ក្រុមហ៊ុន​អាកាសចរណ៍​ចិន​ បើក​ដំណើរ​ការ​ជើង​ហោះ​ហើរ​ វែង​បំផុត​លើ​លោក​

ក្រុមហ៊ុនអាកាសចរណ៍ចិនមួយកាលពីថ្ងៃព្រហស្បតិ៍ ទី១៨ ខែកញ្ញា ឆ្នាំ២០២៥ បានប្រកាសថា ខ្លួននឹងចាប់ផ្តើមជើងហោះហើរវែងបំផុតនៅលើពិភពលោក ដែលជាការធ្វើដំណើរមួយដោយគ្រោងចំណាយពេលប្រហែល ២៩ ម៉ោងដើម្បីបញ្ចប់។ នេះបើយោងតាមសារព័ត៌មាន independent បានចុះផ្សាយយ៉ាងដូច្នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនអាកាសចរណ៍បានប្រកាសក្នុងខែនេះថា ជើងហោះហើរ MU746 និង MU745 នឹងត្រូវចាប់ផ្តើមដោយក្រុមហ៊ុនអាកាសចរណ៍ China Eastern នៅថ្ងៃទី ៤ ខែធ្នូ រវាងទីក្រុង Buenos Aires និង Shanghai ។ វានឹងឆ្លងកាត់ចម្ងាយ ១២,៥០០ ម៉ាយ ដែលស្មើនឹងពាក់កណ្តាលនៃរង្វង់ជុំវិញពិភពលោកទាំងមូលតែម្ដង។

ទោះជាយ៉ាងណាក៏ដោយ ជើងហោះហើរមួយនេះក៏បានគូសបញ្ចាក់ដែរថា ខ្លួននឹងមិនធានាបាននូវផ្លូវហោះហើរត្រង់ដែលវែងបំផុតនោះទេ ដោយសារតែយន្តហោះនេះនឹងចុះចតរយៈពេលពីរម៉ោង នៅទីក្រុង Auckland ប្រទេសនូវែលសេឡង់។

ដោយឡែក យោងតាមសារព័ត៌មាន CNN បានឲ្យដឹងថា ក្រុមហ៊ុនអាកាសចរណ៍ China Eastern នឹងហោះហើរផ្លូវនេះ ដោយប្រើយន្តហោះ Boeing 777-300 ER ដែលមានរូបរាងធំទូលាយ ហើយនឹងដំណើរការការធ្វើដំណើរពីរដងក្នុងមួយសប្តាហ៍។

ទន្ទឹមនោះដែរ ជើងហោះហើរចេញដំណើរពីអាកាសយានដ្ឋានអន្តរជាតិ Pudong ទីក្រុងសៀងហៃ ទៅកាន់អាកាសយានដ្ឋានអន្តរជាតិ Ministro Pistarini ក្នុងរដ្ឋធានីរបស់ប្រទេសអាហ្សង់ទីន នឹងចំណាយពេល ២៥ម៉ោង តិចជាងជើងត្រឡប់មកវិញ ៤ ម៉ោង៕

អត្ថបទ៖ សាង ស្រីល័ក្ខ

ចុចអាន៖លោកត្រាំ ក្ដៅឆេវ ពេលអ្នកកាសែតអូស្ត្រាលី ជជីកសួរទ្រព្យសម្បត្តិផ្ទាល់ខ្លួន