សេដ្ឋកិច្ច

ហាងឆេងមាសបន្តរក្សាតម្លៃខ្ពស់ជាង ៤៥០០ ដុល្លារ មួយតម្លឹង

បានផុស

៩ ខែ មុន

នៅ

ថ្ងៃព្រហស្បតិ៍ ២៥ កញ្ញា ២០២៥

ដោយ

អ្នកជំនាញនៅក្នុងវិស័យហិរញ្ញវត្ថុបានអះអាងថា តម្លៃហាងឆេងមាសបានបន្តរក្សាតម្លៃខ្ពស់របស់ខ្លួននៅថ្ងៃទី ២៥ ខែកញ្ញា ឆ្នាំ ២០២៥ ដោយមានតម្លៃ ៤ ៥២០ ដុល្លារ ក្នុងមួយតម្លឹង បន្ទាប់ពីបានហក់ឡើងដល់តម្លៃខ្ពស់បំផុត ៤ ៥៦៦ ដុល្លារ ក្នុងមួយតម្លឹង កាលពីថ្ងៃច័ន្ទដើមសប្ដាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុនៅក្រុមហ៊ុន PP Link securities មានប្រសាសន៍ថា គិតរហូតមកដល់ពេលនេះ តម្លៃហាងឆេងមាសបានហក់ឡើងដល់ ៤៥៦៦ ដុល្លារ បន្ទាប់ពីបានកើនឡើងរយៈពេលជាងមួយខែ ដោយសារការលើកឡើងពីការទម្លាក់អត្រាការប្រាក់របស់សហរដ្ឋអាមេរិក។

លោក ឡុង សំណាង បន្ថែមថា ដោយសារតែពេលវេលានៅសល់ខ្លី នៅក្នុងឆ្នាំ ២០២៥ ហើយនៅសល់ការកាត់បន្ថយអត្រាការប្រាក់ ២ ដងទៀត នៅឆ្នាំនេះ បន្ទាប់ពីកាត់នៅថ្ងៃទី ១៨ ខែកញ្ញា ហើយគ្រោងនឹងកាត់ ២ ដងទៀត ធ្វើឱ្យគេគិតថា ជាឱកាសក្នុងការទិញមាសគឺល្អ ដោយសារតែប្រាក់ដុល្លារនឹងធ្លាក់ថ្លៃ។

ម្យ៉ាងទៀត ភាពតានតឹងនៃភូមិសាស្ត្រនយោយបាយ ក៏រំខានទៅដល់ដំណើរការសេដ្ឋកិច្ច ដែលធ្វើឱ្យតម្លៃមាសកើនឡើង។

គិតត្រឹមម៉ោង ៨៖០០ ព្រឹកថ្ងៃទី ២៥ ខែកញ្ញា ឆ្នាំ ២០២៥ តម្លៃមាសកំពុងជួញដូរ ៤ ៥២០ ដុល្លារ ក្នុងមួយតម្លឹង។ សម្រាប់ហាងឆេងមាសក្នុងស្រុក នៅតាមបណ្ដាហារនានានៅក្នុងរាជធានីភ្នំពេញ លក់ចេញ ក្នុងតម្លៃ ៤៥២ ដុល្លារ ក្នុងមួយជី៕

អត្ថបទ៖ ឡេង ដេត