ព័ត៌មានអន្ដរជាតិ
ឥណ្ឌា ត្រៀមសង់នាវាថាមពលនុយក្លេអ៊ែរ២គ្រឿង តម្លៃជាង៥ពាន់លានដុល្លារ
គម្រោងសាងសង់នាវាមុជទឹកជំនាន់ថ្មីដើរដោយថាមពលនុយក្លេអ៊ែរចំនួន២គ្រឿង ត្រូវបានរដ្ឋាភិបាលឥណ្ឌាអនុម័តរួចហើយ ដែលមានទំហំទុនវិនិយោគប្រមាណ ៤៥០ពាន់លានរ៉ូពី ឬស្មើនឹង ៥,៤ពាន់លានដុល្លារ។
នាវាមុជទឹកថ្មីនេះ នឹងត្រូវសាងសង់ដោយរោងចក្រផលិតកប៉ាល់របស់រដ្ឋាភិបាលឥណ្ឌាផ្ទាល់តែម្ដង ដែលស្ថិតនៅកំពង់ផែទីក្រុង Visakhapatnam ហើយក៏អាចមានការចូលរួមពីក្រុមហ៊ុនឯកជនខ្នាតធំ Larsen and Toubro នៅក្នុងគម្រោងផងដែរ។ នេះគឺជាការអនុម័តនាវាមុជទឹកចំនួន២គ្រឿងដំបូងគេ នៅក្នុងគម្រោងសាងសង់នាវាចំនួន៦គ្រឿងរបស់ឥណ្ឌា។ យ៉ាងណាមិញ កាលបរិច្ឆេទបញ្ចប់គម្រោងនាវាមុជទឹកទាំង២គ្រឿងនេះមិនទាន់ឲ្យដឹងនៅឡើយទេ។
ខណៈដែលឥណ្ឌាកំពុងព្យាយាមធ្វើទំនើបកម្មយោធារបស់ខ្លួនក្នុងការប្រឈមមុខនឹងការកើនឡើងនៃវត្តមានរបស់ចិនក្នុងតំបន់មហាសមុទ្រឥណ្ឌា រដ្ឋាភិបាលក្រុងញ៉ូវដេលីក៏កំពុងផ្តោតលើការបង្កើនសមត្ថភាពកងទ័ពជើងទឹក និងការកែលម្អសមត្ថភាពផលិតអាវុធក្នុងស្រុកផងដែរ។
ប្រទេសចិន ដែលជាកម្លាំងទ័ពជើងទឹកដ៏ធំបំផុតរបស់ពិភពលោក ហើយមាននាវាជាង ៣៧០គ្រឿង បានក្លាយជាក្ដីព្រួយបារម្ភផ្នែកសន្តិសុខសម្រាប់ប្រទេសឥណ្ឌា ចាប់តាំងពីទំនាក់ទំនងរវាងប្រទេសទាំងពីរបានធ្លាក់ចុះក្នុងឆ្នាំ២០២០ បន្ទាប់ពីទាហាន២៤នាក់បានស្លាប់នៅក្នុងការប៉ះទង្គិចគ្នានៅតាមព្រំដែន Himalayan របស់ពួកគេ។
ដោយសារមានល្បឿនលឿនជាង ស្ងាត់ជាង និងមានសមត្ថភាពអាចស្នាក់នៅក្រោមទឹកបានយូរជាងនាវាដែលដើរដោយថាមពលម៉ាស៊ូត ហើយងាយគេចចេញពីការតាមដានរបស់សត្រូវ នាវាមុជទឹកចម្បាំងថាមពលនុយក្លេអ៊ែរជាប់ចំណាត់ថ្នាក់ក្នុងចំណោមសព្វាវុធកងទ័ពជើងទឹកដ៏មានឥទ្ធិពលបំផុតនៅលើពិភពលោក។
មានតែប្រទេសមួយក្ដាប់តូចប៉ុណ្ណោះដែលសាងសង់នាវាមុជទឹកថាមពលនុយក្លេអ៊ែរនាពេលបច្ចុប្បន្ន ក្នុងនោះមាន ចិន បារាំង រុស្ស៊ី និងសហរដ្ឋអាមេរិក។
ប្រទេសឥណ្ឌា ធ្លាប់បានជួលនាវាមុជទឹកចម្បាំងថាមពលនុយក្លេអ៊ែរចំនួន២គ្រឿងពីរុស្ស៊ីកាលពីមុន ប៉ុន្តែបានប្រគល់នាវាទាំងនោះទៅឲ្យរុស្ស៊ីវិញរួចហើយ។ ឥឡូវនេះ ឥណ្ឌាកំពុងពិចារណាការជួលនាវាមុជទឹក១គ្រឿងថ្មីទៀតពីរុស្ស៊ី៕
ដោយ៖ ឈាង
-
ព័ត៌មានអន្ដរជាតិ១៦ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៣ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា១៧ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ២ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
កីឡា២១ ម៉ោង agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi