ព័ត៌មានអន្ដរជាតិ
កូនក្រមុំចិនវ័យ៥៩ឆ្នាំ ខឹងដែលខ្លួនរៀបការជាមួយកូនកំលោះវ័យក្មេងជាងនាងដាច់
បុរសជនជាតិចិនមានវ័យក្មេងម្នាក់ រៀបការជាមួយស្ត្រីមេម៉ាយតាមរយៈសេវាកម្មណាត់ជួប មុននឹងរឿងដ៏ច្របូកច្របល់កើតឡើងក្នុងថ្ងៃមង្គលការ ខណៈដែលកូនក្រមុំខឹងមិនព្រមចុះពីឡាន ដល់ថ្នាក់ម្តាយក្មេកអង្វរកូនប្រសារស្រីទើបរូបនាងចុះមកទាំងមុខក្រម៉ូវ។
រឿងរ៉ាវខាងលើនេះបានកើតឡើងកាលថ្ងៃទី ១៩ ខែកុម្ភៈ ឆ្នាំ ២០២៤ តាមរយៈគេហទំព័រ Thiager បានរាយការណ៍អំពីព្រឹត្តិការណ៍ដែលបានកើតឡើងក្នុងពិធីមង្គលការរបស់បុរសឈ្មោះ Hoang អាយុ ២៧ ឆ្នាំ និងនារីវ័យចំណាស់ Jung អាយុ ៥៩ ឆ្នាំជាស្ត្រីមេម៉ាយ បន្ទាប់ពីពិធីមង្គលការទើបតែចាប់ផ្តើម កូនក្រមុំអាយុជ្រេមិនព្រមចុះពីឡានទៅធ្វើពិធី រហូតបង្កើតភាពច្របូកច្របល់យ៉ាងខ្លាំងក្នុងចំណោមភ្ញៀវដែលបានចូលរួមក្នុងពិធីនោះ។
ក្រោយមកម្ដាយមីងកូនកំលោះដើរចូលសួរពីមូលហេតុនាងមិនព្រមចុះពីឡាន។ ពេលនោះកូនក្រមុំស្រែកទាំងមិនសប្បាយចិត្តថានាងចាស់ជាងម្តាយប្តី។ បើម្ដាយក្មេកមិនមកយកនាងទៅចេញពីឡានទេ ដាច់ខាតនឹងមិនដើរចុះទេ។
យ៉ាងណាក៏ដោយ ក្រោយបានដឹងចម្លើយពីកូនក្រមុំ ងាកទៅកូនកំលោះមិនដឹងត្រូវធ្វើអ្វីបន្តទៀត ទើបរូបលោកបានទូរស័ព្ទទៅម្តាយឲ្យចេញមកដោះស្រាយស្ថានការណ៍ដោយអង្វរសុំអនាគតកូនប្រសាស្រីចុះពីឡាន ទៅចូលរួមពិធីមង្គលការ។ ទីបំផុត កូនក្រមុំបានយល់ព្រមចុះពីឡាន ហើយក្នុងពិធីនោះ អ្នករាល់គ្នានឹងកត់សម្គាល់ឃើញទឹកមុខកូនក្រមុំតែងតែខឹង។ នាងក៏មិនបានក្រាបបង្គំឪពុកម្ដាយរបស់ប្ដីនាងទៅតាមប្រពៃណីដែរ។
បន្ទាប់ពីពិធីមង្គលការបានចប់សព្វគ្រប់ ភ្ញៀវម្នាក់បានចែករំលែករឿងដែលបានកើតឡើងក្នុងថ្ងៃនោះលើបណ្ដាញសង្គម។ អ្នកលេងអ៊ីនធឺណិតក៏បានរិះគន់អាកប្បកិរិយារបស់ស្រ្តីមេម៉ាយ ដែលមិនបានបំពេញតួនាទីជាភរិយា និងកូនប្រសាដ៏ល្អ សូម្បីតែនៅក្នុងពិធីមង្គលការ។
លើសពីនេះ អ្នកលេងអ៊ីនធឺណិតមួយចំនួន ក៏បានបញ្ចេញមតិ និងរិះគន់ខាងកូនកំលោះថា ប្រញាប់រៀបការពេក ទាំងមិនស្គាល់ដៃគូឲ្យបានច្បាស់សិន ការដែលអ្នកទាំងពីរមិនស្គាល់អត្តចរិតរបស់គ្នា ទើបមានរឿងនេះកើតឡើង។ ងាកទៅមើលជីវិតរបស់កូនកំលោះអាយុ ២៧ ឆ្នាំវិញ ទោះបីជាគាត់នៅក្មេងក៏ដោយ ប៉ុន្តែស្ថានភាពហិរញ្ញវត្ថុរបស់គ្រួសារមិនសូវល្អទេ។ ដូច្នេះហើយលោកមិនអាចមានសមត្ថភាពដឹកនាំគ្រួសា ទើបទៅជាក្រៀមក្រំ គាត់ក៏សម្រេចចិត្តប្រើសេវាណាត់ជួប រហូតដល់ជួបលោកស្រី Jung។ ទោះបីជាកូនក្រមុំមិនពេញចិត្តក៏ដោយ បន្ទាប់ពីបានស្តាប់ការបញ្ចុះបញ្ចូលរបស់សេវាផ្គូផ្គង អ្នកទាំងពីរបានយល់ព្រមរៀបការតែម្ដង៕
អត្ថបទ៖ សាង ស្រីល័ក្ខ
ចុចអាន៖កូនក្រមុំចិនពាក់មាសតម្លៃ៣០លានដុល្លារស្រោចខ្លួន បង្ហាញពីភាពមានបានក្នុងថ្ងៃរៀបការ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៩ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ