កីឡា
គ្រូហុងកុងថា គុណភាពបញ្ចប់ទីរបស់ខ្សែប្រយុទ្ធខ្លួនខ្សោយ
ក្នុងជំនួបមិត្តភាពអន្តរជាតិរវាងក្រុមជម្រើសជាតិកម្ពុជាជាមួយក្រុមជម្រើសកោះហុងកុង យប់ថ្ងៃទី៧ ខែកញ្ញា ឆ្នាំ ២០២៣ នៅពហុកីឡដ្ឋានជាតិអូឡាំពិក បញ្ចប់ទៅដោយលទ្ធផលស្មើគ្នា ១-១។
ការប្រកួតនៅវគ្គទី១ ហុងកុងធ្វើបានយ៉ាងល្អដោយមានឱកាសសម្រុកមកលើក្រុមកម្ពុជាជាច្រើនលើក ប៉ុន្តែត្រូវបានអ្នកចាំទី ហ៊ុល គឹមហ៊ុយ សង្គ្រោះបាន។ គ្រាប់បាល់ទី១ក្នុងការប្រកួតកើតមានឡើងនៅនាទី២១ ដោយការទាត់ពិន័យហ្វ្រីឃីតបានសម្រេចដោយខ្សែប្រយុទ្ធហុងកុងកីឡាករ Everton Camargo ក្រោយការបង្កកំហុស ដោយខ្សែការពារកម្ពុជាកីឡាករ ឈង់ ប៊ុនណាត់។
នៅវគ្គទី២ ក្រុមម្ចាស់ផ្ទះកម្ពុជាសហការគ្នាលេងបានយ៉ាងល្អដោយបានគ្រប់គ្រងបាល់ និងដាក់សម្ពាធច្រើន បន្ទាប់ពីដូរកីឡាករថ្មីមួយចំនួនចូល។ នៅនាទី៨៦ កម្ពុជាទទួលបានពិន័យ១១ម៉ែត្រ ប៉ុន្តែកីឡាករ ចាន់ វឌ្ឍនាកា ស៊ុតមិនបានសម្រេច។ យ៉ាងណា កម្ពុជានៅតែអាចបំប៉ោងសំណាញ់ទីរបស់ហុងកុងដើម្បីតាមស្មើ ១-១ ដោយកីឡាករ ស៊ិន សុផាណាត់ នៅនាទី៩០។
ចំពោះលទ្ធផល ១-១ នេះគ្រូបង្វឹកក្រុមជម្រើសជាតិហុងកុងហាក់មិនសប្បាយចិត្តទេ ដោយសារកូនក្រុមរបស់លោក ធ្វើមិនបានល្អដោយមានឱកាសស៊ុតក្នុងប្រអប់ទីជាច្រើន ប៉ុន្តែរកគ្រាប់បាល់បានត្រឹម១គ្រាប់។
លោក Jorn Andersen គ្រូបង្វឹកហុងកុង បាននិយាយថា៖«ក្រុមខ្ញុំព្យាយាមបង្កើតឱកាសតាំងក្នុងវគ្គទី១ និងវគ្គទី២ ប៉ុន្តែការបញ្ចប់ទីរបស់ខ្សែប្រយុទ្ធមិនទាន់មានគុណភាពគ្រប់គ្រាន់ទេ។ យ៉ាងណា ខ្ញុំសូមសរសើរអ្នកចាំទីកម្ពុជាដែលធ្វើបានយ៉ាងល្អក្នុងការប្រកួតនេះ។ តាមពិតទៅការប្រកួតនេះក្រុមរបស់ខ្ញុំគួរតែរកគ្រាប់បាល់ច្រើនជាងនេះ»។ ការលើកឡើងបែបនេះ បន្ទាប់ពី៥ប្រកួតចុងក្រោយរបស់ហុងកុង មិនទាន់ស្គាល់ពាក្យថាឈ្នះនៅឡើយ។
ខ្សែប្រយុទ្ធហុងកុងកីឡាករ Everton Camargo និយាយថា៖«ពួកយើងធ្វើបានល្អក្នុងវគ្គទី១ដោយបង្កើតឱកាសច្រើន និងគ្រប់គ្រងការប្រកួតនៅទីលានបានយ៉ាងល្អ តែគួរឲ្យស្តាយគឺក្រុមយើងរកបានតែ១គ្រាប់។ នេះហើយជាបញ្ហា។ វាមានន័យថា ក្រុមទាំងមូលត្រូវពង្រឹងលើគុណភាពបញ្ចប់ទី»។
លទ្ធផល៥ប្រកួតចុងក្រោយរបស់ហុងកុង
- ហុងកុង ១-១ សង្ហិបុរី ក្នុងជំនួបមិត្តភាពអន្តរជាតិ ថ្ងៃទី ២៣ ខែមិនា ឆ្នាំ២០២៣
- ហុងកុង ០-២ ម៉ាឡេស៊ី ក្នុងជំនួបមិត្តភាពអន្តរជាតិ ថ្ងៃទី ២៨ ខែមិនា ឆ្នាំ២០២៣
- ហុងកុង ០-១ វៀតណាម ក្នុងជំនួបមិត្តភាពអន្តរជាតិ ថ្ងៃទី ១៥ ខែមិថុនា ឆ្នាំ២០២៣
- ហុងកុង ០-១ ថៃ ក្នុងជំនួបមិត្តភាពអន្តរជាតិ ថ្ងៃទី ១៩ ខែមិថុនា ឆ្នាំ២០២៣
- ហុងកុង ១-១ កម្ពុជា ក្នុងជំនួបមិត្តភាពអន្តរជាតិ ថ្ងៃទី ៧ ខែកញ្ញា ឆ្នាំ២០២៣
ហុងកុងនឹងត្រូវជួបក្រុមជមម្រើសជាតិព្រុយណេ នៅថ្ងៃទី១១ ខែកញ្ញា ឆ្នាំ ២០២៣ ក្នុងជំនួបមិត្តភាពអន្តរជាតិ ដើម្បីត្រៀមខ្លួនក្នុងការជម្រុះក្នុងពានរង្វាន់បាល់ទាត់ពិភពលោកជាមួយក្រុមជម្រើសជាតិ ប៊ូតាន៕
អត្ថបទ៖ ផា រតនា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២៣ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ