ព័ត៌មានជាតិ
ក្រសួងអបរំពិនិត្យវឌ្ឍនភាព នៃការអនុវត្តគម្រោងកែលម្អការអប់រំចំណេះទូទៅ GEIP
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នារសៀលម្សិលមិញនេះ បានដឹកនាំកិច្ចប្រជុំ ស្តីពី វឌ្ឍនភាព នៃការអនុវត្តគម្រោងកែលម្អការអប់រំចំណេះទូទៅ GEIP ដើម្បីពិនិត្យពិភាក្សាលើវឌ្ឍនភាព នៃការអនុវត្តយន្តការគាំទ្រ ពិនិត្យតាមដាន និងវាយតម្លៃសាលារៀនគោលដៅ។
បើតាមការផ្ដល់ព័ត៌មានពី ក្រសួងអប់រំ យុវជន និងកីឡា នៅថ្ងៃនេះ បានឱ្យដឹងថា កិច្ចប្រជុំខាងលើ មានការចូលរួមពី មន្ត្រីពាក់ព័ន្ធក្រោមឱវាទក្រសួង នៅទីស្ដីការក្រសួង។
កិច្ចប្រជុំនេះ បានផ្ដោតពិភាក្សាលើ ផលសម្រេចជាក់លាក់នៅតាមសាលារៀនគោលដៅកន្លងមក ប្រសិទ្ធភាព នៃយន្តការគាំទ្រ តាមដាន និងវាយតម្លៃ របស់អនុវិស័យទាំង ៣ (អនុវិស័យកុមារតូច បឋមសិក្សា និង មធ្យមសិក្សា) ការកំណត់ក្រុមការងារស្នូល អង្គភាព តួនាទីភារកិច្ចលម្អិតអំពីការចុះជួយសាលាឱ្យសម្រេចបានស្តង់ដាសាលាគំរូ ក្រុមការងារប្រតិបត្តិ និងសម្របសម្រួល និងគ្រូបង្គោលថ្នាក់ជាតិ ក្រុមការងារសម្របសម្រួលកម្រិតតំបន់ រួមមាន ក្រុមការងារបច្ចេកទេស ក្រុមសម្របសម្រួល និងគ្រប់គ្រងទិន្នន័យសាលារៀន កម្រិតតំបន់ និងក្រុមការងារគ្រប់គ្រងទិន្នន័យសាលារៀនរាជធានីខេត្ត។
ដើម្បីជំរុញប្រសិទ្ធភាពការងារឈានទៅសម្រេចគោលដៅតាមការគ្រោងទុក បណ្ឌិតសភាចារ្យ ឧបនាយករដ្ឋមន្ត្រី បានណែនាំក្រុមការងារ ឱ្យមានភាពជាម្ចាស់លើគម្រោង ជំរុញការអនុវត្តយន្តការលើកទឹកចិត្តបង្កើតឱ្យមានអ្នកជំនាញ រៀបចំផែនការអភិវឌ្ឍជំនាញដោយផ្ដោតលើសមត្ថភាពក្នុងការអនុវត្តការងារជាក់ស្តែង រាល់ការប្រើប្រាស់ធនធាន និងការចំណាយត្រូវផ្សារភ្ជាប់ជាមួយលទ្ធផល និងពង្រឹងប្រព័ន្ធអធិការកិច្ច សកម្មភាពឱ្យច្បាស់លាស់ពេលចុះទៅតាមសាលា ត្រូវរៀបចំប្រព័ន្ធព័ត៌មានសាលារៀន (School profile) និង ពង្រឹងប្រព័ន្ធគ្រប់គ្រងទិន្នន័យ ចំនួនសិស្ស ថ្នាក់រៀន ចំនួនគ្រូលើស ឬ ខ្វះ ដើម្បីឈានទៅវិភាគទិន្នន័យឱ្យឆ្លើយតបទៅនឹងបញ្ហា ក៏ដូចជាគោលនយោបាយថ្មីៗរបស់រដ្ឋាភិបាល៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៥ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ