ព័ត៌មានជាតិ

ទីលានតេជោ គឺជាសមិទ្ធផលថ្មី សម្រាប់ភ្ញៀវជាតិ និងអន្តរជាតិមកលេងកម្សាន្ត

បានផុស

៥ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

Sorn Phanith

ឆាប់នេះៗទីលានតេជោ នៅខេត្តព្រះសីហនុ នឹងបានទទួលភ្ញៀវជាតិ និងអន្តរជាតិមកលេងកម្សាន្ត រួមជាមួយព្រឹត្តិការណ៍ជាច្រើនទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច ចំរើន អភិបាលនៃគណអភិបាល ខេត្តព្រះសីហនុ នារសៀលថ្ងៃទី១១ ខែវិច្ឆិកា ឆ្នាំ ២០២១ ខណៈលោកដឹកនាំមន្ត្រីជំនាញពាក់ព័ន្ធអញ្ជើញចុះពិនិត្យការដ្ឋានទីលានតេជោ ដែលកំពុងដំណើរការសាងសង់ ស្ថិតនៅតាមបណ្តោយ វិថីតេជោក្នុងភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ លោកបានមានប្រសាសន៍ថា រដ្ឋបាលខេត្តខំចំណាយថវិកាក្នុងការធ្វើឡើងយ៉ាងច្រើន ហើយប្រសិនបើមិនបានចូលរួមកសាងសូមមេត្តាកុំបំផ្លាញ ព្រោះវាជាសម្បត្តិសាធារណៈរបស់យើងទាំងអស់គ្នា។

ក្នុងនោះលោកបានសង្កត់ធ្ងន់ថាកន្លងមកថ្មីៗនេះ មានជនខិលខូចបានលួចកាត់បំផ្លាញខ្សែភ្លើងបំភ្លឺផ្លូវនៅតាមបណ្តោយផ្លូវលេខ៨០០ និងផ្លូវ ៨៣៥ ដោយយើងបានខិតខំតភ្ជាប់រួចហើយ នៅតែមានអ្នកលួចកាត់បំផ្លាញជាបន្តបន្ទាប់។ ដូចនេះលោកសូមអំពាវនាវដល់អ្នកទិញត្រូវបញ្ឈប់ការទិញផលចោរកម្ម ដែលជាការបំផ្លិចបំផ្លាញនូវសមិទ្ធផលរបស់យើងហើយការកាត់បំផ្លាញខ្សែភ្លើងបំភ្លឺផ្លូវនេះ វាបង្កឱ្យមានផលលំបាកក្នុងការធ្វើដំណើរនៅពេលយប់របស់ប្រជាពលរដ្ឋនិងអាចជួបគ្រោះថ្នាក់ផ្សេងៗថែមទៀតផងដែរ ដូច្នេះយើងត្រូវចូលរួមថែរក្សាសម្បត្តិសាធារណៈរបស់យើងទាំងអស់គ្នា។

ជាមួយគ្នានេះ លោក គួច ចំរើន អភិបាល នៃគណអភិបាល ខេត្តព្រះសីហនុ បានធ្វើការណែនាំដល់ក្រុមហ៊ុនទទួលការសាងសង់ក្រាលក្រានីតត្រូវពន្លឿន ក្នុងការងារសាងសង់ឱ្យបានលឿនតាមផែនការស្របតាមស្តង់ដាបច្ចេកទេស និងធានាគុណភាពខ្ពស់ ក្នុងកាប្រើប្រាស់បានយូរអង្វែង ព្រមទាំងរៀបចំទីតាំងដំឡើងបង្គោលភ្លើង និងអូសខ្សែភ្លើងស្របពេលការដ្ឋានកំពុងសាងសង់ ហើយបន្ទាប់ពីក្រាលក្រានីតរួច គឺដើម្បីមានភាពងាយស្រួល ដល់បងប្អូនប្រជាពលរដ្ឋក្នុងការធ្វើដំណើរដើរលេងកម្សាន្ត និងហាត់ប្រាណតាមបណ្ដោយវិថីតេជោរបស់យើង។ ព្រោះទីលាននេះសម្រាប់ធ្វើព្រឹត្តិការណ៍ជាតិ និងអន្តរជាតិ ក៏ជាកន្លែងសម្រាប់ប្រជាពលរដ្ឋភ្ញៀវជាតិ និងភ្ញៀវបរទេសមកលេងកម្សាន្តផងដែរ៕

អត្ថបទ៖ កោះពស់

Related Topics:ខេត្តព្រះសីហនុ