ព័ត៌មានជាតិ
ឱកាសអាហារូបករណ៍សិក្សា ១០ កន្លែង ទៅសិក្សានៅប្រទេសចិន
សម្រាប់សិស្សនិស្សិតដែលមានបំណងចង់ទៅបន្តការសិក្សានៅប្រទេសចិន ពេលនេះសាកលវិទ្យាល័យ DALI នៃសាធារណរដ្ឋប្រជាមានិតចិន នឹងមានការប្រឡងជ្រើសរើសសិស្សនិស្សិតអាហារូបករណ៍សម្រាប់ថ្នាក់បរិញ្ញាបត្រ នៅឆ្នាំសិក្សា ២០២២-២០២៣ ដោយចាប់ទទួលពាក្យចាប់ពីថ្ងៃជូនដំណឹងនេះរហូតដល់ថ្ងៃទី២៤ ខែវិច្ឆិកា ឆ្នាំ ២០២២ នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍។
បើយោងតាមការឱ្យដឹងរបស់ក្រសួងអប់រំ យុវជន និងកីឡា សាកលវិទ្យាល័យ DALI នៃសាធារណរដ្ឋប្រជាមានិតចិន នឹងផ្តល់អាហារូបករណ៍ថ្នាក់បរិញ្ញាបត្រចំនួន ១០កន្លែង ដល់និស្សិតកម្ពុជា ដើម្បីទៅបន្តការសិក្សានៅសាធារណរដ្ឋប្រជាមានិតចិនសម្រាប់ឆ្នាំសិក្សា២០២២-២០២៣។ សម្រាប់សោហ៊ុយធ្វើដំណើរ ទៅ-មក ជាបន្ទុករបស់សាមីជន ចំណែកឯការចំណាយផ្សេងៗរួមមាន ការស្នាក់នៅ ការសិក្សា និងប្រាក់អាហារូបករណ៍ប្រចាំខែ (៨០០យ័ន) ជាបន្ទុករបស់សាកលវិទ្យាល័យ DALI ។
មុខជំនាញនិងលក្ខខណ្ឌនានាដែលសាលាតម្រូវឱ្យរួមមាន៖
I. មុខជំនាញសិក្សា
មានច្រើនមុខជំនាញសិក្សា ដែលនិស្សិតអាចជ្រើសរើសបាននៅពេលរៀនចប់ភាសាចិនដោយជោគជ័យ
II. លក្ខខណ្ឌនៃការចុះឈ្មោះជាបេក្ខជន
បេក្ខជនទាំងពីរភេទត្រូវ៖
-មានសញ្ជាតិខ្មែរ
-មានសញ្ញាប័ត្រមធ្យមសិក្សាសិក្សា ទុតិយភូមិ ឬសញ្ញាប័ត្រមានតម្លៃសមមូល
-មានអាយុមិនលើសពី ២៥ឆ្នាំ
-មានសុខភាពមាំមួនល្អបរិបូណ៌ទាំងកាយសម្បទា និងសតិបញ្ញា។
III. កាលបរិច្ឆេទ និងទីកន្លែងទទួលពាក្យ
ការចែក និងទទួលពាក្យ នឹងប្រព្រឹត្តទៅចាប់ពីថ្ងៃផ្សាយដំណឹងនេះ រហូតដល់ ថ្ងៃទី២៤ ខែវិច្ឆិកា ឆ្នាំ ២០២២ វេលាម៉ោង ១៦:០០ នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានស្ថិតនៅអគារលេខ២៣ ផ្លូវ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ (ខាងកើតស្ថានីយទូរទស្សន៍អប្សរា ប្រហែល ៥០ ម៉ែត្រ)។
IV. កាលបរិច្ឆេទនៃការប្រឡង
ប្រឡងនៅថ្ងៃទី២៧ ខែវិច្ឆិកា ឆ្នាំ២០២២ តែចំពោះមណ្ឌល ប្រឡង នឹងជម្រាបជូននៅពេលក្រោយ៕
ដោយ៖ ថារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង