Biden និយាយអ្វីខ្លះជាមួយ Putin ក្នុងជំនួបតាមទូរស័ព្ទលើកដំបូងចាប់តាំងពីឡើងកាន់អំណាច?
Connect with us
Helistar Cambodia - Helicopter Charter Services

ព័ត៌មានអន្ដរជាតិ

Biden និយាយអ្វីខ្លះជាមួយ Putin ក្នុងជំនួបតាមទូរស័ព្ទលើកដំបូងចាប់តាំងពីឡើងកាន់អំណាច?

Published

on

សេតវិមានបាននិយាយថា ប្រធានាធិបតីសហរដ្ឋអាមេរិកលោក Joe Biden បាននិយាយទៅកាន់ប្រធានាធិបតីរុស្ស៊ីលោក Vladimir Putin ជាលើកដំបូងចាប់តាំងពីចូលកាន់តំណែង ដោយលោកបានលើកឡើងពីការព្រួយបារម្ភអំពីសកម្មភាពរបស់រុស្ស៊ី រួមទាំងការប្រព្រឹត្តដាក់អ្នករិះគន់វិមានក្រឹមឡាំងដែលត្រូវជាប់ពន្ធនាគារលោក Alexey Navalny ផងដែរ។

លោក Biden បាននិយាយថា លោកនឹងចាត់វិធានការប្រឆាំងរុស្ស៊ីខ្លាំងជាងអតីតប្រធានាធិបតី Donald Trump ទៅទៀត​ ជាពិសេសតាមរយៈការពង្រឹងទំនាក់ទំនងជាមួយសម្ព័ន្ធមិត្តអឺរ៉ុបនៅក្នុងអង្គការសន្ធិសញ្ញាអាត្លង់ទិកខាងជើង (NATO) ដែលអង្គការនេះបម្រើជាកម្លាំងប្រឆាំងនឹងការឈ្លានពានរបស់រុស្ស៊ី។

បន្ទាប់ពីនិយាយទូរស័ព្ទជាមួយលោក Putin, ទាំងសេតវិមាននិងវិមានក្រឹមឡាំងបានចេញសេចក្តីថ្លែងការណ៍រៀងៗខ្លួនដោយនិយាយថា មេដឹកនាំទាំងពីរបានពង្រីកសន្ធិសញ្ញាត្រួតពិនិត្យអាវុធ New START រយៈពេល៥ឆ្នាំ ដែលកំណត់ការដាក់ពង្រាយក្បាលគ្រាប់នុយក្លេអ៊ែរជាយុទ្ធសាស្ត្រមិនឲ្យលើសពី១,៥៥០គ្រាប់ សម្រាប់ប្រទេសមានអាវុធនុយក្លេអ៊ែរនីមួយៗ។

អ្នកនាំពាក្យសេតវិមានលោកស្រី Jen Psaki បាននិយាយថា លោក Biden ក៏បានលើកឡើងពីការបំពុលលើលោក Navalny និងការបង្ក្រាបទៅលើអ្នកគាំទ្ររបស់គាត់ដែលបានចេញមកធ្វើបាតុកម្មតាមដងផ្លូវនៅទូទាំងប្រទេសកាលពីថ្ងៃសៅរ៍ផងដែរ។

លោក Biden ក៏បានសម្តែងការគាំទ្រយ៉ាងមុតមាំចំពោះអធិបតេយ្យភាពរបស់អ៊ុយក្រែនផងដែរ។ លោកបានលើកឡើងពីបញ្ហាកង្វល់ផ្សេងៗទៀត រួមមានការ Hack ដែលគេហៅថា SolarWinds លើទីភ្នាក់ងារសហរដ្ឋអាមេរិក, សេចក្តីរាយការណ៍កាលពីឆ្នាំមុនថាប្រទេសរុស្ស៊ីផ្តល់អំណោយដល់ទាហានអាមេរិកនៅអាហ្វហ្គានីស្ថាន និងការជ្រៀតជ្រែករបស់រុស្ស៊ីនៅក្នុងការបោះឆ្នោតឆ្នាំ២០២០។

លោកស្រី Psaki បាននិយាយថា “គោលបំណងរបស់គាត់គឺចង់បញ្ជាក់ឲ្យច្បាស់ថា សហរដ្ឋអាមេរិកនឹងធ្វើសកម្មភាពការពារផលប្រយោជន៍ជាតិរបស់យើងយ៉ាងម៉ឺងម៉ាត់ ដើម្បីឆ្លើយតបទៅនឹងសកម្មភាពដ៏គ្រោះថ្នាក់របស់រុស្ស៊ី”។

ចំណែកវិមានក្រឹមឡាំងវិញបាននិយាយថា លោក Putin បានប្រាប់លោក Biden ថា ការធ្វើឲ្យមានប្រក្រតីភាពនៃទំនាក់ទំនងរវាងទីក្រុងមូស្គូនិងវ៉ាស៊ីនតោន នឹងជាផលប្រយោជន៍របស់ប្រទេសទាំងពីរ។ សេចក្តីថ្លែងការណ៍នោះបានបន្ថែមទៀតថា មេដឹកនាំទាំងពីរក៏បានពិភាក្សាលើសន្ធិសញ្ញា Open Skies ដែលសហរដ្ឋអាមេរិកដកខ្លួនក្រោមការគ្រប់គ្រងរបស់លោក Trump និងកម្មវិធីនុយក្លេអ៊ែររបស់អ៊ីរ៉ង់ផងដែរ៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ Joe Biden ឡើងកាន់តំណែងមិនទាន់បានប៉ុន្មានថ្ងៃផង ក្រុងប៉េកាំងប្រកាសធ្វើសមយុទ្ធក្នុងសមុទ្រចិនខាងត្បូង

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 mins ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ40 mins ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ52 mins ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ2 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ2 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services