Connect with us

សេដ្ឋកិច្ច

មន្ត្រីអះអាងថា ការផ្គត់ផ្គង់តម្រូវការសត្វជ្រូក សម្រាប់បុណ្យចូល​ឆ្នាំ​ចិន ពុំមានការខ្វះខាតនោះទេ

បានផុស

នៅ

មន្ត្រីជាន់ខ្ពស់ នៃអគ្គនាយកដ្ឋានសុខភាពសត្វ និងផលិតកម្ម បានអះអាងថា ក្នុងឱកាសបុណ្យចូលឆ្នាំចិន នាពេលខាងមុខនេះ ការផ្គត់ផ្គង់តម្រូវការសត្វជ្រូករស់ សម្រាប់យកទៅលក់នៅលើទីផ្សារ នឹងមិនមានការខ្វះខាតនោះទេ ហើយតម្លៃ ក៏មិនឡើងថ្លៃពេកដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងនេះ បន្ទាប់ពីមានការមជ្ឈដ្ឋានខ្លះ បានលើកឡើងអំពីការព្រួយបារម្ភ ចំពោះការផ្គត់ផ្គង់សត្វជ្រូក ក្នុងពេលប៉ុន្មានសប្ដាហ៍ខាងមុខនេះ ជាពិសេសអំឡុងពេល នៃពិធីបុណ្យចូលឆ្នាំចិនតែម្ដង។

លោក តាន់ ផាន់ណារ៉ា អគ្គនាយក នៃអគ្គនាយកដ្ឋានសុខភាពសត្វ និងផលិតកម្ម នៃក្រសួងកសិកម្ម រុក្ខាប្រមាញ់ និងនេសាទេ មានប្រសាសន៍ប្រាប់កម្ពុជាថ្មី នៅល្ងាចថ្ងៃទី ១៨ ខែមករានេះថា ការផ្គត់ផ្គង់តម្រូវការសត្វជ្រូករស់ ដើម្បីយកទៅលក់នៅលើទីផ្សារ សម្រាប់បុណ្យចូល​ឆ្នាំ​ចិននាពេលខាងមុខនេះ​ ពុំមានការខ្វះខាតនោះទេ ដោយសារតែអគ្គនាយកដ្ឋានសុខភាពសត្វ និងផលិតកម្ម បានធ្វើការងារយ៉ាងជិតស្និទ្ធ ជាមួយសមាគមអ្នកចិញ្ចឹមសត្វ ក៏ដូចជាអ្នកនាំចូល​ផងដែរ។

ពាក់ព័ន្ធនឹងតម្លៃសាច់ជ្រូក សម្រាប់ឱកាសបុណ្យចូលឆ្នាំចិន នាពេលខាងមុខនេះ នឹងមិនមានការឡើងថ្លៃខ្លាំង នោះដែរ។ លោក តាន់ ផាន់ណារ៉ា បានអះអាថា «ខ្ញុំគិតថា តម្លៃមិនឡើងប៉ុន្មានទេ ព្រោះយើងបានធ្វើការជាមួយគ្នា និយាយឲ្យចំទៅអនុសាសន៍ណែនាំ របស់ឯកឧត្ដមរដ្ឋមន្ត្រី យើងធ្វើការដើម្បីកសិករ ហើយក៏ដើម្បីអ្នកបរិភោគដែរ អញ្ចឹងយើងធ្វើការងារយ៉ាងជិតស្និទ្ធ ជាមួយសមាគម ជាមួយអ្នកិចិញ្ចឹមសត្វ អញ្ចឹងមិនមានអ្វី ដែលឡើងខុសប្រក្រតីទេ»។

អគ្គនាយក នៃអគ្គនាយកដ្ឋានសុខភាពសត្វ និងផលិតកម្ម បានឲ្យដឹងបន្ថែមថា បច្ចុប្បន្ននេះ តម្លៃជ្រូករស់ក្នុង ១គីឡូក្រាមតម្លៃលើស ១០,០០០រៀលបន្តិចបន្តួច ទៅតាមកន្លែងផ្សេងៗគ្នា។ យ៉ាងណាក៏ដោយលោក តាន់ ផាន់ណារ៉ា បានគូសបញ្ជាក់ថា រយៈពេល ២ខែមកហើយ ដែលពុំមានការនាំចូលសត្វជ្រូករស់មកពីប្រទេសជិតខាង តែលោកថាមិនមែនជាការបិទការនាំចូល នោះទេ។  

មន្ត្រីរូបនេះ បានបញ្ជាក់ដូច្នេះថា «យើងអត់បិទទេ កុំយល់ច្រឡំពាក្យនិយាយតៗគ្នា ថា បិទនេះ វាមិនមែនបិទទេ អានេះគឺជាការងារ ដែលសមាគមចិញ្ចឹមសត្វ ខ្ញុំ អគ្គនាយកដ្ឋាន ហើយនិងអ្នកនាំចូល យើង​ធ្វើការជាមួយគ្នា អញ្ចឹងយើងពិភាក្សាគ្នាទៅយើងឃើញថា ការផ្គត់ផ្គង់របស់យើងហ្នឹង វាគ្រប់គ្រាន់ហើយ អញ្ចឹងយើងអត់នាំចូល ចឹងបានក្រុមនាំចូល គាត់អត់នាំចូល ប៉ុន្តែយើងអត់មាននិយាយជាមួយប្រទេសគេ ថាយើងបិទ យើងអីទេ កុំយល់ច្រឡំរឿងហ្នឹង»៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៣ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៣ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៤ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៤ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម