ហេតុអ្វីពេលខ្លះ ក្រោក​ពីគេងមិនចងចាំសុបិនសោះ?
Connect with us
Helistar Cambodia - Helicopter Charter Services

ជំនឿ

ហេតុអ្វីពេលខ្លះ ក្រោក​ពីគេងមិនចងចាំសុបិនសោះ?

Published

on

លោក Lambert  អ្នក​ស្រាវជ្រាវ​សុខភាព​បានឲ្យដឹងថា​ ប្រសិន​បើ​នរណា​ម្នាក់​គេង​មិន​គ្រប់គ្រាន់ ​បរិមាណ​នៃ​ការ​គេង​ដែល​ពួកគេ​ជួប​នឹង​ធ្លាក់​ចុះ​ដែល​ធ្វើ​ឱ្យ​ពួកគេ​ពិបាក​ចងចាំ​នូវ​សុបិន​នៅ​ថ្ងៃ​បន្ទាប់។

កត្តា​ផ្សេង​ទៀត​ដូចជា​ស្ត្រេស​ ឬ​ការ​ប៉ះ​ទង្គិច​ផ្លូវ​ចិត្ត​ ក៏​អាច​បណ្ដាល​ឱ្យ​មនុស្ស​មាន​សុបិន​អាក្រក់ ​ដែល​ធ្វើ​ឲ្យ​ពួកគេ​មិន​ចង់ចង​ចាំ​នៅ​ថ្ងៃ​បន្ទាប់ដែរ។ ឧទាហរណ៍​មនុស្ស​ម្នាក់​ដែល​មាន​ទុក្ខ​ព្រួយ​ បន្ទាប់ពី​បាត់បង់​មនុស្ស​ជា​ទី​ស្រឡាញ់​ ក៏​អាច​សុបិន​អំពី​ការ​ស្លាប់ ​និង​ចងចាំ​នៅ​រឿង​អាក្រក់ៗ​ដូចគ្នា។ ដូច្នេះការ​ចងចាំ​សុបិន​នៅ​ថ្ងៃ​បន្ទាប់​ អាច​ប៉ះពាល់​ដល់​អារម្មណ៍​និង​បណ្ដាល​ឱ្យ​មាន​ភាព​តានតឹង​ឬ​ការ​ថប់​បារម្ភ​កាន់​តែ​ខ្លាំង ​ទើបពួកគេ​មិនចង់ចងចាំ​វាឡើយ។

លោក Andrillon មានប្រសាសន៍ថា “អំឡុង​ពេល​នៃ​ដំណេក​ទិន្នន័យ​មួយចំនួនបានបញ្ជូន​ព័ត៌មាន​ទៅ​ក្នុង​ខួរក្បាល​ ប៉ុន្តែ​ខួរក្បាលមិន​ទទួល​បាននោះទេ។ លុះនៅ​ពេល​ភ្ញាក់​ដឹង​ខ្លួន ​ខួរក្បាល​ប្រហែល​ជា​ត្រូវ​ការ​ពេល​វេលា​យ៉ាងតិច ២ នាទី ​ដើម្បី​ចាប់ផ្ដើម​បង្កើត​​សមត្ថភាព​នៃ​ការ​ចងចាំនោះឡើង។”

នៅ​ក្នុង​ការ​សិក្សា​ឆ្នាំ ២០១៧ ដែល​បាន​ចុះផ្សាយ​នៅ​ក្នុង​ទស្សនាវដ្ដី Frontiers in Human Neuroscience ក្រុម​អ្នក​ស្រាវជ្រាវ​នៅ​ប្រទេស​បារាំង​បាន​តាមដាន​លំនាំ​ដំណេក​របស់​មនុស្ស ១៨ នាក់ ​ដែល​រាយការណ៍​ពី​ការ​ចងចាំ​សុបិន​របស់​ពួកគេ​តែ​រាល់ថ្ងៃ​។

ក្រុម​នេះ​បាន​រក​ឃើញ​ថា​ ក្រុម​ដែលចងចាំ​​សុបិន ជាក្រុមដែលបាន​ភ្ញាក់​​ពី​ដំណេក​ញឹកញាប់​នៅ​ពេល​យប់។ ការ​ភ្ញាក់​ពី​កណ្ដាល​យប់​មាន​រយៈពេល​ជា​មធ្យម ២ នាទីអាចធ្វើឲ្យពួកគេ​ប្រមូល​មកការចងចាំនៅ​សុបិន​ឡើងមកបាននៅពេលព្រឹក។

ប៉ុន្តែ​អ្នក​ខ្លះ​បាន​លើក​ឡើង​ថា បញ្ហា​​ប្រព័ន្ធ​សរសៃ​ប្រសាទ​មនុស្សម្នាក់ៗ ក៏អាច​ជា​ហេតុផល​ដែល​បណ្ដាលឲ្យភ្លេច​សុបិន​៕

ប្រែសម្រួល ៖ សាង ស្រីល័ក្ខ

ចុចអាន៖ អត្ថន័យ​ក្នុង​សុបិន ​៦យ៉ាង​បញ្ជាក់​ហេតុការណ៍​ក្នុង​ជីវិត​ពិត​ ដែល​អ្នក​មិន​គួរ​ព្រងើយ​កន្តើយ

ចុចអាន៖ រឿង​អស្ចារ្យ​ទាំង ៧ ដែល​យើង​មិន​ធ្លាប់​បាន​ដឹង​ពី​សុបិន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services