វប្បធម៌ ជំនឿ

យល់សប្ដិឃើញខ្យល់ព្យុះបោកបក់ផ្ទះ ឬដំបូលដួលរលំ តាមពិតជារឿងល្អសម្រាប់ជីវិត

បានផុស

៣ years មុន

នៅ

ថ្ងៃចន្ទ ១៥ សីហា ២០២២

ដោយ

ខ្យល់ព្យុះបោកបក់ផ្ទះ ជាគ្រោះមហន្តរាយដែលមនុស្សជាច្រើនមិនចង់បានឡើយក្នុងជីវិតពិត។ យ៉ាងណាមិញ ប្រសិនបើវាបង្ហាញខ្លួនក្នុងក្ដីសុបិន គឺជារឿងមួយដែលលោកអ្នកកុំទាន់អាលភ័យព្រួយ ខណៈពេលក្រោកឡើងពីដំណេក។

ទន្ទឹមនោះ សុបិននៃគ្រោះមហន្តរាយគឺជាសុបិនមួយ ក្នុងចំណោមសុបិនដែលមនុស្សជាច្រើនចូលចិត្តយកមកបកស្រាយតាមជំនឿផ្ទាល់ខ្លួនរបស់ពួកគេ។ សុបិនឃើញខ្យល់បក់បោកផ្ទះ ឬខ្យល់ព្យុះបានបក់បោកដំបូលផ្ទះ វាជាលក្ខណៈសុបិនដែលគេជឿថា បង្ហាញពីការផ្លាស់ប្ដូរមួយចំនួនដែលនឹងកើតឡើងនៅពេលអនាគត។ ផ្នែកនឹងមានន័យថាល្អឬអាក្រក់ វាអាស្រ័យលើធម្មជាតិនៃសុបិនដូចខាងក្រោម។

សុបិនឃើញខ្យល់បក់បោកផ្ទះ

បើសុបិនឃើញខ្យល់ព្យុះ បោកបក់បំផ្លាញផ្ទះសម្បែង តាមការពិតគេចាត់ទុកថាជាសុបិនល្អវិញទេ។ ដែលមានន័យថាអ្នកអាចមានអាការអស់កម្លាំង ឬត្រូវធ្វើការផ្លាស់ទីលំនៅ ផ្លាស់ប្ដូរអាសយដ្ឋាន ប៉ុន្តែវានឹងស្ថិតក្នុងផ្លូវល្អ ហើយអាចទទួលបានលាភសំណាង ពីសំណាងផ្សេងៗដែលកើតឡើងតាមផ្លូវផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញខ្យល់ព្យុះបោកបក់តែដំបូលផ្ទះ

ក្នុងអំឡុងពេលនេះ អ្នកត្រូវប្រយ័ត្នអ្នកដទៃនាំមកនូវបញ្ហា ឬបង្កើតបញ្ហាសម្រាប់អ្នក មុននឹងសម្រេចចិត្តធ្វើអ្វីមួយ ត្រូវគិតឲ្យបានហ្មត់ចត់។ បើទោះបីមានដំណឹងល្អក្នុងពេលដ៏ខ្លីខាងមុខ ប៉ុន្តែត្រូវចេះថ្លឹងថ្លែង និងមានស្មារតីល្អជានិច្ច។

សុបិនឃើញខ្យល់ព្យុះបានបោកបក់ផ្ទះខ្លួនឯង

មានន័យថា ការងាររបស់លោកអ្នកនឹងមានការរីកចម្រើន មានការផ្លាស់ប្ដូរភារកិច្ចការងារទៅកន្លែងល្អៗ។ ជាពិសេសមនុស្សដែលមានវ័យស្រកយើងចាំជួយគាំទ្រ ទោះជាយ៉ាងណាក៏ដោយ ទំនាក់ទំនងល្ អគួរតែត្រូវបានរក្សារវាងអ្នកគ្រប់គ្រង និងសហការី។ ដើម្បីកុំឲ្យមានបញ្ហា នៅពេលក្រោយ។

សុបិនឃើញខ្យល់ព្យុះបក់បោកផ្ទះអ្នកជិតខាង

ក្នុងអំឡុងពេលនេះ អាចមានមនុស្សមកសុំជំនួយ ឬមកពឹងផ្អែកលើអ្នកសម្រាប់រឿងអ្វីមួយ ដូច្នេះ បើខ្លាចមានបញ្ហានៅពេលក្រោយ មធ្យោបាយដ៏ល្អបំផុតគឺមិនត្រូវទុកចិត្តនរណាម្នាក់ដោយងាយនោះទេ។ ព្រោះនៅទីបំផុត អ្នកដែលត្រូវអង្គុយតានតឹង ខឹងចិត្ត និងហ្មងសៅជាមួយខ្លួនឯង គឺជាយើងនេះហើយ៕

គ្រូ ណុប

ចុចអាន៖ឃើញមាសក្នុងសុបិន មានជោគវាសនាល្អណាស់

ចុចអាន៖យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?

Related Topics:ទាយសុបិន