កីឡា

យុវជន ភិន ចាន់វិសុទ្ធ កំពុងលេចធ្លោពានរង្វាន់សម្តេចថ្នាក់ខេត្ត២០២៣

បានផុស

៣ years មុន

នៅ

ថ្ងៃអង្គារ ១៥ សីហា ២០២៣

ដោយ

សមាជិករបស់ក្រុមភ្នំពេញហ្គាឡាក់ស៊ី ភិន ចាន់វិសុទ្ធ កំពុងក្លាយជាកីឡាករវ័យក្មេងគួរឲ្យចាប់អារម្មណ៍ម្នាក់ក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣ ថ្នាក់ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមសប្តាហ៍ទី១៥ នៃការប្រកួតវគ្គសន្សំពិន្ទុក្នុងពូល កីឡាករ ភិន ចាន់វិសុទ្ធ ស៊ុតបាន១២គ្រាប់ដែលកំពុងក្លាយជាកីឡាកររកបានគ្រាប់បាល់ច្រើនជាងគេ។ រូបគេបានជួយឲ្យភ្នំពេញហ្គាឡាក់ស៊ីឈរលេខ១ក្នុងពូល ក បន្ទាប់ពីឆ្លងកាត់ការប្រកួត៦លើក ឈ្នះ៤ និងស្មើ២ ដោយមិនទាន់ស្គាល់បរាជ័យឡើយ។

ភិន ចាន់វិសុទ្ធ ដែលមានស្រុកកំណើតនៅភូមិ ម្លូរម៉ឺន ឃុំផ្សារដែក ស្រុកពញាឮ ខេត្តកណ្តាលមានជំនាញជើងស្តាំ។ កីឡាករវ័យ២១ឆ្នាំរូបនេះមានប្រភពចេញពីសាលាតម្រង់ទិសអភិវឌ្ឍខេត្តកណ្តាលភាគខាងជើង និងធ្លាប់លេងឲ្យក្រុមបាល់ទាត់វិទ្យាល័យទេពប្រណម្យ។

លោក រេស រ៉ាវី ប្រធានក្រុមភ្នំពេញហ្គាឡាក់ស៊ីបានប្រាប់ថា លោកទើបតែនាំយក ភិន ចាន់វិសុទ្ធ ចូលរួមក្នុងក្រុមរបស់លោកនៅក្នុងឆ្នាំ២០២៣នេះ ដោយសារលោកមើលឃើញពីសមត្ថភាពដ៏ល្អ។ រូបគេកំពុងបង្ហាញទម្រង់គួរឲ្យចាប់អារម្មណ៍ដែលអាចនឹងអភិវឌ្ឍខ្លួនបានវែងឆ្ងាយបន្តទៀត។

តាមការបញ្ជាក់ពីប្រធានក្រុមភ្នំពេញហ្គាឡាក់ស៊ីថា ភិន ចាន់វិសុទ្ធ មានគោលបំណងធំគឺអភិវឌ្ឍខ្លួនក្លាយជាកីឡាករបាល់ទាត់អាជីពពិតប្រាកដមួយរូប និងជាប់ជម្រើសជាតិកម្ពុជា៕