សុខភាព
ជឿអត់ថា ហាត់ប្រាណ ជួយការពារប្រុសៗពីជំងឺបាក់ទឹកចិត្ត?
បាក់ទឹកចិត្ត ជាបញ្ហាសឹងតែគ្រប់គ្នាជួបប្រទះ ហើយភាគច្រើន កើតលើយុវជន ធ្វើឲ្យចុះខ្សោយទាំងសុខភាពផ្លូវចិត្ត និងផ្លូវកាយ ហើយឈានទៅធ្វើអត្តឃាតក៏មាន។ ជាដំណឹង និងដំណោះស្រាយល្អមួយ សម្រាប់ប្រុសៗគ្នាយើង គឺ ចិនអះអាងថាហាត់ប្រាណ ជួយការពារជំងឺបាក់ទឹកចិត្ត។
អ្នកស្រាវជ្រាវនៅសាកលវិទ្យាល័យ Michigan របស់សហរដ្ឋអាមេរិក ធ្វើការសិក្សាលក្ខណៈហាត់ប្រាណ និងដេក របស់និស្សិត ជាង ១.១០០នាក់ នៅសាកលវិទ្យាល័យប៉េកាំង។ និស្សិតចូលរួមក្នុងការសិក្សានេះ ឆ្លើយសំនួរពាក់ព័ន្ធនឹងបញ្ហា ៣សំខាន់របស់ពួកគេ គឺរោគសញ្ញាជំងឺបាក់ទឹក ទម្លាប់សកម្មភាពរាងកាយ (ហាត់ប្រាណ) និងដំណេក។
លទ្ធផល បញ្ជាក់ថា ហាត់ប្រាណ ប៉ះពាល់លើជំងឺបាក់ទឹកចិត្តខុសគ្នា រវាងប្រុសៗ និងស្រីៗ។ ខុសគ្នា ត្រង់ថា ហាត់ប្រាណ ជួយប្រុសៗការពារនឹងជំងឺបាក់ទឹកចិត្ត ប៉ុន្ដែស្រីៗ អត់នោះទេ។ លទ្ធផលនេះ ផ្ទុយនឹងការសិក្សាពីមុនៗ ថា ទម្លាប់ហាត់ប្រាណទៀងទាត់ ជួយកាត់បន្ថយជំងឺបាក់ទឹកចិត្ត។ ជាមួយគ្នានេះ អ្នកស្រាវជ្រាវ រកឃើញថា បញ្ហាដំណេក ពាក់ព័ន្ធជាមួយជំងឺបាក់ទឹកចិត្ត ទាំងប្រុសៗ និងស្រីៗ។
ភាពជាប់ពាក់ព័ន្ធរវាងដំណេក ហាត់ប្រាណ និងអារម្មណ៍ អាចពន្យល់ថា ស្រីៗ មានអត្រាខ្ពស់កើតជំងឺបាក់ទឹកចិត្ត។ លោក Weiyun Chen សាស្ត្រាចារ្យផ្នែកចលនារាងកាយមនុស្ស (kinesiology) បញ្ជាក់ថា លទ្ធផលការសិក្សានេះ ស្រដៀងនឹងលទ្ធផលសិក្សាពីមុនផងដែរ ដោយរោគសញ្ញាជំងឺបាក់ទឹកចិត្ត រកឃើញលើស្រីៗ ច្រើនជាងប្រុសៗ ក្នុងអត្រា ស្រីៗកើតជំងឺនេះ ២នាក់ ប្រុសៗកើតតែម្នាក់ប៉ុណ្ណោះ។ តែប្រុសៗ ប្រឈមអត្រាអត្ដឃាត ខ្ពស់ជាងស្រីៗ ដោយប្រុសៗ មានរហូតដល់ ៥ដង តែស្រីៗ មានត្រឹមតែ ៣ដងប៉ុណ្ណោះ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គួរញាំអីក្រោយហាត់ប្រាណរួច?
ចុចអាន៖ ដឹង ៣ ចំណុចនេះ អ្នកឈប់ ឬខ្ជិលហាត់ប្រាណនឹងងាកទៅហាត់វិញមិនខាន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ