វប្បធម៌ ជំនឿ
ស្វែងយល់រូបគំនូរសេះតាមក្បួនហុងស៊ុយ លើករាសីមនុស្សឲ្យជោគជ័យ
សេះគឺជានិមិត្តរូបនៃថាមពល អំណាច ជ័យជម្នះ និងកម្លាំង។ គេនិយមដាក់សេះហុងស៊ុយជារូបថត រូបចម្លាក់ ដែលតាំងនៅផ្ទះឬការិយាល័យ តំណាងឲ្យភាពជោគជ័យនៅក្នុងការខិតខំផ្សេងៗ។
១. តើសេះតំណាងអ្វី?
សេះតំណាងឲ្យល្បឿនថាមពលកម្លាំងជោគជ័យ ជ័យជម្នះ កិត្តិនាម ការអត់ធ្មត់ ភាពខ្លាំង។ អ្វីដែលសេះនាំមកហុងស៊ុយដល់ជីវិត គឺភាពរុងរឿង ចលនាឬភាពចល័ត ការលើកកម្ពស់ ការរីកចម្រើន ភាពស្មោះត្រង់ ភាពរឹងប៉ឹង និងភាពជោគជ័យជាដើម។ រូបគំនូរសេះក៏ដូចជាចំនួនសេះដែលបានបង្ហាញ ក៏មានអត្ថន័យជានិមិត្តរូបផងដែរ។
សេះដែលមានចលនា អាចជួយឱ្យយើងទទួលបានការផ្ដោតអារម្មណ៍និងដឹកនាំយើងឆ្ពោះទៅរកភាពជោគជ័យ។ សេះទាំងអស់ ត្រូវបានផ្សារភ្ជាប់ជាមួយនឹងធាតុភ្លើង ក៏ដូចជាថាមពលនៃភាពខ្លាំងដូចបុរស។
២. ស្វែងយល់ពីពណ៌របស់សេះ
រូបភាពឬរូបចម្លាក់ពណ៌របស់សេះនៅការិយាល័យរបស់អ្នក អាចពង្រឹងសិទ្ធិអំណាចនិងនាំមកនូវសុឆន្ទៈ។ ហើយសេះនីមួយៗក៏មានក្បួនតំណាងទៅតាមពណ៌របស់វាដែរ។
– សេះក្រហម តំណាងឱ្យថាមពលដូចបុរស ហើយឥទ្ធិពលរបស់វាធ្វើឱ្យអាជីវកម្មរបស់អ្នកមានភាពរឹងមាំ ដោយលំហូរនៃការបញ្ជាទិញ កើនឡើង ចំណែកការងារនៅស្ថិតស្ថេរ វានឹងបង្កើនលំហូរសាច់ប្រាក់កេរ្តិ៍ឈ្មោះនិងកិត្តិនាមដល់អ្នកដែលដាក់តាំងវត្ថុទាំងនេះ។
– សេះស តំណាងឱ្យធាតុខ្យល់ បង្កើនលំហូរប្រាក់ល្អប្រសើរនិងរលូនទៅមុខ។ វាជួយលុបបំបាត់ឧបសគ្គទាក់ទងនឹងបញ្ហាហិរញ្ញវត្ថុ ព្រោះពណ៌សតំណាងឱ្យភាពសុខដុមនិងស្ថិរភាព។
– សេះជាក្រុម រត់ឬលោតជាមួយគ្នា គឺបង្ហាញពីភាពជាដៃគូគ្រួសារឬកម្លាំងរួមគ្នា។ សេះលោតដែលមាននិមិត្តសញ្ញាបោះត្រាខាងស្កាំនៃកន្ទុយ ដែលតាំងនៅលើតុរបស់អ្នក គឺបង្ហាញពីភាពជោគជ័យ។
– អ្វីដែលត្រូវចៀសវាងក្នុងកំឡុងពេលដាក់សេះ
ចៀសវាងដាក់គំនូរឬចម្លាក់សេះដែលក្រៀមក្រំ ខឹង ឬឈ្លោះគ្នា។ សេះទាំងនេះអាចបង្កើតឱ្យមានទំនាស់ក្នុងចំណោមសមាជិកគ្រួសារ ឬសហការីក្នុងអាជីវកម្ម។ អ្នកគួរតែតាំងរូបសេះដែលរីករាយ អាចធ្វើឲ្យលោកអ្នកមានអារម្មណ៍ល្អ ព្រមទាំងទិសដៅវិជ្ជមានជានិច្ច។
– កុំដាក់និមិត្តសញ្ញាសេះដែលមិនពេញរូបរាង
ចៀសវាងរូបភាពសេះដែលមិនពេញរូបរាង ឬអរូបីបែបចម្រៀកៗដាច់គ្នា។ រូបភាពទាំងនេះអាចជំរុញឱ្យមានអារម្មណ៍ច្របូកច្របល់ ខ្វះការគ្រប់គ្រងឬខូចទ្រង់ទ្រាយ។
– កុំដាក់សេះនៅទីរាបឬដាក់បែរមុខទៅខ្លោងទ្វារ
ចៀសវាងការដាក់សេះនៅក្នុងតំបន់ដែលមានធាតុឈើ នាំបង្កឱ្យមានជម្លោះក្នុងគ្រួសារឬក្រុម។ មួយទៀតនៅក្នុងបន្ទប់គេងក៏មិនត្រូវដាក់ដូចគ្នា ព្រោះសកម្មភាពថាមពលនិងកម្លាំងខ្លាំងក្លារបស់សេះ ជាពិសេសអ្នកដែលមានចលនា អាចនាំថាមពលសកម្មដល់បន្ទប់គេង ដូច្នេះជាហេតុធ្វើឱ្យកង្វះការសម្រាកនិងការលំហែ។ នៅក្នុងបន្ទប់ទឹកនិងផ្ទះបាយ ក៏គួរចៀសវាងដែរ៕
អត្ថបទ ៖ សាង ស្រីល័ក្ខ
ចុចអាន៖ ជំនឿចាស់ៗគួរឱ្យចាប់អារម្មណ៍ខ្លាំំង ទីមួយត្រូវប្រើរបស់ថ្មីនៅថ្ងៃសុក្រ ព្រោះអាច….
-
ព័ត៌មានជាតិ៤ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៣ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៤ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៦ ថ្ងៃ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group
-
ព័ត៌មានជាតិ៣ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ៥ ថ្ងៃ ago
ក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន