ងាកមកកាន់កំពូលតារាសម្ដែងស្រី Aum Patcharapa ដែលតួស្រីលេខ១ប្រចាំប៉ុស្ដិ៍លេខ៧ បន្ទាប់ពីជ្រកក្រោមទ្រនំដ៏សុខសាន្តនេះអស់រយៈពេលដល់ទៅ២៨ឆ្នាំ ចាប់តាំងពីរូបនាងប្រឡូកសិល្បៈដំបូងៗមកម៉្លេះ។

នៅលើគេហទំព័ររបស់ប៉ុស្តិ៍លេខ ៧ ថ្មីៗនេះពួកគេបានបង្ហោះរូបថតរបស់តារាសម្តែងប្រុសស្រីរបស់ពួកគេទាំងអស់។ បុន្តែនៅពេលអ្នកគាំទ្រ​ចុច​ទស្សនាលើតារាដែលពួកគេពេញចិត្តក៏​មិន​ឃើញ​ឈ្មោះតារាស្រីវ័យ៤៦ឆ្នាំ ក៏មិនឃើញដូចការរំពឹងទុក។ ក្រោយមក ស្រាប់តែលេចឮ​ពាក្យ​ចចាមអារ៉ាម​ដែល​ថា នាង​សម្រេចចិត្ត​ធ្វើ​ជា​តារា​សម្តែង​ឯករាជ្យ​ហើយ!

ទាក់​ទង​នឹង​បញ្ហា​នេះ​នៅ​លើ​បណ្ដាញ​សង្គម Pantip.com មាន​ការ​បង្ហោះ​អំពីតួឯកស្រីក្នុងរឿង ភ្លើងព្រះនាង ថា មិន​បន្ត​កុងត្រា​ជាមួយ​ប៉ុស្ដិ៍​លេខ ៧ ទៀតទេ ដោយក្នុងនោះមហាជនជាច្រើន​ចូល​មកបញ្ចេញមតិគាំទ្រយ៉ាង​គគ្រឹកគគ្រេង។ ពោលគឺម្នាក់ៗហាក់សប្បាយរីករាយ បន្ទាប់ពីបានឮពាក់ព័ន្ធនឹងតារាសមណព្វរបស់ពួកគេ។ ជាពិសេស ទស្សនិកជនប្រាកដជាបានឃើញនូវស្នាដៃចម្រុះក្នុងនាមជាតារាឯករាជ្យដែរ។

នៅឆ្នាំ ២០២៤ Aum Patchrapa ត្រូវបានតែងតាំងជាទូតសុឆន្ទៈឲ្យប៉ុស្តិ៍ទូរទស្សន៍លេខ៧ ដោយកាលណោះបានលេចឮព័ត៌មាន​មកថា តារាស្រីនៅតែបន្តកុងត្រាជាមួយប៉ុស្តិ៍ដោយទទួលបានតម្លៃខ្លួនជាង ៥៨ ម៉ឺនដុល្លារក្នុងមួយឆ្នាំៗ ក្នុងនាមជាទូតសុឆន្ទៈ។

ការងាររបស់ Aum គ្រាន់តែថតរូបដាក់លើក្របប្រតិទិនរបស់ប៉ុស្តិ៍ប៉ុណ្ណោះ ហើយប្រសិនបើទទួលថតភាពយន្ត ប៉ុស្តិ៍លេខ៧ ត្រូវចំណាយលើនាងតាមតម្លៃទីផ្សារភាពយន្ត ក្នុងនាមជាកំពូលតារាលំដាប់ A ថែមមួយតង់ទៀតដែរ។ ជាពិសេស នាងមិនបាច់មកចូលរួមកម្មវិធីរបស់ប៉ុស្តិ៍​ មិនថាកម្មវិធីផ្សាយផ្ទាល់ កម្មវិធីថតរឿង Aum ​មានសិទ្ធិជ្រើសរើសតួឯកប្រុសមកសម្តែងដោយខ្លួនឯង រួម​ទាំង​ការ​ជ្រើស​រើស​រឿង​ដែល​ត្រូវ​បង្ហាញ។

មិនត្រឹមតែប៉ុណ្ណឹងនោះទេ ទ្រនំមួយនេះគ្មានការហាមឃាត់ Aum ទៅកម្មវិធីផ្សេង​ទៀត ទាំងក្រៅ​បណ្តាញ និង​តាមអ៊ីនធឺណិត​ណាមួយឡើយ។ ដែលនោះជាមូលហេតុពិតប្រាកដ ដែលរូបនាងមិនងាយចាកចោលទ្រនំចាស់ បើទោះជាមានផលិតកម្មផ្សេងបានទាក់ទងឲ្យថ្លៃជាងនេះក្ដី៕

អត្ថបទ៖ សាង ស្រីល័ក្ខ

ចុចអាន៖តារាថៃ Janie បួសជាដូនជីនៅស្រីលង្កា ត្រៀមសិក្សាព្រះធម៌កាន់តែជ្រាលជ្រៅជាងនេះ

The post លេចឮចចាមអារ៉ាមថា Aum ​លើកដៃលាប៉ុស្តិ៍​លេខ ៧ហើយ ក្រោយជ្រកក្រោមទ្រនំអស់២៨ឆ្នាំ appeared first on Kampuchea Thmey Daily.

ទោះជាយ៉ាងណាក៏ដោយ និន្នាការបានចាប់ផ្តើមផ្លាស់ប្តូរទាំងស្រុងនាសម័យកាលឆ្នាំ២០២៥ ស្របពេលដែលតារាស្រីម្នាក់ទៀតបានក្លាយជាតួឯកលេខមួយប្រចាំប្រទេសថៃ ដោយត្រូវស្រ្តីថៃជាច្រើនជ្រើសរើសយករូបនាងជាឯកសារ​យោង​ក្នុង​ការវះកាត់កែ​សម្ផស្ស។

យោង​តាមសម្ដីរបស់ Belgium Phawinee ម្ចាស់អាជីវកម្មវះកាត់កែសម្ផស្សដ៏ល្បី និងជាប្អូនស្រីរបស់ DJ Bookko ​បានបង្ហើបតាមរយៈកម្មវិធី Nine Entertain ថា សព្វថ្ងៃមាន​អតិថិជនស្រីថៃជាច្រើនប្រើប្រាស់រូបថតរបស់តារាសម្ដែង Sirilak Kwong ដែល​មាន​ឈ្មោះ​ហៅ​ក្រៅ​ថា​ Lingling ធ្វើជាគំរូសម្រាប់ការ​កែទម្រង់មុខ។ ជាពិសេស ភ្នែក ច្រមុះ និងមាត់ ដែលកំពុងមានតម្រូវការខ្ពស់បំផុតនាពេលបច្ចុប្បន្ន។

Belgium បាននិយាយថា ឯកសារយោងដែលពេញនិយមបំផុតនៅពេលនេះគឺបានទៅលើតារាសម្ដែងស្រីថៃជាប់សែស្រលាយហុងកុង និងត្រូវគេស្គាល់យ៉ាងច្បាស់តាមរយៈការសម្ដែងក្នុងភាពយន្តស្រីស្រលាញ់ស្រី (GL)។ ចំពោះគម្រូដែលពួកគេចង់បានមានដូចជា ភ្នែក និងច្រមុះ ហើយអ្នកខ្លះចង់កែសម្ផស្សដើម្បីឲ្យមើលទៅដូចបេះដាក់ទៅនឹងតារាស្រីវ័យ២៤ឆ្នាំថែមទៀតផង។

មិនតែប៉ុណ្ណោះ រូបភាពនៃគម្រូវកែសម្ផស្សរបស់តួឯកស្រីនៅក្នុងរឿង «The Secret of Us» ក៏ត្រូវគេយកទៅបង្ហាញដល់គ្រូពេទ្យវះកាត់នៅប្រទេសកូរ៉េខាងត្បូង ដែលនោះឆ្លុះបញ្ចាំងពីប្រជាប្រិយភាព និងបំណងប្រាថ្នាចង់បានរូបរាងស្រដៀងគ្នាទៅនឹង Lingling ក្នុងចំណោមនារីថៃសម័យទំនើបជាច្រើន។

យ៉ាងណាមិញ កាលពីជំនាន់តារាសម្ដែងរៀមច្បង Aum Patcharapa កំពុងឡើងកូដខ្លាំង ស្រ្តីថៃជាច្រើនមានបំណងប្រាថ្នាចង់បានរូបសម្រស់ស្អាតដូចតារាជួរមុខរូបនេះយ៉ាងខ្លាំង។ អ្នកខ្លះថែមទាំងហ៊ានចំណាយលុយទាំងដុំៗជួលគ្រូពេទ្យល្បីៗធ្វើយ៉ាងណាឲ្យពួកគេប្រែទៅជា Aum ទី២ថែមទៀតផង។ ប៉ុន្តែមកដល់សព្វថ្ងៃនេះ និន្នាការមុខមាត់របស់សដ្ធិនី Aum លែងសូវក្លាយជាចំណាប់អារម្មណ៍ដូចពីមុនទៀតហើយ៕

អត្ថបទ៖ សាង ស្រីល័ក្ខ

ចុចអាន៖អ្នកលេង​យូធូប​ Lee Jin-ho អះអាងថា សារសំឡេងបែកធ្លាយរវាង Kim Sae ron និង Kim Soo-hyun គឺជា AI សុទ្ធសាធ

The post តារាសម្ដែង Sirilak Kwong ក្លាយជាតារាថៃ​គំរូសម្រាប់ស្រីៗចង់កែសម្ផស្សតាម appeared first on Kampuchea Thmey Daily.

គូស្នេហ៍វ័យចំណាស់ប្រចាំប្រទេសថៃបានលេចឮនូវព័ត៌មានរង្គោះរង្គើពីប្រភពមួយថា អតីតតារាសម្ដែង-តារាចម្រៀងស្រីទសវត្សរ៍៩០ម្នាក់ ត្រូវស្វាមីវ័យក្មេងលួចភ្ជាប់ស្នេហាជាមួយនារីថ្មី។ នាង​ទ្រាំ​បាន​៤​ទៅ​៥​ឆ្នាំ​មក​ហើយ ព្រោះ​ស្រលាញ់​ប្ដីពេក ​ហើយ​មិន​ចង់​មាន​ព័ត៌មាន​ម្ដង​ទៀត។​​

យ៉ាងណាស្របពេលដែលថ្មីៗនេះ Nat Myria បានបង្ហោះសារមួយតាមរយៈ IG Story ដែលមានលេខ ១១:១១ ម្តងទៀត មានន័យថា ជាចំនួននៃការភ្ញាក់ដឹងខ្លួនហើយសកលលោកកំពុងគាំទ្រអ្នក។ អ្នកបានមកដល់កន្លែងដែលត្រឹមត្រូវ។ វាក៏តំណាងឲ្យការចាប់ផ្តើមថ្មី និងតម្រឹមជាមួយនឹងគោលបំណងពិត​ ជាសារដែលអ្នកកំពុងដើរលើផ្លូវត្រូវ ហើយគួរតែយកចិត្តទុកដាក់លើគំនិត និងអារម្មណ៍របស់អ្នក។​ ជាពិសេសលេខទាំងនេះ គឺការផ្លាស់ប្តូរមួយដែលអនុញ្ញាតឲ្យអ្នករៀនរឿងមួយចំនួនដែលនឹងមក និងរៀនអ្វីដែលថ្មី។ ត្រលប់មកវិញហើយមើលថែខ្លួនឯង។ ផ្លាស់ប្តូរទម្លាប់ប្រចាំថ្ងៃរួចគិតឡើងវិញ។

ថ្វីដ្បិតតែនេះគ្រាន់តែជាការសង្ស័យអំពីព័ត៌មានប្រេះឆារបស់គូស្នេហ៍ ដែលទស្សនិកជនចាត់ទុកថាជាគំរូក្នុងប្រទេសយ៉ាងណាក្ដី។ ប៉ុន្តែនាពេលនេះ មហាជនមានតែរង់ចាំការបកស្រាយយ៉ាងលម្អិតពីគូស្វាមីភរិយា Nat Myria និង Aum Atichart តែប៉ុណ្ណោះ។ ប្រសិនបើវាជាព័ត៌មានពិតប្រាកដមែន នោះជារឿងគួរឲ្យសោកស្ដាយបំផុតសម្រាប់អ្នកទាំងពីរ។

សូមរម្លឹកដែរថា Nat Myria និង Aum Atichart បានជួបគ្នានៅក្នុងពិធីបុណ្យបំបួសលោក Tao Somchai (អតីតស្វាមី) ។ ដែលនោះគឺជាឱកាសឲ្យពួកគេបានជួបគ្នានៅឯពិធីបំបួសនាគ ហើយបន្ទាប់មកបានអ្នកទាំងពីរក៏បានធ្វើបុណ្យជាមួយគ្នា។ បន្ទាប់ពីថ្ងៃធ្វើបុណ្យ​ចប់សព្វគ្រប់ពួកគេក៏ចាប់ផ្តើមស្គាល់គ្នា និងបានបង្កើតទំនាក់ទំនងជាមួយគ្នាបន្តិចម្តងៗ រហូតឈានដល់ថ្ងៃរៀបការតែម្តង៕

អត្ថបទ៖ សាង ស្រីល័ក្ខ

ចុចអាន៖ឆក់មីក្រូពីបវរកញ្ញា ប៊ី សុធារី ថ្ងៃមុន ឥលូវ ម្ចាស់មកុដវៀតណាម ត្រូវគេព្រួតរិះគន់ថាមានចរិតអសីលធម៌ ​

The post រៀបការជាង១០ឆ្នាំ Myria បង្ហោះសារមួយ ក្រោយលេចឮចចាមអារ៉ាមលែងលះស្វាមី Aum Atichart appeared first on Kampuchea Thmey Daily.

អ្វីដែលកាន់តែចាប់អារម្មណ៍បំផុតក្នុងភ្នែកមាហាជននោះគឺថា ក្នុង​ជីវិត​របស់​កំពូល​តារា​ស្រថៃវ័យ៤៥ឆ្នាំ ក្រៅ​ពី​មាន​ការងារ​តឹង​តែង​ ថែរក្សាអាជីវកម្មផ្ទាល់ខ្លួន​​យ៉ាងរវល់បំផុតនោះ នាងក៏ជាអ្នកគាំទ្រដ៏ធំនៃស៊េរីរឿងភាគចិនដែរ។

តាមរយៈគណនីតីកតុកផ្ទាល់ខ្លួន Aum បានផ្សាយផ្ទាល់ជាមួយមិត្តភក្តិជិតស្និទ្ធដូចជា Ning Panita និង DJ ​​Pop ជជែកគ្នាពីនេះពីនោះមិនចេះចប់។ មួយស្របក់ក្រោយមក នាងស្រាប់តែអួតបង្ហាញរឿងភាគចិនថ្មី​មួយទៅកាន់មិត្តភក្តិនិងអ្នកទស្សនា ហើយនោះបានធ្វើឲ្យតារាស្រីរូបនេះ គេងមិនលក់លុះត្រាខ្លួនបានស្ដាប់នូវសំឡេងដ៏ស្រទន់របស់តួឯកប្រុសក្នុងរឿងសិន សឹមដេកលក់ស្កប់ស្កល់។ ជាពិសេសនោះ នាងបានទម្លាយទៀតថា បេះដូងរបស់តួប្រុសថ្មីបានឆក់យកស្នាមញញឹមនិងធ្លាក់មកលើនាងយ៉ាងខ្លាំង។

មិនត្រឹមប៉ុណ្ណឹងទេ នៅក្នុងអំឡុងពេលការផ្សាយបន្តផ្ទាល់ Aum Patcharapa ​ថែមទាំងឆ្លៀតទម្លាយ​ចំណង​ជើង​រឿង​ភាគបុរាណចិន ដែល​ធ្វើ​ឲ្យ​រូបនាងក្លាយជាមនុស្សងប់ងុល​ លែងសឹងបានដេកពួនរាល់យប់ថា «Are You the One​​ »​ ដែល​តួឯកប្រុសវ័យក្មេងកំពុងល្បីក្នុងប្រទេសចិន Zhang Wan Yi ​​ អាចធ្វើឲ្យបេះដូង Aum កក្រើកមកបាន ហើយក៏ជាសំឡេង​ដែល​រូបនាងតែងតែ​ត្រូវ​ស្ដាប់​ជា​រៀង​រាល់​យប់​ផងដែរ។

យ៉ាងណាមិញ បន្ទាប់ពីតារាស្រីលេខ១របស់ប៉ុស្តិ៍លេខ៧ថៃប្រកាសពីការពេញចិត្តពេញថ្លើម លើតារាប្រុស Zhang Wan Yi ពេញបេះដូងភ្លាមៗ ដោយមិនបង្អង់យូរឡើយ អ្នកតាមដានក្នុងគណនីតីកតុកប្រញាប់ប្រញាល់ចូលទៅឆែកមើល និងទស្សនាតាម Aum វិញដែរ។ ព្រមជាមួយគ្នានោះថែមទៀត ភាពយន្តចិនបុរាណមួយនេះក៏ទទួលបានការគាំទ្រយ៉ាងគគ្រឹកគគ្រេងពីហ្វេនៗ នៅក្នុងប្រទេសថៃផងដែរ៕

អត្ថបទ៖ សាង ស្រីល័ក្ខ

ចុចអាន៖​លែងស្លូតដូចមុនហើយ  Zhao Lusi ប្ដឹងអ្នកដែលបរិហារកេរ្តិ៍​  និង​រិះគន់ថានាងកែសម្ផស្ស

The post ​មិនស្មានថា Aum ងប់ងុលនឹងតារាប្រុសចិនមួយរូប ទាល់ស្ដាប់សំឡេងគេទើបគេងលក់ appeared first on Kampuchea Thmey Daily.

យោងទៅតាមការចុះផ្សាយពីគេហទំព័រកម្សាន្តដ៏ធំរបស់ថៃបានបញ្ចាក់ពីគោលបំណងដែលតារាស្រីវ័យ៤៥ឆ្នាំរូបនេះមិនងាយប្ដូរទ្រនំចាកចោលទៅកន្លែងចាស់ ដោយធ្វើការរៀបរាប់ថា «​ជម្រាប​ជូន​ប្រិយមិត្ត​ទាំង​អស់​គ្នា​ថា Aum ​បាន​យល់​ព្រម​បន្ត​កុងត្រា​ជាមួយ​ប៉ុស្តិ៍​លេខ ៧HD ហើយ​ក៏​ចូល​រួម​ក្នុង​ផ្នែក​ជំនួញ​ផង​ដែរ។ នាងកំពុងតែត្រៀមខ្លួនពង្រីក​ទីផ្សារ​ទៅ​បរទេស​ក្នុងពេល​ឆាប់ៗ​នេះ ចំណែក​ការងារ​ថតភាពយន្ត​ត្រូវ​រង់ចាំខាងក្រុមហ៊ុនប្រាប់​សិន​។ ប៉ុន្តែ​ទាក់​ទង​នឹង​តម្លៃ​ខ្លួន​ពី​ការ​បន្ត​កុងត្រា​លើក​នេះ គឺ​២០​លាន​បាត ​(៥៨ ម៉ឺនដុល្លារ) ក្នុងមួយឆ្នាំ ដែលអាចនិយាយបានថា ទំហំទឹកប្រាកនេះពិត​ជា​ស័ក្តិសម​នឹង​ឈ្មោះតារាស្រី​លេខ​១ពិតប្រាដកណាស់»។

ទោះបីជាបែបនេះក្ដី ការបន្តកុងត្រារបស់​ Aum Patcharapa នាពេលកន្លងមកតែងតែបង្កើតភាពភ្ញាក់ផ្អើលដល់ទស្សនិកជន​ក្នុងពេលដែលនាងតែងតែទទួលបានតម្លៃខ្លួនជាង ៥៨ ម៉ឺនដុល្លារក្នុងមួយឆ្នាំៗ ក្នុងនាមជាទូតសុឆន្ទៈឲ្យប៉ុស្តិ៍។ ការងាររបស់ Aum គ្រាន់តែថតរូបដាក់លើក្របប្រតិទិនរបស់ប៉ុស្តិ៍ប៉ុណ្ណោះ ហើយប្រសិនបើទទួលថតភាពយន្ត ប៉ុស្តិ៍លេខ៧ ត្រូវចំណាយលើនាងតាមតម្លៃទីផ្សារភាពយន្ត ក្នុងនាមជាកំពូលតារាលំដាប់ A ថែមមួយតង់ទៀតដែរ។ ជាពិសេស នាងមិនបាច់មកចូលរួមកម្មវិធីរបស់ប៉ុស្តិ៍​ មិនថាកម្មវិធីផ្សាយផ្ទាល់ កម្មវិធីថតរឿង Aum ​មានសិទ្ធិជ្រើសរើសតួឯកប្រុសមកសម្តែងដោយខ្លួនឯង រួម​ទាំង​ការ​ជ្រើស​រើស​រឿង​ដែល​ត្រូវ​បង្ហាញ។ មិនត្រឹមតែប៉ុណ្ណឹងនោះទេ ទ្រនំមួយនេះគ្មានការហាមឃាត់ Aum ទៅកម្មវិធីផ្សេង​ទៀត ទាំងក្រៅ​បណ្តាញ និង​តាមអ៊ីនធឺណិត​ណាមួយឡើយ។ ដែលនោះជាមូលហេតុពិតប្រាកដ ដែលរូបនាងមិនងាយចាកចោលទ្រនំចាស់ បើទោះជាមានផលិតកម្មផ្សេងបានទាក់ទងឲ្យថ្លៃជាងនេះក្ដី។

យ៉ាងណា បន្ទាប់ពីមហាជនជាច្រើនបានដឹងពីដំណឹងមួយនេះ ម្នាក់ៗមានការរំភើបចិត្តជាខ្លាំង ហើយចូលទៅបញ្ចេញមតិដូចៗគ្នាថា ពួកគេស្រលាញ់ Aum និងស្រលាញ់ប៉ុស្តិ៍លេខ៧គឺមិនពិតជាមិនខុសឡើយ។ អ្នកខ្លះថា ដោយសារតែនាងមានសមត្ថភាពខ្លាំងពូកែជាងគេ ហើយ​ក៏​សម​នឹង​តំណែង​មួយនេះ​ដែរ។

លើសពីនេះទៅទៀត ចាប់តាំងពីរូបនាងប្រឡូកអាជីពសិល្បៈដំបូងៗ ទោះជា Aum លេចឮព័ត៌មានខ្លះៗក៏ពិតមែន ប៉ុន្តែព័ត៌មានខ្លះមិនបានប៉ះពាល់ដល់ការងារ និងជីវិតពិតទេ។​ ជាពិសេសនាងមិនដែលមានព័ត៌មានយកស្វាមីគេ ឈ្លានពានរបស់គេ, ព័ត៌មាន​ប្រមាថ​ដល់​ច្បាប់​សង្គម​, និយាយ​ជេរ​ប្រមាថ​អ្នក​សារព័ត៌មាន​​ ក៏មិន​ដែល​ឃើញ Aum ធ្វើ​បាប​អ្នក​ណា​ពី​មុន​​ ឬស្តី​បន្ទោស​អ្នក​ណា​ម្នាក់។​ នាងជាមនុស្សត្រង់ ច្បាស់លាស់ មិន​ប្រច័ណ្ឌ បើស្តីបន្ទោស​អ្នកដទៃ បែរមកសំងំយំខ្លួនឯង​​ ហើយនាងស្រឡាញ់មិត្តរបស់នាងខ្លាំងណាស់។ ត្រូវនឹងខុស ចេញមកនិយាយទាំងអស់គ្នា នេះជាភាពទាក់ទាញរបស់នាងដែលទស្សនិកជនជាច្រើនស្រលាញ់ពេញចិត្តមិនប្រែទៅណាឡើយ។

ដោយឡែក ងាកទៅកាន់ជីវិតឯកជននាពេលនេះវិញ ថ្វីបើ​ Aum Patcharapa តែងតែមានព័ត៌មានបែកបាក់មិត្តប្រុសជាបន្តបន្ទាប់យ៉ាងណាក្ដី ប៉ុន្តែរឿងអាស្រូវទាំងនោះពុំបានប៉ះពាល់ដល់កេរ្តិ៍ឈ្មោះរបស់នាងសូម្បីតែបន្តិចឡើយ។ ដោយសារតែកន្លងមកនាងមិនដែលតបតឬបញ្ចេញមតិអាក្រក់ណាមួយឲ្យប៉ះទៅលើភាគីម្ខាងទៀតទេ។ ​ជាពិសេសថែមទៀត ជីវិតរបស់តួឯកស្រីក្នុងរឿង “ភ្លើងព្រះនាង” ទោះជាមិនធ្វើអ្វីសោះ ក៏នាងមានលុយចាយពេញៗដៃអាចធ្វើដំណើរកម្សាន្តជុំវិញពិភពលោកយ៉ាងធូររលុងដោយមិនខ្វាយខ្វាល់ចិត្តឡើយ។ នេះក៏ដោយសារតែនាងមានជំនួញធំៗ ៣ ក្នុងដៃ ជួយនាងឲ្យក្លាយជាសេដ្ឋិនីរស់ស្រួលដល់សព្វថ្ងៃ៕

អត្ថបទ៖ សាង ស្រីល័ក្ខ

ចុចអាន៖Ice ចេញមុខសុំទោសមហាជន ដែលប្រហែសបែកធ្លាយឃ្លិបដោះអាវងូតទឹក

The post ប៉ុស្តិ៍លេខ៧ថៃ ចាយលុយប៉ុន្មាន​ ​ទើប Aum មិនព្រមចេញ នៅតែបន្តកុងត្រាអស់ពេល ២៨ ឆ្នាំ appeared first on Kampuchea Thmey Daily.

តាមរយៈកម្មវិធី Bad Again EP.7 នៅលើ ប៉ុស្តិ៍ DG ម្ដាយរបស់តារាសម្ដែងស្រី Preeyada Sittachai ដែលគេហៅថាម៉ែ Lee បានដាច់ចិត្តទម្លាយនូវស្ថានភាពគ្រួសារដែលជួបការលំបាកខ្លាំងដល់ថ្នាក់ជំពាក់បំណុលគេជុំទិស។ នៅចំណុចមួយក្នុងកម្មវិធី ម៉ែ Lee បានបង្ហាញពីចំណាប់អារម្មណ៍ មិនអាចបំភ្លេចបានរបស់ Aum Patcharapa ដោយនិយាយថា តារាវ័យក្មេងរូបនេះ បានចំណាយលុយជាង ៣០,០០០ បាត ដើម្បីទិញក្រែមរបស់គាត់ ។ ការជួយរបស់តារាសម្ដែងជួរមុខរូបនេះ បានអនុញ្ញាតឲ្យគាត់មានលុយដើម្បីផ្គត់ផ្គង់គ្រួសារ។ ក្រោយមក គាត់បាន​លើក​ដៃ​គោរព​នៅ​កណ្តាល​កម្មវិធី​ក្នុងន័យ​ដឹង​គុណ ហើយនិយាយថាគាត់មិនដែលភ្លេចអ្វីដែល Aum ផ្តល់ឲ្យគាត់ទេ។

ម៉ែ Lee បាន​បង្ហើប​ទៀតថា មូលហេតុ​ដែល Aum ទិញ​ក្រែម គឺ​ដោយសារ​កូនស្រីគាត់បានថត​រឿងមួយមានចំណងជើងថា Jaew Jai Rai Kub Khun Chai Taewada ជាមួយ Aum​ ហើយពេលនោះអាចថាជាចៃដន្យផងក៏ថាបានដែលនាងជួយដោយមិនឲ្យប្រាប់អ្នកណាឡើយ។ ជាពិសេសទៀតនោះ សូម្បីតែតារាស្រី punyaporn poonpipat ក៏បានជួយទិញដូចគ្នាផងដែរ។

យ៉ាងណាមិញ បន្ទាប់ពីអ្នកគាំទ្របានទស្សនានូវឃ្លិបនៃបទសម្ភាសន៍របស់ម្ដាយតារាសម្ដែង Preeyada Sittachai រួចម្នាក់ៗបានលើកសរសើរទឹកចិត្តរបស់ Aum ហើយ​ថា​នេះ​អាច​ជា​ហេតុផល​ដែលនាងដណ្តើម​បាន​បេះដូង​ទស្សនិកជន​ទូទាំង​ប្រទេស ​រហូតគេឯងចាត់ទុកនាងថា​តារា​លេខ​១ក្នុងប្រទេសថៃទៀតផង៕

អត្ថបទ៖ សាង ស្រីល័ក្ខ

ចុចអាន៖ក្រោយលេចឮល្អក់កករ ពេលនេះ Bella និងរៀមច្បង Anne ប៉ះគ្នានៅកម្មវិធីមួយ​

The post ម្ដាយ Preeyada លើកដៃសំពះអរគុណ Aum ដែលជួយគាត់ពេលទឹកដល់ច្រមុះ appeared first on Kampuchea Thmey Daily.

ដោយឡែក កាលពីពេលថ្មីៗនេះផងដែរ តារាថៃជួរមុខពីររូបបានបង្ហោះសារនៅលើបណ្ដាញសង្គម Instagram ឯកជនរបស់ពួកគេរៀងៗខ្លួន។ អ្នកទីមួយគឺជាអ្នកម្ដាយកូនមួយ Aff Taksaorn ដោយរូបនាងបានសរសេរសារអបអរសាទរថា “សូមអបអរសាទរចំពោះ បង Pang ដែលត្រូវបានគេស្រឡាញ់ និងគោរព ជាមួយនឹងតំណែងជាប្រធានសមាគមបាល់ទាត់ថៃ ចាត់ទុកជាស្ត្រីទីមួយក្នុងប្រទេស និងអាស៊ី។ ខ្ញុំសូមលើកទឹកចិត្ត​បងក្នុងគ្តួនាទីថ្មីស្រឡាង សូមឲ្យបងជោគជ័យទៅថ្ងៃខាងមុខ”។

ជាមួយគ្នានោះដែរ ងាកទៅកាន់តារាសម្ដែងស្រី Aum Patcharapa ​ឯណោះវិញ ក៏បានបង្ហោះនៅលើ Instagram ផ្ទាល់ខ្លួនរបស់នាងដែរថា “Aum សូមអបអរសាទរ ដល់បង Pang ខ្ញុំសូមអបអរសាទរចំពោះតួនាទី និងភាពជោគជ័យរបស់បងនៅក្នុងវិស័យបាល់ទាត់ថៃ។ សូមឲ្យបងជោគជ័យ និងដឹកនាំក្រុមទៅកាន់ភាពត្រចេះត្រចង់”។

សូមជម្រាបជូនថា លោកជំទាវ Nualphan Lamsam ​ឬម៉ាដាម Pang ក្លាយជាប្រធានសមាគមកីឡាបាល់ទាត់ថៃ កាលថ្ងៃទី០៨ ខែកុម្ភៈ ឆ្នាំ ២០២៤ បន្ទាប់ពី ឧត្តមសេនីយ៍ឯកលោក Somyot Phumphanmuang អតីត​ប្រធាន​សមាគម​បាល់ទាត់​ថៃ​បាន​លាលែង​ពី​តំណែង​មួយនេះ៕

អត្ថបទ៖ សាង ស្រីល័ក្ខ

ចុចអាន៖ខួបកំណើត Taew ប៉ុន្មានថ្ងៃមុន ប្រជុំជើងសុទ្ធតែក្រុមស្រីស្អាត

The post តារាជួរមុខពីររូប អបអរដល់ម៉ាដាម Pang ក្រោយឡើងកាន់តំណែងជាប្រធានសមាគមបាល់ទាត់ថៃ appeared first on Kampuchea Thmey Daily.

តាមរយៈការបង្ហោះរបស់តារាស្រីរៀមច្បងរូបនេះ​លើគណនីផ្ទាល់ខ្លួន ដែលបង្ហាញពីអំណោយដ៏ពិសេសជារូបតុកត្តា POP MART MEGA Space Molly 1000% Little Painter ដែលផ្ញើដោយផ្ទាល់ដោយអ្នកគាំទ្រមកពីប្រទេសចិន។ ចំពេលបរិយាកាសនៃការភ្ញាក់ផ្អើល និងរីករាយរបស់អ្នកទទួលអំណោយ បានបង្ហាញឲ្យឃើញមនុស្សប្រុសម្នាក់ដែលគ្រប់គ្នាគិតស្មានថាជាប្អូនប្រុសរបស់ Aum Patcharapa។

លើសពីនេះទៀតសោត អ្នកគាំទ្រររបស់នាងលែងសូវផ្ដោតលើ Aum ហើយនាំគ្នាសម្រុកលើបុរសប្លែកមុខដែលកំពុងតែបើកកាដូរហូតចុលបញ្ចេញមតិចោតជាសំណួរថា បុរសម្នាក់នេះ​ជា​នរណា? ប៉ុន្តែគ្មានអ្នកណាដឹងឡើយថា បុរសរូបនេះជាអ្នកណាមកពីណា។ ដោយសារតែរូបរាងសង្ហានិងទាក់ភ្នែកទស្សនិកជន ទើបធ្វើឲ្យគេគិតថាលោកអាចជាសាច់ញាតិរបស់ Aum ឬជាញាតិជិតខាងក៏អាចថាបាន។

យ៉ាងណាមិញ មិនឲ្យទស្សនិកជននិងអ្នកគាំត្ររង់ចាំយូរឡើយ មកទល់នឹងពេលថ្មីៗនេះ ទំព័រហ្វេកប៊ុក Aum Patcharapa Chaichua ដែលមានឈ្មោះថា Aum Patchara Fanclub បានចេញមកផ្តល់ព័ត៌មានទាំងស្រុង និងច្បាស់លាស់ថា តាមពិតទៅ កំលោះសង្ហាម្នាក់នេះ មិនមែនជាប្អូនប្រុស ឬបងប្អូនជីដូនមួយរបស់ Aum Patcharapa នោះទេ។ បន្ទាប់ពីឮបែបនេះហើយ​​អ្នកគាំទ្រជាច្រើនផ្ដោតលើរឿងមួយទៀតថា Aum​ អាចនឹងមានដំណឹងល្អឆាប់ៗប្រាប់អ្នកគាំទ្រឬយ៉ាងណា?

អត្ថបទ៖ សាង ស្រីល័ក្ខ

ចុចអាន៖ក្រោយល្បីក្នុងរឿងពេស្យា ថៅកែ MGI ប្រកាសក្ដែងៗថា សុំដំឡើងថ្លៃខ្លួនរបស់ Engfa​

The post លេចមុខបុរសប្លែកមុខម្នាក់ នៅផ្ទះ Aum អ្នកគាំទ្រស្មានថាជាប្អូនប្រុស appeared first on Kampuchea Thmey Daily.