ព័ត៌មានអន្ដរជាតិ

សិស្សស្រីនៅ ឥណ្ឌា វិះតែធ្លាក់ស្លាប់ពេលកំពុងជិះកន្ត្រកយោល

បានផុស

២ years មុន

នៅ

ថ្ងៃពុធ ៣០ សីហា ២០២៣

ដោយ

ហេតុការណ៍ដ៏រន្ធត់មួយបានកើតឡើងក្នុងប្រទេសឥណ្ឌាកាលពីប៉ុន្មានថ្ងៃមុន ក្នុងពេលដែលបុគ្គលិកសួនកម្សាន្តព្យាយាមបន្ថែមល្បឿនកន្ត្រកយោល ធ្វើឲ្យនិស្សិតស្រីម្នាក់បានបាត់បង់លំនឹង ធ្លាក់ចេញក្រៅវិះនឹងស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មានឥណ្ឌា KNT News បញ្ជាក់ថា ឧបទ្ទវហេតុនេះបានកើតឡើងនៅសួនកម្សាន្តមួយនៅភាគខាងជើងនៃប្រទេស។ សាក្សីម្នាក់បានឃើញព្រឹត្តិការណ៍និយាយថា បុគ្គលិកសួនកម្សាន្តបានព្យាយាមបង្កើនល្បឿនជិះដោយមិនអាចគ្រប់គ្រងបាន។ ភ្លាមៗនោះ ដោយសារតែល្បឿនខ្លាំងពេក ទើបបណ្ដាលឲ្យសិស្សស្រីម្នាក់បាត់បង់លំនឹង ហើយរអិលចេញពីកន្ត្រក ខណៈនាងស្រែកដោយតក់ស្លុតយ៉ាងខ្លាំង។

យ៉ាងណាមិញ រូបភាពដ៏គួរឲ្យរន្ធត់នេះត្រូវបានគេផ្សព្វផ្សាយតាមអ៊ីនធឺណិត។ តាមរយៈវីដេអូឃ្លិបនេះ គេឃើញនិស្សិតស្រីម្នាក់ស្លៀកឯកសណ្ឋានពណ៌ខ្មៅ និងពាក់ក្រណាត់ពណ៌សលើក្បាល កំពុងតែតោងបង្កាន់កន្ត្រកទាំងភិតភ័យ។

ក្រោយមកនាងត្រូវបានមនុស្សម្នាក់ឡើងទៅជួយនៅចុងម្ខាងទៀត ប៉ុន្តែសិស្សស្រីដដែលបានគ្រប់គ្រងខ្លួនឯងដោយភាពក្លាហាន នាងព្យាយាមជួយសង្គ្រោះខ្លួនឯងពីហេតុការណ៍អាក្រក់នេះ រហូតចុះមកដល់ដីវិញដោយសុវត្ថិភាព។

បើតាមរបាយការណ៍ដែលបានរកឃើញ សុទ្ធតែនិយាយថា នៅពេលកើតហេតុមានសិស្ស១៥នាក់ជិះកន្រ្តក អ្នកស្រុកអះអាងថា សួនកម្សាន្តនេះជាកម្មសិទ្ធិឯកជន ហើយបុគ្គលិកមិនមែនជាអ្នកជំនាញដែលមានចំណេះដឹងឯកទេសក្នុងរឿងនេះទេ។

ដោយឡែករដ្ឋមន្ត្រីក្រសួងទេសចរណ៍ ក្រោយទស្សនាព្រឹត្តិការណ៍មិនចង់ជឿនេះ គាត់ចង់ថ្កោលទោសយ៉ាងខ្លាំងចំពោះសួនកម្សាន្ត និងចុះទៅត្រួតពិនិត្យ ហើយនឹងចាត់វិធានការជាអតិបរមា ប្រសិនបើរកឃើញថាមានទោសធ្វេសប្រហែស៕