Connect with us

ជីវិតកម្សាន្ដ

ខួបកំណើត Taew ប៉ុន្មានថ្ងៃមុន ប្រជុំជើងសុទ្ធតែក្រុមស្រីស្អាត

បានផុស

នៅ

កាលពីថ្ងៃទី១០ ខែកុម្ភៈ ដោយយោងទៅតាមការចុះផ្សាយពីសារព័ត៌មានកម្សាន្ត​ Sanook បានបង្ហាញពីទិដ្ធភាពរបស់តារាសម្ដែង Taew Natapohn កំពុងប្រារព្ធពីធីខួបកំណើតឈានចូលវ័យ៣៥ឆ្នាំ នៅឯភោជនីយដ្ឋានដ៏ល្បីមួយក្នុងក្រុងបាងកក។

តាមរយៈរូបភាពក្នុងពីធីជប់លៀងដ៏ធំសម្បើមនោះផងដែរ ទស្សនិកជនជាច្រើនបានសង្កេតឃើញនូវវត្តមានតារាល្បីៗជួរមុខក្នុងប្រទេសថៃជាច្រើនដែលសុទ្ធសឹងតែជាក្រុមមិត្តជិតដិតនឹង ​Taew Natapohn​ ក៏ត្រូវបានអញ្ញើញឲ្យចូលរួមក្នុងពិធី។​ ក្នុងនោះមានទាំង Matt Peeranee, Mew Nittha, Toey Jarinphon, Mint Chalida, Mai Davika និង Nychaa Nuttanicha។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ តួឯកស្រីក្នុងរឿង “ព្រះម៉ែនាគី” បានបង្ហោះរូបភាពបង្ហាញពីបរិយាកាសពោរពេញដោយក្តីស្រលាញ់ និងភាពសប្បាយរីករាយ ព្រម​ទាំង​សរសេរ​ចំណង​ជើង​ថា “អរគុណ​អ្នក​រាល់​គ្នា​ ដែល​ចូលរួមក្នុងពិធីខួបកំណើតរបស់ខ្ញុំ។ លើកនេះពិតជាសប្បាយរីករាយជាខ្លាំង ដោយសារតែម្នាក់ៗបានចូលរួមលេងដោយមិនប្រកាន់ ខួបកំណើតលើកនេះ​​ពេញដោយភាពសប្បាយរីករាយ​ និងកប្លុកកំប្លែង​ ធ្វើឲ្យខ្ញុំចងចាំទៅរៀងរហូត”។

ក្រោយមកអ្នកគាំទ្ររបស់តារាស្រីៗរូបស្អាតដែលមានវត្តមានក្នុងពិធីខួបកំណើតតារាស្រី Taew Natapohn​ សុទ្ធតែបញ្ចេញមតិសរសើរលើកឡើងពីសម្រស់ម្នាក់ៗស្អាតមួយបែបៗ។ នៅពេលថតជាក្រុមបែបនេះ សម្រស់របស់ពួកនាងគ្មានអ្នកណាវ៉ាជែងអ្នកណានោះទេ។ ជាពិសេសថែមទៀត បើទោះបីជា​ Matt Peeranee, Mint Chalida និង Mai Davika ស្ថិតនៅប៉ុស៍ផ្សេងគ្នាក៏ពិតមែន ប៉ុន្តែនេះបង្ហាញពីមិត្តភាពរបស់ពួកគេមិនអាចកាត់ថ្លៃឬមានអ្វីមកវាល់បានទេ៕

អត្ថបទ៖ សាង ស្រីល័ក្ខ

ចុចអាន៖​បុគ្គលប៉ុន្មានរូបនេះ ជាប់​ចំណាត់​ថ្នាក់បំភាយកាបូនក្នុងបរិយាកាសច្រើនបំផុតប្រចាំឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម