ចរាចរណ៍

មេភូមិជ្រៃម្នាក់ ត្រូវរថយន្តដឹកសំរាមបុកពីក្រោយពេញទំហឹង ស្លាប់ភ្លាមនៅនឹងកន្លែង

បានផុស

៣ years មុន

នៅ

ថ្ងៃចន្ទ ១៧ មករា ២០២២

ដោយ

មេភូមិជ្រៃម្នាក់ បានស្លាប់បាត់បង់ជីវិតភ្លាមៗ ខណៈគាត់កំពុងបើកម៉ូតូនៅលើផ្លូវជាតិលេខ ៦ ក៏ត្រូវបានរថយន្តដឹកសំរាមបុកចំពេញទំហឹង។ ហេតុការណ៍នេះ បានកើតឡើងតាមបណ្ដោយផ្លូវជាតិលេខ ៦ ត្រង់ចំណុចមុខការាស់សាំង ចេង ប៊ុនអៀង ស្ថិតនៅភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប វេលាម៉ោង ១ និង ៣៥ នាទីរសៀល ថ្ងៃទី ១៧ ខែមករា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលចរាចរណ៍នៅកន្លែងកើតហេតុបានប្រាប់ថា ភាគីរថយន្តដឹកសំរាមធ្វើដំណើរពីទិសខាងកើតទៅទិសខាងលិច បានបុកនឹងម៉ូតូដែលធ្វើដំណើរពីទិសខាងលិចមកទិសខាងកើត ក្នុងទិសដៅបញ្ច្រាសគ្នា។ ទោះជាយ៉ាងណាមន្ត្រីនគរបាលចរាចរណ៍មិនបានព័ត៌មានលម្អិតចំពោះហេតុការណ៍គ្រោះថ្នាក់ចរាចរណ៍នេះនៅឡើយទេ។

ប៉ុន្តែលោក លឹម សម្បត្តិ អធិការស្រុកប្រាសាទបាគង បានបញ្ជាក់នៅលើប្រព័ន្ធតេឡេក្រាមថា ជនបង្កភាគីខាងរថយន្ត ត្រូវបានសមត្ថកិច្ចឃាត់ខ្លួនភ្លាមៗក្រោយបង្កហេតុ។ បច្ចុប្បន្នរថយន្ត និងម៉ូតូត្រូវបានកម្លាំងប៉ូលិសស្រុកប្រាសាទបាគងនាំយកទៅរក្សាទុកនៅអធិការ រង់ចាំការដោះស្រាយជាក្រោយ៕