ថៃ មិនត្រូវបានអញ្ជើញឲ្យចូលរួម ពិធី​ដង្ហែក្បួនទិវាជ័យជម្នះ​របស់ចិន ឡើយ

នៅថ្ងៃទី៣ខែកញ្ញាឆ្នាំ២០២៥ ប្រទេសចិននឹងរៀបចំពិធីដ៏អធិកអធមមួយ ដោយនោះគឺជាក្បួនព្យុហយាត្រាយោធាដើម្បីប្រារព្ធខួបលើកទី​៨០​ នៃការចុះចាញ់របស់ជប៉ុនក្នុងសង្គ្រាមលោកលើកទី​២ ហើយអ្វីដែលគួរឲ្យកត់សម្គាល់ គឺសម្ដេចព្រះបរមនាថ នរោត្ដមសីហមុនី ព្រះមហាក្សត្រនៃព្រះរាជាណាចក្រកម្ពុជា​ នឹងចូលរួមក្នុងពិធីនោះជាមួយមេដឹកនាំបរទេស២៥រូបទៀត ប៉ុន្តែមិនមានវត្តមានប្រទេសថៃទេ។

សារព័ត៌មានចិន People’s Daily ចេញផ្សាយកាលពីថ្ងៃព្រហស្បតិ៍ទី២៨ខែសីហាឆ្នាំ២០២៥ថា ក្បួនព្យុហយាត្រានេះនឹងមានទាហានរាប់ពាន់នាក់ យន្តហោះជាង ១០០​គ្រឿង និងគ្រឿងសព្វាវុធ​រាប់​ពាន់​ផ្សេង​ទៀត ព្រមទាំងការបង្ហាញជាសាធារណៈលើកដំបូងនៃរចនាសម្ព័ន្ធអង្គភាពថ្មីរបស់យោធាចិន ក្រោមការដឹកនាំរបស់លោក ស៊ី ជីនពីង។

ក្នុងបញ្ជីប្រទេសជាភ្ញៀវកិត្តិយសចូលរួមក្នុងពិធីដ៏ធំនេះ គឺមិនមានឈ្មោះថៃឡើយ ហើយភាគីចិន ក៏មិនពន្យល់លម្អិតអំពីការមិនអញ្ជើញថៃនេះដែរ។

សូមជម្រាបថា មេដឹកនាំដែលចិនអញ្ជើញឲ្យចូលរួមមានដូចជា៖

​១. សម្ដេចព្រះបរមនាថ នរោត្ដមសីហមុនី នៃ​កម្ពុជា

២. នាយករដ្ឋមន្ត្រីអាមេនី Nikol Pashinyan

៣. ប្រធានាធិបតីអាស៊ែបៃហ្សង់ Ilham Aliyev

៤. ប្រធានាធិបតីបេឡារុស Alexander Lukashenko

៥. ប្រធានាធិបតីគុយបា Miguel Diaz-Canel

៦. ប្រធានាធិបតីឥណ្ឌូណេស៊ី Prabowo Subianto

៧. ប្រធានាធិបតីអ៊ីរ៉ង់ Masoud Pezeshkian

៨. ប្រធានាធិបតីកាហ្សាក់ស្ថាន Kassym-Jomart Tokaev

៩. ប្រធានាធិបតីកៀហ្ស៊ីស៊ីស្ថាន Sadyr Japarov

១០. ប្រធានាធិបតីឡាវ ថងលូន ស៊ីស៊ូលីត

១១. នាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម

១២. ប្រធានាធិបតីម៉ាល់ឌីវ Mohamed Muizzu

១៣. ប្រធានាធិបតីម៉ុងហ្គោលី Khurelsukh Ukhnaa

១៤. មេដឹកនាំរបបយោធាមីយ៉ាន់ម៉ា Min Aung Hlaing (បានចុះបញ្ជីដោយប្រទេសចិនជា «ប្រធានាធិបតីស្តីទី»)

១៥. នាយករដ្ឋមន្ត្រីនេប៉ាល់ KP Sharma Oli

១៦. មេដឹកនាំកូរ៉េខាងជើង គីម ជុងអ៊ុន

១៧. នាយករដ្ឋមន្ត្រីប៉ាគីស្ថាន Shehbaz Sharif

១៨. ប្រធានាធិបតីកុងហ្គោ Denis Sassou Nguesso

១៩. ប្រធានាធិបតីរុស្ស៊ី វ្ល៉ាឌីមៀរ ពូទីន

២០. ប្រធានាធិបតីស៊ែប៊ី Aleksandar Vucic

២១. នាយករដ្ឋមន្រ្តីស្លូវ៉ាគី Robert Fico

២២. ប្រធានាធិបតីតាហ្ស៊ីគីស្ថាន Emomali Rahmon

២៣. ប្រធានាធិបតីតួកម៉េនីស្ថាន Serdar Berdimuhamedov

២៤. ប្រធានាធិបតីអ៊ូសបេគីស្ថាន Shavkat Mirziyoyev

២៥. ប្រធានរដ្ឋវៀតណាម Luong Cuong

២៦. ប្រធានាធិបតីស៊ីមបាវ៉េ Emmerson Mnangagwa៕

អត្ថបទ៖ សុខ សុវណ្ណ

ចុចអាន៖ ព្រះ​មហាក្សត្រកម្ពុជា នឹង​យាង​ចូលរួម​ពិធី​ដង្ហែទិវាជ័យជម្នះ​របស់ចិន ជាមួយមេដឹកនាំ​ពិភពលោក​២៥រូបផ្សេងទៀត