាហើយ។

KC-135 គឺជាយន្តហោះចាក់សាំងស្នូលរបស់កងទ័ពអាកាសអាមេរិកអស់រយៈពេលជាង ៦០ ឆ្នាំមកហើយ ដោយវាផ្តល់នូវការគាំទ្របន្ថែមលើអាកាសដល់យន្តហោះរបស់កងទ័ពជើងទឹក និងយន្តហោះរបស់បណ្តាប្រទេសជាសម្ព័ន្ធមិត្ត។

សូមជម្រាបថា ការបាត់បង់យន្តហោះ KC-135 នេះ គឺជាការបាត់បង់យន្តហោះទី៤ របស់អាមេរិក ចាប់តាំងពីជម្លោះជាមួយអ៊ីរ៉ង់បានផ្ទុះឡើងកាលពីថ្ងៃទី ២៨ ខែកុម្ភៈ។ មុននេះ យន្តហោះចម្បាំង F-15E ចំនួន ៣ គ្រឿង ក៏ត្រូវប្រព័ន្ធការពារអាកាសរបស់គុយវ៉ែត ច្រឡំបាញ់ធ្លាក់ផងដែរ៕

អត្ថបទ៖ សុខ សុវណ្ណ

The post យន្តហោះចាក់សាំងអាមេរិក ធ្លាក់នៅអ៊ីរ៉ាក់ ក្រោយជួបឧបទ្ទវហេតុលើអាកាស ជាមួយយន្តហោះមួយគ្រឿងទៀត appeared first on Kampuchea Thmey Daily.

តាមការផ្សាយរបស់ Khaosod, ហេតុការណ៍នេះកើតឡើងនៅថ្ងៃពុធទី១១ខែមីនាឆ្នាំ២០២៦ ពេលជើងហោះហើរ IX938 ដែលចេញដំណើរពីទីក្រុង Hyderabad នៃប្រទេសឥណ្ឌា បានដាច់កង់ រត់ខុសផ្លូវ ពេលចុះចតនៅអាកាសយានដ្ឋានភូកេត ប្រទេសថៃ។

យ៉ាងណា ភ្លាមៗគ្មានរបាយការណ៍អំពីជនរងគ្រោះទេ ខណៈអ្នកដំណើរទាំងអស់ ត្រូវបានជម្លៀសចេញដោយសុវត្ថិភាព។

មន្ត្រីថៃ កំពុងបើកការស៊ើបអង្កេតករណីនេះ ហើយក៏បានបិទផ្លូវរត់នៅព្រលានយន្តហោះនោះជាបណ្តោះអាសន្នសិនផងដែរ៕

អត្ថបទ៖ សុខ សុវណ្ណ

The post យន្តហោះដាច់កង់ពេលចុះចតនៅភូកេត, អ្នកដំណើរ១៣៣នាក់ ព្រលឹងចុងសក់  appeared first on Kampuchea Thmey Daily.

តាមការផ្សាយរបស់ TTW, នោះគឺអ្នកដំណើរនៃជើងហោះហើរ CX880​ របស់ក្រុមហ៊ុនអាកាសចរណ៍ Cathay Pacific ដែលចេញដំណើរពីទីក្រុងហុងកុង នាវេលាម៉ោង១២:៣០នាទីរំលងអធ្រាត្រឈានដល់ថ្ងៃទី១ខែមករាឆ្នាំ២០២៦ ប៉ុន្តែយន្តហោះបានទៅដល់ទីក្រុង Los Angeles នៃសហរដ្ឋអាមេរិក នាវេលាម៉ោង៨:៥៥នាទីយប់ ថ្ងៃទី៣១ខែធ្នូឆ្នាំ២០២៥ទៅវិញ។

ស្តាប់ទៅដូចជាចម្លែក ប៉ុន្តែរឿងនេះគឺដោយសារតែភាពខុសគ្នានៃល្វែងម៉ោង រវាងហុងកុងនិងសហរដ្ឋអាមេរិក ពោលគឺពេលវេលានៅហុងកុង ដើរលឿនជាងនៅអាមេរិក។ 

យន្តហោះបានធ្វើដំណើរកាត់មហាសមុទ្រប៉ាស៊ីហ្វិក ដោយឆ្លងកាត់ខ្សែបន្ទាត់កាលបរិច្ឆេទអន្តរជាតិ (International Date Line) ដូច្នេះមានន័យថា អ្នកដំណើរមួយយន្តហោះនេះ បានធ្វើដំណើរត្រឡប់ទៅអតីតកាល ហើយមានឱកាសចូលរួមពិធីអបអរឆ្នាំថ្មីឆ្នាំសកលចំនួន២ដង។

យ៉ាងណា វាមិនមែនលើកដំបូងឡើយ ជាក់ស្តែងកាលពីឆ្នាំមុនករណីដូចគ្នានេះ ក៏កើតឡើងផងដែរ ដោយជើងហោះហើរដដែល បានចេញពីហុងកុងនៅថ្ងៃ១ខែមករា តែទៅដល់គោលដៅនៅថ្ងៃទី៣១ខែធ្នូ៕ 

អត្ថបទ៖ សុខ សុវណ្ណ

The post អ្នកដំណើរមួយយន្តហោះ ចេញដំណើរនៅឆ្នាំ២០២៦ ទៅដល់គោលដៅនៅឆ្នាំ២០២៥ appeared first on Kampuchea Thmey Daily.

វាជាយន្តហោះចម្បាំងផលិតដោយក្រុមហ៊ុន Korea Aerospace Industries (KAI) របស់កូរ៉េខាងត្បូង ដោយមានការជួយជ្រោមជ្រែងបច្ចេកវិទ្យាពីក្រុមហ៊ុន Lockheed Martin របស់សហរដ្ឋអាមេរិក។

គិតត្រឹមពេលនេះ ថៃមាន T-50TH ចំនួន១៦គ្រឿង ដែលដាក់ឲ្យបម្រើការក្នុងកងទ័ពអាកាស។ យ៉ាងណា យន្តហោះនេះមិនអាចប្រៀបជាមួយ F-16 របស់អាមេរិក បានឡើយ ពោលគឺវាមានចំណុចខ្សោយមួយចំនួន។

ដូច្នេះ តើ T-50TH មានចំណុចខ្សោយអ្វីខ្លះ?

យោងតាមគេហទំព័រ War​ Thunder, ការផ្ទុកសព្វាវុធនិងចម្ងាយហោះហើររបស់ T-50TH គឺមានកម្រិត។ ដោយសារមានរូបរាងតូច T-50TH មិនអាចផ្ទុកគ្រាប់បែក ឬមីស៊ីលបានច្រើនដូចយន្តហោះចម្បាំងធុនធ្ងន់ (ដូចជា F-15 ឬ Su-30) បានទេ។ ដូច្នេះ វាមិនអាចបំពេញបេសកកម្មវាយលុកទ្រង់ទ្រាយធំបានយូរឡើយ។

ម្យ៉ាង ប្រសិនបើមិនមានការចាក់សាំងលើអាកាសឬបំពាក់ធុងសាំងបន្ថែមទេ ចម្ងាយប្រតិបត្តិការរបស់វាមានកម្រិត ដែលធ្វើឲ្យវាមិនសូវមានប្រសិទ្ធភាពសម្រាប់បេសកកម្មការពារដែនអាកាសរយៈចម្ងាយឆ្ងាយ។

លើសពីនេះ បើធៀបនឹងយន្តហោះចម្បាំងជួរមុខ ប្រព័ន្ធការពារខ្លួនពីការចាប់សញ្ញាមីស៊ីល (RWR/Countermeasures) របស់យន្តហោះនេះ គឺស្ថិតក្នុងកម្រិតមធ្យមប៉ុណ្ណោះ ដែលធ្វើឲ្យវាងាយរងគ្រោះនៅពេលប្រឈមមុខជាមួយប្រព័ន្ធការពារអាកាសទំនើបៗដូចជា S-300 ឬ S-400។

ទោះបី T-50TH របស់ថៃត្រូវបានធ្វើទំនើបកម្មដោយបំពាក់រ៉ាដា AN/APG-67 ឬកម្រិតប្រហាក់ប្រហែលក៏ដោយ ប៉ុន្តែវានៅតែមិនអាចមើលឃើញសត្រូវពីចម្ងាយបានដូចរ៉ាដាប្រភេទ AESA របស់យន្តហោះ F-16V ឬ F-35 ឡើយ។

យន្តហោះនេះប្រើប្រាស់ម៉ាស៊ីនតែមួយ (General Electric F404)។ នៅក្នុងសមរភូមិ ប្រសិនបើម៉ាស៊ីនមានបញ្ហាបច្ចេកទេស ឬរងការវាយប្រហារសូម្បីតែបន្តិចបន្តួច យន្តហោះនឹងត្រូវធ្លាក់ភ្លាមៗ ខុសពីយន្តហោះម៉ាស៊ីនពីរ (ដូចជា F-18 ឬ MiG-29) ដែលអាចហោះត្រឡប់មកមូលដ្ឋានវិញបានដោយប្រើម៉ាស៊ីនដែលនៅសល់។

អ្វីដែលគួរឲ្យកត់សម្គាល់គឺថា ដើមឡើយ T-50 ត្រូវបានរចនាឡើងជាចម្បងសម្រាប់ការហ្វឹកហាត់ប៉ុណ្ណោះ មិនមែនសម្រាប់ការចម្បាំងជួរមុខទេ។ ដូច្នេះ តួខ្លួននិងល្បឿនរបស់វា មិនអាចស៊ូទ្រាំនឹងការច្បាំងទ្រង់ទ្រាយធំនិងយូរអង្វែងបាននោះទេ៕

អត្ថបទ៖ សុខ សុវណ្ណ

The post តើ T-50TH មានចំណុចខ្សោយអ្វីខ្លះ? appeared first on Kampuchea Thmey Daily.

តាមការផ្សាយរបស់ South China Morning Post, យន្តហោះដឹកទំនិញ Boeing 747 ជាជើងហោះហើរលេខ EK9788 ធ្វើដំណើរមកពីទីក្រុងឌូបៃ បានធ្លាក់ចេញពីផ្លូវរត់ ខណៈចុះចត ហើយវេរទៅបុកជាមួយរថយន្តផ្នែកសេវាកម្មនៅលើដីគោក បណ្តាលឲ្យធ្លាក់ចូលសមុទ្រនៅម៉ោង៥:៥៥នាទីព្រឹក។

បុរសពីរនាក់ដែលជិះក្នុងរថយន្ត ម្នាក់អាយុ៣០ឆ្នាំនិងម្នាក់អាយុ៤១ឆ្នាំ ដំបូងឡើយបាត់ខ្លួន ប៉ុន្តែក្រោយមកក៏ត្រូវបញ្ជាក់ថាស្លាប់ ខណៈសមាជិកអាកាសយានិក៤នាក់នៃយន្តហោះ គឺរួចខ្លួនគ្មានគ្រោះថ្នាក់ឡើយ។

យោងតាមគេហទំព័ររបស់អាជ្ញាធរអាកាសយានដ្ឋាន, ដោយសារឧបទ្ទវហេតុនេះ ជើងហោះហើរដឹកទំនិញចំនួន១២ត្រូវបានលុបចោលពេញមួយថ្ងៃចន្ទ ក្នុងនោះរួមមាន 5C852 របស់ក្រុមហ៊ុន ​Challenge Airlines មកពីទីក្រុង Tel Aviv, 5Y8902 របស់ក្រុមហ៊ុន Atlas Air មកពី Anchorage និង Los Angeles និង RU 8409 របស់ក្រុមហ៊ុន Airbridge Cargo Airline មកពី Doha។

យ៉ាងណា ជើង​ហោះហើរ​ដឹក​អ្នក​ដំណើរ ​មិន​មាន​ការ​ប៉ះ​ពាល់​ដោយ​គ្រោះ​ថ្នាក់​នេះទេ។

ជុំវិញរឿងនេះ នាយកដ្ឋានអាកាសចរណ៍ស៊ីវិលប្រកាសថា ខ្លួនបានរាយការណ៍ពីស្ថានភាពនេះទៅអាជ្ញាធរស៊ើបអង្កេតគ្រោះថ្នាក់អាកាសរួចហើយ និងកំពុងសហការយ៉ាងពេញលេញជាមួយនឹងការស៊ើបអង្កេតរកមូលហេតុ៕

អត្ថបទ៖ សុខ សុវណ្ណ

ចុចអាន៖ យន្តហោះយោធាថៃ ជួបឧបទ្ទវហេតុនៅអាកាសយានដ្ឋាន ភូកេត

The post យន្តហោះ បុករថយន្ត ស្លាប់មនុស្ស២នាក់ នៅហុងកុង appeared first on Kampuchea Thmey Daily.

តាមការផ្សាយរបស់ Khaosod, យន្តហោះនេះជាប្រភេទ T-337 កំពុងបំពេញបេសកកម្មល្បាតដែនសមុទ្រប៉ុន្តែវាមានបញ្ហាពេលចុះចតដោយសារតែកង់គាំងមិនចេញ ហើយត្រូវចំណាយពេលជាង៣ម៉ោង ទើបជួសជុលរួច។

ឧបទ្ទវហេតុនេះកើតឡើងនាវេលាម៉ោង១១:២០នាទីព្រឹកថ្ងៃពុធទី៨ខែតុលាឆ្នាំ២០២៥ នៅលើផ្លូវរត់របស់អាកាសយានដ្ឋានភូកេត ដែលជាលទ្ធផលបណ្តាលឲ្យជើងយន្តហោះប្រមាណ៤០ជើង ត្រូវពន្យារពេល។

ក្រោយមក អ្នកនាំពាក្យកងទ័ពជើងទឹកថៃ Paradee Rattanachaiphan បានចេញមុខសុំទោស ចំពោះឧបទ្ទវហេតុនេះ៕

អត្ថបទ៖ សុខ សុវណ្ណ

ចុចអាន៖ អនុប្រធាន​បក្ស​ប្រជាជន​ថៃ៖ ថៃមិនគួរធ្វើ​តាមអាមេរិក​ទេ ព្រោះ​ពួក​គេ​ខ្វះ​ការយល់ដឹង​ពី​ជម្លោះ​កម្ពុជា-ថៃ

The post យន្តហោះយោធាថៃ ជួបឧបទ្ទវហេតុនៅអាកាសយានដ្ឋាន ភូកេត appeared first on Kampuchea Thmey Daily.

ក្រុមហ៊ុនអាកាសចរណ៍បានប្រកាសក្នុងខែនេះថា ជើងហោះហើរ MU746 និង MU745 នឹងត្រូវចាប់ផ្តើមដោយក្រុមហ៊ុនអាកាសចរណ៍ China Eastern នៅថ្ងៃទី ៤ ខែធ្នូ រវាងទីក្រុង Buenos Aires និង Shanghai ។ វានឹងឆ្លងកាត់ចម្ងាយ ១២,៥០០ ម៉ាយ ដែលស្មើនឹងពាក់កណ្តាលនៃរង្វង់ជុំវិញពិភពលោកទាំងមូលតែម្ដង។

ទោះជាយ៉ាងណាក៏ដោយ ជើងហោះហើរមួយនេះក៏បានគូសបញ្ចាក់ដែរថា ខ្លួននឹងមិនធានាបាននូវផ្លូវហោះហើរត្រង់ដែលវែងបំផុតនោះទេ ដោយសារតែយន្តហោះនេះនឹងចុះចតរយៈពេលពីរម៉ោង នៅទីក្រុង Auckland ប្រទេសនូវែលសេឡង់។

ដោយឡែក យោងតាមសារព័ត៌មាន CNN បានឲ្យដឹងថា ក្រុមហ៊ុនអាកាសចរណ៍ China Eastern នឹងហោះហើរផ្លូវនេះ ដោយប្រើយន្តហោះ Boeing 777-300 ER ដែលមានរូបរាងធំទូលាយ ហើយនឹងដំណើរការការធ្វើដំណើរពីរដងក្នុងមួយសប្តាហ៍។

ទន្ទឹមនោះដែរ ជើងហោះហើរចេញដំណើរពីអាកាសយានដ្ឋានអន្តរជាតិ Pudong ទីក្រុងសៀងហៃ ទៅកាន់អាកាសយានដ្ឋានអន្តរជាតិ Ministro Pistarini ក្នុងរដ្ឋធានីរបស់ប្រទេសអាហ្សង់ទីន នឹងចំណាយពេល ២៥ម៉ោង តិចជាងជើងត្រឡប់មកវិញ ៤ ម៉ោង៕

អត្ថបទ៖ សាង ស្រីល័ក្ខ

ចុចអាន៖លោកត្រាំ ក្ដៅឆេវ ពេលអ្នកកាសែតអូស្ត្រាលី ជជីកសួរទ្រព្យសម្បត្តិផ្ទាល់ខ្លួន

The post ក្រុមហ៊ុន​អាកាសចរណ៍​ចិន​ បើក​ដំណើរ​ការ​ជើង​ហោះ​ហើរ​ វែង​បំផុត​លើ​លោក​ appeared first on Kampuchea Thmey Daily.

ខាងក្រោមនេះគឺជា ការណែនាំអំពីរបៀបជ្រើសរើសទីតាំងដែលអាចបង្កើនឱកាសនៃការរស់រានមានជីវិតរបស់អ្នក ក្នុងអំឡុងពេលហោះហើរនៅលើអាកាស។

១ ជ្រើសរើសកៅអីនៅខាងក្រោយយន្តហោះ

យោង​តាម​ការ​ស្រាវ​ជ្រាវ​ពី​សាកល​វិទ្យាល័យ Greenwich បាន​ឲ្យ​ដឹង​ថា កៅអី​នៅ​ផ្នែក​ខាង​ក្រោយ​នៃ​យន្ត​ហោះ​មាន​អត្រា​មរណៈ​ទាប​បំផុត​គឺ ២៨% បើ​ធៀប​នឹង​គ្នា។ ជាមួយនឹងទីតាំងផ្សេងទៀតនៅលើយន្តហោះ ដោយសារតែមូលហេតុចម្បងដែលកៅអីនៅខាងក្រោយយន្តហោះមានសុវត្ថិភាពជាងនោះគឺថាពួកគេនៅឆ្ងាយពីចំណុចសំខាន់នៃយន្តហោះ នៅពេលមានឧបទ្ទវហេតុហោះឡើង ឬចុះចត ឬយន្តហោះដាច់នៅកណ្តាលជើងហោះហើរ វាក៏មានពេលច្រើនក្នុងការជម្លៀសយន្តហោះជាងទីតាំងផ្សេងទៀត។ ដោយសារតែវានៅជិតច្រកចេញសង្គ្រោះបន្ទាន់នៅខាងក្រោយយន្តហោះ។

២ ជ្រើសរើសកន្លែងអង្គុយនៅជិតច្រកចេញសង្គ្រោះបន្ទាន់

ការជ្រើសរើសកន្លែងអង្គុយនៅជិតទ្វារច្រកចេញសង្គ្រោះបន្ទាន់ បង្កើនឱកាសនៃការរស់រានមានជីវិតរបស់អ្នករហូតដល់ ៨០% នេះបើយោងតាមការស្រាវជ្រាវពីសាកលវិទ្យាល័យ Idaho ។ មូលហេតុចំបងគឺថា ទ្វារចេញចូលសង្គ្រោះបន្ទាន់គឺងាយស្រួល និងឆាប់រហ័សក្នុងករណីមានគ្រោះថ្នាក់ ដែលទាមទារឲ្យមានការជម្លៀសជាបន្ទាន់ពីយន្តហោះ។ ពោលគឺមានឱកាសទទួលបានជំនួយពីនាវិកលឿនជាងអ្នកដំណើរដែលអង្គុយឆ្ងាយពីច្រកចេញសង្គ្រោះបន្ទាន់។

៣ ចៀសវាងកៅអីជួរកណ្តាល

ការស្រាវជ្រាវបានរកឃើញថាកៅអីកណ្តាលមានអត្រាស្លាប់ខ្ពស់បំផុត (៤៤%) បើប្រៀបធៀបទៅនឹងកៅអីផ្សេងទៀតនៅលើយន្តហោះ។ មូលហេតុចំបងគឺថាវានៅជិតនឹងចំណុចកណ្តាលនៃទំនាញរបស់យន្តហោះ។ ហានិភ័យខ្ពស់ក្នុងករណីយន្តហោះប្រេះបែកនៅលើអាកាស។

៤ សិក្សាផែនការជម្លៀសបន្ទាន់

មុនពេលឡើងយន្តហោះ អ្នកគួរតែសិក្សាពីផែនការជម្លៀសបន្ទាន់សម្រាប់យន្តហោះប្រភេទនីមួយៗ។ ស្វែងយល់ពីទីតាំងនៃទ្វារសង្គ្រោះបន្ទាន់ ច្រកចេញភ្លើង និងរបៀបប្រើប្រាស់ឧបករណ៍សង្គ្រោះជីវិត។

៥ ធ្វើតាមការណែនាំរបស់នាវិក

ក្នុងករណីមានអាសន្ន ចាំបាច់ត្រូវធ្វើតាមការណែនាំរបស់នាវិកយ៉ាងតឹងរ៉ឹង ហើយ​ត្រូវ​ត្រៀម​ខ្លួន​ជា​និច្ច ត្រូវ​ដាក់​ខ្សែក្រវាត់​សុវត្ថិភាព​របស់​អ្នក ទុកផ្សេងៗ​នៅ​ក្រោម​កៅអី​ ហើយ​ពាក់​ស្បែកជើង​ដែល​មាន​ផាសុកភាព​ ​ងាយ​នឹង​ដោះ​ចេញក្នុងករណីមានអាសន្នណាមួយកើតឡើង។

៦ រក្សាអនាម័យរបស់អ្នក

អ្វីដែលសំខាន់បំផុតក្នុងការដោះស្រាយឧបទ្ទវហេតុគឺការស្ងប់ស្ងាត់។ ព្រោះ​បើ​បាត់​ស្មារតី នេះ​ក៏​នឹង​នាំ​ឲ្យ​មាន​ការ​កំណត់​អាទិភាព និង​វិភាគ​ស្ថានការណ៍​ខុស។

ទោះជាយ៉ាងណាក៏ដោយ ការជ្រើសរើសកៅអីនៅលើយន្តហោះមិនមែនជាការធានាសុវត្ថិភាព ១០០% នោះទេ ប៉ុន្តែការធ្វើការស្រាវជ្រាវ និងការរៀបចំទុកជាមុនអាចបង្កើនឱកាសនៃការរស់រានមានជីវិតរបស់អ្នក៕

អត្ថបទ៖ សាង ស្រីល័ក្ខ

ចុចអាន៖វប្បធម៌បញ្ចុះសពទាំង ៥ មិនត្រឹមតែប្លែកជាងគេលើលោក ក៏ធ្វើឲ្យមនុស្សភ្ញាក់​ផ្អើលជាខ្លាំង

The post របៀបជ្រើសរើសកៅអីលើយន្តហោះ ដែលអាចមានឱកាសរស់ច្រើន ក្នុងករណីគ្រោះថ្នាក់ appeared first on Kampuchea Thmey Daily.