ព័ត៌មានជាតិ
ក្រសួងទេសចរណ៍រៀបចំស្តង់ដារ «ភូមិទេសចរណ៍គំរូ» ដើម្បីបង្កើតការងារ និងប្រាក់ចំណូលតាមជនបទ
ក្រសួងទេសចរណ៍ បាននិងកំពុងរៀបចំសេចក្តីព្រាងស្តង់ដារ «ភូមិទេសចរណ៍គំរូ» នៅទូទាំងប្រទេស ដើម្បីបង្កើតការងារ និងប្រាក់ចំណូលជាច្រើនបន្ថែមទៀតដល់ប្រជាពលរដ្ឋ តាមមូលដ្ឋាន ដែលជាកត្តាជួយកាត់បន្ថយភាពក្រីក្រនៅជនបទ។
ថ្លែងក្នុងកិច្ចប្រជុំពិគ្រោះយោបល់លើសេចក្តីព្រាងស្តង់ដារ «ភូមិទេសចរណ៍គំរូ» កាលពីចុងខែមេសាលោក ជា បូរ៉ា រដ្ឋលេខាធិការក្រសួងទេសចរណ៍ និងជាអនុប្រធានគណៈកម្មាធិការជាតិ វាយតម្លៃទីក្រុងស្អាត បានមានប្រសាសន៍ថា ការរៀបចំនូវសេចក្តីព្រាងស្តង់ដារ «ភូមិទេសចរណ៍គំរូ»នេះ ធ្វើឡើងក្រោមគំនិតផ្តួចផ្តើមចំនួន ២គឺ ទី ១ យោងតាមអង្គការទេសចរណ៍ពិភពលោក (UNWTO) និងទី ២ យោងទៅតាមគោលនយោបាយ ទេសចរណ៍ជាតិ ក្នុងការអភិវឌ្ឍនូវកសិ-ទេសចរណ៍ នៅតាមជនបទចូលរួមក្នុងការធ្វើឲ្យប្រសើរ ឡើងនូវជីវភាពរបស់ប្រជាពលរដ្ឋនៅតាមមូលដ្ឋាន ដែលជាគោលដៅយុទ្ធសាស្រ្តនៅក្នុង ”ផែនទីចង្អុលផ្លូវ” របស់រាជរដ្ឋាភិបាល ស្តីពី ផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩។
លោកបានបន្តថា គោលបំណងនៅក្នុងស្តង់ដា «ភូមិទេសចរណ៍គំរូ» មាន ៤ចំណុចធំៗគឺ ១. ការអភិវឌ្ឍផលិតផលទេសចរណ៍ សំដៅដល់ការជំរុញទាក់ទាញទីផ្សារទេសចរណ៍ក្នុងស្រុក និងអន្តរជាតិ ទាំងក្នុងនិងក្រោយវិបត្តិជំងឺកូវីដ -១៩។ ២. ផ្តើមចេញពីការអភិវឌ្ឍភូមិទេសចរណ៍ យើងអាចទាក់ទាញទាំងទេសចរក្នុងស្រុក ទាំងទេសចរ អន្តរជាតិឲ្យទៅទស្សនា និងកម្សាន្តនៅតាមជនបទ ដែលអាចបង្កើតការងារ និងចំណូលជាច្រើន បន្ថែមទៀតដល់ប្រជាពលរដ្ឋតាមមូលដ្ឋាន ដែលជាកត្តាជួយកាត់បន្ថយភាពក្រីក្រនៅជនបទ ស្របតាមគោលនយោបាយជាតិអភិវឌ្ឍន៍ទេសចរណ៍។
៣. ផលបានមកពីការអភិវឌ្ឍ ”ភូមិទេសចរណ៍” គឺអាចឲ្យប្រជាពលរដ្ឋចូលរួមចំណែកក្នុងការ អភិរក្សវប្បធម៌ និងធម្មជាតិ។ ៤. ដោយសារការងារ និងចំណូលបានមកពីវិស័យកសិ-ទេសចរណ៍ យើងក៏អាចទទួលជោគជ័យ ដល់កិច្ចខិតខំប្រឹងប្រែងគាំពារដល់បរិស្ថាន ព្រមទាំងជីវៈចម្រុះផងដែរ។
លោកបានបន្តទៀតថា គណៈកម្មាធិការជាតិវាយតម្លៃទីក្រុងស្អាតនឹងជ្រើសរើសយក «ភូមិទេសចរណ៍ឆ្នើម» ចំនួន ៣ ទៅ ចូលរួមប្រកួតប្រជែងជាលក្ខណៈអន្តរជាតិ ក្រោមយន្តការអង្គការទេសចរណ៍ពិភពលោក (UNWTO) លើកទី ២ ក្នុងឆ្នាំ ២០២២ នេះ។ លទ្ធផលពីការប្រកួតប្រជែងថ្នាក់អន្តរជាតិនេះ អាចឲ្យយើងធ្វើការផ្សព្វផ្សាយពីវិស័យទេសចរណ៍កម្ពុជា តាមរយៈការបង្ហាញនូវវប្បធម៌ ធម្មជាតិ និងប្រពៃណីទៅកាន់សកលលោក។ ម្យ៉ាងទៀតយើង ក៏អាចធ្វើការអភិវឌ្ឍសេដ្ឋកិច្ចមូលដ្ឋាននៅ តាមបណ្តាភូមិនានាទូទាំងប្រទេស ហើយក៏នឹងជំរុញឲ្យមានការនាំចេញនៅនឹងកន្លែងពីប្រជា កសិករខ្មែរផ្ទាល់តែម្តង។
សូមជម្រាបថា ភូមិទេសចរណ៍ ត្រូវបានបង្កើតឡើងដោយផ្អែក លើលក្ខណៈពិសេសរបស់ភូមិនីមួយៗ ដោយភ្ជាប់ទំនាក់ទំនងជាមួយវប្បធម៌-ធម្មជាតិ បរិស្ថាន បេតិកភណ្ឌ សង្គម បុរាណវិទ្យា និងការ ប្រតិបត្តិតាមប្រពៃណីរបស់ភូមិនីមួយៗ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ