នយោបាយ
នាយករដ្ឋមន្ត្រីប្រាប់ពីគន្លឹះដែលធ្វើឱ្យស្ថានភាពច្រកព្រំដែនជាមួយថៃអាចវិលទៅដូចដើម
នាយករដ្ឋមន្រ្តីកម្ពុជា សម្ដេចធិបតី ហ៊ុន ម៉ាណែត បានលើកឡើងថាបញ្ហាច្រកព្រំដែនកម្ពុជា-ថៃនោះគឺសាមញ្ញបំផុត បើថៃខ្លួនឯងបើកព្រំដែនខ្លួនឯងវិញទៅស្ថានភាពព្រំដែននឹងត្រលប់ទៅដូចដើមវិញហើយ។ ការលើកឡើងនេះគឺបន្ទាប់ពីថៃបានព្យាយាមក្នុងការសុំចរចាជាមួយកម្ពុជាលើការបើកព្រំដែននេះ ខណៈខ្លួនជាអ្នកចាប់ផ្ដើមមុន។
ថ្លែងក្នុងពិធីបិទមហាសន្និបាតវិសាមញ្ញកាយរិទ្ធិជាតិកម្ពុជា នៅវិទ្យាស្ថានជាតិអប់រំ នៅរសៀលថ្ងៃទី១៧ ខែមិថុនា ឆ្នាំ២០២៥នេះ សម្ដេចធិបតី ហ៊ុន ម៉ាណែត បានថ្លែងថាបញ្ហាដែលកើតឡើងជាមួយថៃនៅពេលនេះគឺ «ទំនុកចិត្ត» ដែលត្រូវការឱ្យស្ដារឡើងវិញបន្ទាប់ពីថៃបានបិទទ្វារព្រំដែនដោយឯកតោភាគីកាលពីថ្ងៃទី៧ ខែមិថុនា ឆ្នាំ២០២៥កន្លងទៅ។ សម្ដេចធិបតីបានឱ្យដឹងថាភាគីថៃបានស្នើសុំឱ្យយករឿងបិទព្រំដែនទៅក្នុងកិច្ចប្រជុំ JBC តែត្រូវបានកម្ពុជាបដិសេធ។
សម្ដេចថា៖ «យើងអត់ចរចាទេតែបើថៃបើកវិញដោយឯកតោភាគីយើងនឹងបើកឡើងវិញដែរ ៥ម៉ោងក្រោយដើម្បីឱ្យលំហូរនៃទំនិញនិងប្រជាជនដូចដើម។ យើងសម្បទានដល់ប៉ុណ្ណេះទៀត កម្ពុជាមានសិទ្ធិបើកមិនបើកតែដើម្បីការពារកុំឱ្យប៉ះពាល់ដល់ប្រជាពលរដ្ឋ តែបើហៅមកអង្គុយចរចាគឺអត់ទេ! ថៃបិទមុនបើកមុនទៅចប់ហើយ»។
សម្ដេចថាមានការតែការបើកព្រំដែនឡើងវិញពីថ្ងៃទេទើបអាចឈានដល់ការចរចារឿងផ្សេងបាន រួមទាំងការសម្រួលទ័ពនៅព្រំដែនផងដែរ។
គួរឱ្យដឹងផងដែរថាប្រទេសថៃបានធ្វើការបិទច្រកព្រំដែនដោយឯកតោភាគីកាលពីថ្ងៃទី៧ ខែមិថុនា ឆ្នាំ២០២៥ និងត្រូវបានបានឆ្លើយតបដោយកម្ពុជានាថ្ងៃបន្ទាប់ បន្ថែមលើនេះនៅថ្ងៃទី១៧ ខែមិថុនានេះកម្ពុជាបានសម្រេចបិទការនាំចូលបន្លែផ្លៃឈើពីថៃចូលមកកម្ពុជាផងដែរ។
អ្នកនាំពាក្យក្រសួងការបរទេសថៃលោក Nikorndej Balankura សោកស្ដាយចំពោះចំណាត់ការរបស់កម្ពុជា និងថាក្នុងភាពជាអ្នកជិតខាងល្អកម្ពុជាមិនគួរធ្វើបែបនេះនោះទេ តែត្រូវបានអ្នកនាំពាក្យព្រឹទ្ធសភាកម្ពុជាលោក ជា ធីរិទ្ធ ឆ្លើយតបថាជាការលើកឡើងដោយមិនចេះអៀនខ្មាស់ ខណៈដែលប្រទេសថៃជាអ្នកបង្កបញ្ហានេះមុន៕
អត្តបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS