កងឆ្មាំជាតិវិលត្រឡប់ទៅវិមានកាពីតូលវិញ ក្រោយបណ្ដេញចេញឲ្យដេកនៅចំណតរថយន្ត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កងឆ្មាំជាតិវិលត្រឡប់ទៅវិមានកាពីតូលវិញ ក្រោយបណ្ដេញចេញឲ្យដេកនៅចំណតរថយន្ត

Published

on

អភិបាលរដ្ឋផ្លរីដាលោក Ron DeSantis បានបញ្ជាកងទ័ពឆ្មាំជាតិជាង ៦០០ នាក់ឲ្យវិលត្រឡប់ទៅវិមានកាពីតូលក្នុងទីក្រុងវ៉ាស៊ីនតោនឌីស៊ីវិញ បន្ទាប់ពីមានសេចក្តីរាយការណ៍ដ៏ចម្រូងចម្រាសអំពីទាហានដែលត្រូវបានបង្ខំឲ្យចេញពីវិមានកាពីតូល និងចូលទៅចំណតយានយន្ត ។

លោកអភិបាលបាននិយាយថា “ពួកគេជាទាហាន ។ ពួកគេមិនមែនជាអ្នកបម្រើរបស់លោកស្រី Nancy Pelosi ទេ” ។

ទាហានជាង ២ ម៉ឺននាក់ត្រូវបាននាំទៅទីក្រុងវ៉ាស៊ីនតោន បន្ទាប់ពីការប៉ះទង្គិចនៅវិមានកាពីតូលអាមេរិកកាលពីថ្ងៃទី ៦ ខែមករា ហើយទាហានជាច្រើននៅតែមានក្នុងពិធីសម្ពោធឡើងកាន់តំណែងរបស់លោក Joe Biden នាពេលថ្មីៗនេះ ។

មនុស្សជាច្រើនបានសម្តែងការខឹងសម្បារនៅសប្តាហ៍នេះ បន្ទាប់ពីមានសេចក្តីរាយការណ៍ថា ទាហានរាប់រយនាក់ត្រូវបានគេប្រាប់ឲ្យចាកចេញពីវិមានកាពីតូលអាមេរិកជាកន្លែងដែលពួកគេត្រូវបានគេដាក់អស់ជាច្រើនសប្តាហ៍ និងដើម្បីស្វែងរកកន្លែងស្នាក់នៅនៅកន្លែងផ្សេងទៀតដោយអ្នកខ្លះត្រូវទៅសម្រាកនៅចំណតយានយន្តក្បែរនោះ ។

ប៉ុន្មានម៉ោងបន្ទាប់ពីរឿងរ៉ាវបានផ្ទុះឡើង ហើយអ្នកនយោបាយជាច្រើនបានសម្តែងការមិនពេញចិត្តចំពោះការវាយប្រហារនេះ ហើយប៉ូលិសវិមានកាពីតូលសហរដ្ឋអាមេរិកបានសុំអភ័យទោស និងបានអនុញ្ញាតឲ្យឆ្មាំជាតិចូលទៅក្នុងអគារកាពីតូលវិញ ។

លោកអភិបាលបានលើកយកបញ្ហាមួយថា FBI កំពុងត្រួតពិនិត្យទាហានឲ្យមានជំនឿនយោបាយជ្រុលនិយម មុនពេលពិធីសម្ពោធឡើងកាន់តំណែងលោក Biden ហើយបាននាំឲ្យទាហាន ១២ នាក់ត្រូវបានដកចេញពីការចាត់តាំងពាក់ព័ន្ធនឹងសេចក្តីថ្លែងការណ៍ដែលបានធ្វើនៅក្នុងការផ្សព្វផ្សាយតាមបណ្តាញសង្គម ។

លោកបាននិយាយថា “នៅរដ្ឋផ្លរីដា យើងមិនបានអនុញ្ញាតឲ្យពួកគេចូលទៅក្នុងជំនឿនយោបាយរបស់ពួកគេទេ ។ ខ្ញុំគិតថា វាមិនសមរម្យទេ ។ ខ្ញុំគិតថាវាជាការមិនគោរពចំពោះមនុស្សដែលជាអ្នកស្នេហាជាតិ” ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ក្រុមអ្នកជ្រុលនិយមធ្វើឲ្យ FBI ឈឺក្បាលក្នុងការស៊ើបការណ៍លើជនជាតិអាមេរិក

ចុចអាន ៖ លោក Biden បញ្ជាឲ្យវាយតម្លៃការគំរាមកំហែងលើភាពជ្រុលនិយមក្នុងស្រុកនិងតួនាទីរបស់បណ្តាញសង្គមពាក់ព័ន្ធកុបកម្មនៅ វិមានកាពីតូល

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services