លោកស្រី Yogananda Pittman ប្រធានស្តីទីនៃប៉ូលិសកាពីតូលសហរដ្ឋអាមេរិក បាននិយាយថា ជនសង្ស័យម្នាក់និងមន្រ្តីកងកម្លាំងម្នាក់ បានស្លាប់ខណៈដែលមន្រ្តីទី២ ត្រូវបានបញ្ជូនទៅកាន់មន្ទីរពេទ្យបន្ទាប់ពីឧប្បត្តិហេតុនេះបានកើតឡើងក្រោយម៉ោង១រសៀល (ម៉ោងនៅអាមេរិក)។

លោកស្រីនិយាយក្នុងសន្និសីទកាសែតមួយថា “ជនសង្ស័យ បានបើករថយន្តបុកមន្ត្រីរបស់យើងចំនួនពីរនាក់ ហើយបន្ទាប់មកបានបុករនាំងខាងជើង។ នៅពេលនោះ ជនសង្ស័យបានចេញពីរថយន្តដោយកាំបិតនៅក្នុងដៃ”។

លោកស្រី Pittman បន្តថា ជនសង្ស័យមិនបានឆ្លើយតបនឹងការព្រមានទេ ហើយរូបគេត្រូវបានបាញ់សម្លាប់ដោយប៉ូលិស។

ស្របពេលជាមួយគ្នានោះ លោក Robert Contee ប្រធានប៉ូលិសក្រុងបាននិយាយថា កងកម្លាំងរបស់លោកកំពុងរកមើលមូលហេតុនៃសកម្មភាពនេះ ហើយបានបន្ថែមថា វាហាក់ដូចជាមិនមានការគំរាមកំហែងបន្តទៀតនោះទេ។

ការវាយប្រហារប្រឆាំងនឹងប៉ូលិសអាមេរិកកាពីតូលកាលពីថ្ងៃសុក្រ បានកើតឡើងមិនដល់៣ខែផង បន្ទាប់ពីការវាយប្រហារថ្ងៃទី៦ខែមករា ទៅលើសភាដោយអ្នកគាំទ្រលោក Trump ដែលព្យាយាមរារាំងការប្រកាសជ័យជម្នះរបស់លោក Joe Biden នៅក្នុងការបោះឆ្នោតប្រធានាធិបតីឆ្នាំ២០២០។

មន្រ្តីប៉ូលិសកាពីតូលម្នាក់ត្រូវបានសម្លាប់បន្ទាប់ពីរងរបួសអំឡុងពេលការវាយលុក ខណៈដែលមន្រ្តីប៉ូលិសកាពីតូលចំនួន២នាក់ទៀតដែលឆ្លើយតបនឹងការវាយប្រហារនោះ បានស្លាប់ដោយការធ្វើអត្តឃាតនៅថ្ងៃបន្ទាប់៕

ប្រែសម្រួលដោយ៖ Vann Vann

ប្រភព៖ FT

ចុចអាន៖ FBI បញ្ចេញវីដេអូជនសង្ស័យដាក់គ្រាប់បែកបំពង់ជិតវិមានកាពីតូល កាលខែមករា

The post ប៉ូលិសអាមេរិក ស្លាប់ក្នុងការវាយប្រហារនៅវិមានកាពីតូល appeared first on Kampuchea Thmey Daily.

FBI បាននិយាយនៅក្នុងសេចក្តីប្រកាសព័ត៌មានមួយកាលពីថ្ងៃអង្គារថា “ការិយាល័យរបស់ទីភ្នាក់ងារ FBI បានចេញផ្សាយព័ត៌មាន និងវីដេអូថ្មីទាក់ទងនឹងគ្រាប់បែកបំពង់ដែលត្រូវបានដាក់នៅសង្កាត់ Capitol Hill នៅទីក្រុងវ៉ាស៊ីនតោនឌីស៊ីកាលពីថ្ងៃទី ៥ ខែមករា ឆ្នាំ ២០២១ ហើយកំពុងស្វែងរកព័ត៌មានបន្ថែមពីសាធារណជន” ។

FBI បាននិយាយថា ខ្លួនកំពុងធ្វើការដើម្បីកំណត់អត្តសញ្ញាណជនសង្ស័យ ហើយកំពុងផ្តល់ប្រាក់រង្វាន់ ១០ ម៉ឺនដុល្លារសម្រាប់ព័ត៌មានដែលឈានដល់ការកំណត់អត្តសញ្ញាណ និងការកាត់ទោសបុគ្គលនោះ ។

វីដេអូនោះបង្ហាញពីជនសង្ស័យពាក់អាវយឺតពណ៌ប្រផេះ ខោខូវប៊យពណ៌ខៀវ និងពាក់មុខ ។ គេឃើញជនសង្ស័យកំពុងដើរកាត់សង្កាត់ Capitol Hill នៅល្ងាចថ្ងៃទី ៥ ខែមករា កាន់កាបូបស្ពាយដែលត្រូវបានគេចោទប្រកាន់ថាមានផ្ទុកគ្រាប់បែកបំពង់ ។

បន្ទាប់មកវីដេអូនោះបង្ហាញពីជនសង្ស័យដាក់គ្រាប់បែកបំពង់នៅទីស្នាក់ការកណ្តាល DNC ដែលមានទីតាំងនៅផ្លូវ 430 South Capitol Street និងគ្រាប់បែកបំពង់មួយផ្សេងទៀតនៅតាមផ្លូវតូចមួយនៅខាងក្រោយទីស្នាក់ការកណ្តាល RNC ដែលមានទីតាំងនៅផ្លូវ 310 First Street ក្នុងទីក្រុងវ៉ាស៊ីនតោន ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិកចេញគោលការណ៍ណែនាំថ្មី អ្នកចាក់វ៉ាក់សាំងកូវីដរួច អាចជួបជុំដោយមិនចាំបាច់ពាក់ម៉ាស់បាន

ចុចអាន ៖ សហរដ្ឋអាមេរិករឹតត្បិតការនាំចេញទំនិញទៅយោធាមីយ៉ាន់ម៉ា

The post FBI បញ្ចេញវីដេអូជនសង្ស័យដាក់គ្រាប់បែកបំពង់ជិតវិមានកាពីតូល កាលខែមករា appeared first on Kampuchea Thmey Daily.

គ្រាប់បែកទាំងនោះត្រូវបានគេដាក់នៅគណៈកម្មាធិការជាតិប្រជាធិបតេយ្យ និងគណៈកម្មាធិការជាតិសាធារណរដ្ឋកាលពីល្ងាចថ្ងៃទី ៥ ខែមករា ចន្លោះម៉ោង ៧ និង ៣០ និង ៨ និង ៣០ យប់ដោយជនមិនស្គាល់មុខម្នាក់ដែលត្រូវគេថតបានដោយកាមេរ៉ាសុវត្ថិភាព ពាក់អាវយឺត និងបិទមុខជិត ។

ការិយាល័យ និងនាយកដ្ឋានគ្រឿងស្រវឹង ថ្នាំជក់ និងអាវុធ ឥឡូវនេះបានផ្តល់ប្រាក់រង្វាន់រហូតដល់ ១០ ម៉ឺនដុល្លារសម្រាប់ព័ត៌មានដែលនាំទៅដល់ការចាប់ខ្លួនបុគ្គលនោះ ។

គ្រាប់បែកនោះត្រូវបានគេរកឃើញកាលពីថ្ងៃទី ៦ ខែមករា ខណៈអ្នកគាំទ្រអតីតប្រធានាធិបតីអាមេរិកលោក ដូណាល់ ត្រាំ កំពុងវាយលុកវិមានសភា ។ មន្រ្តីប៉ូលិសម្នាក់បានបាត់បង់ជីវិតដោយសារការរងរបួស បន្ទាប់ពីទប់ស្កាត់ក្រុមកុបកម្ម ខណៈដែលមនុស្សរាប់សិបនាក់ផ្សេងទៀតបានរងរបួស ។

ការវាយលុកនេះបានជំរុញឲ្យមានការចោទប្រកាន់ជាលើកទី ២ របស់លោក ត្រាំ បន្ទាប់ពីបានអំពាវនាវដល់អ្នកគាំទ្ររបស់លោកឲ្យបញ្ឈប់សកម្មភាពនេះ ខណៈសមាជិកសភាកំពុងត្រៀមអនុវត្តកាតព្វកិច្ចរដ្ឋធម្មនុញ្ញរបស់ពួកគេដើម្បីរាប់សន្លឹកឆ្នោតនៃអង្គអ្នកបោះឆ្នោតតំណាងដែលជាជំហានសំខាន់មួយមុនការឡើងកាន់តំណែងរបស់ប្រធានាធិបតីអាមេរិក ចូ បៃដិន ។

លោក ត្រាំ បានអះអាងដោយគ្មានភស្តុតាងថា ការបោះឆ្នោតថ្ងៃទី ៣ ខែវិច្ឆិកាត្រូវបានលួចបន្លំពីគាត់ ប៉ុន្តែការចោទប្រកាន់នេះត្រូវបានច្រានចោលម្តងហើយម្តងទៀតនៅក្នុងតុលាការ ហើយក្រសួងយុត្តិធម៌មិនបានរកឃើញភ័ស្តុតាងណាមួយដែលអាចបញ្ជាក់ពីលួចបន្លំនេះនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេប៉ូលិសវិមានកាពីតូលចេញមុខសុំទោសចំពោះការបរាជ័យទប់ស្កាត់កុបកម្មថ្ងៃ ៦ មករា

ចុចអាន ៖ កងឆ្មាំជាតិវិលត្រឡប់ទៅវិមានកាពីតូលវិញ ក្រោយបណ្ដេញចេញឲ្យដេកនៅចំណតរថយន្ត

The post តាមពិត គ្រាប់បែកបំពង់ដែលរកឃើញនៅជិតវិមានកាពីតូលត្រូវបានដាក់នៅយប់មុនពេលកុបកម្ម appeared first on Kampuchea Thmey Daily.

នៅក្នុងការផ្តល់សក្ខីកម្មនៅចំពោះមុខសភាកាលពីថ្ងៃអង្គារលោកស្រី Yogananda Pittman បាននិយាយថា “ប៉ូលិសកាពីតូលមិនបានបំពេញតាមស្តង់ដារខ្ពស់របស់ខ្លួនក៏ដូចជារបស់អ្នកដទៃផងដែរ” ។

គួររម្លឹកថា ក្រុមអ្នកគាំទ្ររបស់លោក Trump បានសម្រុកចូលវិមានកាពីតូលនៅទីក្រុងវ៉ាស៊ីនតោនឌីស៊ីកាលពីថ្ងៃទី ៦ ខែមករា ខណៈដែលសភាបានជួបប្រជុំដើម្បីបញ្ជាក់ពីជ័យជម្នះនៃការបោះឆ្នោតរបស់លោកប្រធានាធិបតី Joe Biden ។

ទន្ទឹមនោះមនុស្ស ៥ នាក់បានស្លាប់នៅក្នុងឧប្បត្តិហេតុនេះដែលនាំឲ្យមានការថ្កោលទោសទ្រង់ទ្រាយធំ និងបានចោទជាសំណួរដ៏ធ្ងន់ធ្ងរក្នុងចំណោមអ្នកដទៃទៀតអំពីថាតើក្រុមបាតុករអាចចូលក្នុងអាសនៈសភានីតិប្បញ្ញត្តិអាមេរិកយ៉ាងដូចម្តេច ។

នៅក្នុងសក្ខីកម្មនេះ លោកស្រី Pittman បានចុះបញ្ជីកំហុសរបស់ប៉ូលីសជាច្រើនរាប់បញ្ចូលទាំងមិនមានកម្លាំងគ្រប់គ្រាន់ ហើយមិនធ្វើតាមបទបញ្ជាដែលលោកស្រីបានចេញ អំឡុងការឡោមព័ទ្ធ និងមិនមានផែនការទំនាក់ទំនងគ្រប់គ្រាន់សម្រាប់វិបត្តិនេះ ។

លោកស្រី Pittman បានថ្លែងនៅក្នុងសុន្ទរកថាដែលបានរៀបចំដោយលោកស្រីថា “យើងដឹងថា ក្រុមជីវពល និងអង្គការកំពូលៗនឹងចូលរួម ។ យើងក៏ដឹងដែរថាអ្នកចូលរួមខ្លះមានបំណងនាំយកកាំភ្លើង និងអាវុធផ្សេងទៀតមកចូលរួមក្នុងព្រឹត្តិការណ៍នេះ ។ យើងដឹងថាមានសក្តានុពលខ្លាំងសម្រាប់អំពើហិង្សា ហើយសភាគឺជាគោលដៅ” ។

ការទទួលយករបស់លោកស្រីធ្វើឡើងនៅពេលដែលភ្នាក់ងារអនុវត្តច្បាប់របស់សហរដ្ឋអាមេរិកស៊ើបអង្កេតការគំរាមកំហែងមួយចំនួនដែលផ្ដោតគោលដៅទៅលើសមាជិកសភា និងនៅពេលដែលការចោទប្រកាន់លើកទីពីររបស់លោក Trump កំពុងតែដំណើរការ ។

សភាអាមេរិកកាលពីថ្ងៃទី ១៣ ខែមករាបានចោទប្រកាន់អតីតប្រធានាធិបតី Donald Trump ពីបទ “ញុះញង់ឲ្យមានការបះបោរ” ទាក់ទងនឹងកុបកម្មវិមានកាពីតូលដែលធ្វើឲ្យលោក Trump ក្លាយជាប្រធានាធិបតីតែម្នាក់គត់នៅក្នុងប្រវត្តិសាស្ត្រអាមេរិកដែលត្រូវបានចោទប្រកាន់ពីរដងក្នុងការកាន់តំណែង ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន​ ៖ Biden និយាយអ្វីខ្លះជាមួយ Putin ក្នុងជំនួបតាមទូរស័ព្ទលើកដំបូងចាប់តាំងពីឡើងកាន់អំណាច?

ចុចអាន ៖ លោក Antony Blinken ក្លាយជារដ្ឋមន្ត្រីការបរទេសអាមេរិក

The post មេប៉ូលិសវិមានកាពីតូលចេញមុខសុំទោសចំពោះការបរាជ័យទប់ស្កាត់កុបកម្មថ្ងៃ ៦ មករា appeared first on Kampuchea Thmey Daily.

លោកអភិបាលបាននិយាយថា “ពួកគេជាទាហាន ។ ពួកគេមិនមែនជាអ្នកបម្រើរបស់លោកស្រី Nancy Pelosi ទេ” ។

ទាហានជាង ២ ម៉ឺននាក់ត្រូវបាននាំទៅទីក្រុងវ៉ាស៊ីនតោន បន្ទាប់ពីការប៉ះទង្គិចនៅវិមានកាពីតូលអាមេរិកកាលពីថ្ងៃទី ៦ ខែមករា ហើយទាហានជាច្រើននៅតែមានក្នុងពិធីសម្ពោធឡើងកាន់តំណែងរបស់លោក Joe Biden នាពេលថ្មីៗនេះ ។

មនុស្សជាច្រើនបានសម្តែងការខឹងសម្បារនៅសប្តាហ៍នេះ បន្ទាប់ពីមានសេចក្តីរាយការណ៍ថា ទាហានរាប់រយនាក់ត្រូវបានគេប្រាប់ឲ្យចាកចេញពីវិមានកាពីតូលអាមេរិកជាកន្លែងដែលពួកគេត្រូវបានគេដាក់អស់ជាច្រើនសប្តាហ៍ និងដើម្បីស្វែងរកកន្លែងស្នាក់នៅនៅកន្លែងផ្សេងទៀតដោយអ្នកខ្លះត្រូវទៅសម្រាកនៅចំណតយានយន្តក្បែរនោះ ។

ប៉ុន្មានម៉ោងបន្ទាប់ពីរឿងរ៉ាវបានផ្ទុះឡើង ហើយអ្នកនយោបាយជាច្រើនបានសម្តែងការមិនពេញចិត្តចំពោះការវាយប្រហារនេះ ហើយប៉ូលិសវិមានកាពីតូលសហរដ្ឋអាមេរិកបានសុំអភ័យទោស និងបានអនុញ្ញាតឲ្យឆ្មាំជាតិចូលទៅក្នុងអគារកាពីតូលវិញ ។

លោកអភិបាលបានលើកយកបញ្ហាមួយថា FBI កំពុងត្រួតពិនិត្យទាហានឲ្យមានជំនឿនយោបាយជ្រុលនិយម មុនពេលពិធីសម្ពោធឡើងកាន់តំណែងលោក Biden ហើយបាននាំឲ្យទាហាន ១២ នាក់ត្រូវបានដកចេញពីការចាត់តាំងពាក់ព័ន្ធនឹងសេចក្តីថ្លែងការណ៍ដែលបានធ្វើនៅក្នុងការផ្សព្វផ្សាយតាមបណ្តាញសង្គម ។

លោកបាននិយាយថា “នៅរដ្ឋផ្លរីដា យើងមិនបានអនុញ្ញាតឲ្យពួកគេចូលទៅក្នុងជំនឿនយោបាយរបស់ពួកគេទេ ។ ខ្ញុំគិតថា វាមិនសមរម្យទេ ។ ខ្ញុំគិតថាវាជាការមិនគោរពចំពោះមនុស្សដែលជាអ្នកស្នេហាជាតិ” ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ក្រុមអ្នកជ្រុលនិយមធ្វើឲ្យ FBI ឈឺក្បាលក្នុងការស៊ើបការណ៍លើជនជាតិអាមេរិក

ចុចអាន ៖ លោក Biden បញ្ជាឲ្យវាយតម្លៃការគំរាមកំហែងលើភាពជ្រុលនិយមក្នុងស្រុកនិងតួនាទីរបស់បណ្តាញសង្គមពាក់ព័ន្ធកុបកម្មនៅ វិមានកាពីតូល

The post កងឆ្មាំជាតិវិលត្រឡប់ទៅវិមានកាពីតូលវិញ ក្រោយបណ្ដេញចេញឲ្យដេកនៅចំណតរថយន្ត appeared first on Kampuchea Thmey Daily.

លេខាធិការសារព័ត៌មានលោកស្រី Jen Psaki បានប្រាប់អ្នកកាសែតថា “ការវាយតម្លៃលើការគំរាមកំហែងដ៏ទូលំទូលាយ” ត្រូវបានចាត់ឲ្យទៅប្រធានផ្នែកស៊ើបការណ៍សម្ងាត់របស់លោក Biden កាលពីថ្ងៃសុក្រ។ លោកស្រីក៏បានប្រកាសពីកិច្ចប្រឹងប្រែងបីយ៉ាងប្រឆាំងនឹងភាពជ្រុលនិយមអំពើហិង្សាក្នុងប្រទេសផងដែរ។

លោកស្រី Psaki បន្តថា “រដ្ឋបាលរបស់លោក Biden នឹងប្រឈមមុខនឹងការគំរាមកំហែងនេះជាមួយធនធានចាំបាច់និងការដោះស្រាយ។ យើងប្តេជ្ញាអភិវឌ្ឍគោលនយោបាយនិងយុទ្ធសាស្ត្រដោយផ្អែកលើអង្គហេតុ ផ្អែកលើការវិភាគគោលដៅនិងម៉ឺងម៉ាត់ និងការគោរពរបស់យើងចំពោះសេរីភាពខាងបញ្ចេញមតិនិងសកម្មភាពនយោបាយដែលការពារដោយរដ្ឋធម្មនុញ្ញ”។

ការវាយតម្លៃនេះត្រូវបានប្រគល់ទៅឲ្យបេក្ខភាពតែងតាំងជានាយកទីភ្នាក់ងារស៊ើបការណ៍ជាតិលោក Avril Haines ដែលជាអតីតអនុប្រធាន CIA សម័យលោកប្រធានាធិបតី Barack Obama ហើយនឹងត្រូវសម្របសម្រួលជាមួយទាំង FBI និងក្រសួងសន្តិសុខមាតុភូមិ (DHS)។

បន្ថែមលើការស៊ើបអង្កេតចារកម្ម លោកស្រី Psaki បាននិយាយថា រដ្ឋបាលនេះនឹងធ្វើការត្រួតពិនិត្យគោលនយោបាយដែលដឹកនាំដោយក្រុមប្រឹក្សាសន្តិសុខជាតិ (NSC) ដើម្បីកំណត់ពីរបៀបដែលរដ្ឋាភិបាលអាចចែកចាយព័ត៌មានឲ្យបានប្រសើរជាងមុនអំពីការគំរាមកំហែងនេះនិងដើម្បីគាំទ្រដល់កិច្ចខិតខំប្រឹងប្រែងទប់ស្កាត់អំពើរ៉ាឌីកាល់និយម។

NSC ក៏នឹងសម្របសម្រួលទីភ្នាក់ងារសហព័ន្ធ ដើម្បីផ្តោតលើការគំរាមកំហែងដែលកំពុងវិវឌ្ឍន៍ហើយថែមទាំងពិចារណាពីតួនាទីនៃបណ្តាញសង្គមនៅក្នុងភាពជ្រុលនិយមផងដែរ៕

ប្រែសម្រួលដោយ៖ Vann Vann

ប្រភព៖ RT

ចុចអាន៖ ភាពខុសគ្នានៃពិធីឡើងកាន់តំណែងរបស់លោក Biden និងលោក Trump

The post លោក Biden បញ្ជាឲ្យវាយតម្លៃការគំរាមកំហែងលើភាពជ្រុលនិយមក្នុងស្រុកនិងតួនាទីរបស់បណ្តាញសង្គមពាក់ព័ន្ធកុបកម្មនៅ វិមានកាពីតូល appeared first on Kampuchea Thmey Daily.

សេចក្តីថ្លែងការណ៍នោះបាននិយាយថា “ការិយាល័យ ATF Washington និងការិយាល័យ FBI WFO ផ្តល់រង្វាន់រហូតដល់ ៧៥ ពាន់ដុល្លារសម្រាប់ព័ត៌មានអំពីអ្នកដែលទទួលខុសត្រូវចំពោះការដាក់គ្រាប់បែកបំពង់នៅក្នុងទីក្រុងវ៉ាស៊ីនតោនឌីស៊ី កាលពីថ្ងៃទី ៦ ខែមករា” ។

FBI បានកត់សម្គាល់ថា ម៉ោងប្រហែល ១ ថ្ងៃត្រង់ ថ្ងៃទី ៦ ខែមករា ភ្នាក់ងារពង្រឹងច្បាប់ជាច្រើនបានទទួលរបាយការណ៍នៃការសង្ស័យថាបានដាក់គ្រាប់បែកបំពង់នៅទីស្នាក់ការគណៈកម្មាធិការជាតិសាធារណរដ្ឋ និង ១៥ នាទីក្រោយមកគ្រាប់បែកបំពង់ទី ២ ត្រូវបានគេរាយការណ៍នៅទីស្នាក់ការគណៈកម្មាធិការជាតិប្រជាធិបតេយ្យ ។

FBI នៅតែបន្តអំពាវនាវដល់ប្រជាជននៅទូទាំងប្រទេសផ្ញើព័ត៌មាន រូបថត និងវីដេអូដែលអាចជួយដល់ការស៊ើបអង្កេតដែលកំពុងបន្ត ។ នេះបើយោងតាមរបាយការណ៍របស់ប្រព័ន្ធផ្សព្វផ្សាយ ។

កាលពីថ្ងៃទី ៦ ខែមករា ក្រុមអ្នកគាំទ្ររបស់អតីតប្រធានាធិបតី ដូណាល់ ត្រាំ បានសម្រុកចូលវិមានកាពីតូលដើម្បីតវ៉ាប្រឆាំងនឹងសមាជិកសភាដែលបញ្ជាក់ពីការទទួលជ័យជម្នះរបស់ប្រធានាធិបតីជាប់ឆ្នោតសហរដ្ឋអាមេរិកលោក ចូ បៃដិន ។

មនុស្សយ៉ាងហោចណាស់ ៥ នាក់បានស្លាប់ក្នុងនោះមានមន្ត្រីប៉ូលិសវិមានកាពីតូលម្នាក់ផងដែរ ខណៈរហូតមកដល់ពេលនេះអាជ្ញាធរបានបើកសំណុំរឿងជាង ១៧០ ករណីទាក់ទងនឹងកុបកម្មនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប៊ូតុងក្រហមដ៏អាថ៌កំបាំងលើតុរបស់ ត្រាំ ហាក់ដូចជាត្រូវបានដកចេញពីការិយាល័យពងក្រពើ

ចុចអាន​ ៖ រឿង៨យ៉ាងប្រហែលគ្មានអ្នកចាប់អារម្មណ៍ ក្នុងព្រឹត្តិការណ៍ស្បថចូលកាន់តំណែងប្រធានាធិបតីអាមេរិក យប់មិញ

The post FBI ផ្តល់រង្វាន់យ៉ាងច្រើនសន្ធឹកសន្ធាប់សម្រាប់ព័ត៌មានអ្នកដាក់គ្រាប់បែកបំពង់នៅវិមានកាពីតូល appeared first on Kampuchea Thmey Daily.

លោកនាយឧត្តមសេនីយ៍ Mohammad Hossein Baqeri មេបញ្ជាការនៃកងកម្លាំងប្រដាប់អាវុធអ៊ីរ៉ង់បាននិយាយនៅក្នុងពិធីមួយកាលពីថ្ងៃចន្ទថា “ពេលនេះយើងស្ថិតនៅកំពូលគេនៃអំណាចរបស់យើង នៅពេលដែលសត្រូវកំពុងតែដួលរលំ” ។

លោកនាយឧត្តមសេនីយ៍ក៏បានពណ៌នាដែរថា វាជារឿងគួរឲ្យហួសចិត្តមួយដែលអាមេរិកសង្ឃឹមថាអាចផ្តួលរំលំរដ្ឋាភិបាលអ៊ីរ៉ង់ ប៉ុន្តែពេលនេះអាមេរិកកំពុងមានភាពវឹកវរទៅវិញ ។

លោក Baqeri បាននិយាយថា “ពួកគេចង់ឲ្យសាធារណរដ្ឋឥស្លាមមិនចង់ឃើញខួប ៤០ ឆ្នាំនៃបដិវត្តរបស់ខ្លួន ប៉ុន្តែអគារសភាផ្ទាល់របស់ពួកគេត្រូវបានឡោមព័ទ្ធ ។ មន្ត្រីរបស់ពួកគេបានសម្តែងការព្រួយបារម្ភថាកិត្យានុភាពរបស់ពួកគេកំពុងត្រូវបានបំផ្លាញនៅចំពោះមុខពិភពលោក ហើយឥឡូវនេះកងកម្លាំងប្រដាប់អាវុធអាមេរិកកំពុងប្រុងជើងការសម្រាប់ពិធីស្បថចូលកាន់តំណែងប្រធានាធិបតីថ្មី” ។

កាលពីដើមខែធ្នូប្រធានាធិបតីអ៊ីរ៉ង់លោក Hassan Rouhani បាននិយាយថា ការវាយប្រហារនៃអគារកាពីតូលរបស់អាមេរិកដោយអ្នកគាំទ្រប្រធានាធិបតីអស់អាណត្តិ Donald Trump បានបង្ហាញពីភាពទន់ខ្សោយនៃប្រជាធិបតេយ្យលោកខាងលិច ។

សុន្ទរកថារបស់លោក Baqeri កាលពីថ្ងៃចន្ទធ្វើឡើង បន្ទាប់ពីទំនាក់ទំនងរវាងសហរដ្ឋអាមេរិក និងអ៊ីរ៉ង់មានភាពតានតឹងរាប់ទសវត្សមកហើយក្រោមការគ្រប់គ្រងរបស់លោក Trump ។ រដ្ឋបាលរបស់លោកបានសង្កត់ធ្ងន់លើយុទ្ធនាការដាក់សម្ពាធប្រឆាំងនឹងអ៊ីរ៉ង់ពាក់ព័ន្ធនឹងការដាក់ទណ្ឌកម្មជាច្រើន និងការគំរាមកំហែងម្តងហើយម្តងទៀតនៃសកម្មភាពយោធាក៏ដូចជាការធ្វើឃាតឧត្តមសេនីយ៍អ៊ីរ៉ង់ Qassem Soleimani កាលពីថ្ងៃទី ៣ ខែមករា ឆ្នាំ ២០២០ ។

គួរបញ្ជាក់ថា លោក Joe Biden នឹងស្បថចូលកាន់តំណែងនៅថ្ងៃទី ២០ ខែមករា ហើយលោកគឺជាប្រធានាធិបតីសហរដ្ឋអាមេរិកទី ៤៦ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ជំទាវទីមួយ Melania Trump ចេញសារលាទៅកាន់ពលរដ្ឋអាមេរិក

ចុចអាន ៖ ចិននិងអាមេរិក ឈ្លោះគ្នានៅ WHO រឿងបេសកកម្មរកប្រភពដើមកូវីដក្នុងទីក្រុង អ៊ូហាន

The post អ៊ីរ៉ង់ចំអកអាមេរិក ក្រោយមានភាពវឹកវរជាបន្តបន្ទាប់នៅមុនថ្ងៃឡើងកាន់តំណែងរបស់លោក Biden appeared first on Kampuchea Thmey Daily.