ម៉ាកទូរស័ព្ទ ល្បីៗលើលោកទាំង ៥ មានអ្នកប្រើប្រាស់ច្រើនបំផុត

បច្ចុប្បន្នទូរស័ព្ទស្មាតហ្វូនអាចទុកបានថាជាឧបករណ៍ដ៏សំខាន់ និងមិនអាចខ្វះបានសម្រាប់ប្រជាជននៅលើពិភពលោក ដោយសារតែវាមានភាពងាយស្រួលក្នុងការស្វែងរកអ្វីមួយដែលយើងចង់បាន ។

ទន្ទឹមនោះ ក៏មានម៉ាកទូរស័ព្ទស្មាតហ្វូនល្បីៗកំពុងមានការប្រកួតប្រជែងគ្នាយ៉ាងខ្លាំងផងដែរ ហើយនេះជាម៉ាកទូរស័ព្ទស្មាតហ្វូនល្បីៗលើលោកទាំង ៥ ដែលមានអ្នកប្រើប្រាស់ច្រើនបំផុត ៖

១. ក្រុមហ៊ុន Samsung

មានទីស្នាក់ការកណ្តាលនៅក្នុងទីក្រុង Samsung ក្រុមហ៊ុនអេឡិចត្រូនិក Samsung គឺជាក្រុមហ៊ុនកូរ៉េខាងត្បូង និងជាក្រុមហ៊ុនបុត្រសម្ព័ន្ធរបស់ក្រុមហ៊ុន Samsung Group ។

បច្ចុប្បន្ន Samsung មានចំណែកទីផ្សារប្រហែល ២០ ភាគរយដែលធ្វើឲ្យវាក្លាយជាម៉ាកទូរស័ព្ទកំពូលមួយនៅទូទាំងពិភពលោក ។ បច្ចុប្បន្នមានអ្នកប្រើប្រាស់ទូរស័ព្ទ Samsung ប្រមាណ ២៧២ លានគ្រឿង ។

២. ក្រុមហ៊ុន Apple

Apple រក្សា​តំណែង​កំពូល​ក្នុង​ឧស្សាហកម្ម​ស្មាតហ្វូន​ជា​ម៉ាក​យីហោ​ដែល​គេ​ពេញ​ចិត្ត​ជាង​គេមួយ ។ បង្កើតឡើងក្នុងឆ្នាំ ១៩៧៦ ដោយលោក Steve Jobs និង Ronald Wayne ក្រុមហ៊ុន Apple សព្វថ្ងៃមានម៉ាកទូរស័ព្ទដែលត្រូវបានគេស្គាល់ថាជា iPhone ។

នាពេលបច្ចុប្បន្ន iPhone 13 បានជួយក្រុមហ៊ុន Apple ក្នុងការបង្កើនការលក់យ៉ាងខ្លាំងនៅក្នុងទីផ្សារពិភពលោក និងជួយក្រុមហ៊ុនមួយនេះមានចំណែកទីផ្សាររហូតដល់ ១៧ ទៅ ១៨ ភាគរយ ហើយពេលនេះ Apple លក់ដាច់ទូរស័ព្ទ iPhone ២៣២ លានគ្រឿង ។

៣. ក្រុមហ៊ុន Xiaomi

Xiaomi ត្រូវ​បាន​បង្កើត​ឡើង​ក្នុង​ឆ្នាំ ២០១០ ដោយលោក Lei Jun ហើយ​បាន​ចេញ​ស្មាតហ្វូន​ដំបូង​គេ​ក្នុង​ឆ្នាំ ២០១១ ។ Xiaomi គឺជាក្រុមហ៊ុនមួយក្នុងចំណោមក្រុមហ៊ុនស្មាតហ្វូនដែលរីកលូតលាស់លឿនបំផុតនៅលើពិភពលោកដែលផលិតស្មាតហ្វូន កម្មវិធីទូរស័ព្ទ និងកុំព្យូទ័រយួរដៃ ។

Xiaomi ជាក្រុមហ៊ុនដែលត្រូវបានគេស្គាល់ថាជា Apple របស់ប្រទេសចិន ។ Xiaomi មានចំណែកទីផ្សារ ១៤ ភាគរយ ហើយបច្ចុប្បន្នក្រុមហ៊ុនមួយនេះបាននាំចេញទូរស័ព្ទស្មាតហ្វូនប្រមាណ ១៨៦ លានគ្រឿង ។

៤. ក្រុមហ៊ុន Oppo

ម៉ាកទូរសព្ទដៃ Oppo ដែលមានមូលដ្ឋាននៅប្រទេសចិន គឺជាក្រុមហ៊ុនថ្មីលេចធ្លោបំផុតមួយក្នុងពិភពលោក ដែលគ្រប់គ្រងដោយក្រុមហ៊ុន BBK Electronics ។ Oppo បង្កើតឡើងក្នុងឆ្នាំ ២០១១ មានទីស្នាក់ការកណ្តាលនៅក្នុងប្រទេសចិន ហើយមានវត្តមានយ៉ាងខ្លាំងនៅទូទាំងពិភពលោកជាមួយនឹងទូរស័ព្ទចល័ត និងគ្រឿងបន្លាស់របស់វា ។

Oppo ចាប់ផ្ដើមបញ្ចេញស្មាតហ្វូតលើកដំបូងឆ្នាំ ២០១៧ ។ បច្ចុប្បន្នមានចំណែកទីផ្សារ ១០ ភាគរយ និងបាននាំចេញស្មាតហ្វូនប្រមាណ ១៣៣ លានគ្រឿង ។

៥. ក្រុមហ៊ុន Vivo

Vivo គឺជាម៉ាកស្មាតហ្វូន គ្រឿងបន្លាស់ស្មាតហ្វូន សូហ្វវែរ និងសេវាកម្មអនឡាញដែលមានមូលដ្ឋាននៅក្នុងប្រទេសចិន និងជាកម្មសិទ្ធិរបស់ BBK Electronics ដូច Oppo ដែរ ។ ចាប់ផ្តើមនៅក្នុងឆ្នាំ ២០០៩ Vivo គឺជាក្រុមហ៊ុនស្មាតហ្វូនដែលរីកលូតលាស់លឿនបំផុតនៅក្នុងពិភពលោកដែលមានការបោះជំហានជាសកលដ៏រឹងមាំជាមួយនឹងការចេញស៊េរីទូរស័ព្ទទំនើបៗរបស់ខ្លួន ។

Vivo គឺជាក្រុមហ៊ុន Android ដំបូងគេដែលបញ្ចេញស្មាតហ្វូនដែលមានអេក្រង់ក្បាលឆកស្រដៀងទៅនឹង iPhone X របស់ក្រុមហ៊ុន Apple ដែលមានអេក្រង់ពេញជាមួយនឹងក្បាលឆកនៅផ្នែកខាងលើ ។ បច្ចុប្បន្ន Vivo មានចំណែកទីផ្សារ ១០ ភាគរយ និងបាននាំចេញទូរស័ព្ទប្រមាណ ១៣២ លានគ្រឿង ៕

ប្រែសម្រួលដោយ ៖ ជីវ័ន្ត

ប្រភព ៖ MBA Skool

ចុចអាន ៖ ចម្លែក! ភ្លើងស្ដុបនៅ ជប៉ុន ពណ៌ដែលអនុញ្ញាតឲ្យ “ទៅ” មិនមែន បៃតង ទេ