ជប៉ុន ​ប្រកាស​អាសន្ន អំពីគ្រោះមហន្តរាយធម្មជាតិ

មន្ត្រី​អាកាសធាតុ​ជប៉ុន ​បាន​ចេញ​ការ​ប្រកាស​អាសន្ន​អំពី​ជំនន់​ទឹកភ្លៀង ​សម្រាប់​ខេត្ត​ភាគ​ខាងលិច Fukuoka, Saga និង Oita ដោយជំរុញឲ្យប្រជាពលរដ្ឋមានការប្រុងប្រយ័ត្ន និងធានាសុវត្ថិភាព ខណៈហានិភ័យនៃបំណាក់ដី និងទឹកជំនន់ កំពុងកើនឡើងយ៉ាងខ្លាំង។

ទីភ្នាក់ងារឧតុនិយមជប៉ុន និយាយថា ពពកខ្មៅខ្មួលខ្មាញ់ បានគ្របដណ្តប់តំបន់នេះចាប់តាំងពីព្រឹកថ្ងៃចន្ទ ហើយបច្ចុប្បន្ន កំពុងលាតសន្ធឹងពាសពេញផ្ទៃប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀង ត្រូវបានគេព្យាករថានឹងបន្តធ្លាក់ទូទាំងខេត្តទាំងបី​ រហូតដល់ថ្ងៃត្រង់ថ្ងៃចន្ទ ខណៈភ្លៀងធ្លាក់ខ្លាំងក៏ត្រូវបានព្យាករផងដែរសម្រាប់តំបន់ Chugoku ដែលស្ថិតនៅភាគខាងកើតកោះ Kyushu។

ទោះយ៉ាងណា ដីនៅទូទាំងតំបន់ភាគច្រើនបានបាក់រួចទៅហើយ ដោយសារភ្លៀងធ្លាក់ខ្លាំងក្នុងរយៈពេលប៉ុន្មានថ្ងៃថ្មីៗនេះ ខណៈហានិភ័យនៃគ្រោះមហន្តរាយ ទាក់ទងនឹងភ្លៀង កាន់តែធ្ងន់ធ្ងរឡើងៗ។

ពាក់ព័ន្ធនឹងបញ្ហានេះដែរ ក្រសួងធនធានទឹកនិងឧតុនិយម បានអំពាវនាវឲ្យប្រជាពលរដ្ឋ ប្រុងប្រយ័ត្នចំពោះការរអិលបាក់ដីនិងទឹកជំនន់ ក៏ដូចជារន្ទះបាញ់ និងខ្យល់កន្ត្រាក់ផងដែរ៕

ប្រែសម្រួល៖ Vann Vann

ប្រភព៖ NHK

ចុចអាន៖ ទឹកជំនន់ និងបាក់ដីនៅប៉ាគីស្ថាន សម្លាប់មនុស្ស ៥០នាក់