ភាពខុសគ្នានៃពិធីឡើងកាន់តំណែងរបស់លោក Biden និងលោក Trump
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ភាពខុសគ្នានៃពិធីឡើងកាន់តំណែងរបស់លោក Biden និងលោក Trump

Published

on

ពិធីឡើងកាន់តំណែងរបស់លោកប្រធានាធិបតីអាមេរិក Joe Biden និងអតីតប្រធានាធិបតី Donald Trump ត្រូវបានគេកត់សម្គាល់មានភាពផ្ទុយស្រឡះពីសភាពការណ៍នយោបាយនៅសហរដ្ឋអាមេរិក ។

លោក Trump ដែលជាប្រធានាធិបតីតែម្នាក់គត់ដែលត្រូវបានចោទប្រកាន់ពីរដងបានចូលកាន់តំណែង បន្ទាប់ពីលោកបានធ្វើឲ្យប្រទេសនេះមានការភ្ញាក់ផ្អើលដោយបានផ្តួលអតីតរដ្ឋមន្រ្តីក្រសួងការបរទេសលោកស្រី Hillary Clinton ។

ចំណែកលោក Biden បានឡើងកាន់តំណែង បន្ទាប់ពីបានយកឈ្នះលោក Trump យ៉ាងងាយនៅក្នុងការបោះឆ្នោត និងបន្ទាប់ពីមានភាពច្របូកច្របល់អស់រយៈពេល ៤ ឆ្នាំក្នុងគោលនយោបាយប្រកាន់ជាតិសាសន៍ពីរដ្ឋបាលរបស់អតីតប្រធានាធិបតីរូបនេះ ។

នេះគឺជារូបភាពសំខាន់ៗពីព្រឹត្តិការណ៍ឡើងកាន់តំណែងរបស់លោក Biden ក្នុងឆ្នាំ ២០២១ និងអំឡុងលោក Trump កាលពីឆ្នាំ ២០១៧ ក្នុងប្រវត្តិសាស្ត្រអាមេរិក ។

ទំហំហ្វូងមនុស្ស

លោក Trump ដែលត្រូវបានគេស្គាល់ថាជាមនុស្សពូកែនិយាយបំផ្លើសបាននិយាយជាយូរមកហើយថា ពិធីឡើងកាន់តំណែងរបស់លោកគឺមានការចូលរួមពីមនុស្សច្រើនបំផុតនៅក្នុងប្រវត្តិសាស្ត្រ ។

លោក Biden បានជ្រើសរើសអ្នកចូលរួមដែលចាំបាច់ប៉ុណ្ណោះ ដោយសារតែជំងឺរាតត្បាតកូវីដ ១៩ ដោយទីតាំងឧទ្យាន National Mall ត្រូវបានបំពេញដោយទង់ជាតិ ។

វិមានកាពីតូល

ភាពខុសគ្នាតិចតួចអាចត្រូវបានគេមើលឃើញនៅលើបរិវេណវិមានកាពីតូលរវាងឆ្នាំ ២០១៧ និងឆ្នាំ ២០២១ ដូចជាគម្លាតសង្គមជាដើម ដោយសារតែជំងឺរាតត្បាតកូវីដ ១៩ ។

ប៉ុន្តែកៅអីរដ្ឋាភិបាលអាមេរិកបានដើរតួនាទីយ៉ាងសំខាន់នៅក្នុងថ្ងៃចុងក្រោយរបស់លោក Trump ក្នុងនាមជាប្រធានាធិបតី ។

នៅថ្ងៃទី ៦ ខែមករាអ្នកគាំទ្រ Trump បានសម្រុកចូលវិមានកាពីតូលដោយសង្ឃឹមថានឹងបញ្ឈប់សភាពីការបញ្ជាក់ជ័យជម្នះនៃការបោះឆ្នោតរបស់លោក Biden ។

កុបកម្មនេះបណ្តាលឲ្យមានការចោទប្រកាន់ជាប្រវត្តិសាស្ត្រពីរលើកលើលោក Trump ហើយកងទ័ពឆ្មាំជាតិប្រមាណ ២៥,០០០ នាក់ត្រូវបានដាក់ពង្រាយទៅកាន់ទីក្រុងវ៉ាស៊ីនតោនឌីស៊ីដើម្បីសន្តិសុខក្នុងពិធីឡើងកាន់តំណែងនេះ ។

សម្បថនៃការិយាល័យ

លោក Biden អនុប្រធានាធិបតី Kamala Harris លោក Trump និងអតីតអនុប្រធានាធិបតីលោក Mike Pence សុទ្ធតែបានធ្វើសច្ចាប្រណិធានចូលកាន់តំណែងក្នុងរបៀបស្រដៀងគ្នារវាងឆ្នាំ ២០១៧ និង ២០២១ ។

ប្តីប្រពន្ធរបស់ពួកគេបានកាន់សៀវភៅដ៏ពិសិដ្ឋមួយនៅក្នុងព្រះគម្ពីរទាំងបួន ខណៈពួកគេដាក់ដៃស្តាំលើអត្ថបទ ហើយសូត្រពាក្យសម្បថរបស់ពួកគេ ។

ការចូលរួមពិធីឡើងកាន់តំណែង

លោក Trump មិនបានចូលរួមក្នុងពិធីឡើងកាន់តំណែងរបស់លោក Biden ដែលជាបទដ្ឋានមួយក្នុងចំណោមបទដ្ឋានជាច្រើនដែលគាត់បានបំបែកក្នុងអំឡុងពេលធ្វើជាប្រធានាធិបតី ។ នេះបានធ្វើឲ្យគាត់ក្លាយជាប្រធានាធិបតីដំបូងគេដែលបានរំលងពិធីឡើងកាន់តំណែងនៃអ្នកស្នងតំណែងរបស់គាត់ក្នុងរយៈពេល ១៥២ ឆ្នាំ ។

នៅពេលដែលលោក Trump ចូលកាន់តំណែងនៅឆ្នាំ ២០១៧ លោក Obama អតីតប្រធានាធិបតីផុតអាណត្តិបានចូលរួម ហើយពួកគេបានថតរូបជាមួយគ្នា ខណៈអនុប្រធានាធិបតីរបស់ពួកគេគឺលោក Pence និងលោក Biden ក៏ត្រូវបានថតរូបនៅក្បែរប្រធានាធិបតីផងដែរ ។

ការលើកដៃអបអរសាទរ

នៅឯពិធីឡើងកាន់តំណែងនេះក្រុមគ្រួសារប្រធានាធិបតី និងអនុប្រធានាធិបតេយ្យបានគ្រវីដៃទៅសាធារណៈជនអាមេរិកនៅក្នុងរូបថតជានិមិត្តរូប ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ឡើងកាន់តំណែងភ្លាម Joe Biden ព្រមានដេញចោលបុគ្គលិកសេតវិមានណា ដែលមិនគោរពអ្នកដទៃ

ចុចអាន ៖ លោក Joe Biden ក្លាយជាប្រធានាធិបតីទី៤៦ របស់សហរដ្ឋអាមេរិក

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ2 hours ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ2 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

ព័ត៌មានជាតិ3 hours ago

រកឃើញ​អ្នក​រត់​កង់​បី​ ៣​នាក់ ​ដឹក​ស្ត្រី​ជនជាតិ​វៀតណាម​មាន​វិជ្ជមាន​កូ​វីដ​១៩​នៅ​ស្វាយរៀង​ហើយ

ព័ត៌មានជាតិ4 hours ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services