ព័ត៌មានអន្ដរជាតិ

ចិន ប្ដេជ្ញាស្ដារសន្តិភាពឱ្យទឹកដី ប៉ាឡេស្ទីន

បានផុស

២ years មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

Sonya

ក្រសួងការបរទេសចិនបាននិយាយនៅថ្ងៃចន្ទ ទី៦ ខែវិច្ឆិកានេះថា ប្រទេសចិននឹងប្រឹងប្រែងឱ្យអស់ពីសមត្ថភាពដើម្បីស្តារសន្តិភាពឡើងវិញនៅក្នុងទឹកដីប៉ាឡេស្ទីន ខណៈដែលខ្លួនចូលកាន់តំណែងជាប្រធានក្រុមប្រឹក្សាសន្តិសុខអង្គការសហប្រជាជាតិ (UNSC) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang Wenbin អ្នកនាំពាក្យក្រសួងបានប្រាប់សន្និសីទសារព័ត៌មានថា ប្រទេសចិននឹងប្រឹងប្រែងឱ្យអស់ពីសមត្ថភាពដើម្បីលើកទឹកចិត្តក្រុមប្រឹក្សាសន្តិសុខឱ្យបំពេញភារកិច្ចរបស់ខ្លួន ដើរតួនាទីរបស់ខ្លួន បង្កើតការឯកភាពគ្នា និងចាត់វិធានការប្រកបដោយការទទួលខុសត្រូវ និងប្រកបដោយអត្ថន័យឱ្យបានឆាប់តាមដែលអាចធ្វើទៅបាន ដើម្បីបន្ធូរបន្ថយវិបត្តិបច្ចុប្បន្ន ការពារសុវត្ថិភាពរបស់ជនស៊ីវិល និងស្តារសន្តិភាពឡើងវិញ។

សេចក្តីថ្លែងការណ៍របស់ប្រទេសចិនបានកើតឡើង ក្រោយអ៊ីស្រាអែលចាប់ផ្តើមវាយលុកផ្នែកយោធារបស់ខ្លួនប្រឆាំងនឹងក្រុមអ៊ីស្លាមប៉ាឡេស្ទីន ហាម៉ាស់។

កាសែត China Daily បានដកស្រង់សេចក្ដីថ្លេងការណ៍របស់ក្រសួងការបរទេសចិនថា “វាជាការចាំបាច់ក្នុងការលើកកម្ពស់បទឈប់បាញ់ និងបញ្ឈប់ការប្រយុទ្ធគ្នា ទប់ស្កាត់ការស្លាប់ និងរបួសរបស់ជនស៊ីវិលបន្ថែមទៀត ការពារគ្រោះមហន្តរាយមនុស្សធម៌ទ្រង់ទ្រាយធំ និងការពារជម្លោះមិនឱ្យផ្ទុះឡើង” ៕

ប្រែសម្រួល៖ សន្យា

ប្រភព៖ Asianone

ចុចអាន៖ កូរ៉េខាងជើងព្រមានថា សម្ព័ន្ធយោធាអាមេរិក ជប៉ុន និងកូរ៉េខាងត្បូង អាចបង្កសង្គ្រាមលោកលើកទី ៣

ចុចអាន៖ អ៊ីស្រាអែល ថា ការវាយប្រហារលើមន្ទីរពេទ្យនៅតំបន់ហ្គាហ្សា គឺជារឿងត្រឹមត្រូវ