វប្បធម៌ ជំនឿ

ឃើញមាសក្នុងសុបិន មានជោគវាសនាល្អណាស់

បានផុស

៣ years មុន

នៅ

ថ្ងៃសុក្រ ១២ សីហា ២០២២

ដោយ

មាសជាទ្រព្យមួយដែលមនុស្សទូទៅចង់បានខ្លាំង ជាពិសេសក្រុមអភិជនតែងសន្សំទុក ឬវិនិយោគទៅតាមប្រទេសរបស់ខ្លួន។ ទន្ទឹមនោះ មាសក៏ត្រូវបានគេយកមកផ្សំជាមួយជំនឿ កាលបើគេងសុបិនឃើញមាស ចាស់ៗពីដើមលោកថា ជាសំណាងល្អ មានដល់ខ្លួនឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកគេងយល់ប្តិឃើញខ្លួនឯង ទទួលបានមាស វាក៏ជាសុបិនមួយផ្សេងទៀតដែលប្រជាជនអាស៊ីជាពិសេសប្រជាជនខ្មែរភ្ញាក់ឡើងដោយក្ដីរីករាយ និងតែងតែប្រើដើម្បីបកស្រាយពីរឿងរ៉ាវផ្សេងៗក្នុងទិដ្ឋភាពពិតៗ។

សុបិនឃើញមាស១តំលឹង

វាជាសុបិនល្អដែលគួរសប្បាយចិត្ត ក្នុងអំឡុងពេលនេះ មានអ្នកនឹងទទួលបានសំណាងពីមនុស្សពេញវ័យ ដែលខំពាំនាំយកមកឲ្យដល់ផ្ទះ។ ជាពិសេស មិនថាអ្នកធ្វើអ្វីក៏មានអ្នកគាំទ្រដែរ នឹងឆាប់ទទួលបានជោគជ័យតាមការរំពឹងទុក។ គួបផ្សំនឹងការការពង្រីកអាជីវកម្ម អាជីព និងវិបុលភាពហិរញ្ញវត្ថុកាន់តែរលូនទៅមុខថែមទៀត។

សុបិនឃើញចិញ្ចៀនមាស២ វង់លើដៃ

សុបិននេះពិតជាល្អណាស់ ទោះអ្នកធ្វើអ្វីក៏នឹងរលូនគ្មានឧបសគ្គ តែទោះបីជាយ៉ាងណាក៏ដោយ អ្នកគួរតែរស់នៅដោយមានមនសិការ និងគ្មានការធ្វេសប្រហែស ទើបធ្វើឲ្យក្ដីសុបិននោះឆាប់បានផល។

សុបិនបានខ្សែកមាសមកពាក់លម្អខ្លួន

ដូចនិយាយខាងលើយ៉ាងដូច្នោះដែរ មាសជាទ្រព្យមួយដែលមានគេចង់បានច្រើន បើវាបង្ហាញខ្លួនក្នុងយល់សប្ដិ នោះអ្នកនឹងទទួលបានលាភសំណាង ដោយការធ្វើអាជីវកម្មផ្សេងៗ។ ទន្ទឹមនោះដែរ អ្វីដែលអ្នកបានរំពឹងទុក នោះក៏នឹងទទួលបានជោគជ័យទៅមុខ ហើយមានចាស់ទុំជួយជ្រោមជ្រែង មានដំណឹងល្អចូលមកឆាប់ពុំដឹងខ្លួនថែមទៀត។

សុបិនឃើញខ្លួនឯងមានបំណងចង់ពាក់ខ្សែកមាស

ជាសុបិនមួយល្អ ដែលអ្នកនឹងទទួលបានលាភសំណាង ក្នុងរឿងលុយកាក់ ឬវត្ថុផ្សេងៗ ។

សុបិនឃើញមានមនុស្សយកមាសមកឲ្យដល់ផ្ទះ

សុបិននេះមិនល្អឡើយ វាជាក្ដីសុបិនមួយដែលអ្នកគួរមានការប្រុងប្រយ័ត្នខ្លាំងបំផុត។ ចំពោះអ្នកមានគូស្នេហ៍អាចជួបរឿងបោកប្រាស់ មួយវិញទៀត ប្រសិនបើមានការយល់ច្រឡំ សូមកុំទុកចោល ឆាប់បកស្រាយទល់មុខគ្នា ទើបជីវិតគូបានគង់វង្សយូរអង្វែង។

សុបិនឃើញដុំមាសទាំងដុំៗ

ចំពោះស្រ្តីដែលមានផ្ទៃពោះ អ្នកនឹងបានកូនស្រីដ៏គួរឲ្យស្រលាញ់។ ចំណែកការងារនិងហិរញ្ញវត្ថុវិញ នឹងមានភាពរីកចម្រើន មិនមានបញ្ហាអ្វីមករាំងស្ទះធ្វើឲ្យពិបាកចិត្តឡើយ។ ជាពិសេស អ្នកតែងមានចាស់ទុំឬព្រឹទ្ធាចារ្យ តាមជួយជ្រោមជ្រែងមុខក្រោយ មិនឲ្យខ្វះខាតនោះទេ៕

គ្រូ ណុប

ចុចអាន៖អត្ថន័យនៃខ្សែ ក មាសក្នុងសុបិន តាមពិតខុសគ្នាដោយសារ…

ចុចអាន៖យល់សប្ដិឃើញសត្វកណ្ដុរ អត្ថន័យល្អអាក្រក់មកទាំងព្រមគ្នា