ព័ត៌មានអន្ដរជាតិ
EU បន្ថែមទណ្ឌកម្មថ្មីលើ រុស្ស៊ី មុនខួប ២ ឆ្នាំសង្គ្រាមនៅ អ៊ុយក្រែន
បណ្តាប្រទេសសហភាពអឺរ៉ុប (EU) កាលពីថ្ងៃពុធបានយល់ព្រមលើដាក់កញ្ចប់ទណ្ឌកម្មថ្មីប្រឆាំងនឹងរុស្ស៊ី ដោយដាក់គោលដៅទៅលើបុគ្គល និងអាជីវកម្មដែលសង្ស័យថា បានជួយទីក្រុងមូស្គូក្នុងសង្គ្រាមប្រឆាំងនឹងអ៊ុយក្រែន រួមទាំងក្រុមហ៊ុនចិនផងដែរ ។ នេះបើយោងតាមការចេញផ្សាយរបស់សារពត៌មាន CNA នៅថ្ងៃទី២២ ខែកុម្ភៈនេះ ។
ការដាក់ទណ្ឌកម្មថ្មីនេះ ស្របពេលនឹងខួប ២ ឆ្នាំនៃសង្គ្រាមលុកលុយពេញទីរបស់ប្រទេសរុស្ស៊ី ដែលបានចាប់ផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ និងកើតឡើងប៉ុន្មានថ្ងៃប៉ុណ្ណោះ បន្ទាប់ពីមរណភាពរបស់មេដឹកនាំប្រឆាំងរុស្ស៊ី លោក Alexei Navalny ។
ឯកអគ្គរដ្ឋទូតសហភាពអឺរ៉ុប និងអ្នកការទូតជាច្រើនរូបមកពីប្រទេសជាសមាជិកទាំងអស់បានយល់ព្រមដាក់ទណ្ឌកម្មលើបុគ្គល និងក្រុមហ៊ុនរុស្ស៊ីប្រហែល ២០០ ខណៈក្រុមហ៊ុនចិនជាច្រើនដែលត្រូវបានគេជឿថា ផ្តល់ជំនួយដល់ប្រទេសរុស្ស៊ីក៏ត្រូវបានដាក់ទណ្ឌកម្មផងដែរ ប៉ុន្តែព័ត៌មានលម្អិតអំពីអង្គភាពដែលជាមុខព្រួញដាក់ទណ្ឌកម្មនេះ មិនទាន់ត្រូវបានបង្ហាញនៅឡើយទេ ។
ទន្តឹមនោះ ទណ្ឌកម្មថ្មីនេះនឹងពង្រឹងបន្ថែមទៀតនូវការរឹតបន្តឹងពាណិជ្ជកម្មប្រឆាំងនឹងអង្គភាពដែលជាប់ពាក់ព័ន្ធទៅនឹងអគារឧស្សាហកម្មយោធារុស្ស៊ី ហើយក៏មានការហាមឃាត់បន្ថែមលើការនាំចេញសមាសធាតុបច្ចេកទេសខ្ពស់ទៅកាន់រុស្ស៊ីសម្រាប់ការផលិតយន្តហោះគ្មានមនុស្សបើកផងដែរ ។
គួរបញ្ជាក់ថា សហភាពអឺរ៉ុបបានដាក់ទណ្ឌកម្មជាច្រើនលើកមកលើរុស្ស៊ី ចាប់តាំងពីលោកប្រធានាធិបតី វ្ល៉ាឌីមៀរ ពូទីន បានបញ្ជាឲ្យកងទ័ពរបស់គាត់ចូលទៅលុកលុយក្នុងប្រទេសអ៊ុយក្រែន ។ វិធានការនេះបានកំណត់គោលដៅលើវិស័យថាមពល ធនាគារ អាជីវកម្ម និងទីផ្សារ ដែលបានធ្វើឲ្យមន្ត្រីរុស្ស៊ីទទួលរងនូវការបង្កកទ្រព្យសម្បត្តិ និងការហាមឃាត់ការធ្វើដំណើរជាដើម ៕
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ