កីឡា

រិទ្ធី លីហួ មានសមត្ថភាពក៏មិនចាញ់ប្អូនប្រុស គីងកុង ដែរ ទើបឈ្នះខ្សែក្រវាត់ ១ ថ្មីៗនេះ

បានផុស

៩ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

អ្នកប្រដាល់វ័យក្មេង រិទ្ធី លីហួ ដែលគេស្គាល់ថាជាបងប្រុសបង្កើតរបស់ រិទ្ធី គីងកុង មានសមត្ថភាពក៏មិនធម្មតាដែរ ដោយបានឈ្នះខ្សែក្រវាត់ ១ខ្សែ កាលពីថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រិទ្ធី លីហួ ឈ្នះខ្សែក្រវាត់

លោក ផាត សូដា ដែលជាគ្រូបង្វឹករបស់ រិទ្ធី លីហួ បានឲ្យដឹងថា ថ្នាលរបស់លោកប៉ុន្មាននាក់នេះគឺសុទ្ធតែល្អៗមិនមែនមានតែកីឡាករ រិទ្ធី គីងកុង និង បញ្ញា បូរិន ប៉ុណ្ណោះទេ។ សូម្បី រិទ្ធី លីហួ ក៏មានសមត្ថភាពល្អ។ រូបគេមានបច្ចេកទេសវាយក្បាច់រហ័សលឿន។ បើប្រៀបធៀបជាមួយ រិទ្ធី បូរិន ឬ គីងកុង គឺរូបគេចង់ល្អជាងទៀត ប៉ុន្តែមិនសូវល្បី ឬមិនសូវមានគេស្គាល់ ដោយសាររូបគេមិនសូវបានប្រកួតក្នុងកម្មវិធីធំៗ។

រិទ្ធី គីងកុង

កីឡាករ រិទ្ធី លីហួ មានរបៀបបច្ចេកទេសវ៉ៃខុសពី រិទ្ធី គីងកុង។ រូបគេជាកីឡាករវាយក្បាច់មិនបុកខ្លាំងដូចប្អូនឡើយ។ ការខំប្រឹងប្រែងរបស់ លីហួ គឺទទួលបានសមិទ្ធផលហើយនៅពេលនេះដោយអាចឈ្នះខ្សែក្រវាត់១ខ្សែលើកដំបូងក្នុងអាជីពខ្លួន។

រូបភាពផេក CK Media

បញ្ជាក់ដែរថា រិទ្ធី លីហួ ជាបងបង្កើតរបស់កីឡាករ រិទ្ធី គីងកុង។ ពួកគេទាំងពីរជាកូនសិស្សលោក ផាត សូដា នៃក្លឹបប្រដាល់គុនខ្មែរស៊ុបពើហ្វៃ។ កាលពីថ្ងៃទី១៤ ខែកញ្ញា ឆ្នាំ២០២៥ កីឡាករ រិទ្ធី លីហួ បានឈ្នះខ្សែក្រវាត់ វ៉ាយឃីងស៍គុនខ្មែរ ប្រភេទទម្ងន់ ៣០គីឡូក្រាមក្រោយផ្ដួលកីឡាករ ហ៊ួ សុធីបញ្ញា ឲ្យបោះបង់ការប្រកួតនៅទឹកទី២៕