ភាគខាងជើងប្រទេសឥណ្ឌា រងគ្រោះដោយទឹកជំនន់ និងបំណាក់ដី មនុស្ស​២២នាក់ បាត់បង់ជីវិត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់យ៉ាងគំហុកនៅទូទាំងភាគខាងជើងប្រទេសឥណ្ឌា បានសម្លាប់មនុស្សយ៉ាងតិច២២នាក់ ក៏ដូចជាបណ្តាលឲ្យមានការរអិលបាក់ដី និងទឹកជំនន់ភ្លាមៗផងដែរ។

សាលារៀនក្នុងទីក្រុង ញូវដែលី ត្រូវបិទទ្វារ បន្ទាប់ពីភ្លៀងធ្លាក់ខ្លាំង បានវាយប្រហាររដ្ឋធានី កាលពីចុងសប្តាហ៍ ហើយអាជ្ញាធរនៅរដ្ឋ Himachal Pradesh និង Uttarakhand បានស្នើសុំប្រជាជន កុំចេញក្រៅផ្ទះលុះត្រាមានភាពចាំបាច់។

អាជ្ញាធរ​ក៏​បាន​និយាយ​ដែរ​ថា ទីក្រុង ញូវដែលី បានជួបប្រទះ​ភ្លៀង​ធ្លាក់ខ្លាំង​បំផុត​មិនធ្លាប់មាន ក្នុង​រយៈពេលប៉ុន្មាន​ទសវត្សរ៍មកនេះ។

យោងតាមកាសែត Times of India, មនុស្សយ៉ាងតិច២២នាក់ បានបាត់បង់ជីវិតក្នុងទឹកជំនន់ និងការរអិលបាក់ដីនៅរដ្ឋភាគខាងជើង Himachal Pradesh, Uttarakhand, Uttar Pradesh, Jammu និង Kashmir និង Punjab កាលពីថ្ងៃអាទិត្យទី៩ខែកក្កដា។

នៅក្នុងរដ្ឋ Himachal Pradesh, ជំនន់ទឹកភ្លៀងកាលពីចុងសប្តាហ៍ បានបណ្តាលឲ្យបាក់ស្ពាន និងបំផ្លាញផ្ទះសម្បែងជាច្រើន។ ទន្ទឹមនោះ អាជ្ញាធរបានប្រើប្រាស់ឧទ្ធម្ភាគចក្រ ដើម្បីជួយសង្គ្រោះមនុស្ស ដែលជាប់គាំងនៅលើផ្លូវ ដោយសារតែភ្លៀងធ្លាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ ជប៉ុន ប្រកាស អាសន្ន អំពីគ្រោះមហន្តរាយធម្មជាតិ