ជីវិតកម្សាន្ដ

លែងស្លូតដូចមុនហើយ Zhao Lusi ប្ដឹងអ្នកដែលបរិហារកេរ្តិ៍ និងរិះគន់ថានាងកែសម្ផស្ស

បានផុស

២ years មុន

នៅ

ថ្ងៃពុធ ១១ កញ្ញា ២០២៤

ដោយ

តារាសម្ដែងចិនកំពុងល្បីល្បាញខ្លាំង នាង Zhao Lusi នាពេលនេះបានចាត់វិធានការផ្លូវច្បាប់ចំពោះបុគ្គលរូបណាដែលផ្សព្វផ្សាយពាក្យចចាមអារ៉ាមអំពីរូបរាងរបស់នាង ដោយចោទប្រកាន់ថា មុខនាងផ្លាស់ប្តូរដោយការវះកាត់កែសម្ផស្សប៉ុណ្ណោះ។

យោងតាម QQ បញ្ចាក់ថា តារាស្រីវ័យ២៥ឆ្នាំ បានចូលរួមក្នុងព្រឹត្តិការណ៍បង្ហាញម៉ូដមួយនៅល្ងាចថ្ងៃទី០៦ ខែកញ្ញា ដែលនាងទទួលបានការចាប់អារម្មណ៍យ៉ាងឆាប់រហ័សពីភ្នែកទស្សនិកជន។ អ្នកសង្កេតការណ៍បានកត់សម្គាល់ការផ្លាស់ប្តូរលើផ្ទៃមុខរបស់នាង ដែលនាំឲ្យមានការជជែកវែកញែកអំពីដំណើរការកែសម្ផស្សតិចតួច ជាពិសេសជុំវិញភ្នែកនិងបបូរមាត់តែម្ដង។

**រូបភាព Zhao Lusi មុន និង ក្រោយចូលសិល្បៈ**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកប្រើបណ្ដាញសង្គមរាប់ពាន់នាក់សម្ដែងការខកចិត្ត ដោយអះអាងថា សម្រស់ធម្មជាតិរបស់តារាស្រីត្រកូល Zhao ត្រូវបានបាត់បង់ទាំងស្រុង។ ស្របពេលអ្នកប្រើប្រាស់ម្នាក់ឈ្មោះ Jiaojiao បានកត់សម្គាល់ដែរថា មុខរបស់ Lusi ធ្លាប់មានរាងមូលបន្តិច ដែលកំណត់នាងខុសពីតារាស្រីដទៃទៀត។ ឥឡូវនេះ រូបរាងរបស់នាងគឺមានលក្ខណៈធម្មតាជាង ដែលស្រដៀងទៅនឹងនិន្នាការនៃមុខតូច និងបបូរមាត់ដ៏ក្រាស់នៅក្នុងប្រទេសចិន។

មិនត្រឹមតែប៉ុណ្ណឹងនោះទេ អ្នករិះគន់មួយចំនួនបានប្រើពាក្យអាក្រក់ដោយសម្ដៅមកលើនាងថា ការវះកាត់កែសម្ផស្សបានប្រែក្លាយតារាឆ្នើមរូបនេះទៅជាបិសាចពស់ ហើយក៏ធ្វើឲ្យនាងរឹងដូចមនុស្សក្រមួន។

ទោះបីជាយ៉ាងណាក៏ដោយ ដោយសារតែអត់ទ្រាំនឹងពាក្យសម្ដីមាក់ងាយលែងបានដូចមុន អ្នកគ្រប់គ្រងរបស់ Zhao Lusi បានប្រកាសថា ពួកគេបានប្រគល់ឲ្យក្រុមហ៊ុនច្បាប់មួយ ដើម្បីដាក់ពាក្យបណ្តឹងប្រឆាំងនឹងគណនីជាច្រើនដែលផ្សព្វផ្សាយពាក្យចចាមអារ៉ាមអំពីការវះកាត់ និងប្រើប្រាស់ភាសាបង្ខូចកេរ្តិ៍ឈ្មោះដល់តារាស្រីរបស់ពួកគេ។

អ្នកតំណាងរបស់នាងបានបង្ហើបថា មេធាវីបានប្រមូលភស្តុតាង និងកំពុងប្តឹងបុគ្គលយ៉ាងហោចណាស់ ៥នាក់ ដោយស្វែងរកការសុំទោសជាសាធារណៈ និងសំណងសម្រាប់ទុក្ខសោកផ្លូវចិត្តដែលបណ្តាលឲ្យ Zhao Lusi មិនអាចធ្វើការងារអ្វីបានឡើយ។ ជាមួយគ្នានេះដែរ អ្នកតំណាងបានពន្យល់ដោយច្រានចោលពាក្យចចាមអារ៉ាមអំពីការវះកាត់កែសម្ផស្សថា មុខស្ដើងរបស់នាង គឺដោយសារតែការសម្រកទម្ងន់ និងការតុបតែងមុខបែបធម្មជាតិ។

យ៉ាងណា ងាកមកកាន់អាជីពសម្ដែងមិញ Zhao Lusi ប្រឡូកក្នុងវិស័យសិល្បៈចិនចាប់តាំងពីឆ្នាំ ២០១៧មក ដោយបានប្រឹងប្រែងក្រាញននៀលមិនខ្លាចហត់ បើទោះបីជារូបនាងជួបនូវការរិះគន់ធាត់ជ្រុលមិនសមស្ដង់ដារស្រីស្អាតរបស់ចិនយ៉ាងណាក្ដី។ បន្តិចៗម្ដងនៅពេលដែលរូបនាងបង្ហាញខ្លួនជាសាធារណ តែងតែបង្កការចាប់អារម្មណ៍ធំពីភ្នែកទស្សនិកជន ហើយបើនិយាយអំពីការគាំទ្រនិងភាពជោគជ័យ នាងហាក់មិនចាញ់រៀមច្បងចាស់ៗឡើយ។ ជាពិសេសថែមទៀតនោះ ការងារសម្ដែងរបស់តារាស្រីកើតឆ្នាំ១៩៩៨ រឹតតែហូរចូលមកដូចទឹក ហើយភាគច្រើននាងទទួលបានការចាប់អារម្មណ៍ច្រើនពីអ្នកដឹកនាំរឿង ដោយត្រូវបានជ្រើសឲ្យសម្ដែងក្នុងរឿងភាគបុរាណល្បីៗដូចជា៖ The Romance of Tiger and Rose, Dating in the Kitchen, Love Better Than Immortality, Love Like the Galaxy,” និង “Hidden Love.”ជាដើម ៕