ព័ត៌មានអន្ដរជាតិ
ចិន ប្រើគោលនយោបាយថ្មី អាចបិទសូន្យកូវីដត្រឹម ៤ សប្ដាហ៍
លោក Zhang Wenhong អ្នកឯកទេសជំងឺឆ្លង ដែលមានមូលដ្ឋាននៅទីក្រុងសៀងហៃ បាននិយាយកាលពីថ្ងៃសុក្រថា ចិនអាចគ្រប់គ្រងការផ្ទុះឡើង ក្នុងតំបន់បច្ចុប្បន្នរយៈពេលត្រឹម ៤សប្តាហ៍ ក្រោមគោលនយោបាយ “សូន្យ-កូវីដ” របស់ប្រទេសនេះ។
គោលនយោបាយ “សូន្យ-កូវីដ” គឺជាគោលការណ៍ណែនាំរួមរបស់ប្រទេសចិន សម្រាប់ការបង្ការ និងគ្រប់គ្រងកូវីដដែលសំដៅលើវិធានការមួយចំនួន ដើម្បីទប់ស្កាត់ការរីករាលដាលថ្មីយ៉ាងឆាប់រហ័ស នៅ ពេលដែលវាកើតឡើង។ វាក៏រួមបញ្ចូលការស្វែងរកយ៉ាងសកម្ម នូវប្រភពនៃការឆ្លងមេរោគ ដូចជាមានករណីរោគសញ្ញា ចាត់វិធានការរហ័សដូចជា ការពិនិត្យទ្រង់ទ្រាយធំ តាមដាន និងដាក់ឲ្យនៅដាច់ដោយឡែកពីគេ ដើម្បីបញ្ឈប់ការរីករាលដាលនៃមេរោគ និងផ្ដល់ឲ្យអ្នកជំងឺនូវការព្យាបាលវេជ្ជសាស្ត្រភ្លាមៗ ដើម្បីកុំឲ្យមានជំងឺធ្ងន់ធ្ងរឬស្លាប់បាន។
គួរកត់សំគាល់ថា “សូន្យ-កូវីដ” មិនមានន័យថា “សូន្យការឆ្លងមេរោគ” ទេ ព្រោះវាមិនអាចទៅ រួច ក្នុងការធានាបានថា ប្រទេសដែលមានប្រជាជន គ្មានករណីមួយឡើយ។ នេះបើតាមលោក Liang Wannian ប្រធានក្រុមអ្នកជំនាញការឆ្លើយតប និងកម្ចាត់មេរោគកូវីដ១៩ នៅគណៈកម្មការសុខភាពជាតិ។
ដោយឡែក អ្នកជំនាញខាងរោគរាតត្បាតកំពូលរបស់ប្រទេសចិន លោក Zhong Nanshan បាននិយាយនៅ ក្នុងបទសម្ភាសន៍មួយថា ការចំណាយពេលនៃវិធានការបែបនេះ អាចមានកម្រិតទាបជាង បើប្រៀបធៀបទៅ នឹងការចំណាយដើម្បីទប់ទល់នឹងស្ថានភាព ដែលមិនមានការគ្រប់គ្រង នៅពេលដែលមិនមានវិធានការណាមួយ ត្រូវបានធ្វើឡើងក្នុងដំណាក់កាលដំបូងនៃការផ្ទុះឡើង។
នៅ ក្នុងការបង្ហោះលើ Twitter ស្រដៀងនឹង Weibo របស់ប្រទេសចិន លោក Zhang បាននិយាយថា គោលនយោបាយនេះ គឺជាយុទ្ធសាស្ត្រសុខភាពសាធារណៈដ៏សំខាន់បំផុត នាពេលបច្ចុប្បន្ន ហើយប្រទេសចិន កំពុងបង្ហាញថា អាចគ្រប់គ្រងការផ្ទុះឡើងនាពេលបច្ចុប្បន្ន នៅ ក្នុងតំបន់មួយចំនួនដូចជា Yangtze River Delta, Pearl River Delta និងតំបន់ភាគពាយ័ព្យ នៅ ក្រោមគោលនយោបាយនេះ៕
ប្រែសម្រួល៖ សាង ស្រីល័ក្ខ
ចុចអាន៖វៀតណាម លេងធម៌ក្ដៅ ដាក់ទណ្ឌកម្មអ្នកមិនចាក់វ៉ាក់សាំងកូវីដ
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១៦ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ