ជំទាវទីមួយ Melania Trump ចេញសារលាទៅកាន់ពលរដ្ឋអាមេរិក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ជំទាវទីមួយ Melania Trump ចេញសារលាទៅកាន់ពលរដ្ឋអាមេរិក

បានផុស

នៅ

ជំទាវទីមួយលោកស្រី Melania Trump នៅក្នុងវីដេអូមួយបានចេញសារលាទៅកាន់សហរដ្ឋអាមេរិកពោលគឺ ២ ថ្ងៃមុនពេលបញ្ចប់អាណត្តិស្វាមីរបស់លោកស្រីគឺប្រធានាធិបតី Donald Trump ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដែលបានចេញផ្សាយកាលពីថ្ងៃចន្ទនៅលើបណ្តាញសង្គម Twitter ដែលជាបណ្ដាញសង្គមដែលស្វាមីរបស់លោកស្រីត្រូវបានហាមឃាត់មិនកំណត់ពេលបាននិយាយថា “ប្រជាជនអាមេរិកកាំងរបស់ខ្ញុំ វាជាកិត្តិយសដ៏ធំបំផុតនៃជីវិតរបស់ខ្ញុំដែលបានបម្រើការជាស្ត្រីទីមួយរបស់សហរដ្ឋអាមេរិក” ។

លោកស្រីបាននិយាយថា “ខ្ញុំត្រូវបានបំផុសគំនិតដោយជនជាតិអាមេរិកាំងដែលមានរឿងមិនគួរឲ្យជឿជាច្រើននៅទូទាំងប្រទេសរបស់យើង” ។

ទន្ទឹមនោះលោកស្រី Melania Trump ក៏បានថ្លែងអំណរគុណដល់សមាជិកយោធា និងអ្នកអនុវត្តច្បាប់ ប៉ុន្តែមិនបាននិយាយដោយផ្ទាល់នូវការរំលោភបំពានលើវិមានកាពីតូលអាមេរិកនៅថ្ងៃទី ៦ ខែមករាដោយក្រុមកុបកម្មគាំទ្រស្វាមីរបស់លោកស្រីនោះទេ ។

ហេតុការណ៍នេះបានបណ្តាលឲ្យមនុស្សស្លាប់ចំនួន ៥ នាក់រួមទាំងមន្រ្តីប៉ូលិសកាពីតូលម្នាក់ផងដែរ ។ ឆ្មាំជាតិរាប់ពាន់នាក់ត្រូវបានដាក់ពង្រាយនៅរដ្ឋធានីវ៉ាស៊ីនតោនឌីស៊ី និងទីក្រុងនៃរដ្ឋនានានៅទូទាំងប្រទេស ចំពេលមានការគំរាមកំហែងនៃអំពើហិង្សាបន្ថែមទៀតជុំវិញការឡើងកាន់តំណែងរបស់ប្រធានាធិបតីជាប់ឆ្នោត Joe Biden ។

កាលពីពេលកន្លងទៅលោកស្រី Melania Trump ធ្លាប់បាននិយាយថា លោកស្រីមានការខកចិត្ត និងខូចចិត្តចំពោះអំពើហិង្សានេះ ខណៈពេលដែលលោកស្រីបានលើកឡើងថា ពាក្យចចាមអារ៉ាមពីការវាយប្រហារ និងការចោទប្រកាន់មិនពិតលើវិមានកាពីតូលបានធ្លាក់មកលើប្ដីលោកស្រី ។

នៅក្នុងវីដេអូដែលបានចេញផ្សាយកាលពីថ្ងៃចន្ទលោកស្រី Melania Trump បានទទូចដល់ពលរដ្ឋអាមេរិកឲ្យងប់ងល់នឹងអ្វីគ្រប់យ៉ាងដែលអ្នកធ្វើ ហើយចងចាំជានិច្ចថាអំពើហិង្សាមិនដែលជាចម្លើយ ហើយនឹងមិនត្រូវបានចាត់ទុកថាជាភាពសុចរិតនោះទេ ។

នៅក្នុងសារលានោះលោកស្រី Melania Trump ក៏បានលើកឡើងពីការរីករាលដាលនៃជំងឺកូវីដ ១៩ ផងដែរដែលកំពុងកើនឡើងនៅសហរដ្ឋអាមេរិក ខណៈដែលវាបានឆ្លងដល់មនុស្សជាង ១៩ លាននាក់ និងស្លាប់ជាង ៣៩៨,០០០ នាក់ ហើយជាចំនួនខ្ពស់បំផុតនៅលើពិភពលោក ។

លោកស្រីបានថ្លែងថា “ខ្ញុំសូមអរគុណដល់គិលានុបដ្ឋាយិកា វេជ្ជបណ្ឌិត អ្នកជំនាញថែទាំសុខភាព កម្មករកម្មការនី អ្នកបើករថយន្តដឹកទំនិញ និងអ្នកផ្សេងទៀតជាច្រើនដែលកំពុងធ្វើការដើម្បីជួយសង្គ្រោះអាយុជីវិត ។ ខ្ញុំសោកសៅចំពោះក្រុមគ្រួសារដែលបានបាត់បង់មនុស្សជាទីស្រឡាញ់ដោយសារជំងឺរាតត្បាតនេះ ហើយជីវិតទាំងអស់មានតម្លៃណាស់” ។

លោកស្រី Melania Trump ដែលជាភរិយាទី ៣ របស់ប្រធានាធិបតី Donald Trump និងជាម្តាយរបស់កូនប្រុសគឺ Barron ត្រូវបានគេរាយការណ៍ថានឹងក្លាយជាស្ត្រីទីមួយដំបូងបង្អស់នាសម័យទំនើបនេះដែលមិនស្វាគមន៍ស្ត្រីទីមួយថ្មីគឺលោកស្រី Jill Biden សម្រាប់ការឡើងកាន់តំណែងរបស់លោក Joe Biden រួមជាមួយនឹងស្វាមីរបស់លោកស្រី ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ មានការគំរាមជាបន្តបន្ទាប់ខណៈកាន់តែកៀកថ្ងៃលោក Biden ឡើងកាន់តំណែង

ចុចអាន ៖ ចិននិងអាមេរិក ឈ្លោះគ្នានៅ WHO រឿងបេសកកម្មរកប្រភពដើមកូវីដក្នុងទីក្រុង អ៊ូហាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

សមត្ថកិច្ច ក្រុងប៉ោយប៉ែត ឃាត់ខ្លួនជនសង្ស័យ ៣នាក់ ពាក់ព័ន្ធនឹងករណីគ្រឿងញៀន

ជីវិតកម្សាន្ដ២២ នាទី មុន

ព្រោះរឿងនេះ អ្នកនាង កែវ កល្យាន ប្រកាសឈប់ឲ្យកូនស្រីថតរឿង ស្រលាញ់ភេទដូចគ្នា !

ព័ត៌មានជាតិ៣៤ នាទី មុន

មន្ត្រីជំនាញ ឃាត់រថយន្តមួយគ្រឿង ដឹកប្រហិតពីប្រទេសថៃ ដោយគ្មានលិខិតអនុញ្ញាត

ព័ត៌មានជាតិ៤៩ នាទី មុន

ខេត្តកំពង់ចាម ចាប់ផ្តើមចាក់វ៉ាក់សាំងការពារជំងឺកូវីដ ដល់កុមារអាយុ ៦ឆ្នាំ ដល់ក្រោម ១២ឆ្នាំ

ព័ត៌មានជាតិ១ ម៉ោង មុន

លោកជំទាវ ឱ វណ្ណឌីន បន្ដនាំយកថវិកាសម្ដេចតេជោ ប្រគល់ជូន​លោកតា-យាយ អាយុជាង ១០០ឆ្នាំ ដែលស្ម័គ្រចិត្ដចាក់វ៉ាក់សាំងកូវីដ

Sokha Hotels

ព័ត៌មានពេញនិយម

Helistar Cambodia - Helicopter Charter Services