ជីវិតកម្សាន្ដ

ម្ដាយ Preeyada លើកដៃសំពះអរគុណ Aum ដែលជួយគាត់ពេលទឹកដល់ច្រមុះ

បានផុស

២ years មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

ម្ដាយរបស់ Preeyada Sittachai បានលើកដៃគោរព និងថ្លែងអំណរគុណដល់តារាសម្ដែងស្រី Aum Patcharapa ចំពោះទឹកចិត្តសប្បុរសរបស់នាងក្នុងការគាំទ្រក្រែមលាបបបូរមាត់ ដើម្បីជួយកែលម្អជីវភាពគ្រួសារ បន្ទាប់ពីជំពាក់បំណុលគេរហូតដល់ក្ស័យធន។

តាមរយៈកម្មវិធី Bad Again EP.7 នៅលើ ប៉ុស្តិ៍ DG ម្ដាយរបស់តារាសម្ដែងស្រី Preeyada Sittachai ដែលគេហៅថាម៉ែ Lee បានដាច់ចិត្តទម្លាយនូវស្ថានភាពគ្រួសារដែលជួបការលំបាកខ្លាំងដល់ថ្នាក់ជំពាក់បំណុលគេជុំទិស។ នៅចំណុចមួយក្នុងកម្មវិធី ម៉ែ Lee បានបង្ហាញពីចំណាប់អារម្មណ៍ មិនអាចបំភ្លេចបានរបស់ Aum Patcharapa ដោយនិយាយថា តារាវ័យក្មេងរូបនេះ បានចំណាយលុយជាង ៣០,០០០ បាត ដើម្បីទិញក្រែមរបស់គាត់ ។ ការជួយរបស់តារាសម្ដែងជួរមុខរូបនេះ បានអនុញ្ញាតឲ្យគាត់មានលុយដើម្បីផ្គត់ផ្គង់គ្រួសារ។ ក្រោយមក គាត់បានលើកដៃគោរពនៅកណ្តាលកម្មវិធីក្នុងន័យដឹងគុណ ហើយនិយាយថាគាត់មិនដែលភ្លេចអ្វីដែល Aum ផ្តល់ឲ្យគាត់ទេ។

ម៉ែ Lee បានបង្ហើបទៀតថា មូលហេតុដែល Aum ទិញក្រែម គឺដោយសារកូនស្រីគាត់បានថតរឿងមួយមានចំណងជើងថា Jaew Jai Rai Kub Khun Chai Taewada ជាមួយ Aum ហើយពេលនោះអាចថាជាចៃដន្យផងក៏ថាបានដែលនាងជួយដោយមិនឲ្យប្រាប់អ្នកណាឡើយ។ ជាពិសេសទៀតនោះ សូម្បីតែតារាស្រី punyaporn poonpipat ក៏បានជួយទិញដូចគ្នាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បន្ទាប់ពីអ្នកគាំទ្របានទស្សនានូវឃ្លិបនៃបទសម្ភាសន៍របស់ម្ដាយតារាសម្ដែង Preeyada Sittachai រួចម្នាក់ៗបានលើកសរសើរទឹកចិត្តរបស់ Aum ហើយថានេះអាចជាហេតុផលដែលនាងដណ្តើមបានបេះដូងទស្សនិកជនទូទាំងប្រទេស រហូតគេឯងចាត់ទុកនាងថាតារាលេខ១ក្នុងប្រទេសថៃទៀតផង៕