ព័ត៌មានអន្ដរជាតិ

កូរ៉េខាងជើង បាញ់បង្ហោះផ្កាយរណបចារកម្មយោធា ចូលទៅក្នុងលំហ ដោយជោគជ័យ

បានផុស

៣ years មុន

នៅ

ថ្ងៃពុធ ២២ វិច្ឆិកា ២០២៣

ដោយ

កូរ៉េខាងជើងអះអាងថា ខ្លួនបានបង្ហោះផ្កាយរណបចារកម្មយោធាចូលទៅក្នុងលំហដោយជោគជ័យ ប៉ុន្តែទទួលការថ្កោលទោសយ៉ាងខ្លាំងពីសំណាក់ប្រទេសជិតខាង។

កូរ៉េខាងជើង បាញ់បង្ហោះផ្កាយរណបចារកម្មយោធា ចូលទៅក្នុងលំហ (រូបថត៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានរដ្ឋ KCNA ផ្សាយថា ផ្កាយរណបដែលមានឈ្មោះ Malligyong-1 បានចូលទៅក្នុងគន្លងគោចរយ៉ាងត្រឹមត្រូវ ហើយមេដឹកនាំកូរ៉េខាងជើងលោក គីម ជុងអ៊ុន ក៏បានសង្កេតឃើញការបាញ់បង្ហោះនេះដែរ។

ទោះបីជាយ៉ាងណាក៏ដោយ នាយករដ្ឋមន្ត្រីជប៉ុន លោក Fumio Kishida បានរិះគន់ការបាញ់នេះ ដែលហោះលើខេត្ត Okinawa និងឆ្ពោះទៅកាន់មហាសមុទ្រប៉ាស៊ីហ្វិក ខណៈសេតវិមានហៅវាថា ជាការរំលោភបំពានលើសេចក្តីសម្រេច របស់អង្គការសហប្រជាជាតិ។

អំឡុងពេលនៃការបាញ់បង្ហោះ រាជរដ្ឋាភិបាលជប៉ុន បានចេញការព្រមានបន្ទាន់មួយខ្លី ដោយប្រាប់ពលរដ្ឋនៅ Okinawa ឲ្យរកកន្លែងសុវត្ថិភាព។

នាយករដ្ឋមន្ត្រីជប៉ុន លោក Fumio Kishida (រូបថត៖ Anadolu)

ដោយឡែក បន្ទាប់ពីការបាញ់បង្ហោះនេះ ប្រទេសកូរ៉េខាងត្បូង បានប្រកាសថា ខ្លួននឹងបន្តការឃ្លាំមើលនៅតាមព្រំដែនជាប់ជាមួយកូរ៉េខាងជើង ហើយចាត់វិធានការ ដើម្បីផ្អាកផ្នែកខ្លះនៃកិច្ចព្រមព្រៀងដែលបានឯកភាពដោយប្រទេសទាំងពីរនៅឆ្នាំ២០១៨ ក្នុងគោលបំណងកាត់បន្ថយភាពតានតឹងផ្នែកយោធា។

គួរបញ្ជាក់ថា ការបាញ់បង្ហោះនេះ គឺបានកើតឡើងលឿនជាងការរំពឹងទុក ដែលទីក្រុងព្យុងយ៉ាងបានជូនដំណឹងដល់ប្រទេសជប៉ុន។ ដំបូងឡើយ កូរ៉េខាងជើង បានផ្តល់ព័ត៌មានទៅទីក្រុងតូក្យូថា ខ្លួនអាចនឹងបាញ់បង្ហោះផ្កាយរណបចារកម្មនៅក្នុងរយៈពេលប៉ុន្មានថ្ងៃខាងមុខ ពោលគឺមិនឲ្យផុតថ្ងៃទី៣០ខែវិច្ឆិកានោះទេ៕

ប្រែសម្រួល៖ Vann Vann

ប្រភព៖ BBC

ចុចអាន៖ កូរ៉េខាងជើង ជូនដំណឹងពីការបាញ់បង្ហោះផ្កាយរណបចារកម្មនៅប៉ុន្មានថ្ងៃខាងមុខ