ប៊ូតុងក្រហមដ៏អាថ៌កំបាំងលើតុរបស់ ត្រាំ ហាក់ដូចជាត្រូវបានដកចេញពីការិយាល័យពងក្រពើ

ប៊ូតុងក្រហមនៅលើតុប្រធានាធិបតីអាមេរិកត្រូវបានគេសន្មត់ថាជាការកោះហៅរកជំនួយការ នៅពេលណាដែលប្រធានាធិបតីត្រូវការជំនួយ ។ នៅឆ្នាំ ២០១៧ គេបានបង្ហើបឲ្យដឹងថា នៅពេលនោះលោកប្រធានាធិបតី ដូណាល់ត្រាំ បានប្រើប៊ូតុងនេះដើម្បីបញ្ជាយកភេសជ្ជៈគ្មានជាតិស្ករ (Diet Coke) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងរដ្ឋបាលថ្មីរបស់សហរដ្ឋអាមេរិកដែលចូលកាន់តំណែង មានការផ្លាស់ប្តូរបន្តិចបន្តួចត្រូវបានធ្វើរួចទៅហើយនៅលើតុនោះ ។ ប៊ូតុងពណ៌ក្រហមតូចមួយនៅលើប្រអប់លើតុ Resolute Desk របស់ប្រធានាធិបតីដែលបានផ្គត់ផ្គង់ឲ្យលោក ដូណាល់ ត្រាំ ជាមួយភេសជ្ជៈគ្មានជាតិស្ករ (Diet Coke) ហាក់ដូចជាបាត់ ។

ឧបករណ៍នេះត្រូវបានព័ទ្ធជុំវិញដោយប៊ូតុងដែលត្រូវបានគេប៉ាន់ស្មានអំពីគោលបំណងរបស់វាជាមួយនឹងការទស្សន៍ទាយដ៏ពេញនិយមបំផុតគឺប៊ូតុងនុយក្លេអ៊ែរ ។ ទោះយ៉ាងណានៅឆ្នាំ ២០១៧ លោក ដូណាល់ ត្រាំ បានបង្ហាញនូវរឿងពិតនេះដោយចុចលើវា ហើយបន្ទាប់មកគេឃើញមានអ្នកបម្រើប្រុសម្នាក់យកភេសជ្ជៈដែលគាត់ចូលចិត្តនៅលើចានប្រាក់ ។

ទោះយ៉ាងណាប៊ូតុងនោះមិនមែនជាការច្នៃប្រឌិតរបស់ ត្រាំ នោះទេ ។ រូបថតបង្ហាញថា ប្រធានាធិបតីអាមេរិកទី ៤៤ លោក បារ៉ាក់ អូបាម៉ា ក៏បានប្រើវាដើម្បីទទួលបានភេសជ្ជៈផងដែរ ប៉ុន្តែជម្រើសរបស់គាត់ត្រូវបានគេរាយការណ៍ថាជាភេសជ្ជៈសុខភាព ដូចជាទឹកតែជាដើម ។

លោក ចូ បៃដិន បានស្បថចូលកាន់តំណែងជាប្រធានាធិបតីអាមេរិកទី ៤៦ កាលពីថ្ងៃទី ២០ ខែមករា ។ នៅថ្ងៃដំបូងរបស់លោកនៅក្នុងការិយាល័យលោកបានចុះហត្ថលេខាលើបទបញ្ជាប្រតិបត្តិជាច្រើន និងបានថ្លែងសុន្ទរកថាលើកដំបូងរបស់លោកដោយនិយាយអំពីជំងឺរាតត្បាតកូវីដ ១៩ ក៏ដូចជាបញ្ហាអន្តោប្រវេសន៍ និងការប្រែប្រួលអាកាសធាតុ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រឿង៨យ៉ាងប្រហែលគ្មានអ្នកចាប់អារម្មណ៍ ក្នុងព្រឹត្តិការណ៍ស្បថចូលកាន់តំណែងប្រធានាធិបតីអាមេរិក យប់មិញ

ចុចអាន ៖ បញ្ជាប្រតិបត្តិទាំង១៧ដែលលោក Joe Biden ចុះហត្ថលេខានៅថ្ងៃចូលកាន់តំណែងដំបូង